Exit poll: Токаев 70%дан ортиқ овоз тўплайди

163
Иккинчи тур бўлмайди - Токаев биринчи босқичдаёқ 70 % овоз тўплади.

ТОШКЕНТ, 10 июн - Sputnik. Дастлабки ҳисоб-китобга кўра Қозоғистон президенти сайловида Токаев ғолиб чиққан. Бу ҳақида “Жамоат фикри” институти ўз сўровига асосан хабар қилмоқда Sputnik Казахстан.

“Номзод Токаев 70,13 % овоз жамлади”, - деди ушбу институт кенгаши директори Айнур Мажитова журналистлар билан бўлиб ўтган брифингда.

Эслатиб ўтамиз, ушбу президент сайлови мустақил Қозоғистон тарихида илк бор Нурсултан Назарбаев иштирокисиз ўтмоқда. Қозоғистон биринчи президенти 2019 йилнинг 20 март куни президентлик ваколатидан воз кечиб, вақтинчалик давлат раҳбари сифатида ўз партиядоши Токаевни таклиф қилган эди.

Шундан сўнг мамлкатда навбатдан ташқари президент сайлови ўтказиш таклиф қилинган эди. Ушбу президент сайловларида 7 нафар номзодлар иштирок этди. Потенциал сайловчилар сони 12 миллиондан ортиқ бўлган. Шундан 70 %дан ортиғи сайловда иштирок этган.

Қозоғистон қонунчилигига кўра, президент этий сайланиш учун номзод сайловда 50%дан ортиқ овоз тўплаши керак. Акс ҳолда энг кўп овоз жамлаган номзодлар орасида сайловнинг иккинчи тури ўтказилади.

163
Министерство иностранных дел России

АҚШ разведкаси наркотиклар савдоси иштирокчиси - Россия ТИВ

305
Олдинроқ New York Times америка разведкасидаги аноним манбаларига таяниб, РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани ҳақида мақола эълон қилган эди

ТОШКЕНТ, 4 июл – Sputnik. Россияни толиблар билан тил бириктирувда айблаётган АҚШ разведкаси наркотрафикка аралашган, бу Қобулдаги ҳар бир афғонга аён, деб баёнот қилди РФ Афғонистон бўйича махсус вакили, Россия ТИВнинг Осиё иккинчи департаменти директори Замир Кабулов "Россия-1" телеканалига берган интервьюсида.

"Ўша ердаги лойиҳалардан ажратиладиган сон-саноқсиз улушлар бизникиларни наркотрафикда айблаётган ажабтовур америкалик разведкачилар иштироки туфайлидир. Уларнинг самолётлари Қандаҳор ва Баграмдан ҳеч қандай текширувсиз исталган томонга - истаса Германияга, истаса Руминияга қараб учади. Албатта, шундай бизнес-ку. Қобулда исталган афғон сизга бу ҳақда гапириб бериши мумкин, ҳатто, энг дангасаси ҳам бу мавзуда гапиришга тайёр. Бу ҳаммага аён бўлган сир кўпчиликнинг жонига тегиб бўлган. Барча бу ҳолатга аллақачон қўл силтаган", - деди Кабулов.

Олдинроқ New York Times америка разведкасидаги аноним манбаларига таяниб РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани, АҚШ президенти Дональд Трамп бу ҳақда хабардор этилгани ҳақида мақола эълон қилган эди.

Ҳолат бўйича далиллар тақдим этилмаган.

АҚШдаги РФ элчихонаси сал олдин Россия ва Афғонистон ҳақидаги хабарлардан сўнг дипломатлар номига келиб тушаётган таҳдидлар туфайли мамлакат ҳукуматидан бу ҳолатга адекват реакция билдиришни талаб қилган. РФ ТИВ оммавий ахборот воситаларида чоп этилган хабарларни "фейк", дея атади. Трамп ушбу мақолани "буюртма", деб ҳисоблашини маълум қилди.

Демократлар Россия ва толиблар "тил бириктируви" ҳақида разведка ҳисоботини талаб қилмоқда >>>

Оқ уй, Пентагон ва АҚШ разведкаси ушбу хабарлар ҳозирча ўз тасдиғини топмагани ва Трамп бу ҳақда огоҳлантирилмагани ҳақида баёнот бермоқда.

Трампга кўра, Россиянинг толиблар билан тил бириктируви ўзи ва Республикачилар партиясига зиён етказиш учун ўйлаб топилган.

305
Боевики движения Талибан

Толиблар Қобул билан муросага тайёр, дея баёнот қилди АҚШ махсус вакили

187
Махсус вакилнинг айтишича, Афғонистон келажаги учун киритиладиган инвестициялар йўлида барча афғонлар муросага боришга мажбур бўлишларини "Толибон" тан олмоқда

ТОШКЕНТ, 4 июл - Sputnik. АҚШнинг Афғонистон бўйича махсус вакили Залмай Халилзод Дохада Қатар ва "Толибон" радикал ҳаракати делегацияси билан музокаралар ўтказди ва Афғонистонда тинчлик ўрнатиш масалаларини муҳокама қилди, деб хабар беради РИА Новости.

"АҚШ молиявий ривожланиш халқаро корпорацияси раҳбари Адам Бейлер билан биргаликда Дохада Қатар ТИВ ва қатар фонди (вакиллари) билан учрашув ўтказдик, тинчлик ўрнатиш ва минтақани ривожлантириш бўйича афғон жараёнига ҳамкорликда инвестиция киритиш имкониятларини муҳокама қилдик", - деб ёзган Халилзод Twitterда. Шунингдек, у бу масалада уни тушунганликлари ва бундай инвестицияларни киритишнинг ҳақиқатда имкони борлигини қайд этган.

Махсус вакил сўзларига кўра, у мулла Бародар бошчилигидаги толиблар делегацияси билан ҳам учрашув ўтказган ва бу музокараларда Афғонистонда "мустаҳкам ўрнатилган тинчликдан сўнг иқтисодий ривожланиш имкониятлари"га урғу берган.

"Биз тинчликни қўллаб-қувватлаш учун ривожланиш бўйича режаларнинг амалга оширилиши эрта бошланиши мумкин эмас, деган фикрдамиз, иккала томон ҳам афғонлараро музокаралар йўли давомида сўнгги тўсиқларни енга олишлари мумкинлигини тан оламиз", - деб ёзган Халилзод.

Махсус вакилнинг айтишича, Афғонистон келажаги учун киритиладиган инвестициялар йўлида барча афғонлар муросага боришга мажбур бўлишларини "Толибон" тан олмоқда

187

Путин Россия мигрантлар оқимига муҳтожлигини айтди

605
Россия президенти Владимир Путин мамлакатга таълим олишга тайёр ёки муайян малака ёхуд касбга эга бўлган ёшлар кераклигини алоҳида таъкидлади

ТОШКЕНТ, 4 июл — Sputnik. Россия иқтисодий ривожланиш учун мигрантлар оқимига эҳтиёж сезади, деб баёнот қилди президент Владимир Путин РФ Конституциясига киритиладиган тузатишларларни тайёрлаш бўйича ишчи гуруҳи аъзолари билан учрашувда.

"Россия мигрантлар оқимидан манфаатдор, аммо мамлакатга зарур бўлган оқимдан. <...> Россия янги фуқаролар оқимига муҳтож, чет давлатлардан одамларни жалб қилишга эҳтиёжи бор. <...> Иқтисодга тўхталадиган бўлсак, шу нарса аёнки, иқтисод ривожланиши билан - бизда ишчи кучи етишмай қолади: бу ҳолат тез кунда сезилади - ишчи кучи зарур", - деб айтган Россия етакчиси.

Путин ишчи кучи етишмаслигини мамлакат иқтисодий тараққиётига тўсиқ бўладиган объектив сабаб ҳамда жиддий муаммоларнинг бири сифатида кўрсатган.

Россия президенти мамлакатга таълим олишга тайёр ёки муайян малака ёхуд касбга эга ёшлар кераклигини таъкидлаган.

Шу билан бирга, президент, жалб этилаётган мигрантлар оқими Россия фуқаролари ҳуқуқларини бузмаслиги ёки чекламаслиги зарурлигини қайд этган.

Путин шунингдек, Россия рус тили ва маданияти ташувчилари оқимига уч карра муҳтожлигини қўшимча қилган.

605