Самолет во время посадки

Путин Россия авиакомпанияларига Грузияга учишни таъқиқлади

577
(Янгиланган 10:26 22.06.2019)
Қарор Тбилисидаги экстремистик ҳаракатлар фонида россияликлар хавфсизлигини таъминлаш мақсадида қабул қилинган

ТОШКЕНТ, 22 июн — Sputnik. Россия президенти Владимир Путин 8-июлдан маҳаллий авиакомпанияларга Россия фуқароларини Грузияга ташишни таъқиқлади. Тегишли қарор Кремль сайтида эълон қилинган.

Путин бундан ташқари ҳукуматга Грузияда вақтинча бўлиб турган фуқароларни қайтариш бўйича топшириқ берган.

Давлат раҳбари туроператорларга парвозлар таъқиқланган даврда бу давлатга путёвкалар сотмасликни тавсия этган.

Путиннинг матбуот котиби Дмитрий Песков, авиаташувларни таъқиқлаш тўғрисидаги фармон - Тбилисида юз бераётган экстремистик ҳаракатлар фонида россияликлар хавфсизлигини таъминлаш учун мажбурий чоралигини билдирган.

Қонун 8-июлдан кучга киради, чунки бу вақтга келиб Грузияга аксарият турлар якунланади.

Россия туроператорлари ассоциацияси маълумотларига кўра, айни вақтда Грузияда 5 мингдан 7 минг нафаргача ташкиллаштирилган тарзда юборилган туристлар бўлиб, мустақил кетганлар сони бундан икки-уч баробар кўпдир.

Россия турсаноат иттифоқи матбуот котиби Ирина Тюринанинг сўзларига кўра, туроператорлар 8-июлга қадар Грузиядан режа асосида кетмайдиган туристларни яқин саналарда учиши кўзда тутилган рейсларга уларнинг қайтиш чипталари билан чиқаришлари кутилмоқда. 8-июлга келиб Грузияда ташкиллаштирилган тарзда борган туристлар қолмаслиги керак.

"Агар туристлардан бирортаси ҳордиқни бўлишни истамаса ва Грузияда қолишга қарор қилса, улар Россияга қайтиш масаласини ўзлари ҳал этишади ва қайтиш чипталарини ўз ҳисобларидан харид қилишади", - дея аниқлик киритди Тюрина.

Йигирманчи июнь куни Тбилисида норозилик намойишлари бўлиб ўтди. Тартибсизликларга Православ парламентлараро ассамблеяси бош сессиясининг очилиш маросимида ташкилот раҳбари, Россия Давлат думаси депутати Сергей Гавриловнинг парламент раҳбари курсисига ўтиргани сабаб бўлган. Гаврилов берган тушунтиришга кўра, бу ўринга Грузия томони уни "бундай тадбирлар баённомасига мувофиқ" ўтқазган.

Санкцияланмаган митинглар оқибатида, камида 240 жабрланган, улар орасида намойиш қатнашчилари ва полициячилар бор. 300дан ортиқ намойишчилар қўлга олинган.

Грузия президенти Саломе Зурабишвили намойишлар ташкиллаштиришда Москвани айблаган. У шунингдек Россияни "душман ва босқинчи", деб ҳам атаган. Зурабишвилининг фикрича, Россия ҳукумати мамлакатдаги ҳолатни издан чиқаришдан манфаатдор.

РФ Бош вазири Дмитрий Медведев бу баёнотга нопрофессионал, дея изоҳ берган ва Грузия етакчиси воқеалар мазмунини тўлиқ англамаганини ёки онгли равишда воқеани бузиб кўрсатаётганини қўшимча қилган.

Россия бош вазири сўзларига кўра, Грузияда рўй бераётган воқеалар - мухолифат кучларнинг ҳукумат кучларига қарши кураши натижасидир, норозилик намойишлари эса Грузиядаги сиёсий тизимни йўқ қилишга йўналтирилган. Медведев Грузия халқи юз берган ҳолат моҳиятини англаб олишига умид билдирган.

577

Россия қатор давлатлар туристлари учун ўз чегарасини очишни режалаштирмоқда

570
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

570

Путин Суриядаги Россия ҳарбий базасини кенгайтириш бўйича топшириқ берди

881
Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

ТОШКЕНТ, 29 май - Sputnik. Россия президенти Владимир Путин РФ Мудофаа вазирлиги ва Ташқи ишлар вазирлигига Сурия томони билан ҳарбий базани кенгайтириш борасида музокаралар ўтказиш бўйича топшириқ берди. Бу ҳақда давлат раҳбари фармойишида айтилган.

"Россия Федерацияси ҳукуматининг Россия Федерацияси ва Сурия Араб Республикаси ўртасида Россия Федерацияси Қуролли Кучларининг авиация гуруҳини 2015 йил 26 августда Сурия Араб Республикаси ҳудудида қўшимча кўчмас мулк ва акваторияни топшириш тўғрисидаги Битимга 1-сонли Баённомани имзолаш бўйича таклифи қабул қилинсин", - дейилган ҳуқуқий-ахборот интернет-порталида эълон қилинган ҳужжатда.

Қонунчилик лойиҳасига принципиал характерга эга бўлмаган тузатишлар киритилиши мумкин.

Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

Сурияда Россия ҳарбийлари Хмеймим авиабазасида ва Тартус портидаги ҳарбий-денгиз базасида жойлашган.

881
Председатель Госсовета Корейской Народно-Демократической Республики Ким Чен Ын

Ким Чен Ин эрта ёшдаги интим алоқаларни давлатга хиёнатга тенглаштирди

300
КХДР етакчисига кўра, мактаб ўқувчилари таъқиқланган материаллар ёки кераксиз сайтларга киришмаётганини назорат қилиш учун уларнинг телефонлари ёки бошқа қурилмаларини текшириб бориш зарур

ТОШКЕНТ, 30 май - Sputnik. Шимолий Корея етакчиси Ким Чен Ин ўсмирлар ўртасидаги интим алоқалар туфайли "маънавиятсизлик тобора ўсиб бораётгани" ҳақида гапирди. Бу ҳақда argumenti.ru хабар берган.

Бундан ташқари, у, эрта содир бўладиган жинсий алоқаларни давлатга хиёнатга тенглаштирди. Ёш йигит-қизларнинг бу сингари ўзини тутиши "душманларга жамиятимизни пораканда қилишда қўл келмоқда", дейди КХДР етакчиси.

New York Post нашрида ёзилишича, Ким Чен Ин буларнинг барчасида капитализм ва порнография айбдорлигини, айнан шу туфайли ўсмирлар бузилиб кетганини қайд этган.

"Сўнгги вақтларда катта синф ўқувчилари ахлоқсиз сексуал оғишларда тобора кўпроқ иштирок этмоқда ва Корея ишчи партияси Марказий қўмитаси уларга қарши қатъий чоралар кўриш бўйича директива нашр этди", - деб баёнот қилган Шимолий Корея етакчиси.

Ҳужжатга кўра, ота-оналар ва мактаб раҳбарияти "тарбиясиз ёшлар учун" жавобгар бўладилар.

Ким Чен Ин "жинсий ахлоқсизлик" ўсишини тўхтатиш йўли ҳақида ҳам фикр билдирган. КХДР етакчисига кўра, мактаб ўқувчилари таъқиқланган материаллар ёки ножоиз сайтларга кирмаётганини назорат қилиш учун уларнинг телефонлари ёки бошқа қурилмаларини мунтазам текшириб бориш зарур.

300