Президент РФ В. Путин вручил Госпремии в Кремле

Путин ШҲТ давлатларига Ғалаба юбилейини нишонлашда қатнашишни таклиф этди

556
(Янгиланган 12:36 14.06.2019)
Айни вақтда Қирғизистон пойтахтида Шанхай ҳамкорлик ташкилотига аъзо давлатлар раҳбарларининг кенгайтирилган йиғилиши бўлиб ўтмоқда.

ТОШКЕНТ, 14 июн - Sputnik. Россия Федерацияси президенти Владимир Путин ШҲТга аъзо барча давлатларга Ғалабанинг 75 йиллик юбилей санасини нишонлашда иштирок этишни таклиф этди.

"Биз Россияда йигирманчи асрнинг улкан фожиаси бўлган ушбу ҳодиса ҳақидаги хотира ва тарихий ҳақиқатни асраб қолишга катта аҳамият берамиз. Хусусан, Мустақил давлатлар ҳамдўстлиги бўйича шериклар билан кенг кўламли тантанали тадбирлар дастурларини режалаштирмоқдамиз. Ва бу ерда иштирок этаётган давлатларга бу ишда қатнашишни таклиф қиламиз", - деди Путин ШҲТ кенгаши мажлиси вақтида.

Россия президенти бу тадбир айниқса ёшлар учун фойдали бўлишини таъкидлаган ҳолда, ШҲТ Ёшлар кенгаши ҳам Ғалаба юбилейида иштирок этишига умид билдирди.

Путин ШҲТ мажлисида сўзлаган нутқида, ташкилотга раислик қилиш навбати Россияга ўтиши муносабати билан, ШҲТ иштирокчи-давлатларини кейинги саммитга таклиф этди.

Тадбир Москвада 2020 йилда 22-23 июль кунлари бўлиб ўтиши хабар қилинди.

556
Мавзу:
ШҲТ – 2019 (16)
Открытие памятника князю Владимиру на Боровицкой площади

Москва МДҲ давлатлари етакчиларига Ғалаба парадига таклифномаларни янгилайди

324
(Янгиланган 17:33 27.05.2020)
Ҳозирги вақтга қадар Қозоғистон, Молдова ва Абхазия президентлари Владимир Путиннинг Парадга таклифномасини қабул қилганлиги маълум

ТОШКЕНТ, 27 май - Sputnik. Москвада 24 июнь куни бўлиб ўтадиган Ғалаба парадига таклифномалар МДҲ давлатлари етакчилари учун янгиланади, деб хабар қилди журналистларга РФ президенти матбуот-котиби Дмитрий Песков.

"Ҳозирча МДҲ давлатлари раҳбарларига Ғалаба Парадига таклифномалар янгиланади, деган критерий тарафдоримиз", - деб айтган Песков чет эл етакчиларидан кимлар 24 июнь куни бўлиб ўтадиган Парадга таклиф этилган, деган саволга жавоб берар экан.

Украина МДҲдан чиқдими, деган саволга жавобан Кремль вакили: "Агар бу сиз учун тушунарсиз бўлса, бизга қандай тушунарли бўлиши мумкин?", - дея айтган.

Ҳозирги вақтга қадар Қозоғистон, Молдова ва Абхазия президентлари Владимир Путиннинг Парадга таклифномасини қабул қилганлиги маълум.

324
Олимжон Умаров

Олимжон Умаров бош вазир маслаҳатчиси этиб тайинланди

129
Олимжон Умаров 2017 йилнинг июнидан бошлаб ҳозирги вақтга қадар Ахборот технологиялари ва коммуникацияларини ривожлантириш вазирининг биринчи ўринбосари лавозимида фаолият юритаётган эди.

ТОШКЕНТ, 27 май — Sputnik. Олимжон Умаров Ўзбекистон бош вазирининг маслаҳатчиси IT-технологиялар, телекоммуникациялар ва инновацион фаолиятни ривожлантириш масалалари департаменти бошлиғи лавозимига тайинланди. Бу ҳақда Ахборот технологиялари ва коммуникацияларини ривожлантириш вазирлиги хабар қилди.

Ушбу лавозим президентнинг 2020 йил 12 май ПҚ-4710-сонли қарорига асосан жорий қилинган эди.

Умаров 2017 йилнинг июнидан бошлаб ҳозирги вақтга қадар Ўзбекистон Республикаси Ахборот технологиялари ва коммуникацияларини ривожлантириш вазирининг биринчи ўринбосари лавозимида фаолият юритаётган эди.

129

Трамп ижтимоий тармоқларга қарши қаратилган қарорни имзоламоқчи

27
АҚШ президенти Дональд Трамп ижтимоий тармоқларнинг иш фаолиятига оид қарорни имзолашни режалаштирмоқда.

ТОШКЕНТ, 27 май — Sputnik. АҚШ президенти Дональд Трамп ижтимоий тармоқларнинг иш фаолиятига оид қарорни имзолашни режалаштирмоқда. Бу ҳақда Politico газетаси Оқ уй вакили Кайле Маккинани баёнотига асосан хабар қилди.

Пайшанба куни АҚШ президенти ҳужжатни имзолаши кутилмоқда. Имзолашга тайёрланаётган қарор бйўича қўшимча маълумот ҳозирча очиқланмаяпти.

Куни кеча Трамп консерваторларнинг овозларини ўчиришда давом этса, ижтимоий тармоқларни қатъий равишда тартибга солиш ёки бутунлай "ўчириб қўйиш" билан таҳдид қилди.

Трамп сайловларда почта орқали овоз бериш жараёнини кескин қоралаб, “Бюллетенлар почта орқали тарқатилиши фирибгарликка йўл очади. Бошқача бўлиши мумкин эмас! Почта қутилари талон-торож қилинади ва сайлов бюллетенлари қалбакилаштирилади”, - деб ёзди.

Twitter Трампнинг бу постини ишончли эмас деб қайд этди ва унинг остига махсус белги қўйди. 

Трампнинг Twitter'ни президентлик сайловларига аралашаётганликда айблади.

27