И. о. директора Института развития демократии, парламентаризма и соблюдения избирательных прав граждан Екатерина Голоулина.

Ўзбекистон МСК ва барча партиялар очиқ мулоқотга тайёр - Голоулина

157
22 декабрда Олий Мажлис Қонунчилик палатаси, вилоят ва туман маҳаллий кенгаш халқ депутатлари сайловлари ўтказилади. МДҲнинг парламентлараро Ассамблеяси халқаро кузатувчилари МСК раҳбарлари билан учрашишди.

ТОШКЕНТ, 2 дек – Sputnik. МДҲ ПА иштирокчи-давлатларининг демократияни ривожлантириш, парламентаризм ва фуқароларнинг сайлов ҳуқуқларига риоя этилишини мониторинг қилиш халқаро институти директори вазифасини бажарувчи Екатерина Голоулина бошчилик қилмоқда.

22 декабрда Олий Мажлис Қонунчилик палатаси, вилоят ва туман маҳаллий кенгаш халқ депутатлари сайловлари ўтказилади. ЕҲХТ ва БМТ халқаро кузатувчилар ўз иш фаолиятини бошлади.

Россия делегация вакили Екатерина Голоулина сайлов кампанияси таассуротлари ва келгуси режаларини айтди.

“Биринчи навбатда МСК ва ҳудудий комиссияларни ёрдам ва ошкоралик учун миннатдорлик билдирмоқчиман. Шунингдек, ҳамма сиёсий партиялар барча масалалар бўйича чуқур очиқча норасмий мулоқотга тайёр. Биз УзЛиДеп вакиллари билан учрашув ўтказдик, кейин бошқа тўртта партия вакиллар билан музокара ўтказиш режалаштирилган, ишончим комилки, бундай ёндошув шаффофлик ва адолатли сайловлар ўтишига мустаҳкам пойдевор бўлади”, - деб таъкидлади Голоулина.

Голоулина  республикада олиб борилаётган тайёргарлик ишларига юқори баҳо бериб, МДҲ ва Ўзбекистонда ёшларга алоҳида эътибор қаратилаётганини таъкидлади.

"Ҳозир янги авлод келмоқда ва дунёқараш ўзгармоқда. Шу боис ёшларимизни сиёсий ҳаётга фаол жалб қилиш зарур, буни ўтказиб юбормаслигимиз жуда муҳимдир. Биз бу масалаларни, хусусан, МДҲ Парламентлараро ассамблеямизнинг йиғилишларида кўриб чиқмоқдамиз", - дея қўшимча қилди у.

Голоулина Ўзбекистон Марказий сайлов комиссияси раҳбари Мирзо-Улуғбек Абдусаломовнинг Тошкентда демократияни ривожлантириш, парламентаризм ва фуқароларнинг сайлов ҳуқуқларига риоя этилишини мониторинг қилиш халқаро институтининг филиалини очиш ташаббусини ижобий қабул қилди.

"Ўйлайманки, сайловларни ўтказиш бўйича ушбу мураккаб иш тугагандан сўнг, биз аниқ бу масалага қайтамиз ва уни пухта иш олиб борамиз", - дея якун ясади Голоулина.

157
Мавзу:
Ўзбекистонда парламент сайловлари – 2019 (82)
Президент Узбекистана Шавкат Мирзиёев на совместном заседании Законодательной палаты и Сената Олий Мажлиса.

"Қийинчиликлар ўтиб кетади": Мирзиёев Ўзбекистон халқини Рамазон ҳайити билан табриклади

453
(Янгиланган 21:34 23.05.2020)
Президент ўз табригида "бугунги қийинчиликлар албатта ўтиб кетади, ҳали қанча хурсандчилик кунлар, байрам ва ҳайитларни барчамиз биргаликда нишонлаймиз, деб ишонаман", дея таъкидлаган.

ТОШКЕНТ, 23 май - Sputnik. Ўзбекистон президенти Шавкат Мирзиёев мамлакат аҳолисини Рамазон ҳайити билан табриклади. Табрик матни давлат раҳбари расмий сайтида эълон қилинган.

Рамазони шариф эзгулик, хайру саховат ва меҳр-оқибат ойи сифатида эл-юртимизнинг ижтимоий-маънавий ҳаётида азал-азалдан алоҳида ўрин эгаллаб келади.

"Мард ва матонатли халқимиз коронавирус пандемияси, бошимизга тушган турли синовлар ва табиий офатлар шароитида “Оллоҳ сабр-тоқатли инсонлар билан биргадир”, деган илоҳий ўгитга амал қилиб, тушкунликка берилмасдан, янада аҳил
ва бирдам бўлиб, инсонпарварлик, ҳамжиҳатликнинг юксак нумунасини кўрсатганини жаҳон ҳамжамияти эътироф этмоқда.
Бу билан ҳар қанча фахрлансак, арзийди. Асрлар давомида халқимиз онгида бағрикенглик, меҳр-мурувват, катталарга ҳурмат, кичикларга иззат, мустаҳкам ирода каби ибратли фазилатларни шакллантиришда табаррук Рамазон ойига хос қадриятларнинг ўрни ва таъсири албатта беқиёсдир. 

Бу йил карантин туфайли Рамазон амаллари ва ибодатларини адо этишда юзага келган маълум қийинчиликларни тўғри тушуниб, бу масалага оқилона ёндашган, айни вақтда “Саховат ва кўмак” умумхалқ ҳаракатида фаол иштирок этаётган ҳиммати баланд тадбиркорларимиз ва фермерларимизга, турли касб эгалари бўлган кексаю ёш барча ватандошларимизга шу улуғ айём кунларида яна бир бор чуқур миннатдорчилик билдираман", - деган президент.

Давлат раҳбари ўз табригида бутун дунё аҳли каби Ўзбекистон аҳолиси ҳам коронавирус пандемияси билан боғлиқ мушкул вазиятни бошидан ўтказаётганини эслатиб ўтган.

"...ҳар қадай ташвиш ортида енгиллик ва ёруғлик борлигини коронавирус касаллигидан соғайиб чиқаётган, табиий офатлар туфайли уй-жойидан айрилган, лекин давлатимиз ва эл-юртимзнинг катта ёрдами ва кўмаги билан ўз ҳаётини янгитдан йўлга қўйиб олаётган минглаб ватандошларимиз қалбдан ҳис этмоқдалар. Шу маънода, бугунги қийинчиликлар албатта ўтиб кетади, ҳали қанча хурсандчилик кунлар, байрам ва ҳайитларни барчамиз биргаликда нишонлаймиз, деб ишонаман", - дея ишонч билдирган Мирзиёев ва ҳар қандай машаққатни меҳнат ва матонат, сабру чидам билан мардона енгиб ўтган олижаноб Ўзбекистон халқи бу синовлардан янада кучли ва қудратли бўлиб чиқади, дея қўшимча қилган.

Ана шундай қатъий ишонч ва кўтаринки кайфият билан бугунги кунда юртимизни тараққий эттириш йўлида даврнинг ўзи талаб этаётган, биз бошлаган кенг кўламли ислоҳот ва ўзгаришларни бир ёқадан бош чиқариб, изчил амалга ошириб, олдимизга қўйган улкан марраларга албатта эришамиз, деган президент.

Мирзиёев шунингдек, жаҳондаги барча мўмин-мусулмонларни ҳам Ўзбекистон халқи номидан самимий қутлаб, уларга тинчлик-осойишталик, файзу барака ва фаровон ҳаёт тилаган.

453
Флаг Пакистана

Мирзиёев Покистон президентига таъзия мактубини йўллади

274
Покистонда Карачи аэропорти яқинида юз берган авиаҳалокат оқибатида 97 киши қурбон бўлди. Самолёт уйларнинг устига қулаган, жабрларганлар бор.

ТОШКЕНТ, 23 май - Sputnik. Ўзбекистон президенти Шавкат Мирзиёев Карачи шаҳрида рўй берган авиаҳалокат муносабати билан Покистон Ислом Республикаси президенти Ориф Алви ва бош вазири Имрон Хонга таъзия мактубини йўллади.

Бу ҳақда президент матбуот-хизмати хабар бермоқда

Мирзиёев Покистон халқига, марҳумларнинг оила аъзолари ва яқинларига чуқур ҳамдардлик билдирган.

Эслатиб ўтамиз, Покистонда Карачи аэропорти яқинида Airbus A-320 самолётининг қулаши оқибатида 90 дан ортиқ одамлар қурбон бўлди.

РИА Новости ахборот агентлигининг Покистон Соғлиқни сақлаш вазирлигига таяниб берган хабарига кўра, бортда жами 99 киши бўлган. 91 нафар йўловчи ва саккиз нафар экипаж аъзолари. Шулардан 97 нафари ҳалок бўлган, икки киши омон қолган. Айни вақтгача 19 киши жасади идентификация қилинган.

Самолёт уйларнинг устига қулаган, жабрларганлар бор. Дастлабки маълумотларга кўра, 30 киши касалхоналарга олиб борилган.

Покистон бош вазири Имрон Хон самолёт қулаши бўйича тергов ишлари бошлаб юборилганини маълум қилган. Фуқаролик авиацияси бошқармаси маълумотларига кўра, борт ўзиёзар асбоблари топилган, улар расшифровка учун самолёт ишлаб чиқарувчиларига топширилиши айтилган.

274
Жасур Яхшибоев

Яхшибоев Беларусь чемпионатида яна пешқадамга айланди

113
Жасур Яхшибоев футбол бўйича Беларусь чемпионатининг 10-турида голлари сонини 7 тага етказди ва тўпурарлар пойгасида биринчи ўринга кўтарилди.

ТОШКЕНТ, 24 май — Sputnik. Ўзбекистонлик легионер, “Энергетик-БГУ” ўйинчиси Жасур Яхшибоев Беларусь чемпионатида тўпурарлар пойгасида биринчи ўринга кўтарилди.

“Ислочь” клубига қарши ўтган ўйиннинг 13-дақиқасида Жасур Яхшибоев 11 метрлик масофадан белгиланган жаримани мукаммал бажарди ва голлари сонини 7 тага етказишга муваффақ бўлди. "Энергетик-БГУ” жамоаси рақибларини 2:1 ҳисобида мағлубиятга учратди. Учрашувда Жасур Яхшибоев тўлиқ ҳаракат қилган бўлса, Шаҳбоз Умаров 78-дақиқада захирага олинди.

Шу тариқа, ушбу ғалаба эвазига “Энергетик-БГУ” мусобақа жадвалида иккинчи ўринга (21 очко) чиқиб олди ва пешқадам БАТЭдан бир очкога ортда қолмоқда.

113