Международные наблюдатели Межпарламентской ассамблеи СНГ прибывшие в Узбекистан для наблюдения и мониторинга выборов в Законодательную палату Олий Мажлиса 2 декабря 2019 года провели встречу с руководством ЦИК

МСК раиси Ўзбекистонда мухолифатчи партиялар пайдо бўлишини истисно қилмади

316
(Янгиланган 17:45 02.12.2019)
Ўзбекистон Марказий сайлов комиссияси раиси Мирзо-Улуғбек Абдусаломов МДҲ ПА кузатувчилари делегацияси билан учрашувда янги қонунчилик ҳақида сўзлаб берди ва нима сабабдан айрим низомлар ўргартирилгани ёки кейинга қолдирилганини тушунтирди.

Олдинда турган парламент сайловлари янги Сайлов кодекси бўйича бўлиб ўтади. МСК раиси Мирзо-Улуғбек Абдусаломов МДҲнинг Парламентлараро Ассамблеяси делегацияси билан учрашувда ушбу ҳужжатга киритилган асосий ўзгартиришлар ҳақида сўзлаб берди.

“Биз икки йилдан зиёд вақт ушбу қонунни тайёрладик, энг илғорларини олиш учун қарийб 30 га яқин мамлакатларни кездик. Бизда очиқ саволлар қолди, албатта, шунинг учун ҳужжат янги ҳолатларни инобатга олган ҳолда ўзгартирилиши мумкин. Мисол учун, биз ҳозирча пропорционал тизимга ўтишга тайёр эмасмиз ҳамда вақтинчалик ташаббускор гуруҳлар ва ўзини ўзи бошқариш орган вакиллари сайловларида иштирок этишидан воз кечдик. Барчасини сисёсий партияларга топширдик”, - дея қайд этди МСК раиси.

Абдусаломов бу чекловлар биринчи навбатда сиёсий партияларни мамлакатда мустаҳкамлаш истагига боғлиқлигини тушунтирди, чунки республиканинг партия тизими Ғарбий Европа муқобилларидан йироқ.

“Партияларимиз етарлича кучли эмас. Айнан шунинг учун биз уларни вақтинча бошқа сиёсий тузулмалар рақобатидан озод қилишга қарор қилдик. Умид қиламанки, келажакда бизда ҳақиқий кучли рақобатчи партиялар, эҳтимол, мухолифатчи ёки умуман янги партиялар пайдо бўлади. Ҳар ҳолда уларнинг ривожланиши учун барча шароитларни муҳайё қилдик”, - дея қўшимча қилди МСК раҳбари.

Абдусаломов демократияни ривожлантириш, парламентаризм ва фуқароларнинг сайлов ҳуқуқларига риоя этишини мониторинг қилиш халқаро институти директори вазифасини бажарувчиси Екатерина Голоулинага мурожаат қилиб, Ўзбекистон сайлов якунларига кўра сайлов қонунчилигининг асосли баҳосини кутишини ва кейинчалик уни такомиллаштириш устида халқаро мутахассислар билан биргаликда иш олиб боришга тайёрлигини таъкидлади.

Глава ЦИК: надеюсь, в Узбекистане появятся сильные партии, может, и оппозиционные
316
Теглар:
МСК, сайловлар, партия
Мавзу:
Ўзбекистонда парламент сайловлари – 2019 (82)
Махмуд Шухратович Истамов назначен прокурором Бухарской области.

Бухоро вилоятига янги прокурор тайинланди

152
Марказий сайлов комиссияси раисининг ўринбосари лавозимида ишлаб келаётган Маҳмуд Истамов Бухоро вилояти прокурори бўлди.

ТОШКЕНТ, 20 янв — Sputnik. Ўзбекистон бош прокурорининг буйруғига асосан адлия катта маслаҳатчиси Маҳмуд Истамов Бухоро вилояти прокурори лавозимига тайинланди. Бу ҳақда Бош прокуратура матбуот хизмати хабар қилмоқда.

Истамов 2019 йил 23 июлидан Марказий сайлов комиссияси раиси ўринбосари лавозимида ишлаб келаётган эди.

Маҳмуд Истамов 1979 йил 24 февралда Бухоро шаҳрида туғилган. 2000 йилда Тошкент давлат юридик институтини тамомлаган. Меҳнат фаолиятини 2000 йилда Адлия вазирлиги Идоравий меъёрий ҳужжатларни давлат рўйхатидан ўтказиш бошқармасининг катта маслаҳатчиси лавозимида бошлаган. Кейинчалик мазкур бошқармада бош маслаҳатчи, бўлим бошлиғи, бошқарма бошлиғи ўринбосари лавозимларида ишлаган.

2004—2005 йилларда Адлия вазирлиги ҳузуридаги Ҳуқуқий ахборот билан таъминлаш маркази раҳбари, 2005—2006 йилларда Адлия вазирлиги ҳузуридаги Норматив-ҳуқуқий ҳужжатларнинг амалга оширилиши устидан мониторинг қилиш маркази бўлими бошлиғи лавозимларида фаолият олиб борган. 2006 йилдан Президент девонига ишга ўтган.

Жумладан, 2006—2011 йилларда Президент девони Ҳуқуқни муҳофаза қилувчи ва назорат идоралари фаолиятини мувофиқлаштириш бўйича Давлат маслаҳатчиси хизматининг Адлия ва суд идоралари фаолияти масалалари бўйича инспектори, 2011—2014 йилларда Президенти девони Ҳуқуқни муҳофаза қилувчи ва назорат идоралари фаолиятини мувофиқлаштириш хизматининг Адлия идоралари масалалари шў’басининг етакчи инспектори, 2014—2017 йилларда Президент девони Олий Мажлис, сиёсий ва жамоат ташкилотлари билан ҳамкорлик қилиш хизмати Сиёсий партиялар билан ҳамкорлик қилиш шўъбаси мудири бўлган.

2017 йил августига қадар Президент девони Сиёсий-ҳуқуқий масалалар хизмати Суд-ҳуқуқ соҳасидаги қонунчилик шўъбаси мудири лавозимида фаолият кўрсатган. Шу йил 14 августида адлия вазири ўринбосари этиб тайинланган. 2019 йил январида эса унинг лавозими адлия вазирининг биринчи ўринбосари даражасига кўтарилган. 2019 йил 23 июлида эса Истамов Марказий сайлов комиссияси раиси ўринбосари лавозимига сайланган.

152
Теглар:
Маҳмуд Истамов, Бош прокуратура, прокурор, Бухоро вилояти

Россия ва АҚШ орасида муносабатлар вектори ўзгармоқда сиёсатчи

409
(Янгиланган 14:57 20.01.2021)
АҚШ янги президенти Жо Байден, инагурациядан кейин дарҳол СНВ-3 шартномасини узайтиришни ният қилган.

ТОШКЕНТ, 20 янв - Sputnik. АҚШ янги маъмурияти 5 февралга қадар СНВ-3 шартномасини узайтиришни ният қилган. Плеханов номидаги РЭУ Сиёсатшунослик факультетти раҳбари, сиёсатчи Андрей Кошкин айтишига кўра, Оқ Уйнинг янги жамоаси СНВ-3 шартномаси муддатини узайтириш тарафдори бўлади ва ракеталарга қарши мудофаа тизимлари чекланишига рози бўлмайди.

“Байден маъмуриятининг ушбу режасини фақат қўллаб-қувватлаш мумкин. Ушбу  қадам қандайдир маънода АҚШ ва Россия Федерацияси орасидаги ўзаро ҳамкорлик алоқалар векторини ҳам ўзгартиради. АҚШ раҳбариятининг ушбу ҳаракати – стратегик ядровий қуролланишни чеклашга қаратилган янгича сиёсатининг бошланиши бўлади ва келажакда янги, давлатлар ядровий қуролларини тўлиқ назорат остида сақлаб турувчи шартномаларга олиб келиши мумкин”, - деди Кошкин.    

Эслатиб ўтамиз, Россия ва АҚШ орасида имзоланган СНВ-3 шартномаси 2011 йилнинг 5 февралида кучга кирган эди. Унга кўра 7 йил ичида қуруқликдаги, самолётлар ва сув ости кемаларидаги  ядровий қурол ҳажми 700 континетлараро баллистик ракеталардан, 1 550 жанговар бош ва 800 та учирувчи установкадан ошмайди.

Айни дамда СНВ-3 - Россия ва АҚШ орасида амал қилаётган, қурол-яроғ миқдорини чеклашга қаратилган ягона шартномадир. Унинг муддати 2021 йилнинг 5 февралида тугайди.

409

Кремл "Путин қасри" ҳақидаги хабарлар юзасидан изоҳ берди

527
(Янгиланган 20:21 20.01.2021)
Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган суриштирувни асоссиз сафсата ва компиляция деб атади.

ТОШКЕНТ, 20 янв — Sputnik. Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган текширувни асоссиз сафсата ва компиляция деб атади.

Куни кеча Навальний жамоаси президент Қора денгиз қирғоғида 100 миллиард рублга қаср қургани тўғрисидаги материални эълон қилди.

"Биласизми, бу мавзу 3-4 йил олдин тармоққа ташланганди. Ва бу ҳолатда қуруқ сафсата қилинмоқда, мана бу ҳийла-найранглардан фойдаланишга бир неча бор уринишди. Кўпинча ўзларини қийнашмаяпти ҳам <...> ҳеч бўлмаганда бирон бир нарсани исботлаш эмас, ҳеч бўлмаганда тасвирлаб беришга минимал уринишлар билан” - деди президент матбуот котиби Дмитрий Песков.

У ягона янгилик бу - "монтаж ҳикоялари"дан фойдаланиш бўлган, дея тахмин қилди.

"У ерда, маълум бир қасридаги бассейнда, Путиннинг Енисейда сузиб юргани акс этган <...> бутун дунёда тарқалган <...> тасвирлар қўшиб қўйилган. Бу шундай қуруқ констатация", - деб тушунтирди Кремл вакили.

Бундан ташқари, Песков россияликларни "ФБК муттаҳамларига" пул ўтказмасликка чақирди, бундай текширувлар – бу фирибгарлик эканлигини таъкидлади.

"Давлат раҳбарига қарши тайёрланган ва тайёрланаётган ахборот хужумлари ҳақида аллақачон бизга маълум. Улар бўлган, афсуски, давом этади. Бу ҳолатда президент мавжуд бўлмаган мулкка эгалик қилишда айбланмоқда. Бутун мол-мулк Россия президенти томонидан ҳар йили декларацияланади ва чоп этилган йиллик декларацияда акс этган", - деб хулоса қилди Песков.

527
Теглар:
Навальний, Кремль, Москва, Россия
Мавзу бўйича
Кремль ЕИнинг Навальний туфайли санкцияларига муносабат билдирди
Олимпиада-Навальний жанжали: АҚШ ва Британия энг қимматли нарсасини қутқармоқда
Лавров ЕИнинг Навальний туфайли санкцияларига муносабат билдирди
Навальний иши: Россия Европа Иттифоқига қарши санкция қўллади
Навальний билан боғлиқ ҳолат бўйича жиноят ишини қўзғатишга асос йўқ - Лавров
Коронавирус, Беларусь, Қорабоғ ва Навальний: РФ ташқи разведка раҳбари билан интервью