Тошкент ва Доха авиаташув тўғрисида битим имзолайди

© ДаракчиСамолет Qatar Airways
Самолет Qatar Airways  - Sputnik Ўзбекистон
Oбуна бўлиш
Доха шаҳрида Ўзбекистон-Қатар муносабатларининг шартнома-ҳуқуқий базасини кенгайтириш ва унинг инвентаризацияси бўйича икки давлат ташқи ишлар вазирликлари ўртасидаги маслаҳатлашувлар бўлиб ўтди.

ТОШКЕНТ, 18 фев – Sputnik. 2019-йилнинг 17-18-феврал кунлари Доха шаҳрида Ўзбекистон-Қатар муносабатларининг шартнома-ҳуқуқий базасини кенгайтириш ва унинг инвентаризацияси бўйича икки давлат ташқи ишлар вазирликлари ўртасидаги маслаҳатлашувлар бўлиб ўтди. Бу ҳақда Ўзбекиситон ТИВ матбуот хизмати хабар қилди.

В Минвнешторге РУ состоялась встреча с делегацией Государства Катар - Sputnik Ўзбекистон
Ўзбекистон ва Қатар савдо ва транспорт алоқаларини ривожлантиришга келишиб олди

Қайд этилишича, музокаралар чоғида турли жабҳалардаги икки томонлама ҳамкорлик ҳуқуқий асосларининг ҳозирги ҳолати ва уни кенгайтириш истиқболлари муҳокама қилинди, Қатар билан ҳамкорликни ривожлантириш бўйича “йўл харитаси” бандларини амалга оширишнинг бориши ҳамда жорий йилда ўтказиладиган учрашувлар ва тадбирлар тўғрисида маълумот алмашилди.

“Хусусан, авиаташувлар ва ўсимликлар карантини соҳасидаги ҳамкорлик тўғрисидаги битимларнинг лойиҳалари келишиб олинди”, - дейилади хабарда.

Маслаҳатлашувлар доирасида Қатар вазирлик ва идоралари экспертлари билан алоҳида музокаралар ўтказилиб, инвестиция, транспорт, солиқ, божхона, қишлоқ хўжалиги ва маданият соҳаларидаги келишувларнинг лойиҳалари муҳокама қилинди.

Шунингдек, инвестицияларни ўзаро ҳимоя қилиш ва рағбатлантириш ҳамда икки ёқлама солиққа тортишни бартараф этиш тўғрисидаги ҳукуматлараро битимларнинг лойиҳаларини мувофиқлаштириш ва имзолашга тайёрлаш борасида ҳам келишиб олдилар.

Янгиликлар лентаси
0