Россия Мудофаа вазирлиги Афғонистондаги уруш ҳақидаги ҳужжатларни ошкор этди

2147
Ўттиз йил аввал, 1989 йил 15 февралда совет қўшинлари Афғонистонни тарк этган эди.

ТОШКЕНТ, 15 фев - Sputnik. Россия Мудофаа вазирлиги совет қўшинларининг Афғонистондан чиқарилганининг 30 йиллик муносабати билан ҳужжатларни ошкор этди. Мудофаанинг расмий сайтида ҳарбий қисмлар, ҳарбийларнинг қаҳрамонликлари ва жаросати ҳақида ҳикоя қилувчи лойиҳа ишга тушди.

Ошкор этилган ҳужжатларда совет қўшинлари олдига қўйилган вазифалар, муҳим ҳужжатлар, йирик қурол-яроғ ва ўқ-дорилар омборини эгаллаб олиш  ҳамда қаҳрамонлик кўрсатган аскарларнинг тақдирланиши ҳақида сўз юритилади.

Шунингдек, ҳарбийлар ва осуда аҳоли ўртасида муносабатлар қай тарзда шаклланганидан далолат берувчи  тарихий фактлар эълон қилинган.

Мудофаа вазирлигининг фикрига кўра, жанговар ҳаракат айрим иштирокчиларининг ҳисобга олиш карточкаси алоҳида қизиқиш уйғотади.

Ўттиз йил аввал, 1989 йил 15 февралда совет қўшинлари Афғонистонни тарк этди. Бу воқеа урушга нуқта қўйди.
Афғонистонга жалб қилинган ўзбекистонликлар сони 65 минг нафарни ташкил этади. Жангчиларнинг 1520 нафари ҳалок бўлган, 2,5 мингга яқини оғир тан жароҳатларини олганлар.

2147
Мавзу:
Афғонистон: 30 йил тинчлик илинжида (47)

Россия қатор давлатлар туристлари учун ўз чегарасини очишни режалаштирмоқда

834
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

834

Путин Суриядаги Россия ҳарбий базасини кенгайтириш бўйича топшириқ берди

998
Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

ТОШКЕНТ, 29 май - Sputnik. Россия президенти Владимир Путин РФ Мудофаа вазирлиги ва Ташқи ишлар вазирлигига Сурия томони билан ҳарбий базани кенгайтириш борасида музокаралар ўтказиш бўйича топшириқ берди. Бу ҳақда давлат раҳбари фармойишида айтилган.

"Россия Федерацияси ҳукуматининг Россия Федерацияси ва Сурия Араб Республикаси ўртасида Россия Федерацияси Қуролли Кучларининг авиация гуруҳини 2015 йил 26 августда Сурия Араб Республикаси ҳудудида қўшимча кўчмас мулк ва акваторияни топшириш тўғрисидаги Битимга 1-сонли Баённомани имзолаш бўйича таклифи қабул қилинсин", - дейилган ҳуқуқий-ахборот интернет-порталида эълон қилинган ҳужжатда.

Қонунчилик лойиҳасига принципиал характерга эга бўлмаган тузатишлар киритилиши мумкин.

Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

Сурияда Россия ҳарбийлари Хмеймим авиабазасида ва Тартус портидаги ҳарбий-денгиз базасида жойлашган.

998

Crew Dragon парвозининг ёрқин кадрлари 2,5 дақиқада видео

0
(Янгиланган 20:40 31.05.2020)
Илон Маскнинг SpaceX компанияси инсоният тарихида илк бор фазогирларни космосга учирди. Бортида иккита астронавт бўлган Crew Dragon кемаси 30 май куни Флоридадаги Кеннеди космик марказидаги майдончадан муваффақиятли парвоз қилди.

Шу тариқа, тарихда илк бор одамзод космосга хусусий компания томонидан учирилмоқда.

2011 йилдан буён NASA астронавтлари Халқаро космик станцияга фақат Россиянинг “Союз” кемаларида олиб чиқилган.

Ушбу парвоз дастлаб 27 май кунига мўлжалланган эди. Бироқ об-ҳаво ноқулай бўлгани туфайли парвоз бошқа кунга қолдирилган эди.

Crew Dragon орбитада тахминан 19 соат бўлиши кутилмоқда.

0