Представители движения Талибан

Толибон АҚШ билан қатор масалаларда келишувга эришганини маълум қилди

556
(Янгиланган 21:35 11.07.2019)
Толибон вакили таъкидига кўра, АҚШ билан музокаралар ҳозирча муддати аниқ бўлмаган танаффусдан сўнг қайта тикланади.

ТОШКЕНТ, 11 июл - Sputnik. АҚШ ва "Толибон" радикал афғон ҳаракати делегациялари Қатарда бўлиб ўтган музокараларда деярли барча масалаларда келишувга эришдилар. Таъкидланишича, ҳал этилмаган масалалар бир ёки икки пунктни ташкил этади, холос. Бу ҳақда РИА Новостига "Толибон"нинг Дохадаги расмий вакили Сухайл Шахин пайшанба куни маълум қилди.

Америка делегацияси ва толиблар ўртасидаги музокаралар Қатарда сешанба, 9 июль куни, Дохадаги афғонлараро диалог якунланганч қайта тикланди. Шундан сўнг АҚШ делегациясига бошчилик қилган АҚШнинг Афғонистон бўйича махсус вакили Залмай Халилзад Пекинга учган. Халилзад у ердан толиблар билан музокаралар ҳолати ҳақида баёнот бериш учун Вашингтонга йўл олиши керак эди.

"Музокараларда муҳокама қилинган барча масалалар бўйича келишувга эришилди, кейинги раунд вақтида муҳокама этиладиган бир ёки икки пункт қолди, холос", - деб айтган Шахин.

У шунингдек, Америка қўшинларининг Афғонистондан чиқарилиш муддатлари ҳали келишилмаганини, аммо "тирқиш торайганини" таъкидлади.

Толибон вакили таъкидига кўра, АҚШ билан музокаралар ҳозирча муддати аниқ бўлмаган танаффусдан сўнг қайта тикланади.

"Танаффус кунлар ёки ҳафталарни олиши мумкин", - деб қўшимча қилди Шахин.

АҚШ махсус вакили илгарироқ "Толибон" билан музокаралар Қатарда тўрт асосий мавзуда олиб борилаётганини: у ўт очишни тўхтатиш, америка қўшинларининг мамлакатдан чиқарилиши, афғонлараро мулоқотни ўтказиш ҳамда афғон ҳудудидан АҚШ ёки бошқа давлатларга ҳужум қилиш мақсадида фойдаланишдан воз кечишни қамраб олганини хабар қилган эди.

556
Флаги России и Узбекистана

Ўзбекистон Россиянинг яна 3та шаҳрида консулхоналар очишни режалаштирган

102
Ҳозирда Бош консулликлар Россиянинг олтита шаҳрида - Санкт-Петербург, Екатеринбург, Владивосток, Қозон, Ростов-Дон, Новосибирскда очилган. Шунингдек Москвада Ўзбекистоннинг элчихонаси ҳам фаолият юритмоқда.

ТОШКЕНТ, 10 июл - Sputnik. Ўзбекистон Ташқи ишлар вазирлиги Россияда яна учта Бош консуллигини очиш масаласини кўриб чиқмоқда.

Тахминларга кўра, дипломатик идоралар Тула, Самара ва Саранскда очилиши мумкин. Бу ҳақда республика Ташқи ишлар вазирининг ўринбосари Эркин Ҳамраев парламентнинг “Народное слово” газетасига берган интервьюсида маълум қилди.

Ҳозирги кунда Ўзбекистон ваколатхоналари Россиянинг етти шаҳрида мавжуд:

• республика элчихонаси Москвада жойлашган. Шунингдек, элчихона қошида республика Ташқи меҳнат миграцияси агентлигининг ваколатхонаси фаолият юритмоқда;

• Бош консулликлар Санкт-Петербург, Екатеринбург, Владивосток, Қозон, Ростов-Дон ва Новосибирскда очилган.

Ҳамраевнинг сўзларига кўра, айни пайтда РФ ҳудудида 1,5 миллион ўзбекистонлик бор. Бироқ, республика фуқаролари ўз ҳолига ташлаб қўйилмади, дея қўшимча қилди вазир ўринбосари.

Шунингдек ватандошлар, турли идораларнинг, шу жумладан, Ўзбекистон фаол ҳамкорлик қилаётган "Россия мигрантлар Федерацияси" жамоат ташкилотининг ҳудудий бўлинмаларининг ёрдамига таяниши мумкин.

“Россияда ишни давом эттириш ниятида бўлган фуқаролар, РФ ҳудудида карантин чоралари аста-секин юмшатилаётганлиги сабабли, бош консулликларга бўш иш ўринлари тўғрисида маълумот олиш учун мурожаат қилмоқдалар”, - дея қўшимча қилди Хамраев.

Таъкидланишича, чет элда Ўзбекистоннинг иқтисодий фаол аҳолисининг қарийб 20 фоизи ишламоқда - бу 2,5 миллион киши дегани.

102

"С5+1"нинг ҳамкорликни ривожлантириш дастури эълон қилинди

160
(Янгиланган 15:58 10.07.2020)
30 июн куни бўлиб ўтган учрашувда иштирокчилар "C5 + 1" форматидаги ҳамкорликни янада ривожлантириш бўйича тадбирлар дастурини келишиб олдилар.

ТОШКЕНТ, 10 июл - Sputnik. Марказий Осиё давлатлари ва АҚШ - "С5+1" форматида ўтказилган учрашув қўшма баёноти оммага эълон қилинди.

Эслатиб ўтамиз, жорий йил 30 июн куни Америка Қўшма Штатлари Давлат котиби ва Қозоғистон Республикаси, Қирғизистон Республикаси, Тожикистон Республикаси, Туркманистон ва Ўзбекистон Республикаси ташқи ишлар вазирлари "C5+1" форматида учрашув ўтказган эдилар.

Учрашув иштирокчилари ўзаро ҳамкорликни янада ривожлантириш бўйича тадбирлар дастурини келишиб олдилар.

Унга кўра:

- иштирокчилар савдо ва инвестиция битими (TIFA) бўйича ҳамкорликни янада кучайтиришга келишдилар. Шунингдек, "C5+1" иқтисодий масалалар бўйича ишчи гуруҳининг йиғилишлари учун имкониятлар яратиш ва уларда Халқаро тараққиёт молия корпорацияси, Экспорт-импорт банки ва АҚШ савдо вазирлигининг халқаро савдо департаменти билан ҳамкорликни кенгайтириш масалаларини кўриб чиқишга келишиб олдилар.

Иқтисодий масалалар бўйича ишчи гуруҳ аёлларнинг иқтисодиётда иштирок этишлари учун имкониятларни яхшилашга ва "C5+1" иқтисодий тикланиш ва фаровонлик иштирокчилари сифатида аёлларни қўллаб-қувватлайдиган соҳаларни аниқлайди.

- Иқтисодий масалалар бўйича ишчи гуруҳ Афғонистоннинг транзит салоҳиятини ривожлантиришда ҳамкорлик имкониятларини, шу жумладан Афғонистон билан халқаро молиявий институтлар томонидан кенг кўламли ҳамкорлик лойиҳаларини молиялаштириш имкониятларини кўриб чиқади. Иқтисодий масалалар бўйича ишчи гуруҳ соғлиқни сақлаш, қишлоқ хўжалиги; туризм; транспорт; ахборот технологиялари; молиявий шаффофлик ва барқарорликни ошириш каби соҳаларни ҳам муҳокама қилади.

- Иккинчидан, энергия ва атроф-муҳит соҳасидаги ҳамкорликни мустаҳкамлаш мақсадида иштирокчилар "C5+1" формати доирасида ишчи гуруҳ экспертларининг учрашуви учун қайта тикланадиган энергия технологияларини интеграциялашуви ва хусусий сектор инвестицияларини жалб қилишни рағбатлантириш, шунингдек, ҳаво ва сув сифати соҳасида ҳамкорлик қилиш масалаларини муҳокама қилиш учун имкониятлар яратишга келишиб олдилар.

Шунингдек, ишчи гуруҳ инновациялар ва янги технологияларни қўллаш орқали Марказий Осиёнинг экологик жиҳатдан ноқулай зоналарида, шу жумладан Орол денгизи ҳавзасидаги ижтимоий-иқтисодий вазиятни яхшилаш масалаларини ҳам муҳокама қилади.

Ишчи гуруҳ атроф-муҳит муаммоларига мослашиш бўйича миллий режаларни қўллаб-қувватлаш, шунингдек, бошқа минтақавий энергетика лойиҳалари, қайта тикланадиган энергия манбалар, энергия тежаш ва энергетика секторининг барча даражаларида аёлларнинг интеграциясини масалаларни муҳокама қилади.

- Учинчидан, иштирокчилар "C5 + 1" ишчи гуруҳи доирасида товарларнинг эркин айланишини, одам савдоси ва ноқонуний товарларнинг олдини олиш, ядровий ва радиологик хавфсизликни олдини олиш ҳамда хавфсиз ва самарали чегараларни таъминлаш чораларини муҳокама қилиш бўйича ҳамкорликни давом эттиришга ва минтақавий ҳамкорликни кенгайтиришга келишиб олдилар. Хавфсизлик бўйича ишчи гуруҳи аёллар хавфсизлигини ошириш, тинчликни сақлаш, можароларнинг олдини олиш ва уларга жавоб бериш, терроризм ва зўравон экстремизмга қарши курашда иштирок этишга интилади.

Хавфсизлик бўйича ишчи гуруҳи, шунингдек, зўравон экстремизмга қарши кураш, террористик тармоқлар орқали онлайн-рекрутинг (ёллаш)га қарши курашиш, шу жумладан Марказий Осиё давлатларига халқаро мажбуриятларни бажаришга имкон бериш мақсадида терроризмга қарши қўшма ва минтақавий тренинглар ўтказиш масалаларини ҳам муҳокама қилади.

160

АҚШ сурияликларни “очликдан ўлдириш”га уриниш учун Россия ва Хитойни жазоламоқчи

0
(Янгиланган 20:33 10.07.2020)
Америка бош котиби БМТда вето қўйиш ҳуқуқини суиистеъмол қилаётгани учун Россия ва Хитойни жазолаш керак деб ҳисобламоқда.

Куни кеча давлатлар Сурияга гуманитар ёрдам етказиш бўйича резолюцияни блокладилар. Бельгия ва Германия томонидан Туркия-Сурия чегарасида 2та НЎП қолдиришни таклиф қилишди. Бироқ Москва ва Хитой бунга рози бўлмади. Россия ўз резолюция лойиҳасини тайёрлади.

Америкаликлар норозилигининг яширин сабаблари ҳақида – видеомиздан билиб олишингиз мумкин.

0