Страны мира. Афганистан

Афғонистон ТИВга Ўзбекистон Толибонни қабул қилгани ёқмади

1536
(Янгиланган 17:29 10.08.2019)
Сабгатулла Ахмадий мамлакат Ўзбекистон, минтақа ҳамда жаҳоннинг бошқа давлатларидан Афғонистон халқига ва унинг раҳбариятига ҳурматда бўлишни, айнан Афғонистон халқи ва раҳбарияти тинчлик жараёнида бош ролда бўлишлари кераклигини кутаётганини айтган

ТОШКЕНТ, 10 авг – Sputnik. "Толибон" ҳаракати етакчиларининг Ўзбекистонда қабул қилиниши Тошкент Қобулга тинчлик жараёнида ёрдам беришни хоҳламаслигига ишорадир, деди РИА Новостига Афғонистон ТИВ расмий вакили Сабгатулла Ахмадий.

8 август куни Ўзбекистон ТИВда Дохадаги "Толибон" сиёсий офисининг мулла Бародар Ахунд раҳбарлигидаги вакиллари билан учрашув бўлиб ўтди.

""Толибон" раҳбариятини Ўзбекистонда қай тарзда қабул қилишгани, шунингдек, музокаралар жараёни Ўзбекистон Афғонистонга ёрдам бераётгани ёки майдонни таъминлаб бераётганини кўрсатмайди", - деб айтган идора вакили. Унинг сўзларига кўра, шу билан бирга, Қобул, қўшни мамлакатларнинг Афғонистондаги тинчлик жараёнига ёрдам бериш истагини олқишлайди.

Сабгатулла Ахмадий мамлакат Ўзбекистон, минтақа ҳамда жаҳоннинг бошқа давлатларидан Афғонистон халқига ва унинг раҳбариятига ҳурматда бўлишни, айнан Афғонистон халқи ва раҳбарияти тинчлик жараёнида бош ролда бўлишлари кераклигини кутаётганини айтган.

Ахмадий шунингдек, афғонлараро музокараларнинг кейинги раунди ўтказиладиган жой тез орада аниқланишини айтган. У ушбу раундни ўз ҳудудида қабул қилиш истагини Ўзбекистон, Норвегия, Индонезия ва ГФР давлатлари билдиришганини эслатиб ўтган.

Июль ойи охирида Ўзбекистон ТИВ ўзбек томони Афғонистон ҳукумати ва "Толибон" ҳаракати учрашувини Самарқандда ўтказишга тайёрлигини ва бу учрашув муваффақиятли ўтишига умид қилишини маълум қилган эди. Идора маълумотига кўра, Самарқанддаги учрашув вақти афғоналараро музокараларнинг барча иштирокчилари томонидан тасдиқлангач, эълон қилинади.

2018 йилнинг март ойида Тошкентда Афғонистондаги вазиятни барқарорлаштириш бўйича ўтказилган анжуманда Ўзбекистон президенти Шавкат Мирзиёев ўзбек томони афғон ҳукуматига ва "Толибон" ҳаракатига тўғридан-тўғри музокараларни ўтказиш учун барча шароитни тақдим этишга тайёрлигини билдирган эди. Анжуман якуни бўйича қабул қилинган декларацияда Афғонистон ҳукумати ва қуролланган оппозиция, хусусан, "Толибон" ўртасида тўғридан-тўғри музокараларни олдиндан ҳеч қандай шарт қўймасдан қисқа вақтда бошлаш зарурати бўйича умумий позиция акс этган эди.

Афғонистонда ҳукумат кучлари ва "Толибон" радикал ҳаракати жангарилари ўртасида қарши кураш кечмоқда. "Толибон" жангарилари мамлакатнинг қишлоқ туманларида каттагина ҳудудларни эгаллаб олган ва йирик шаҳарларга босқинчилик ишлари кўламини кенгайтирган. Шунингдек, мамлакат ҳудудида "ИД" террористик гуруҳи таъсири ҳам кучайган. Афғонистон миллий мудофаа ва хавфсизлик кучлари бутун мамлакат бўйлаб ҳамкорликда терроризмга қарши операцияларни ўтказиб келмоқда.

1536
Президент Республики Таджикистан Эмомали Рахмон принял Премьер-министра Республики Узбекистан Абдуллу Арипова

Савдо-сотиқ, гидроэнергетика ва COVID-19: Арипов ва Раҳмон нималарни муҳокама қилди

161
Абдулла Арипов Душанбеда Тожикистон президенти Эмомали Раҳмон билан учрашди. Учрашувда қатор масалалар муҳокама қилинди.

ТОШКЕНТ, 30 сен — Sputnik. Душанбе шаҳрида Ўзбекистон бош вазири Абдулла Ариповнинг Тожикистон президенти Эмомали Раҳмон билан учрашуви бўлиб ўтди. Бу ҳақда Тожикистон давлат раҳбари матбуот хизмати хабар қилмоқда.

Учрашув доирасида томонлар Тожикистон-Ўзбекистон муносабатларининг ҳолати ва ривожлантириш истиқболларини муҳокама қилди.

Суҳбат чоғида ўзаро товар алмашиш ҳажмининг тобора ўсиб бораётгани қайд этилди ва Савдо-иқтисодий ҳамкорлик бўйича ҳукуматлараро комиссиясининг фаол иши таъкидланди.

“Янги коронавирус инфекцияси пандемияси шароитида ҳамкорликни кенгайтиришга оид долзарб масалалар муҳокамаси чоғида Раҳмон фурсатдан фойдаланиб, барча учун оғир дамларда кўрсатилган инсонпарварлик ёрдами учун ўзбек дўстларига яна бир бор миннатдорчилик билдирди”, - дейилган хабарда.

Суҳбат чоғида Арипов ва Раҳмон икки давлат савдо-иқтисодий алоқаларига дунё инқирозининг салбий таъсирига барҳам бериш учун зарурий чоралар кўрилиши тарафдори эканликларини билдиришди. Сўнгра ўзаро товар алмашиш тузилмасини диверсификация қилиш, савдо-сотиқда техник тўсиқларни бартараф этиш, савдо уйлари, компаниялар ваколатхонаси ва филиалини очиш юзасидан фикр алмашилди.

Шу билан бирган томонлар гидроэнергетикадаги ҳамкорлик муҳимлигини таъкидлади.

Эслатиб ўтамиз, Абдулла Арипов бошчилигидаги Ўзбекистон ҳукумати делегацияси 29 сентябрь куни Душанбе шаҳрига ташриф буюрди. Ташриф давомида Абдулла Арипов Тожикистон бош вазири Қоҳир Расулзода билан ҳам учрашди.

161

Британия ва Канада Лукашенкога қарши санкция киритди

258
(Янгиланган 09:35 30.09.2020)
Британиялик дипломатларнинг қайд этишича, рестрикциялар "Беларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади

ТОШКЕНТ, 29 сен — Sputnik, Мария Табак. Буюк Британия ва Канада Беларус президенти Александр Лукашенко, унинг ўғли Виктор ва мамлакатнинг бир нечта юқори мартабали ҳукумат аъзоларига қарши санкцияларни киритдилар, деб хабар бермоқда британия ТИВ.

Чеклов чоралари Бирлашган Қиролликка кириш ва саккиз кишига нисбатан, хусусан, Лукашенконинг ўзи, унинг ўғли, миллий хавфсизлик бўйича маслаҳатчи Виктор Лукашенкога, президент арминистрацияси раҳбари Игорь Сергеенконинг, ички ишлар вазири Юрий Караев, ички ишлар вазири ўринбосарлари Александр Барсуков ва Юрий Назаренко, ИИВ ички қўшинлари қўмондони ўринбосари Хазалбек Атабеков ва Махсус полиция минск бўлинмаси раҳбари Дмитрий Балабиларнинг активларини музлатишни кўзда тутади. 

Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади.

"Дунё ҳамжамиятининг кўплаб даъватларига қарамай, Александр Лукашенко шафқатсиз репрессияларни кучайтирган оппозиция билан мулоқотга киришишдан бош тортди", — дейилади Буюк Британиянинг Россиядаги элчихонаси хабарида.

Лондон чекловларни жорий йил июль ойида кучга кирган "инсон ҳуқуқларини поймол этганлиги учун санкцияларнинг британ режими" (Global Human Rights Sanctions Regime) доирасида қўллаган.

"Буюк Британия мустақил санкциялар режими инсон ҳуқуқларини жиддий равишда бузадиганларга Буюк Британияга саёҳат қилишни, британ банклари орқали пул ўтказишни ёки Буюк Британия иқтисодиётидан бирон бир фойда олишни тақиқлашга имкон беради", - дея аниқлик киритган дипломатик ваколатхона.

Беларусдаги воқеалар

Беларусдаги оммавий норозиликлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 % овоз олган. Оппозиция сайловларда Светлана Тихановская ғалаба қозонди деб ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомёт, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Лукашенко АҚШни Беларусдаги норозиликларни ташкил этганликда айблади. Президентнинг айтишича, европа мамлакатлари Вашингтонга ён босмоқда ва ҳаммасини "айтилганидек бажаришмоқда". Беларус етакчисининг сўзига кўра, Ғарб Минскни Москвага қарши қайрамоқчи.

23 сентябр куни Лукашенконинг инаугурацияси бўлиб ўтгач, бу янги норозилик акцияларини юзага келтирди, акциялар иштирокчилари куч методлари ва водомётлар ёрдамида тарқатилди.

258
Денежные купюры

ЕТТБ “Иссиқлик электр станциялари”ни 88,6 млн миқдорида молиялаштиради

2
Банк Директорлар кенгаши куз-қиш даврида Ўзбекистон энергия ишлаб чиқарувчи корхоналарнинг узлуксиз ишлашини таъминлаш мақсадида ушбу лойиҳани маъқуллаган.

ТОШКЕНТ, 1 окт — Sputnik. Европа тикланиш ва тараққиёт банки (ЕТТБ) “Иссиқлик электр станциялари” АЖни 88,6 млн евро миқдорида молиялаштиришни маъқуллади. Бу ҳақда Ўзбекистон бош вазири ўринбосари - инвестициялар ва ташқи савдо вазири Сардор Умурзаковнинг банк президенти вазифасини бажарувчи Юрген Ригтеринк билан музокараларида маълум қилинди.

Банк Директорлар кенгаши томонидан куз-қиш даврида Ўзбекистон энергия ишлаб чиқарувчи корхоналарнинг узлуксиз ишлашини таъминлаш мақсадида “Иссиқлик электростанциялари” АЖ 88,6 млн евро миқдорида молиялаштирилишини маъқуллаган.

Шунингдек, ЕТТБ "Масдар" (БАА)нинг “Навоий вилояти Кармана туманида 100 МВт қувватга эга фотоэлектр станциясини қуриш” лойиҳасидаги тўғридан-тўғри инвестициялари амирлик компаниясига 60,0 млн доллар миқдорида маблағ ажратиш орқали қўллаб-қувватланиши билдирилди.

Видеоконференция давомида томонлар энергетика, соғлиқни сақлаш ва инфратузилмани ривожлантириш соҳаларида Ўзбекистонда давлат хусусий шериклик шартларига асосланган истиқболли инвестиция лойиҳаларини амалга ошириш учун инвестицияларни жалб қилиш бўйича ҳамкорликни кенгайтириш масалаларини ҳам муҳокама қилдилар.

Банкнинг кичик ва ўрта бизнесни молиявий қўллаб-қувватлаш дастурини кенгайтиришга тайёрлиги таъкидланди.

2