Министр иностранных дел Узбекистана Абдулазиз Камилов

Вазир Камилов терроризмга қарши кураш бўйича халқаро конференцияда қатнашади

91
Ўзбекистон делегацияси Тожикистонда бўлиши чоғида қатор икки томонлама учрашувлар ҳам ўтказади

ТОШКЕНТ, 3 май — Sputnik. Ўзбекистон Ташқи ишлар вазири Абдулазиз Камилов Душанбе шаҳрида бўлиб ўтадиган терроризмга қарши кураш бўйича юқори даражали халқаро конференцияда иштирок этади. Бу ҳақда чоршанба куни Ўзбекистон ТИВ матбуот-хизмати хабар қилди.

"Ўзбекистон Республикаси Ташқи ишлар вазири Абдулазиз Камилов бошчилигидаги делегация 2018-йил 3-4-май кунлари Душанбе шаҳрида бўлиб ўтадиган "Терроризм ва радикализмга қарши кураш" юқори даражали халқаро конференцияда иштирок этади", — дейилади хабарда.

Матбуот-хизмати хабарига кўра, Ўзбекистон делегацияси Тожикистонда бўлиши чоғида шунингдек, қатор икки томонлама учрашувлар ҳам ўтказади.

Илгарироқ конференция ишида Тожикистон ҳукумати вакиллари, БМТнинг олий даражадаги вакиллари, дипломатик корпуслар ва фуқаролик жамияти ташкилотлари, тадқиқот ва илмий муассасалар, минтақавий ва халқаро ташкилотлар вакиллари қатнашишлари тўғрисида хабар берилган эди.

91
Теглар:
халқаро конференция, Душанбе, Камилов
Министр иностранных дел Узбекистана Абдулазиз Камилов

Камилов Қирғизистон президенти билан учрашди

211
(Янгиланган 14:00 27.02.2021)
Бўлиб ўтган суҳбат чоғида томонлар сиёсий, савдо-иқтисодий, маданий-гуманитар ва бошқа соҳалардаги икки томонлама муносабатларнинг ривожи ҳақида фикр алмашдилар.

ТОШКЕНТ, 27 фев - Sputnik. Бугун, 27-феврал куни Бишкек шаҳрига амалий ташриф билан келган Ўзбекистон Ташқи ишлар вазири Абдулазиз Камилов Қирғиз Республикаси президенти Садир Жапаров томонидан қабул қилинди. Бу ҳақда ТИВ матбуот-хизмати хабар бермоқда.

Вазир Ўзбекистон президенти Шавкат Мирзиёевнинг Қирғиз Республикаси президенти Садир Жапаровга йўллаган мактубини топширди.

Бўлиб ўтган суҳбат чоғида томонлар сиёсий, савдо-иқтисодий, маданий-гуманитар ва бошқа соҳалардаги икки томонлама муносабатларнинг ривожи ҳақида фикр алмашдилар.

Марказий Осиёда сўнгги йилларда шаклланган хавфсизлик, барқарорлик ва яхши қўшничилик муҳитини янада мустаҳкамлаш масалалари кўриб чиқилди.

Қайд этилганидек, бугун денгиз портларига ва янги ташқи бозорларга энг қисқа йўл очадиган транспорт йўлаклари тизимини шакллантириш учун кенг имкониятлар яратилмоқдаки, бу, ўз навбатида, минтақалараро савдо-сотиқнинг жадаллашуви, транзит юк ташувларини орттириш, хом-ашё, асбоб-ускуналар ва тайёр маҳсулотларни ташиш нархининг пасайишига хизмат қилади.

Учрашувда томонларни қизиқтирган бошқа масалалар ҳам муҳокама қилинди.

211
Представитель Узбекистана при ЕАЭС Шухрат Шукуров (слева) и председатель Коллегии ЕЭК Михаил Мясникович

Мясникович ЕОИИдаги Ўзбекистон вакилига муваффақиятлар тилади

432
(Янгиланган 19:28 26.02.2021)
Бугун Шуҳрат Шукуровни Евроосиё иқтисодий комиссияси (ЕИК) ҳайъат раиси Михаил Мясниковичга таништирди.

ТОШКЕНТ, 25 фев — Sputnik. Ўзбекистоннинг Россиядаги элчиси Ботиржон Асадов республиканинг ЕОИИдаги вакили Шуҳрат Шукуровни Евроосиё иқтисодий комиссияси (ЕИК) ҳайъат раиси Михаил Мясниковичга таништирди. "Дунё" АА хабарига асосан.

Учрашув жума куни ЕИК биносида бўлиб ўтди.

"ЕИК ҳайъат раисига Ўзбекистон Республикаси бош вазири Абдулла Ариповдан комиссия таркибига Ўзбекистон Республикасининг вакилини тайинлаш тўғрисида мактуб тақдим этилди", - дейилган хабарда.

Мясникович Шуҳрат Шукуровга янги масъулиятли лавозимда муваффақиятлар тилади.

Бундан ташқари, Шукуров ЕИКнинг интеграция ва макроиқтисодиёт вазири Сергей Глазьев ва савдо вазири Андрей Слепнев билан таништирилди.

2020 йил 11 декабрдан бошлаб Ўзбекистон Евроосиё иқтисодий иттифоқида кузатувчи-давлат мақомини олди.

Куни кеча, Шуҳрат Шукуров Ўзбекистоннинг Евроосиё Иқтисодий Иттифоқидаги вакили этиб тайинлангани маълум бўлди. Шу кунга қадар у Макроиқтисодий изланишлар ва прогноз институти директори ўринбосари лавозимида ишлаб келган. У Москва иқтисодий-статистика институтини ва Ўзбекистон давлат ва жамият қурилиши академиясидаги Олий бизнес мактабини тугатган. Ўзбекистон иқтисодий мажмуасида 30 йиллик меҳнат тажрибасига эга.

432
Теглар:
ЕОИИ, Ўзбекистон, Россия
Мавзу:
Ўзбекистон ва ЕОИИ – интеграция истиқболлари
Мавзу бўйича
ЕОИИ: Қирғизистон мигрантлар учун чегараларни очишни таклиф қилди
Малкина: Ўзбекистон ва ЕОИИ "йўл харитаси"ни июль ойига қадар имзолайди, деб умид қиламиз
ЕОИИ Ғарб санкцияларига биргаликда жавоб беради
Экспертлар Ўзбекистон қай тарзда ЖСТга аъзо бўлишини айтишди — бунда ЕОИИ ёрдам беради

Бутина америка турмаларидаги қийноқлар ҳақида гапирди

657
(Янгиланган 18:07 27.02.2021)
Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

ТОШКЕНТ, 27 фев — Sputnik. Америка қамоқхонасидан озод қилинган россиялик, жамоатчилик палатаси аъзоси Мария Бутина "НТВ" учун суратга олинган фильмда америка турмасида бошидан кечирганлари ҳақида сўзлади.

"Рўй берган воқеаларни холокостга қиёслаш мумкин, ахир бу миллатингиз туфайли таъқиб эди-да. Ҳозир эса россиялик ватандошларимизни ҳам худди шундай миллати ва фуқаролиги учун таъқиб қилишмоқда", - деди у.

Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

"Тунда ҳар 15 дақиқада светни ёқишиб: "Are you окay?" (Яхшимисан?) деб сўрашади. То уларга жавоб бермагунингга қадар сени уйғотаверишади", - деди Бутина.

Бундан ташқари, Бутинани аллақандай препаратлар қабул қилишга мажбур этмоқчи бўлишган.

"Улар одамни урмайди, шунчаки руҳан қийнашади, психотроп препаратлар ичишга мажбур этишади, чунки улар таъсирида тергов қилиш осонроқ", - дейди Мария.

Бутинанинг айтишича, кунига беш маҳалдан назоратчилар унинг камерасига келиб, контрабанда борлиги гумони остида уни яланғоч қилиб ечинтиришган.

Россияликнинг сўзларига кўра, камерада деярли ҳеч қачон свет ўчирилмаган. Боз устига, назоратчилар ҳамиша баланд чийилдоқ овоз чиқишини таъминлаб берганлар.

"Яъни улар ҳамиша шу чийилдоқ овоз билан ҳам мўртлашиб қолган руҳиятингизга таъсир ўтказишади. Иродангизни тамомила синдиришади", - деб хотима қилди Бутина.

Бутина 2018 йилнинг июлида қўлга олинган ва "ноқонуний чет эл агенти бўлиш мақсадида тил бириктирув" айблови билан 18 ойга қамалган. 2019 йилнинг октябрида Бутина озодликка чиқарилган ва Россияга депорт қилинган эди.

657