Учения ОДКБ в Таджикистане

ОДКБ-2019 ўқув машғулотлари Марказий Осиё хавфсизлигини таъминлашга қаратилади - Путин

793
Россия президенти Владимир Путин ОДКБ ҳарбий ўқув машғулотларини Марказий Осиёда хавфсизликни таъминлашга бағишлашни таклиф этди

ТОШКЕНТ, 18 дек – Sputnik. Россия президенти Владимир Путин Мудофаа вазирлигида ўтказилган якуний хайъат йиғилиши давомида 2019 йилги ҳарбий ўқув машғулотларини Марказий Осиё мамлакатлари хавфсизлигини таъминлашга бағишлаш зарурлиги ҳақида баёнот қилди. РИА Новости хабарига асосан.

"2019 йилги ўқув машқлар давомида шериклар билан Марказий Осиёда хавфсизликни таъминлаш бўйича умумий масалалар ечимида ҳамкорликнинг барча қирраларини батафсил ишлаш лозм", - деб таъкидлаган Россия етакчиси.

Путин, шунингдек, бугунги кунда, энг аввало коллектив хавфсизлик шартномаси ташкилоти линияси бўйича ҳарбий ҳамкорлик ривожланаётганига эътибор қаратган. КХШТ аъзо бўлган давлатлар булар - Арманистон, Беларусь, Қозоғистон, Қирғизистон, Россия ва Тожикистон. Ўзбекистон 90-йиллар охирида бу ташкилотга аъзоликни узайтиришдан воз кечган.

Ўзбекистон, ўз навбатида декабрь ойи ўртасида “Шанхай ҳамкорлик ташкилотига аъзо давлатлар томонидан қўшма аксилтеррор ўқув машғулотларини ташкил этиш ва ўтказиш тартиби тўғрисидаги Битимни (Душанбе, 2008 йил 28 август) ратификация қилган эди. Ҳужжатнинг асосий мақсади - Марказий Осиё минтақасида хавфсизлик ва барқарорликни таъминлашдан иборат.

793

БМТ 2021 йилда энг оғир гуманитар инқирозни башорат қилди

125
(Янгиланган 11:20 05.12.2020)
БМТ вакилининг таъкидлашича, қуролли тўқнашувлар туфайли сўнгги тўрт йил ичида ҳалокатли очлик ёқасида турганлар сони 80 миллиондан 135 миллионга кўпайган. Аммо пандемия туфайли уларнинг сони 270 миллионга етган

ТОШКЕНТ, 5 дек — Sputnik. 2021 йилда дунё 75 йил ичидаги энг оғир гуманитар инқирозга дуч келиш хавфи остида, деб баёнот қилди БМТнинг Бутунжаҳон озиқ-овқат дастури директори Девид Бизли, Бирлашган Миллатлар Ташкилоти Бош ассамблеясининг COVID-19га қарши курашга бағишланган махсус йиғилишида. РИА Новости хабари асосида.

Унинг сўзларига кўра, келгуси йил "ушбу босқичда гувоҳи бўлган ҳолатларга таяниб, айтиш мумкинки, ҳақиқий маънода ҳалокатли бўлади".

Бизлининг таъкидлашича, қуролли тўқнашувлар туфайли сўнгги тўрт йил ичида ҳалокатли очлик ёқасида турганлар сони 80 миллиондан 135 миллионга кўпайган. Аммо пандемия туфайли уларнинг сони 270 миллионга етди, деб қўшимча қилди у.

"Биз 19 триллион доллар сарфлаганимиздан бери, бу пул, эҳтимол 2021 йилда бўлмаслиги мумкин ва бўлмайди. Иқтисодий таназзул юз бермоқда ва эҳтиёжлар икки бараварга ошди", - дея тушунтирди Бизли.

Аммо, агар биз керакли маблағларни тўплай олсак, дунё ҳамжамияти гуманитар инқирозни енгади, деб таъкидлади Бизли.

125
Мавзу:
COVID-19 умумжаҳон пандемияси
Шавкат Мирзиёев принял делегацию Российской Федерации

Дмитрий Козак нима учун Тошкент ва Нур-Султонга келган эди

735
(Янгиланган 17:55 04.12.2020)
Владимир Путин топшириғига асосан Россия президенти администрацияси раҳбари ўринбосари Дмитрий Козак Ўзбекистон ва Қозоғистонга ташриф буюрди.

Россиянинг юқори мартабали амалдори икки мамлакат олий раҳбарияти, жумладан, президентлар Шавкат Мирзиёев ва Қосим-Жомарт Токаев билан учрашувлар ўтказди.

Музокараларнинг асосий мавзуси - Москванинг Нур-Султон ва Тошкент билан муносабатларини мустаҳкамлаш, икки томонлама ва кўп томонлама форматдаги саммитларга тайёргарлик кўриш. Хусусан, 11 декабрь куни Олий Евроосиё Кенгашининг йиғилиши онлайн форматда бўлиб ўтади.

“Шавкат Мирзиёев Ўзбекистон-Россия кўп қиррали ҳамкорлиги кейинги йилларда жадал суръат билан ривожланаётгани, стратегик шериклик ва иттифоқчилик муносабатлари мустаҳкамланиб бораётганини катта мамнуният билан қайд этди” деб хабар қилди Ўзбекистон президенти матбуот хизмати.

Таъкидланишича, Дмитрий Козак Ўзбекистон президентига самимий қабул учун миннатдорлик билдириб, Владимир Путиннинг саломи ва энг эзгу тилакларини етказди ва Владимир Путин билан режалаштирилаётган учрашув кун тартибини муҳокама қилди. Томонлар халқаро сиёсатнинг айрим жиҳатлари юзасидан ҳам фикр алмашишди.

Бўлажак олий даражадаги мулоқотларнинг музокаралар кун тартибининг мазмунига алоҳида эътибор қаратилди: гап МДҲ давлатлари раҳбарларининг жорий йил октябридан қолдирилган саммити ҳақида кетмоқда.

Нур-Султонда Қозоғистон президенти Қосим-Жомарт Токаев Дмитрий Козакни қабул қилди. Учрашув давомида Қозоғистон-Россия шериклиги ва иттифоқчиликнинг долзарб масалалари муҳокама қилинди. Қозоғистон раҳбари матбуот хизматининг хабар беришича, суҳбатнинг муҳим қисми сиёсий, савдо-иқтисодий ва гуманитар ҳамкорликни ривожлантириш, шунингдек яқинда бўлиб ўтадиган Олий Евроосиё иқтисодий кенгашининг йиғилишида Евроосиё интеграцияси масалаларини муҳокама қилишдан иборат бўлди.

Встреча президента Казахстана Касым-Жомарта Токаева с Дмитрием Козаком
Официальный сайт Президента РК / AMAN
Встреча президента Казахстана Касым-Жомарта Токаева с Дмитрием Козаком

Қосим-Жомарт Токаев кун тартибидаги барча масалалар бўйича Россия Федерацияси билан иттифоқчилик муносабатларини мустаҳкамлаш устувор аҳамиятини таъкидлади. Бундан ташқари, икки давлат президентлари администрация ўртасидаги алоқалар ва ҳамкорликни ривожлантириш ҳақида келишувга эришилди.

Қозоғистон пойтахтида РФ президенти администрацияси раҳбарининг ўринбосари Қозоғистон Республикаси бош вазири Асқар Мамин, Қозоғистон президенти администрацияси раҳбари Ерлан Кошанов билан мулоқот қилди.

"Музокаралар чоғида Россия-Қозоғистон иттифоқчилик муносабатларининг ҳозирги ҳолати, икки томонлама ҳамкорликни ривожлантириш истиқболлари ва КХШТ, ЕОИИ, МДҲ, ШҲТ доирасидаги интеграция алоқаларни мустаҳкамлаш бўйича мазмунли фикр алмашилди", - деб маълум қилди Россиянинг Қозоғистондаги элчихонаси матбуот хизмати.

Стратегик шерикларнинг муносабатлари

Россия ва Ўзбекистон ўртасида дипломатик муносабатлар 1992 йил 20 мартда ўрнатилган.

Асосий давлатлараро ҳужжатлар - икки томонлама ҳамкорликни ривожлантиришнинг устувор йўналишларини белгилаб берган Давлатлараро муносабатларнинг асослари, дўстлик ва ҳамкорлик тўғрисида шартнома (1992), Стратегик шериклик тўғрисидаги шартнома (2004) ва Иттифоқчилик муносабатлари тўғрисидаги шартнома (2005).

Икки томонлама муносабатлар - олий ва юқори даражадаги мунтазам учрашувлар ўтказилмоқда.

Икки томонлама муносабатлар 2016 йил декабрда Ўзбекистон президенти Шавкат Мирзиёев сайлангандан сўнг, янги сифат даражасига кўтарилди. Тўрт йил давомида савдо ва инвестициялар ҳажми икки бараварга ошди. Турли даражалардаги икки томонлама алоқалар жадаллашди - давлат раҳбарларининг мунтазам учрашувлари, Ўзбекистон ва Россия вилоят вакилларининг кўплаб ташрифлари.

2017 йил апрел ойида Шавкат Мирзиёев Москвага давлат ташрифи билан келди, унинг якунида қиймати 16 миллиард доллардан зиёд 50 тадан ортиқ ҳамкорлик ҳужжатлари имзоланди. 2018 йил кузида Владимир Путин Ўзбекистонга ташриф буюрди. Республикада минтақавий ва таълим форумлари ўтказилди. Бундан ташқари, икки давлат раҳбари тантанали тарзда кенг кўламли лойиҳа - Ўзбекистон ҳудудида Марказий Осиёда биринчи атом электр станциясини қурилишига старт беришди.

Бундан ташқари, яқинда Ўзбекистон президентининг Россияга навбатдаги ташрифи кутилмоқда. Коронавирус пандемияси сабабли ташриф санаси бир неча марта қолдирилди.

Шунингдек, Ўзбекистон интеграция лойиҳаларидан четда қолмаяпти: МДҲ ва ШҲТ фаолиятида фаол иштирок этишдан ташқари, Тошкент Евроосиё иқтисодий иттифоқига аъзо бўлиш имкониятларини кўриб чиқмоқда. Республиканинг кузатувчи-давлат мақомини олиш тўғрисидаги аризаси иттифоқнинг барча аъзо-давлатлари томонидан маъқулланди. Якуний қарор 11-декабрь куни ЕОИИ Олий Кенгашининг йиғилишида қабул қилинади.

735
Теглар:
Шавкат Мирзиёев, Қозоғистон, Ўзбекистон, Россия, ЕОИИ
Мавзу:
Ўзбекистон ва ЕОИИ – интеграция истиқболлари

Шойгунинг қизи Россия триатлон федерацияси президенти этиб сайланди

45
Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган

ТОШКЕНТ, 5 дек — Sputnik. РФ Мудофаа вазири Сергей Шойгунинг қизи — Ксения Шойгу — Россия Триатлон федерациясининг янги президенти лавозимини эгаллади, бу ҳақда терма жамоа мутахассиси Мария Шорей РИА Новостига маълум қилган.

Федерация раҳбарлигига сайловлар шанба куни ҳисобот-сайлов анжуманида бўлиб ўтган.

Ташкилотнинг аввалги раҳбари Петр Иванов Бутунроссия енгил атлетика федерацияси раҳбари этиб сайланган.

Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган.

45