Оролбўйида инновация ва технологиялар ҳудуди ташкил этилади
(Янгиланган 11:30 30.10.2019)
Шавкат Мирзиёев сўзларига қараганда, Оролни бутунлигича қайта тиклаш имкони йўқ, шунинг учун Орол инқирозининг атроф-муҳитга салбий таъсирини камайтириш муҳим вазифа бўлиб қолмоқда.ТОШКЕНТ, 25 окт - Sputnik, Мария Науменко. Орол бўйи минтақасида экологик инновациялар ва технологиялар ҳудуди ташкил этилади. Бу ҳақда Sputnik Ўзбекистон мухбири Шавкат Мирзиёев нутқига асосланиб хабар қилади.
Ўзбекистон президенти “Орол бўйи – экологик инновациялар ва технологиялар ҳудуди” халқаро конференцияси иштирокчиларига йўллаган мурожаатида, шунингдек, табиий офатнинг салбий натижаларини камайтириш йўлида амалга оширилаётган чора-тадбирлар борасида ҳам тўхтаб ўтилган. Мурожаатномани Бош вазир биринчи ўринбосари Ачилбой Раматов ўқиб эшиттирди.
Бугун “яшил” иқтисодиётга ҳар кимдан ҳам кўпроқ Ўзбекистон муҳтож
“Орол – энг йирик глобал экологик офатлардан бири. Унинг оқибатлари бугунги барқарор тараққиётга таъсир ўтказишда давом этмоқда. Оролнинг қуриган тубида бир миллионга яқин гектар муҳофазаловчи дарахтлар экилган: саксовулдан тортиб бошқа тузга чидамли ўсимликларгача. Орол денгизининг қуриши оқибатларини олдини олиш учун халқаро куч ва ресурсларнинг бирлашуви талаб қилинади”, - деди Мирзиёев.
Президент сўзларига кўра, Орол денгизини тўлиқ равишда қайта тиклашнинг имкони йўқ, шунинг учун ҳам Орол инқирозининг атроф-муҳитга ва минтақадаги миллионлаб кишининг турмуш тарзига салбий таъсирини камайтириш муҳим вазифа бўлиб қолмоқда.
“Биз Орол бўйини экологик инновациялар ва технологиялар ҳудудига айлантиришни таклиф қиламиз. Эътиборингизга махсус ишлаб чиқилган концепция лойиҳалари тақдим этилади. Улар минтақанинг “яшил” иқтисодиёт тамойилларига асосланган ижтимоий-иқтисодий барқарор ривожланишини таъминлашга йўналтирилган”, - дейилади республика раҳбари нутқида.
Тадбирда қарийб 40 та мамлакатдан 300 дан ортиқ киши иштирок этмоқда. Конференция давомида меҳмонлар тоза технологияларга инвестицияларни жалб қилиш масалалари, қурғоқчилик, экологик миграцияни олдини олиш усуллари, Орол бўйи минтақасида экологик туризмни тараққий топтириш кабиларни муҳокама қилиши кўзда тутилган.
Орол денгизининг қуриган жойида ўрмон қад росламоқда
Экологик тоза технологияларни ишлаб чиқиш ва татбиқ этишга хорижий сармояларни жалб қилишнинг шароитларини шакллантириш учун зарур чораларни ишлаб чиқиш режалаштирилган.
Орол инқирозининг атроф-муҳитга ва минтақа аҳолисига ҳалокатли таъсирини қисқартириш ҳозирги замоннинг муҳим вазифаларидан деб белгиланди.
Ўзбекистон раҳбари томонидан иқтисодиётнинг турли тармоқларига илғор технологияларни жалб қилиш ва йирик ижтимоий инфратузилма лойиҳаларини жорий этиш орқали Орол бўйини умидлар ва имкониятлар минтақасига айлантиришдек ташаббуснинг амалда татбиқ этилишига ушбу конференция асос солади.
Президент Марказий банк раисига янги ўринбосар тайинлади
ТОШКЕНТ, 26 янв — Sputnik. Ўзбекистон президенти Шавкат Мирзиёевнинг фармони билан Аброрхўжа Турдалиев Марказий банки раисининг ўринбосари этиб тайинланди. Бу ҳақда банк матбуот хизмати хабар қилмоқда.
Турдалиев зиммасига кредит ташкилотлари пруденциал назорати, кредит ташкилотларида молиявий мониторингни мувофиқлаштириш ва валюта назорати, кредит ташкилотларини инспекция қилиш йўналишларини мувофиқлаштириб бориш вазифаси юклатилди.
У 1979 йил Тошкент вилоятида туғилган. 2000 йили Тошкент молия институтини, 2013 йили Банк-молия академиясини тамомлаган.
Меҳнат фаолиятини 2000 йилда мамлакат Марказий банкида етакчи иқтисодчиликдан бошлаб, бош иқтисодчи, бўлим бошлиғи, бошқарма бошлиғи, департамент директори ўринбосари каби лавозимларда фаолият юритган.
Лавозимга тайинлангунга қадар эса, у Марказий банкнинг Кредит ташкилотлари пруденциал назорати департаменти директори бўлиб ишлаб келаётганди.
Теглар:
Ўзбекистон илк бор ЕОИИ ҳукуматлараро кенгаши йиғилишида иштирок этади
(Янгиланган 18:42 25.01.2021)
Ўзбекистон ва Куба илк бор Евроосиё иқтисодий иттифоқи ҳукуматлараро кенгашининг мажлисида иштирок этади.ТОШКЕНТ, 25 янв — Sputnik. Евроосиё иқтисодий иттифоқи (ЕОИИ) ҳукуматлараро кенгашининг навбатдаги йиғилиши 2021 йил 5 февралда Олмаотада бўлиб ўтади, деб хабар қилди Sputnik Қозоғистон мамлакат ташқи ишлар вазирлигига асосан.
Йиғилишда Арманистон, Беларусь, Қозоғистон, Қирғизистон, Россия ҳукумат раҳбарлари ва Евроосиё иқтисодий комиссияси Ҳайъати раиси иштирок этади.
Бундан ташқари, тадбирда ЕОИИда кузатувчи-давлатлар - Молдова, Ўзбекистон ва Куба иштирок этиши кутилмоқда.
Йиғилишлар тор ва кенгайтирилган таркибда бўлиб ўтади. Савдо-иқтисодий ҳамкорликни кенгайтириш, ички бозор фаолиятидаги тўсиқларни бартараф этиш, шунингдек иқтисодиётнинг айрим тармоқларида интеграцион салоҳиятни ривожлантириш масалалари муҳокама қилинади.
Эслатиб ўтамиз, бугун Олий Мажлис Қонунчилик палатасининг Ўзбекистоннинг ЕОИИ билан ҳамкорлигини йўлга қўйиш масаласини ўрганишни ташкил этиш бўйича ишчи гуруҳининг йиғилиши бўлиб ўтди.
Дастлаб йиғилишда Ўзбекистон Республикаси президенти Шавкат Мирзиёев томонидан 2020 йил 29 декабрь куни Олий Мажлисга йўлланган Мурожаатномадан келиб чиқиб, 2021 йилда ЕОИИ билан ҳамкорликни йўлга қўйиш масаласини ўрганишни ташкил этиш, Ўзбекистоннинг ЕОИИга кузатувчи мақомида ушбу миинтақавий тузилманинг кенг имкониятларидан ҳар томонлама фойдаланиш йўлларини қидириш Қонунчилик палатасида тузилган мазкур ишчи гуруҳнинг асосий вазифаларидан бири эканлиги таъкидланди.
Йиғилиш иштирокчилари Ўзбекистон ЕОИИда кузатувчи мақомини олганлиги ҳамда ушбу ташкилотга аъзо бўлган давлатлар бозорларида тўлақонли иштирок этиши учун ҳамкорликнинг ҳуқуқий тартибга солиш механизмларини чуқур ўрганиш, миллий техник тартибга солиш меъёрларини ЕОИИ талабларига мослаштириш бўйича ишларни жадаллаштириш зарурлигини таъкидлашди. ЕОИИ билан Ўзбекистон ўртасида ҳамкорлик ишларини самарали ташкил этиш мақсадида 2021 йилга мўлжалланган “Йўл харитаси” лойиҳаси атрофлича муҳокама қилиниб, тасдиқланди.
Теглар:
"Тахтақорача" довонида ФВВ ўқув-машқи ўтказилди
(Янгиланган 18:48 26.01.2021)
"Тахтақорача" довонида мураккаб об-ҳаво шароитида Фавқулодда вазиятлар вазирлигининг махсус-тактик ўқув машқлари бўлиб ўтди. ТОШКЕНТ, 26 янв - Sputnik. Самарқанд вилояти Ургут туманида жойлашган "Тахтақорача" довонида Фавқулодда вазиятлар вазирлигининг ўқув машқлари бўлиб ўтди.
"ФВДТ ҳудудий ва функционал қуйи бўғинлари хизматларининг табиий ҳамда техноген хусусиятли фавқулодда вазиятларда ҳамкорликдаги ҳаракатлари" мавзусида махсус-тактик ўқув машқи бўлиб ўтди.
Ўқув машқи 4 босқичда ўтказилди:
- Довонда қор кўчкиси содир бўлганда, тегишли хизматларнинг куч-воситалари фавқулодда вазиятни бартараф этиш учун йиғилди ва уларнинг шайлиги саф кўриги орқали кўздан кечирилди. Шунингдек, қор кўчкиси содир бўлиш хавфи мавжуд бўлган ҳудудлардан аҳоли ва моддий бойликларини хавфсиз жойларга кўчириш ишлари амалда кўриб чиқилди.
МЧСУчения МЧС на перевале Тахтакорача - Қор кўчкиси оқибатида транспорт воситалари билан боғлиқ шартли равишда содир этилган авто-авариялар оқибатлари бартараф этилди ва қор кўчкиси остида қолган фуқароларни қидириш ҳамда қутқарув ишларини амалга ошириш, жабрланганларга биринчи тиббий ёрдам кўрсатиш ишлари олиб борилди.
МЧСУчения МЧС на перевале Тахтакорача - Довонда икки томонлама йўл ҳаракатини тиклаш, фуқароларнинг ҳаётий тизимини маромига келтириш, автомобил йўлини қордан тозалаш, йўл қатнов қисмининг сирпанчиқ ва тик қияли ҳудудларида қум ва қум-туз аралашмасини сепиш, йўл белгиларини таъмирлаш ишлари олиб борилди.
- Машғулот якунида иштирокчиларга йўл қўйилган камчиликлар ва уларни бартараф этиш бўйича зарур тавсиялар берилди.
Маълумот учун ўтган дам олиш кунлари арафасида Тахтақорача довонида қалин қор (20-30 см) ёққан эди. Шу сабабли юқорида қайд этилган ўқув машғулотлари аслига яқин мураккаб шароитларда бўлиб ўтди.
МЧС
Учения МЧС на перевале Тахтакорача