Президент РФ В. Путин на саммите ШОС в Китае

Шавкат Мирзиёев ШҲТнинг 4 давлати бош вазирларини қабул қилди

255
(Янгиланган 17:38 01.11.2019)
Шавкат Мирзиёев кун давомида Қозоғистон, Қирғизистон, Беларус ва Тожикистон бош вазирларини қабул қилди.

ТОШКЕНТ, 1 ноя – Sputnik. Шавкат Мирзиёев кун давомида ШҲТ саммитида иштирок этиш мақсадида Тошкентга етиб келган 4 мамлакати бош вазирларини қабул қилди, деб хабар қилмоқда президент матбуот хизмати.

Ўзбекистон президенти Қозоғистон бош вазири Асқар Мамин билан учрашув чоғида ўзаро савдо ҳажми ортиб, инвестиция, банк-молия, транспорт-коммуникация ва бошқа соҳалардаги ҳамкорлик кенгайиб бораётгани ҳамда Ўзбекистонда ўтаётган Қозоғистон йили доирасида ҳудудлараро алоқалар ва маданий-гуманитар алмашинувлар фаоллашганини қайд этди.

Президент Узбекистана Шавкат Мирзиёев и премьер-министр Казахстана Аскар Мамин
Президент Узбекистана Шавкат Мирзиёев и премьер-министр Казахстана Аскар Мамин

Қирғиз Республикаси бош вазири Муҳаммадқалий Абилғазиев билан бўлган суҳбатда Ўзбекистон президенти республикалар ўртасидаги дўстлик, яхши қўшничилик ва стратегик шериклик муносабатларини мустаҳкамлашнинг долзарб масалалари муҳокама қилинди. Савдо-иқтисодий, саноат, транспорт, агросаноат, маданий-гуманитар ва бошқа соҳалардаги шерикликни, шунингдек, чегараолди ҳамкорликни янада кенгайтириш муҳимлиги қайд этилди.

Президент Узбекистана Шавкат Мирзиёев и премьер-министр Кыргызстана Мухаммедкалый Абылгазиев
Президент Узбекистана Шавкат Мирзиёев и премьер-министр Кыргызстана Мухаммедкалый Абылгазиев

Ундан сўнг Шавкат Мирзиёев Тожикистон бош вазири Қоҳир Расулзода билан учрашиб, Ўзбекистон билан Тожикистон ўртасидаги дўстлик ва яхши қўшничилик муносабатлари изчил ривожланиб бораётгани, икки давлат раҳбарларининг биргаликдаги саъй-ҳаракатлари билан стратегик шериклик даражасига кўтарилганини катта мамнуният билан қайд этди.

Учрашувда сиёсий, савдо-иқтисодий, энергетика, транспорт, маданий-гуманитар соҳалар ва бошқа устувор йўналишларда эришилган олий даражадаги келишувларни ўз вақтида ва тўлиқ ҳажмда амалга ошириш муҳимлиги қайд этилди.

Президент Узбекистана Шавкат Мирзиёев и премьер-министр Таджикистана Кохир Расулзода

Беларусь Республикаси Бош вазири Сергей Румас билан бўлиб ўтган учрашувда Ўзбекистон президенти ўзаро ҳамкорликни кенгайтириш ва иқтисодиётнинг турли тармоқларида истиқболли кооперация лойиҳаларини илгари суришдан, шунингдек, ҳудудлараро алоқалар ва маданий-гуманитар алмашинувни мустаҳкамлашдан икки томон ҳам манфаатдор экани қайд этилди.

Шавкат Мирзиёев принял Сергея Румаса

Жорий йил август ойига Беларусга амалга оширилган олий даражадаги расмий ташриф якунида эришилган келишувлар ва имзоланган битимларни кенг кўламда амалга ошириш муҳим экани таъкидланди.

255

Россия қатор давлатлар туристлари учун ўз чегарасини очишни режалаштирмоқда

700
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

700

Путин Суриядаги Россия ҳарбий базасини кенгайтириш бўйича топшириқ берди

920
Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

ТОШКЕНТ, 29 май - Sputnik. Россия президенти Владимир Путин РФ Мудофаа вазирлиги ва Ташқи ишлар вазирлигига Сурия томони билан ҳарбий базани кенгайтириш борасида музокаралар ўтказиш бўйича топшириқ берди. Бу ҳақда давлат раҳбари фармойишида айтилган.

"Россия Федерацияси ҳукуматининг Россия Федерацияси ва Сурия Араб Республикаси ўртасида Россия Федерацияси Қуролли Кучларининг авиация гуруҳини 2015 йил 26 августда Сурия Араб Республикаси ҳудудида қўшимча кўчмас мулк ва акваторияни топшириш тўғрисидаги Битимга 1-сонли Баённомани имзолаш бўйича таклифи қабул қилинсин", - дейилган ҳуқуқий-ахборот интернет-порталида эълон қилинган ҳужжатда.

Қонунчилик лойиҳасига принципиал характерга эга бўлмаган тузатишлар киритилиши мумкин.

Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

Сурияда Россия ҳарбийлари Хмеймим авиабазасида ва Тартус портидаги ҳарбий-денгиз базасида жойлашган.

920

Россияда аниқланган коронавирус ҳолати 400 мингтадан ошиб кетди

20
Россияда аниқланган коронавирус ҳолатининг умумий сони 405 843 тага етди. Шулардан 171,8 мингдан зиёди тузалиб кетган.

ТОШКЕНТ, 31 май — Sputnik. Россияда сўнгги сутка давомида коронавирус билан боғлиқ 9268 та янги ҳолат аниқланди. Аниқланган ҳолатларнинг умумий сони 405 843 тага етди. Бу ҳақда мамлакат тезкор штаби маълумотлари дарак бермоқда.

Энг кўп ҳолат Москвада (+2595) аниқланган. Москвада коронавирус билан касалланганларнинг умумий сони 180 791 нафарга етган.

Россияда коронавирусдан 171,8 мингдан зиёд киши тузалиб кетган. 4693 та ўлим ҳолати қайд этилган. Дунёда Россия коронавирус бўйча АҚШ ва Бразилиядан кейинги ўринда қайд этилган.

20
Мавзу:
COVID-19 умумжаҳон пандемияси