Подписание документов между ФРГ и Узбекистаном

Автосаноат, муҳофаза ва ядро тиббиёт: Германия ва Ўзбекистон ўртасида имзоланган ҳужжатлар

419
(Янгиланган 15:02 28.05.2019)
Ўзбекистон ва Германия музокаралари якунлари бўйича икки томонлама ҳужжатларни имзолаш маросими ўтказилди.

ТОШКЕНТ, 28 май – Sputnik. Ўзбекистон ва Германия музокаралари якунлари бўйича икки томонлама ҳужжатларни имзолаш маросими ўтказилди. Бу ҳақда Sputnik Ўзбекистон мухбири хабар қилди.

Ўзаро ҳамкорликка доир ҳужжатлар имзолаш маросимида қуйидаги ҳужжатлар имзоланди:

- Ўзбекистон Республикаси Ҳукумати билан Германия Федератив Республикаси Ҳукумати ўртасида ҳамкорликни ривожлантириш бўйича музокаралар баённомаси;

-“Ўзавтосаноат” акциядорлик компанияси билан “Фольсваген Груп Рус” компанияси ўртасида ҳамкорлик тўғрисида Битим;

- Ўзбекистон Республикаси Иқтисодиёт ва саноат вазирлиги билан Германия Федератив Республикаси Атроф-муҳит, табиатни муҳофаза қилиш ва ядро хавфсизлиги вазирлиги ўртасида газ чиқиндиларини камайтириш ва иқлим ўзгаришига мослашиш соҳасида ҳамкорлик тўғрисида қўшма декларация;

- Ўзбекистон Республикаси Ҳуқумати билан Германия Федератив Республикаси Ҳукумати ўртасида ахборот алмашиш ва ўзаро муҳофаза қилиш тўғрисида битим;

- Ўзбекистон Республикаси Фанлар академияси билан “Integra компанияси” ўртасида “Vamed Engineering” компанияси билан ҳамкорликда Тошкентда  Ядро тиббиёт ва нур терапияси  марказини ташкил этиш тўғрисида битим.

Эслатиб ўтамиз, Франк-Вальтер Штайнмайер кеча 27 май куни Ўзбекистон президенти Шавкат Мирзиёев таклифига биноан Тошкетга келган эди. 
Кўксаройда Германия президенти Франк-Вальтер Штайнмайерни расмий кутиб олиш маросими ўтказилди.

Расмий кутиб олиш маросимидан сўнг икки давлат президентларининг тор ва кенг доирадаги учрашувлари бўлиб ўтди.

419

Беларусдаги норозиликлар Ғарб томонидан ташкиллаштирилган - РФ ФК

411
(Янгиланган 12:34 11.08.2020)
"Минск ва бошқа беларус шаҳарларида давом этаётган норозилик акциялари Беларусдаги вазиятни издан чиқариш учун ғарб давлатлари томонидан ташкиллаштирилган, деди РИА Новостига сенатор Олег Мельниченко.

ТОШКЕНТ, 11 авг - Sputnik. Федерация кенгашида Беларусдаги норозиликлар Ғарб томонидан ташкиллаштирилганлигини айтишди. РИА Новости хабари асосида.

"Минск ва бошқа беларус шаҳарларида давом этаётган норозилик акциялари Беларусдаги вазиятни издан чиқариш учун ғарб давлатлари томонидан ташкиллаштирилган, деди РИА Новостига сенатор Олег Мельниченко.

У душанба куни Минскдан қайтган, Мельниченко у ерда МДҲ ПАА гуруҳи координатори сифатида Беларусдаги президент сайловлари боришини кузатган эди.

"Минскдаги бу тартибсизликларнинг барчаси хорижий ҳамкасбларимиз томонидан Беларусдаги ички сиёсий ҳолатни издан чиқариш мақсадида фойдаланиладиган технологиялар туфайли юзага келган. Бу ерда, АҚШсиз ҳам кечмаган, албатта", - деди Мельниченко.

Якшанба куни Беларусда президент сайловлари бўлиб ўтди. МСК тақдим маълумотларга кўра, Лукашенко 80,08% овоз олган, иккинчи ўринда 10,09% овоз билан Светлана Тихановская келмоқда.

Якшанба ва душанба кунлари Беларуснинг қатор шаҳарларида оммавий санкцияланмаган норозилик акциялари бўлиб ўтди. Митинг қатнашчилари Минск марказида ахлат бакларидан баррикадалар ташкил қилдилар. Милиция уларга қарши кўз ёш келтирувчи газ, водомет ва ёруғлик гранаталарини қўллади.

411
Александр Лукашенко и Шавкат Мирзиёев

Мирзиёев Лукашенкога телефон қилди: етакчилар нимага келишди?

110
(Янгиланган 11:47 11.08.2020)
Икки томонлама муносабатлар кун тартибидаги ҳамда минтақавий ташкилотлар доирасидаги анъанавий яқин ҳамкорликка доир долзарб масалалар кўриб чиқилди

ТОШКЕНТ, 11 авг - Sputnik. Ўзбекистон президенти Шавкат Мирзиёев 10 август куни Беларусь президенти Александр Лукашенко билан телефон орқали мулоқот қилди, деб хабар бермоқда президент матбуот-хизмати.

Суҳбат аввалида Мирзиёев Александр Лукашенкони бўлиб ўтган Президент сайловидаги ишончли ғалабаси билан табриклаб, унга Беларуснинг барқарор тараққиёти ва равнақини таъминлаш йўлида янги зафарлар тилади.

Икки томонлама муносабатлар кун тартибидаги ҳамда минтақавий ташкилотлар доирасидаги анъанавий яқин ҳамкорликка доир долзарб масалалар кўриб чиқилди.

Кейинги йилларда Ўзбекистон ва Беларусь ўртасидаги кўп қиррали алоқалар, аввало савдо-иқтисодий соҳадаги амалий ҳамкорлик жадал ривожланиб бораётгани мамнуният билан қайд этилди.

Олий даражадаги келишувларни ўз вақтида амалга ошириш, икки мамлакат етакчи корхоналарининг кооперацияси бўйича истиқболли лойиҳаларни илгари суриш ва маданий-гуманитар алмашинув дастурларини кенгайтириш мақсадида ўзаро мулоқотни, шу жумладан қўшма Ҳукуматлараро комиссия доирасида фаоллаштиришга келишиб олинди.

110
Граждане Узбекистана идут на посадку в терминале аэропорта Внуково

Терроризмда гумон қилинган 820 нафардан зиёд мигрант Россияга киритилмади

0
Миллий терроризмга қарши курашиш қўмитаси вакиллари йиғилиш ўтказиб, унда террорчиларнинг Россияга меҳнат мигрантлари сифатида кириб келишига қарши кураш чораларини муҳокама қилишди.

ТОШКЕНТ, 11 авг - Sputnik. Москвада Россия ФХХ директори А.В. Бортников бошчилигида Миллий терроризмга қарши курашиш қўмитаси йиғилиши бўлиб ўтди. Унда террорчиларнинг Россияга кириб келишига тўсқинлик қилиш масалалари муҳокама қилинди.

2019 йил бошидан бери террорчилик ва экстремистик фаолиятда гумон қилинган 820 дан ортиқ шахснинг Россияга кириб келишига йўл қўйилмаган.

Шунингдек, Бортников халқаро террорчилик ташкилотларнинг миграция оқимидан фойдаланишига йўл қўйилмаслик кераклигини таъкидлади.

Йиғилиш давомида томонлар радикал ҳаракат тарқалишининг олдини олиш учун миграция муҳитида профилактика тадбирларини кучайтириш чораларини муҳокама қилдилар.

Шунингдек, чет эл фуқаролари ўртасида терроризмнинг олдини олиш бўйича хизматлар ва идораларнинг самарадорлигини ошириш зарурлиги таъкидланди.

0