Министр иностранных дел России Сергей Лавров

Шпион можароси: Лавров ва Австрия ТИВ раҳбари музокара ўтказди

593
Австрия мудофаа вазири Марио Кунасекнинг айтишича, контрразведкага "дўстлик хизмати" иши бўйича маълумотлар бир неча ҳафта илгари келиб тушган. Журналистлар хабарига кўра, гап немис махсус хизмати ҳақида бормоқда

ТОШКЕНТ, 10 ноя - Sputnik. Жосуслик билан боғлиқ можародан сўнг Россия ТИВ раҳбари Сергей Лавров австралиялик ҳамкасби Карин Кнайсль билан телефон орқали Москва ва Вена муносабатларини муҳокама қилди, деб хабар қилмоқда РИА Новости.

Россия ташқи ишлар идораси таъкидига кўра, Австрия ТИВ раҳбари Вена юз берган вазиятда қарор қабул қилаётиб қандай сабабларга таянганилганини тушунтирган. Кнайсль шунингдек, охирги воқеалар Россия ва Австрия муносабатларига таъсир ўтказмаслигига умид билдирган.

Россия ТИВ раҳбари ўз навбатида халқаро мулоқот нормаларига тамомила зид бўлган "исботсиз айбловларни оммавий илгари суриш амалиётининг" мутлақо номақбуллигини таъкидлаган. Бундан ташқари, Лавров ўзаро ҳар қандай эътирозлари йўлга қўйилган алоқа каналлари ва фактлар асосида муҳокама қилиш зарурлигини қайд этган.

Илгарироқ Кнайсль Россияга ташрифни бекор қилган эди.

Можаро моҳияти

Жума куни Австрия ОАВлари истеъфодаги полковник йигирма йил давомида Россия фойдасига жосуслик қилганликда гумонланиб қўлга олингани ҳақида хабар берган эди.

Таъкидланишича, полковник австрия ҲҲК, артиллерия тизимлари, миграцияга оид инқирозлар тўғрисида маълумот тўплаши, шунингдек, юқори мартабали ҳарбийлар ҳақида батафсил маълумотлар йиғиши керак бўлган.

ОАВлар шунингдек, гумонланувчи Австрия Мудофаа вазирлигида фаолият юритгани ҳақида ҳикоя қилганлар.

Австрия прокуратураси хабарига кўра, ҳибсга олинган полковник давлат сирини ошкор этганликда гумонланмоқда.

Ҳуқуқни муҳофаза қилиш органи ходимлари сўзларига кўра, полковникка ўн йилгача қамоқ жазоси берилиши мумкин.

Австрия мудофаа вазири Марио Кунасекнинг айтишича, контрразведкага "дўстлик хизмати" иши бўйича маълумотлар бир неча ҳафта илгари келиб тушган. Журналистлар хабарига кўра, гап немис махсус хизмати ҳақида бормоқда.

Австрия канцлери Себастьян Курц Россиядан "транспарент маълумот" талаб қилган ва Вена ушбу ҳолатни европалик шериклар билан муҳокама қилиш ниятида эканлигини айтган.

Москва муносабати

Россия ТИВ жосуслик можароси фонида Россиядаги Австрия элчиси Йоханнес Айгнерни чақиртирган. Дипломатга норозилик нотаси топширилган.

Россия ТИВ Австрия мазкур ҳолатни йўлга қўйилган мулоқот каналлари орқали муҳокама қилмасликни афзал билганидан таажубда эканликларини билдиришди. Россия ТИВ истеъфодаги полковникнинг Россия фойдасига жосуслик қилишини ОАВ учун ёзилган хабар, дея таъкидлашди.

593
Президент Узбекистана Шавкат Мирзиёев на совместном заседании Законодательной палаты и Сената Олий Мажлиса.

"Қийинчиликлар ўтиб кетади": Мирзиёев Ўзбекистон халқини Рамазон ҳайити билан табриклади

453
(Янгиланган 21:34 23.05.2020)
Президент ўз табригида "бугунги қийинчиликлар албатта ўтиб кетади, ҳали қанча хурсандчилик кунлар, байрам ва ҳайитларни барчамиз биргаликда нишонлаймиз, деб ишонаман", дея таъкидлаган.

ТОШКЕНТ, 23 май - Sputnik. Ўзбекистон президенти Шавкат Мирзиёев мамлакат аҳолисини Рамазон ҳайити билан табриклади. Табрик матни давлат раҳбари расмий сайтида эълон қилинган.

Рамазони шариф эзгулик, хайру саховат ва меҳр-оқибат ойи сифатида эл-юртимизнинг ижтимоий-маънавий ҳаётида азал-азалдан алоҳида ўрин эгаллаб келади.

"Мард ва матонатли халқимиз коронавирус пандемияси, бошимизга тушган турли синовлар ва табиий офатлар шароитида “Оллоҳ сабр-тоқатли инсонлар билан биргадир”, деган илоҳий ўгитга амал қилиб, тушкунликка берилмасдан, янада аҳил
ва бирдам бўлиб, инсонпарварлик, ҳамжиҳатликнинг юксак нумунасини кўрсатганини жаҳон ҳамжамияти эътироф этмоқда.
Бу билан ҳар қанча фахрлансак, арзийди. Асрлар давомида халқимиз онгида бағрикенглик, меҳр-мурувват, катталарга ҳурмат, кичикларга иззат, мустаҳкам ирода каби ибратли фазилатларни шакллантиришда табаррук Рамазон ойига хос қадриятларнинг ўрни ва таъсири албатта беқиёсдир. 

Бу йил карантин туфайли Рамазон амаллари ва ибодатларини адо этишда юзага келган маълум қийинчиликларни тўғри тушуниб, бу масалага оқилона ёндашган, айни вақтда “Саховат ва кўмак” умумхалқ ҳаракатида фаол иштирок этаётган ҳиммати баланд тадбиркорларимиз ва фермерларимизга, турли касб эгалари бўлган кексаю ёш барча ватандошларимизга шу улуғ айём кунларида яна бир бор чуқур миннатдорчилик билдираман", - деган президент.

Давлат раҳбари ўз табригида бутун дунё аҳли каби Ўзбекистон аҳолиси ҳам коронавирус пандемияси билан боғлиқ мушкул вазиятни бошидан ўтказаётганини эслатиб ўтган.

"...ҳар қадай ташвиш ортида енгиллик ва ёруғлик борлигини коронавирус касаллигидан соғайиб чиқаётган, табиий офатлар туфайли уй-жойидан айрилган, лекин давлатимиз ва эл-юртимзнинг катта ёрдами ва кўмаги билан ўз ҳаётини янгитдан йўлга қўйиб олаётган минглаб ватандошларимиз қалбдан ҳис этмоқдалар. Шу маънода, бугунги қийинчиликлар албатта ўтиб кетади, ҳали қанча хурсандчилик кунлар, байрам ва ҳайитларни барчамиз биргаликда нишонлаймиз, деб ишонаман", - дея ишонч билдирган Мирзиёев ва ҳар қандай машаққатни меҳнат ва матонат, сабру чидам билан мардона енгиб ўтган олижаноб Ўзбекистон халқи бу синовлардан янада кучли ва қудратли бўлиб чиқади, дея қўшимча қилган.

Ана шундай қатъий ишонч ва кўтаринки кайфият билан бугунги кунда юртимизни тараққий эттириш йўлида даврнинг ўзи талаб этаётган, биз бошлаган кенг кўламли ислоҳот ва ўзгаришларни бир ёқадан бош чиқариб, изчил амалга ошириб, олдимизга қўйган улкан марраларга албатта эришамиз, деган президент.

Мирзиёев шунингдек, жаҳондаги барча мўмин-мусулмонларни ҳам Ўзбекистон халқи номидан самимий қутлаб, уларга тинчлик-осойишталик, файзу барака ва фаровон ҳаёт тилаган.

453
Флаг Пакистана

Мирзиёев Покистон президентига таъзия мактубини йўллади

274
Покистонда Карачи аэропорти яқинида юз берган авиаҳалокат оқибатида 97 киши қурбон бўлди. Самолёт уйларнинг устига қулаган, жабрларганлар бор.

ТОШКЕНТ, 23 май - Sputnik. Ўзбекистон президенти Шавкат Мирзиёев Карачи шаҳрида рўй берган авиаҳалокат муносабати билан Покистон Ислом Республикаси президенти Ориф Алви ва бош вазири Имрон Хонга таъзия мактубини йўллади.

Бу ҳақда президент матбуот-хизмати хабар бермоқда

Мирзиёев Покистон халқига, марҳумларнинг оила аъзолари ва яқинларига чуқур ҳамдардлик билдирган.

Эслатиб ўтамиз, Покистонда Карачи аэропорти яқинида Airbus A-320 самолётининг қулаши оқибатида 90 дан ортиқ одамлар қурбон бўлди.

РИА Новости ахборот агентлигининг Покистон Соғлиқни сақлаш вазирлигига таяниб берган хабарига кўра, бортда жами 99 киши бўлган. 91 нафар йўловчи ва саккиз нафар экипаж аъзолари. Шулардан 97 нафари ҳалок бўлган, икки киши омон қолган. Айни вақтгача 19 киши жасади идентификация қилинган.

Самолёт уйларнинг устига қулаган, жабрларганлар бор. Дастлабки маълумотларга кўра, 30 киши касалхоналарга олиб борилган.

Покистон бош вазири Имрон Хон самолёт қулаши бўйича тергов ишлари бошлаб юборилганини маълум қилган. Фуқаролик авиацияси бошқармаси маълумотларига кўра, борт ўзиёзар асбоблари топилган, улар расшифровка учун самолёт ишлаб чиқарувчиларига топширилиши айтилган.

274
Жасур Яхшибоев

Яхшибоев Беларусь чемпионатида яна пешқадамга айланди

117
Жасур Яхшибоев футбол бўйича Беларусь чемпионатининг 10-турида голлари сонини 7 тага етказди ва тўпурарлар пойгасида биринчи ўринга кўтарилди.

ТОШКЕНТ, 24 май — Sputnik. Ўзбекистонлик легионер, “Энергетик-БГУ” ўйинчиси Жасур Яхшибоев Беларусь чемпионатида тўпурарлар пойгасида биринчи ўринга кўтарилди.

“Ислочь” клубига қарши ўтган ўйиннинг 13-дақиқасида Жасур Яхшибоев 11 метрлик масофадан белгиланган жаримани мукаммал бажарди ва голлари сонини 7 тага етказишга муваффақ бўлди. "Энергетик-БГУ” жамоаси рақибларини 2:1 ҳисобида мағлубиятга учратди. Учрашувда Жасур Яхшибоев тўлиқ ҳаракат қилган бўлса, Шаҳбоз Умаров 78-дақиқада захирага олинди.

Шу тариқа, ушбу ғалаба эвазига “Энергетик-БГУ” мусобақа жадвалида иккинчи ўринга (21 очко) чиқиб олди ва пешқадам БАТЭдан бир очкога ортда қолмоқда.

117