Пань Давэй, директор Центра исследований России и стран Центральной Азии при ШАОН

"Ит ҳурар, карвон ўтар": Ўзбекистон ва Хитой муносабатлари мустаҳкам, деди эксперт

2629
(Янгиланган 11:34 16.05.2018)
Ўзбекистон ва Хитой ўртасидаги алоқалар кеча вужудга келган эмас. Икки халқни дўстлик алоқалари икки минг йил аввал Буюк Ипак йўли чамбарчас боғлаган. Хитой Ўзбекистонни Марказий Осиёдаги муҳим давлат деб ҳисоблайди, деди Шанхай ижтимоий фанлар академияси қошидаги Россия ва Марказий Осиё мамлакатларини тадқиқ қилиш маркази раҳбари

ТОШКЕНТ, 15 май — Sputnik, Дилшода Раҳматова. Икки мамлакат ўртасидаги муносабатлар ўзининг яқинлиги, барқарорлиги ва ишчанлиги билан ажралиб туради, деди Шанхай ижтимоий фанлар академияси қошидаги Россия ва Марказий Осиё мамлакатларини тадқиқ қилиш маркази раҳбари Пань Давей Тошкентда бўлиб ўтган Ўзбекистон ва Хитой: "Бир камар, бир йўл" ташаббусини ҳамкорликда амалга ошириш истиқболлари" мавзусидаги халқаро конференцияда сўзлаган нутқида.

"Дунёда алоҳида шахслар борки, улар Ўзбекистон ва Хитой муносабатлари, бизнинг муносабатларимизни қоралашни хоҳлайди. Бу ҳамиша шундай бўлган. Биз эса ўзимизга керак бўлган, зарур ишларни қилишимиз лозим. Ўзбек мақоли бор-ку: "Ит ҳурар карвон ўтар" деган. Бизнинг ишимиз фақат олдинга қадам қўймоқда", — деди Пань Давей Ўзбекистон ва Хитой ўртасидаги муносабатларга баҳо берар экан.

Эксперт шунингдек, Ўзбекистон ва Хитой ўртасидаги алоқалар кеча вужудга келмаганини, икки халқни дўстлик алоқалари икки минг йил аввал Буюк Ипак йўли чамбарчас боғлаганини айтди.

"Хитой Ўзбекистонни Марказий Осиёдаги муҳим давлат деб ҳисоблайди", — деди у.

Пань Давей шунингдек, Ўзбекистон ўз мустақиллигини эълон қилгач, Хитой биринчилардан бўлиб унинг мустақиллигини тан олгани ва 1992 йилда икки мамлакат ўртасида дипломатик муносабатлар ўрнатилганини эсга олди.

"Ҳозир эса дунё тараққиётнинг янги босқичида турибди. Бунда халқаро муносабатлар чуқур қайта ўзгаришларга дуч келмоқда. Бир томондан иқтисодий глобализация, ахборотлаштириш ўсишини ва маданий хилма-хилликни кузатаётган бўлсак, иккинчи томондан реаллик бизга рўбаро турган чақириқлар, қатор жиддий ва ўз ечимини топмаган муаммоларга тўла", — деди эксперт ва "бу чуқур ўзгаришларни халқаро саҳнада қандай енгиб ўтамиз, бу чақириқларга жавоб қайтарамиз", дея ваъда берди.

2629
Теглар:
Ўзбекистон, Хитой
Президент Узбекистана Шавкат Мирзиёев на совместном заседании Законодательной палаты и Сената Олий Мажлиса.

"Қийинчиликлар ўтиб кетади": Мирзиёев Ўзбекистон халқини Рамазон ҳайити билан табриклади

487
(Янгиланган 21:34 23.05.2020)
Президент ўз табригида "бугунги қийинчиликлар албатта ўтиб кетади, ҳали қанча хурсандчилик кунлар, байрам ва ҳайитларни барчамиз биргаликда нишонлаймиз, деб ишонаман", дея таъкидлаган.

ТОШКЕНТ, 23 май - Sputnik. Ўзбекистон президенти Шавкат Мирзиёев мамлакат аҳолисини Рамазон ҳайити билан табриклади. Табрик матни давлат раҳбари расмий сайтида эълон қилинган.

Рамазони шариф эзгулик, хайру саховат ва меҳр-оқибат ойи сифатида эл-юртимизнинг ижтимоий-маънавий ҳаётида азал-азалдан алоҳида ўрин эгаллаб келади.

"Мард ва матонатли халқимиз коронавирус пандемияси, бошимизга тушган турли синовлар ва табиий офатлар шароитида “Оллоҳ сабр-тоқатли инсонлар билан биргадир”, деган илоҳий ўгитга амал қилиб, тушкунликка берилмасдан, янада аҳил
ва бирдам бўлиб, инсонпарварлик, ҳамжиҳатликнинг юксак нумунасини кўрсатганини жаҳон ҳамжамияти эътироф этмоқда.
Бу билан ҳар қанча фахрлансак, арзийди. Асрлар давомида халқимиз онгида бағрикенглик, меҳр-мурувват, катталарга ҳурмат, кичикларга иззат, мустаҳкам ирода каби ибратли фазилатларни шакллантиришда табаррук Рамазон ойига хос қадриятларнинг ўрни ва таъсири албатта беқиёсдир. 

Бу йил карантин туфайли Рамазон амаллари ва ибодатларини адо этишда юзага келган маълум қийинчиликларни тўғри тушуниб, бу масалага оқилона ёндашган, айни вақтда “Саховат ва кўмак” умумхалқ ҳаракатида фаол иштирок этаётган ҳиммати баланд тадбиркорларимиз ва фермерларимизга, турли касб эгалари бўлган кексаю ёш барча ватандошларимизга шу улуғ айём кунларида яна бир бор чуқур миннатдорчилик билдираман", - деган президент.

Давлат раҳбари ўз табригида бутун дунё аҳли каби Ўзбекистон аҳолиси ҳам коронавирус пандемияси билан боғлиқ мушкул вазиятни бошидан ўтказаётганини эслатиб ўтган.

"...ҳар қадай ташвиш ортида енгиллик ва ёруғлик борлигини коронавирус касаллигидан соғайиб чиқаётган, табиий офатлар туфайли уй-жойидан айрилган, лекин давлатимиз ва эл-юртимзнинг катта ёрдами ва кўмаги билан ўз ҳаётини янгитдан йўлга қўйиб олаётган минглаб ватандошларимиз қалбдан ҳис этмоқдалар. Шу маънода, бугунги қийинчиликлар албатта ўтиб кетади, ҳали қанча хурсандчилик кунлар, байрам ва ҳайитларни барчамиз биргаликда нишонлаймиз, деб ишонаман", - дея ишонч билдирган Мирзиёев ва ҳар қандай машаққатни меҳнат ва матонат, сабру чидам билан мардона енгиб ўтган олижаноб Ўзбекистон халқи бу синовлардан янада кучли ва қудратли бўлиб чиқади, дея қўшимча қилган.

Ана шундай қатъий ишонч ва кўтаринки кайфият билан бугунги кунда юртимизни тараққий эттириш йўлида даврнинг ўзи талаб этаётган, биз бошлаган кенг кўламли ислоҳот ва ўзгаришларни бир ёқадан бош чиқариб, изчил амалга ошириб, олдимизга қўйган улкан марраларга албатта эришамиз, деган президент.

Мирзиёев шунингдек, жаҳондаги барча мўмин-мусулмонларни ҳам Ўзбекистон халқи номидан самимий қутлаб, уларга тинчлик-осойишталик, файзу барака ва фаровон ҳаёт тилаган.

487
Флаг Пакистана

Мирзиёев Покистон президентига таъзия мактубини йўллади

277
Покистонда Карачи аэропорти яқинида юз берган авиаҳалокат оқибатида 97 киши қурбон бўлди. Самолёт уйларнинг устига қулаган, жабрларганлар бор.

ТОШКЕНТ, 23 май - Sputnik. Ўзбекистон президенти Шавкат Мирзиёев Карачи шаҳрида рўй берган авиаҳалокат муносабати билан Покистон Ислом Республикаси президенти Ориф Алви ва бош вазири Имрон Хонга таъзия мактубини йўллади.

Бу ҳақда президент матбуот-хизмати хабар бермоқда

Мирзиёев Покистон халқига, марҳумларнинг оила аъзолари ва яқинларига чуқур ҳамдардлик билдирган.

Эслатиб ўтамиз, Покистонда Карачи аэропорти яқинида Airbus A-320 самолётининг қулаши оқибатида 90 дан ортиқ одамлар қурбон бўлди.

РИА Новости ахборот агентлигининг Покистон Соғлиқни сақлаш вазирлигига таяниб берган хабарига кўра, бортда жами 99 киши бўлган. 91 нафар йўловчи ва саккиз нафар экипаж аъзолари. Шулардан 97 нафари ҳалок бўлган, икки киши омон қолган. Айни вақтгача 19 киши жасади идентификация қилинган.

Самолёт уйларнинг устига қулаган, жабрларганлар бор. Дастлабки маълумотларга кўра, 30 киши касалхоналарга олиб борилган.

Покистон бош вазири Имрон Хон самолёт қулаши бўйича тергов ишлари бошлаб юборилганини маълум қилган. Фуқаролик авиацияси бошқармаси маълумотларига кўра, борт ўзиёзар асбоблари топилган, улар расшифровка учун самолёт ишлаб чиқарувчиларига топширилиши айтилган.

277

Қорақалпоғистон ва Тошкент вилояти чегара божхона пости ходимида коронавирус аниқланди

36
Сўнгги соатларда Ўзбекистонда 16 кишида коронавирус тасдиқланди. Жумладан, икки нафар чегара божхона пости ходимларида, икки нафар украиналик ҳайдовчида аниқланди.

ТОШКЕНТ, 25 май — Sputnik. Ўзбекистонда коронавирус билан боғлиқ яна 16 янги ҳолат қайд этилди.

“2020 йил 25 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 3180 (+16) нафарни ташкил этмоқда”, - дейилади Соғлиқни сақлаш вазирлиги хабарида.

Янги касалланиш ҳолатларининг 4 таси Қорақалпоғистон Республикасида аниқланган. Улардан 3 таси хориждан келган халқаро юк ташувчи автомобил ҳайдовчилари (улардан 2 нафари украиналик), 1 таси чегара божхона пости ходимида аниқланган.

5 таси эса Самарқанд вилоятида аниқланган. Уларнинг 4 нафари касалликка чалинганлар билан мулоқотда бўлиб юқтирган. 1 таси эса аҳоли орасида аниқланган. Ҳозирда эпидемиологик суруштирув ишлари олиб борилмоқда.

Бундан ташқари, яна 1 та ҳолат Тошкент вилоятида чегара божхона пости ходимида аниқланган. Қолган 6 нафари Карантин марказидаги фуқаролар орасида қайд этилди.

Айни пайтда мамлакатда 2565 нафар коронавирусга чалинган фуқаролар бутунлай соғайган. Ҳозирда 602 нафар бемор даволанмоқда. 3 нафар беморнинг аҳволи оғир.

36
Мавзу:
COVID-19 умумжаҳон пандемияси