ТОШКЕНТ, 23 май - Sputnik. Пентагон Эрон билан зиддийлашув фонида Оқ Уйга Яқин Шарқга яна бир неча минг ҳарбий хизматчиларни юбориш бўйича режасини тақдим этади, деб хабар қилди Fox News ўз манбасига таянган ҳолда.
AP нашри маълумотига кўра, гап ўнг минг нафар ҳарбий хизматчилар ҳақида бормоқда.
Fox News манбаси ахборотига кўра, гап шунингдек, Patriot зенит мажмуаси батареялари ҳамда жанговар кемаларни жойлаштириш тўғрисида ҳам бормоқда.
Хабарда айтилишича, якуний қарор қабул қилинмаган, Оқ Уй Пентагон режасини тўлиқ ёки қисман тасдиқлаши ҳам номаълум.
АҚШ Эрон атрофида вазият зиддий тус олган бир вақтда Форс қўлтиғида камида еттита ҳарбий кемаларни жойлади ва ҳудудга Patriot зенит-ракета мажмуасини етказди. Пентагон ўзининг ушбу ҳаракатини "Эроннинг АҚШ кучларига қарши босқинчилик операциясини ўтказишга катта тайёргарлик олиб бораётгани аломатларига қарши жавоб чораси ҳамда ўз манфаатларини ҳимоя қилаётгани" билан изоҳлади.
Трамп Эронга "улкан куч" билан пўписа қилди >>>
Америка президенти Дональд Трамп сал олдин АҚШ Эрон билан уруш юз беришининг олдини олишига умид билдирган эди. Эрон Ислом республикаси олий етакчиси Али Ҳумайни Теҳроннинг Вашингтон билан уруш олиб бориш истаги йўқлигини, аммо Қўшма Штатларга қаршилик кўрсатишда давом этиши ҳақида баёнот қилган эди.
