Парламентские выборы в Узбекистане пройдут 22 декабря.

Ўзбекистонда сайловолди ташвиқотларига старт берилди

231
Ўзбекистонда навбатдаги парламент сайловлари 22 декабрда бўлиб ўтади. Ўзбекистонда расман бешта партия рўйхатдан ўтган.

ТОШКЕНТ, 18 ноя — Sputnik. Ўзбекистонда 18 ноябрдан Олий Мажлис Қонунчилик палатаси ҳамда маҳаллий Кенгашлар депутатлари сайлови бўйича сиёсий партияларнинг ва депутатликка номзодларнинг сайловолди ташвиқотига старт берилди. Бу ҳақда Адлия вазирлиги хабар қилмоқда.

Ташвиқот номзодларни рўйхатга олиш учун белгиланган охирги куннинг эртасидан эътиборан бошланади. Сайлов куни ва овоз беришга бир кун қолганида ташвиқотга йўл қўйилмайди. Ташвиқотни сайловчиларга бепул ёки имтиёзли шартларда товарлар бериш, хизматлар кўрсатиш (ахборот хизматларидан ташқари), шунингдек, пул маблағлари тўлаш билан қўшиб олиб бориш тақиқланади. Нотўғри ахборотни, шунингдек, номзодларнинг шаъни ва қадр-қимматига путур етказадиган маълумотларни тарқатиш тақиқланади.

Ўзбекистонда навбатдаги парламент сайловлари 22 декабрда бўлиб ўтади. Ўзбекистонда расман бешта партия – Ўзбекистон Халқ демократик партияси, Ўзбекистон либерал-демократик партияси, Ўзбекистон “Миллий тикланиш” демократик партияси, Ўзбекистон “Адолат” социал-демократик партияси ҳамда Ўзбекистон Экологик партияси рўйхатдан ўтган.

231
Мавзу:
Ўзбекистонда парламент сайловлари – 2019 (82)
 Государственный департамент США

"Россия пропагандаси" ҳақидаги ҳисоботга АҚШдаги РФ элчихонаси изоҳ берди

67
(Янгиланган 16:34 06.08.2020)
Аввалроқ, Давлат департаменти қошидаги Глобал ҳамкорлик маркази "Россия дезинформацияси устунлари" ҳақида ҳисоботни эълон қилган бўлиб, унда "Россия тарғиботи" концепцияси тизимлаштирилган эди.

ТОШКЕНТ, 6 авг — Sputnik. Давлат департаментининг "Россия пропагандаси" ҳақидаги ҳисоботи Москванинг АҚШ билан ҳамкорликни қайта тиклаш бўйича таклифларини "сўндириш"га мўлжалланган, дея баёнот берди Россиянинг Вашингтондаги элчихонаси.

Аввалроқ, Давлат департаменти қошидаги Глобал ҳамкорлик маркази "Россия дезинформацияси устунлари" ҳақида ҳисоботни эълон қилган бўлиб, унда "Россия тарғиботи" концепцияси тизимлаштирилган эди. Жумладан, "пропаганда" таърифи давлат томонидан молиялаштирилган Россия ОАВларига нисбатан қўлланилди.

Дезинформацияларга мисол сифатида жумладан, Sputnik, РИА Новости, RT, Биринчи канал, Россия 24 ва бошқа медиа-ресурслар сарлавҳалари келтирилганди.

Дипломатик ваколатхона "АҚШни танқид қилишга журъат қиладиган" Россия ва хорижий ОАВларига "улар синчковлик билан текширилиши мумкинлиги" ҳақида ёдда тутишлари лозимлиги, қолаверса уларнинг америка ижтимоий тармоқларидаги ресурслари ҳеч қандай тушунтиришларсиз блоклаб қўйилиши ҳақида маслаҳат берди.

Элчихона таъкидига кўра, Давлат департаментига "муқобил ахборот манбаларининг мавжудлиги сира ёқмайди". Уларни обрўсизлантириш учун "жиддий ресурслар жалб қилинган".

"Вашингтонга зид бўлган ҳар қандай овоз Кремл ва Россия махсус хизматларига хизмат қилувчи "дезинформация", дея эълон қилинади", - деган дипломатлар Фейсбукда эълон қилинган изоҳларида.

Элчихона докладда келтирилган мантиқсиз таъкидлардан мисол келтирган. Хусусан, АҚШ ташки сиёсий идораси "расмий ҳукумат коммуникациялари" рўйхатига ЛДПР етакчиси Владимир Жириновский ва "Говорит Москва" хусусий радиосини қўшиб қўйган.

"Агар бу америкалик ҳамкасблар томонидан ўта синчковлик билан қурилган конструкция чўққиси бўлса, у ҳолда у кўпроқ картадан ясалган уйчага ўхшайди", - деган элчихона вакиллари.

АҚШ Давлат департаменти "Россия томонидан бўлаётган хабарларни сохталаштириш ва пропагандага қарши туриш учун" учун 2021 йил учун давлат бюджетидан 138 миллион доллар сўраган. Кремль ва РФ ТИВ бундан олдин ҳам Россия номига дезинформация бўйича қўйилаётган айбловларни кўплаб маротаба рад этган.

АҚШда чет эл бўйича хабарлар давлат агентлиги - "Америка Овози" ва Озодлик/Озод Европа радиоси бош тузилмаси мавжуд бўлиб, уларни РФ Адлия вазирлиги бошқа ОАВлар билан бир қаторда хорижий агентлар рўйхатига киритган. 1994 йилдан буён BBG деб номланган ташкилот 2018 йилда АҚШнинг глобал ОАВлари бўйича агентлиги (USAGM) этиб қайта номланган. Унинг доирасида фақатгина интернетда узатиладиган теле-дастурлар ишлаб чиқарилади. Агентлик тўлалигича АҚШ бюджетидан молиялаштирилади, 2017 йилда унинг харажатлари 748 миллион долларни ташкил этди.

67

Шавкат Мирзиёев Ливан халқига чуқур таъзия билдирди

139
(Янгиланган 15:54 05.08.2020)
Шавкат Мирзиёев Байрут бандаргоҳида юз берган кучли портлаш муносабати билан Ливан президентига ҳамдардлик билдирди.

ТОШКЕНТ, 5 авг — Sputnik. Ўзбекистон президенти Шавкат Мирзиёев Байрут бандаргоҳида юз берган кучли портлаш оқибатида кўплаб инсонлар қурбон бўлгани ва жароҳатлангани муносабати билан Ливан президенти Мишель Аунга ҳамдардлик билдирди.

“Давлатимиз раҳбари Ливан халқига, марҳумларнинг оила аъзолари ва яқинларига чуқур таъзия билдирди”, - дейилган президент матбуот хизмати хабарида.

Ливан пойтахти Байрут шаҳридаги даҳшатли портлаш кеча юз берди. Тахминларга кўра, бадаргоҳдаги 2014 йилда кемадан мусодара қилинган 2750 тонна аммиак селитраси портлаб кетган. Портлашдан шаҳарнинг тенг ярми жабр кўрган. Касалхоналар жароҳатланганлар билан тўлиб тошган.

Ливан ҳукумати фожиа қурбонлари хотирасига уч кунлик мотам эълон қилди. Сўнгги маълумотларга кўра, 100 ортиқ киши қурбон бўлган, тўрт мингга яқин киши жабрланган. Кўплар бедарак йўқолган.

139
Плачущий ребенок

Фарғонада беш фарзандига алиментдан қарздор бўлиб қолган ота қочиб кетишни афзал кўрди

14
Мурожаатларга кўра, аксарият ҳолларда, алиментдан қарздор оталар Тошкент шаҳрида ва хорижда (Росссия Федерацияда) яширинишлари аниқланган

ТОШКЕНТ, 6 авг - Sputnik. Фарғона вилоятида беш нафар фарзандига алимент тўлашни истамаган эркак оиласидан яширинишни афзал кўрди. Қидирувдаги "ношуд ота" шу кунларда қўлга тушди, деб хабар қилди Sputnik Ўзбекистон мухбирига Ўзбекистон Республикаси Бош прокуратура ҳузуридаги Мажбурий ижро бюроси ахборот-хизмати раҳбари.

Таъкидланишича, 2016 йилдан буён алимент тўлаш мажбурияти юклатилган ота - Т.Ғаниев - Фарғона вилоятидан бўлган. 2019 йил октябрь ойидан бошлаб давлат ижрочиси уни яшаш манзилидан топа олмай қолган. Маҳалла-кўй, қўни-қўшнилари ҳам у ҳақда маълумот бера олмаган.

Шундан сўнг, давлат ижрочиси томонидан қарздорга нисбатан қидирув эълон қилиш тўғрисида қарор қабул қилинган.

Қарийб бир йил мобайнида дараги бўлмаган ашаддий алиментчи жорий йил июль ойи охирида Ўзбекистон туманидаги боғдорчилик фермер хўжаликларида ёлланма ишчи сифатида ишлаб юрган жойида Бюронинг Ўзбекистон туман бўлими қидирув гуруҳи ва туман ички ишлар бўлими ходимлари томонидан ушланган.

Маъмурий баённома расмийлаштирилаётган вақтда эркак алиментдан қарзи - 11 млн 879 минг сўм пулларни танишлари орқали бўлимга олиб келтириб, 5 нафар фарзандларини ёлғиз катта қилаётган ундирувчи О.Ғаниевага нақд санаб топширган.

Шунингдек, ўтказилган профилактика тадбирлари натижасида у келгусида алимент тўловларини ойма-ой тўлаб бориши, яширинмаслиги ва яшаш жойидан кетиб қолмаслиги ҳақида ваъда берган.

МИБ ахборот хизмати маълумотига кўра, жорий йил 1 июль куни ҳолатига кўра, идорага келиб тушган 992 мингдан зиёд ижро ҳужжатларининг 245 мингдан ортиғини (24 фоизини) алимент тўловларига оид ҳужжатлар ташкил қилади. 2019 йилда бу кўрсаткич 224 мингтани ташкил қилган.

126 минг 710 га яқин алимент қарздорлари тўловларни ўз вақтида тўлаб келаётган бўлса, 58 минг 190 га яқинининг ижро ҳужжати бўйича алимент пуллари давлат ижрочилари томонидан қарздорларга мажбурий ижро этиш чораларини қўллаш орқали ундириб келинмоқда.

Мурожаатларга кўра, аксарият ҳолларда, алиментдан қарздор оталар Тошкент шаҳрида ва хорижда (Росссия Федерацияда) яширинишлари аниқланган.

14