Курил оролларидаги Россия байроғи туширилмайди - Путин

1358
(Янгиланган 16:03 22.06.2019)
Россия ҳукумати эса Япония биринчи галда Иккинчи жаҳон уруши якунларини, шу жумладан, Жанубий Курил ороллари устидан Россия суверенитетини тан олиши кераклигини бир неча маротаба қайд этган

ТОШКЕНТ, 22 июн - Sputnik. Президент Владимир Путин Япония томонидан билдирилаётган ҳудудий даъволарга қарамай, Россия Курил оролларидаги ўзига тегишли байроқни туширишни режалаштирмаётганини маълум қилди. Бу ҳақда РИА Новости хабар берди.

"Йўқ, бундай режаларимиз йўқ", - деган давлат раҳбари "Россия 1" телеканалига берган интервьюсида.

Путин шунингдек, Узоқ Шарқ, шу жумладан, Жанубий Курил оролларини ривожлантириш бўйича дастур ижроси давом эттирилишини маълум қилган.

"Биз у ерда инфратузилмани ривожлантирамиз. Билишимизча, яқинда аэропорт очилди", — деган президент.

Илгарироқ, жонли мулоқот давомида журналистлар саволларига жавоб берар экан, Путин мулоқотни, шу жумладан тинчлик шартномаси бўйича мулоқотни давом эттириш учун, Япония Бош вазири Синдзо Абэ билан учрашувни кутаётганини айтган эди.

Курил ороллари масаласи

Россия ва Япония Иккинчи жаҳон урушидан кейин тинчлик битимини имзолаганича йўқ. Битим имзоланишига Жанубий Курил ороллари (Кунашир, Шикотан, Итуруп ва Хамобаи) масаласининг очиқ қолаётгани асосий тўсиқ бўлиб қолмоқда. Токио 1855 йилда имзоланган Савдо ва чегара тўғрисидаги иккиёқлама трактатга таянган ҳолда ушбу оролларга даъво қилмоқда.

Москва позициясига кўра, ороллар, уруш якунига кўра СССР таркибига кирган ва улар устидан Россия суверенитети ҳеч кимда шубҳа уйғотмаслиги лозим.

1956 йилда СССР ва Япония Қўшма декларацияни имзолаган, унда Москва тинчлик битими имзолангач, Хабомай ва Шикотанни Японияга бериш имконини кўриб чиқишга розилик билдирган. Кунашир ва Итуруп тақдири ҳақида ҳужжатда ҳеч гап айтилмаган. Аммо кейинги музокаралар бу борада умуман натижа бермади. Токио позициясига АҚШ таъсир ўтказган бўлиши мумкинлиги истисно этилмайди. Америка, агар Япония фақат иккитагина курил оролларининг қайтарилишига розилик билдирса, у ҳолда бу унга Окинавани қайтаришга таъсир кўрсатиши билан таҳдид қилган бўлиши эҳтимолдан ҳоли эмас.

Ўтган йилнинг ноябрида Сингапурда Россия ва Япония етакчилари учрашгач, курил ороллари масаласи борасидаги жараёнлар анча фаоллашган эди. Ўшанда Япония Бош вазири, томонлар 1956 йилги декларация асосида ,музокараларни тезлаштиришга келишгани ҳақида маълум қилганди. Айтиш жоизки, шу пайтга қадар расмий позицияси - тўртала оролни ўзига қайтариш ва шундан кейингина тинчлик битими имзоланиши ҳақида музокара ўтказиш каби позицияда қатъий турган Япония учун бу ўта жиддий ён бериш бўлганди.

Россия ҳукумати эса Япония биринчи галда Иккинчи жаҳон уруши якунларини, шу жумладан, Жанубий Курил ороллари устидан Россия суверенитетини тан олиши кераклигини бир неча маротаба қайд этган.

1358
Президент Беларуси Александр Лукашенко

Лукашенко Беларусдан кетганини рад этди

391
(Янгиланган 15:06 14.08.2020)
Шунингдек, амалдаги президент Беларуснинг турли корхоналарида рўй бераётган норозиликларга изоҳ берди: унинг сўзларига кўра, ишларнинг тўхтатилиши бозорларни йўқотишга олиб келади.

ТОШКЕНТ, 14 авг — Sputnik. Александр Лукашенко ўзининг Беларусни тарк этганлиги ҳақидаги миш-мишларни рад этди, деб хабар қилмоқда Sputnik Беларусь.

"Аввало, маълум қилмоқчиманки, мен ҳозирча тирикман, чет элга ҳам чиқиб кетганим йўқ, айрим "хабардорлар" кўпиртираётгани каби. Бугун 14 сана, биз сиз билан қурилиш соҳасидаги ишларни муҳокама қилиш учун учрашиб турибмиз", - деди у мажлисда.

Шунингдек, амалдаги президент турли беларус корхоналаридаги норозилик акцияларига шарҳ берди: унинг айтишича, ишнинг тўхтатилиши бозорларни бой беришга олиб келади.

"Агар улар икки кун иш ташлаш қилса, у ҳолда рақиблар — россияликлар ва канадаликлар — шукр қилади. Ва тезда бозорга етказиши керак бўлган нарсани етказади. <...> Агар биз тўхтасак, ҳеч қачон ўз ишлаб-чиқаришимизни тарқата олмаймиз. Ҳеч қачон! Бизни бу ботқоққа итариб юборишади ҳам. Одамларга буни тушунтириш лозим: истасангиз - иш ташланг, ишлашни хоҳласангиз - ишланг", — дея таъкидлади Лукашенко.

Беларусдаги протестлар

Якшанба куни республикада президент сайловлари бўлиб ўтди ва унда, МСК маълумотларига кўра, 80 фоиздан ортиқ овоз билан, Александр Лукашенко ғолиб бўлди.  Иккинчи ўрин Светлана Тихановскаяники — 10,09 фоиз. Аёл штаби натижаларни тан олмаслигини маълум қилган: сиёсатчи вакилларининг сўзларига кўра, у учун фуқароларнинг 70-80%и овоз берган.

Минск ва мамлакатнинг бошқа шаҳарларида сайлов участкалари ёпилгач, санкцияланмаган протест акциялари бошланди ва бир неча кундирки улар тингани йўқ.

Энг мураккаб ҳолат пойтахтда кузатилди: намойишчилар баррикадалар қуриб, тарқалишдан бош тортдилар, куч вакиллари оммани тарқатиш учун сувотарлар, кўз ёш келтирувчи газ, шовқин гранаталари ва резина ўқлардан фойдаландилар.

Бир киши қурбон бўлди, кўпчилик касалхонага тушган. Етти мингга яқин одамлар қўлга олинди, пайшанба куни кечқурун уларни изоляторлардан чиқара бошладилар.

Куни кеча БелАЗ заводи ишчилари Жодинода миллий иш ташлаш эълон қилиш даъвати билан чиқиш қилишди. Шу билан бирга, завод матбуот-хизмати корхонада ҳеч қандай митинг ўтказилмаётгани, балки ишчиларнинг раҳбарият ва шаҳар маъмурияти билан учрашуви бўлиб ўтаётганини маълум қилдилар.

Бугун "Гродно-Азот" ва Жлобадаги БМЗ корхоналари ишчилари норозилик намойишларига чиқдилар.

391
Монеты России

Давлат бюджети харажатлари яна қисқартирилади

288
Жумладан, бюджет ташкилотларида 2021 йилнинг 1 январига қадар моддий рағбатлантириш жамғармаси, шу жумладан директор жамғармаси бўйича кўзда тутилган маблағлардан тўловлар тўхтатиб турилади

ТОШКЕНТ, 14 авг - Sputnik. Ҳукуматнинг коронавирус инфекциясига қарши курашиш учун заҳира яратиш мақсадида 2020 йилдаги Ўзбекистон Республикасининг давлат бюджети харажатларини мақбуллаштириш тўғрисидаги қарори лойиҳаси жамоатчилик муҳокамаси учун эълон қилинди.

Унга мувофиқ, республика бюджети қарийб 706 млрд сўмга оптималлаштирилади. Жумладан, бюджет ташкилотларида 2021 йилнинг 1 январига қадар моддий рағбатлантириш жамғармаси, шу жумладан директор жамғармаси бўйича кўзда тутилган маблағлардан тўловлар тўхтатиб турилади. Бунда 296 млрд сўм тежалади.

Иккинчидан, бюджет ташкилотларида асосий воситалар сотиб олиш учун 55,4 млрд, хизмат сафарлари учун 15,9 млрд ва бошқа харажатларни молиялаштириш тўхтатилади.

Учинчидан, маҳаллий бюджетларнинг 326 млрд сўмлик харажатлари оптималлаштирилади. Бундан ташқари, ижтимоий ва ишлаб чиқариш инфратузилмасини ривожлантириш дастурида кўзда тутилган харажатлар бўйича лимитлар ҳам қайта кўриб чиқилади. Натижада 130 млрд сўмча маблағ иқтисод қилинади.

Тўртинчидан, мақбуллаштирилган маблағлар келгусида коронавирус инфекциясига қарши курашиш чора-тадбирларига йўналтириш учун Инқирозга қарши курашиш жамғармасига йўналтирилади.

288
Школьный базар

ХТВ давлат мактаблари қачон иш бошлаши ҳақидаги саволга жавоб берди

0
(Янгиланган 07:51 15.08.2020)
Ҳозир ҳамма баравар бозорга борса ижтимоий масофа сақлаш қийин бўлади, шунинг учун жуда шошилиш, барча харидларни мактабгача амалга ошириш шарт эмас, дея таъкидлайди вазирлик

ТОШКЕНТ, 15 авг - Sputnik. Халқ таълими вазирлиги ота-оналардан келиб тушаётган давлат мактабларида янги ўқув йили қачондан бошланиши, ўқувчилар учун ўқув қуроллари ҳамда мактаб формасини харид қилиш масалалари юзасидан саволларга жавоб берди.

Хабарда қайд этишича, Республика махсус комиссиясининг қарори билан 2020 йилнинг 20 августидан бошлаб буюм бозорлари ҳамда буюмлар савдоси билан шуғулланувчи йирик дўконлар фаолиятига рухсат берилди. 

"Албатта ўқув йили қачон бошланишидан қатъий назар ўқувчилар учун ўқув қуроллари керак бўлади. Ота-оналаримиздан, бозор ва дўконлар очилгани билан, санитария қоидалари ва ижтимоий масофа сақлашлари, айниқса, фарзандлари соғлигига алоҳида эътибор қаратишларини сўраймиз. Ҳозир ҳамма баравар бозорга борса ижтимоий масофа сақлаш қийин бўлади, шунинг учун жуда шошилиш, барча харидларни мактабгача амалга ошириш шарт эмас. Ўқув қуроллари ва кийим-кечакларни мактаб бошланганидан кейин ҳам олиб бериш мумкин, энг асосийси ўзингиз ва фарзандларингизнинг саломатлигини асраш!", - дейилади хабарда.

Айни дамда ўқув йилини бошлаш юзасидан мутасадди вазирлик ва идораларга таклиф киритиш бўйича топшириқ берилган. Давлат умумтаълим мактаблари бўйича Республика Махсус комиссиясининг қарори яқин кунларда эълон қилинади.

Аввалроқ Халқ таълими вазирлиги мактаблар фаолиятини давом эттириш бўйича 3 та сценарий таклиф қилгани ҳақида хабар берган эдик.

0