Пограничники на кыргызско-таджикском участке государственной границы

Жээнбеков Раҳмон билан чегарадаги вазиятни муҳокама қилди

391
(Янгиланган 14:04 11.01.2020)
Қирғизистон президенти фуқароларнинг маиший можаролари кейинги вақтларда "ўта нозик" тус олганини ва эндиликда тушунтириш ишларини олиб бориш лозимлигини таъкидлади

ТОШКЕНТ, 11 янв — Sputnik. Қирғизистон президенти Сооронбой Жээнбеков Тожикистон президенти Эмомали Раҳмон билан 10 январь куни чегарада бўлиб ўтган тунги ҳодиса юзасидан телефон мулоқотини ўтказди, деб хабар қилмоқда Қирғизистон президенти матбуот хизмати.

Жээнбеков умумий чегарада стабил вазиятни сақлаб туриш жуда муҳимлигини ҳамда фуқароларнинг маиший можаролари ўта нозик тус олганини қайд этди.

"Қирғизлар ва тожиклар ўртасида кўпасрлик дўстлик бўлган ва бўлади. Биз чегарада вазият ўткир тус олишига йўл қўймаслигимиз керак. Афсуски, сўнгги вақтларда чегара олди ҳудудларида можаролар тез-тез содир бўлмоқда", - деди Қирғизистон президенти.

У бу каби ҳодисаларнинг олдини олиш учун маҳаллий аҳоли ўртасида тушунтириш ишлари олиб борилиши қанчалик муҳим эканлигини қайд этди ва ОАВдаги провокацияга оид хабарлар икки давлат ўртасидаги яхши қўшничилик ва дўстлик руҳига мутлақо мос эмаслигини қўшимча қилди.

Жээнбеков шунингдек, ҳамкорликдаги суриштирув ишларидан сўнг, чегара олди можаросида айбдор бўлганларни жазолаш зарурлиги, шунингдек, қирғиз-тожик чегарасида делимитация ва демаркация ишларини тезлаштириш кераклигига аниқлик киритди.

Бундан ташқари, давлат раҳбарлари икки томонлама ҳамкорликнинг долзарб масалалари ва яқин истиқболдаги режаларни муҳокама қилишди.

Аввалроқ, Давлат чегара хизмати ярим тунда Жака-Орук ҳудудида номаълум шахслар Қирғизистон Республикаси фуқаролари бўлган автомашинани тошбўрон қилганлиги, жабрланганлар борлигини маълум қилишган эди. Орадан бир соат ўтиб, қирғизистонликнинг бошқа автомобили Кочо-Карин ҳудудида тошбўрон қилинган.

Давлат чегара хизмати маълумотига кўра, сал кейин ҚР фуқаросининг Дахма ҳудудида жойлашган уйи тошбўрон қилинган. Ҳодиса жойига милиция ва чегара хизматчилари етиб келишган, аммо улар, дастлабки маълумотларга кўра, Тожикистон томондан ов милтиғида ўққа тутилган.

Отишма эрталаб якунланган. Чегарадаги вазият зиддийлашув элементлари мавжуд стабил сифатида баҳоланган. Чегара вакиллари ўртасида музокаралар бошланган.

Қирғизистон Республикаси ТИВ раҳбари Чингиз Айдарбеков Тожикистон ТИВ етакчиси билан музокаралар ўтказган ва тожик томонидан ўқотар қуролдан фойдаланилганлик ҳамда фуқаролар автомашиналарини тошбўрон қилганлик юзасидан ташвиш билдирган. Қирғизистон ТИВ Тожикистон элчихонаси вакилига норозилик нотасини топширган.

11 январ куни эрталаб чегарадаги вазият барқарор, дея баҳоланган.

391
Здание МИД Узбекистана

Ўзбекистон - Афғонистон - АҚШ форматидаги мулоқот кучайтирилиши кутилмоқда

166
Ўзбекистон делегацияси АҚШ Халқаро тараққиётни молиялаштириш корпорациясида музокаралар ўтказди. Тафсилотлар хабаримизда

ТОШКЕНТ, 20 ноя - Sputnik. Ўзбекистон Ташқи ишлар вазири Абдулазиз Камилов бошчилигидаги делегация Вашингтон шаҳрида АҚШ Халқаро тараққиётни молиялаштириш корпорацияси (ДФC) бош ижрочи директори Адам Болер билан учрашди, деб хабар бермоқда ТИВ матбуот-хизмати.

Учрашувда томонлар Болернинг 29-июн – 1-июл кунлари Ўзбекистонга ташрифи доирасида эришилган келишувларни амалга ошириш жараёнини муҳокама қилганлар.

Шунингдек, учрашувда саноат, хизмат кўрсатиш ва инфратузилмани ривожлантиришга тўғридан-тўғри хорижий инвестициялар ва янги технологияларни жалб қилишда икки томонлама шерикликни янада чуқурлаштириш истиқболлари белгилаб олинган.

Ўзбекистон томони DFC иштирокида Ўзбекистонда нефт-газ, энергетика, кимё, транспорт, қурилиш, банк, фармацевтика ва бошқа иқтисодиёт тармоқларини ривожлантириш бўйича лойиҳаларни амалга оширишдан манфаатдор эканлигини қайд этган. Шу нуқтайи назардан, Америка корпорацияси раҳбари йирик инфратузилма лойиҳаларини илгари суришга йўналтириладиган Марказий Осиё инвестиция жамғармасини ташкил этишга қизиқишини тасдиқлаган.

Афғонистон инфратузилмасини яхшилаш ва мамалакатни ижтимоий-иқтисодий тиклаш Ўзбекистон билан DFC ўртасидаги ҳамкорликнинг муҳим истиқболли йўналиши ҳисобланади. Шу нуқтайи назардан, томонлар жорий йилнинг май ойида бошланган "Ўзбекистон-Афғонистон-АҚШ" уч томонлама ҳамкорлик шакли доирасида мулоқотни кучайтириш зарурлигини таъкидладилар.

Музокараларда томонларни қизиқтирган бошқа масалалар ҳам муҳокама қилинган.

166
Флаги Европейского Союза

ЕИ Марказий Осиё давлатларига 134 миллион евро ёрдам пули ажратди

212
(Янгиланган 15:35 18.11.2020)
ЕИнинг 2021-2027-йиллардаги янги бюджет даври доирасида ҳамкорлик минтақа давлатлари ҳаётининг қишлоқ жойларини ривожлантириш, таълим сифатини яхшилаш, самарали давлат бошқаруви ва тиббиёт каби жабҳаларини қамраб олиши кераклиги айтилди.

ТОШКЕНТ, 17 ноя - Sputnik. Ўзбекистон ТИВ раҳбари Абдулазиз Комилов видеоконференция шаклида ўтказилган "Европа Иттифоқи – Марказий Осиё" 16-вазирлар учрашувида иштирок этди, деб хабар бермоқда ТИВ ахборот хизмати.

Тадбирда Қозоғистон, Тожикистон, Туркманистон ва Ўзбекистон ташқи сиёсат идоралари раҳбарлари, Қирғизистон ТИВ раҳбарининг биринчи ўринбосари ҳамда Европа Иттифоқининг Ташқи ишлар ва хавфсизлик сиёсати бўйича олий вакили турли соҳалардаги минтақалараро ҳамкорликни янада мустаҳкамлаш масалаларини муҳокама қилганлар.

Европа ташқи алоқалар хизматининг аниқлик киритиб ўтишича, Европа Иттифоқи Марказий Осиё минтақасига соғлиқни сақлаш тизими ва ижтимоий-иқтисодий соҳаси шошилинч эҳтиёжларни қондириш учун 134 миллион евро бюджетга эга бўлган "Team Europe" молиявий ёрдамини ажратган.

Учрашув чоғида Ўзбекистон ТИВ раҳбари Комилов коронавирус пандемияси оқибатларини юмшатиш ва Марказий Осиё мамлакатлари ижтимоий-иқтисодий ривожланишининг барқарорлигини мустаҳкамлаш бўйича мувофиқлаштирилган ҳаракатларни амалга оширишнинг зарурлигига эътибор қаратган.

2019-йилда қабул қилинган ЕИнинг Марказий Осиё бўйича стратегиясида кўзда тутилган ташаббусларни рўёбга чиқаришнинг бориши таҳлил қилиниб, мазкур йўналишдаги биргаликдаги ишларни фаоллаштиришнинг механизмлари кўриб чиқилган.

Европа Иттифоқи Марказий Осиё давлатлари учун ислоҳотлар жараёнида шерик сифатида ўз ролини кучайтиришга, уларнинг глобал савдо тизимига интеграциялашуви ва ўзаро яқин ҳамкорлик қилиш ҳаракатларини қўллаб-қувватлаш ниятини тасдиқлаган.

ЕИнинг 2021-2027-йиллардаги янги буджет даври доирасида ҳамкорликнинг устувор йўналишларини кенгайтиришнинг долзарблиги эътироф этилиб, бу жараён минтақа давлатлари ҳаётининг қишлоқ жойларини ривожлантириш, таълим сифатини яхшилаш, самарали давлат бошқаруви ва тиббиёт каби жабҳаларини қамраб олиши кераклиги айтилган.

Ўзбекистон ТИВ раҳбари минтақанинг глобал иқтисодий, транспорт ва транзит коридорларига чуқур интеграциясини таъминлаш масаласи Марказий Осиё давлатларининг стратегик вазифаси эканлигини қайд этган.

Товарлар ва хизматлар бозорига чиқиш имкониятларини ҳамда иқтисодиётни рақамлаштириш борасидаги муносабатларни яхшилаш орқали савдо-иқтисодий соҳадаги минтақавий ҳамкорликни кенгайтириш масалаларига алоҳида эътибор қаратилган.

Афғонистонда мустаҳкам тинчликнинг ўрнатилиши бутун минтақа барқарорлиги ва фаровонлиги кафолати бўлиб хизмат қилиши таъкидланган. Йирик инвестиция ва инфратузилма лойиҳаларини амалга ошириш орқали мазкур мамлакатнинг минтақавий иқтисодий жараёнларга жалб қилиниши афғон муаммосининг тез фурсатларда бартараф этилиши учун зарур шароитни яратади.

Ўзбекистон Ташқи ишлар вазири маданий-гуманитар, туризм, фан, таълим ва инноватсия соҳаларидаги кўп томонлама алоқаларни ривожлантириш истиқболларига ҳам батафсил тўхталди.

Вазирлар учрашуви якунларига кўра Қўшма коммюнике қабул қилиган.

212
ЛЭП

Ўзбекистонда электр энергиясидан қарздорлиги энг катта бўлган вилоятлар рейтинги

181
(Янгиланган 16:26 24.11.2020)
Ўзбекистон бўйлаб 7,4 миллиондан ортиқ истеъмолчиларнинг барчаси электр энергиясини ҳисобга олиш ва назорат қилишнинг автоматлаштирилган тизимига уланиши режалаштирилган.

ТОШКЕНТ, 24 ноя - Sputnik. Самарқанд вилояти - электр энергиясидан қарздорлик бўйича республикада етакчи, деб маълум қилинди бугун "Электр энергиясини ҳисобга олиш ва назорат қилишнинг автоматлаштирилган тизими (АСКУЭ)ни жорий этиш масалаларига бағишланган матбуот-анжуманида.

Sputnik Ўзбекистон мухбири хабари асосида.

Таъкидланишича, Самарқанд вилоятининг электр энергиясидан қарздорлиги 646 миллиард сўмни ташкил қилмоқда. Шундан 553 миллард сўми бу аҳоли қарздорлиги.

Шунингдек, 2 ва учинчи ўриндарда Навоий вилояти (қарз суммаси 410 миллиард) ва Андижон вилояти (қарз 273 миллиард сўмни ташкил этмоқда, шундан 247 милларди аҳолининг қарздорлиги) келмоқда.

Шунингдек, матбуот-анжуманида Ўзбекистонда электр энергияси учун ҳатто 3 йилдан буён тўловни амалга оширмаган истеъмолчилар борлиги ҳам айтилди. 283 минг 489 нафар истеъмолчи 3 йилдан буён умуман электр энергияси учун тўловни амалга оширмаган. Шулардан Самарқанд вилоятида 46 158 нафарни, Тошкент вилоятида 45 685 нафарни, Фарғона вилоятида 28 770 нафарни, Андижон вилоятида 26 867 нафарни ташкил қилган.

Истеъмолчиларнинг қарздорлиги бўйича ўтказилган таҳлилларга кўра, бугунги кунда:

1 миллион сўмдан 3 миллион сўмгача бўлган қарздорлар сони Республикада - 157 839 нафарни ташкил қилади;

3 млн дан -5 млн.гача бўлган қарздолар - 14 890 нафарни;

10 миллион сўмдан юқори бўлган қарздорлар 5499 нафарни ташкил этмоқда.

Бугунги кунда Республикада аҳолининг электр энергиясидан қарздорлиги 2,4 триллиондан ошган.

Эслатиб ўтамиз, айни пайтда Ўзбекистонда "Ҳудудий электр тармоқлар" АЖ томонидан рақамлаштиришнинг асосий йўналишларидан бири - "Электр энергиясини ҳисобга олиш ва назорат қилишнинг автоматлаштирилган тизими (АСКУЭ)ни жорий этиш ишлари изчиллик билан олиб борилмоқда.

"Ҳудудий электр тармоқлари" АЖ ва "KT Corporation" компанияси ўртасида электр энергиясини ҳисобга олишни автоматлаштириш марказини ташқил этиш бўйича 2019 йилда битим имзоланган.

Марказ Корея, Хитой, Сингапур ва АҚШ каби давлатларнинг етакчи компаниялари томонидан ишлаб чиқарилган сервер ускуналар билан жиҳозланган.

Электр энергиясини ҳисобга олишни автоматлаштириш маркази ишга туширилишидан асосий мақсад - республика миқёсида электр энергияси истеъмолчиларининг соатлик, суткалик, ойлик ва йиллик балансларини шакллантириш, кўп тарифлик тизимида ҳисоб-китобларни амалга ошириш, яъни қарздорларни автоматик равишда таъминотдан ўчириш ва фойдаланилган электр энергияси учун тўлов амалга оширилганидан сўнг қайта улаш белгиланган.

Ўзбекистон бўйлаб 7,4 миллиондан ортиқ истеъмолчиларнинг барчаси электр энергиясини ҳисобга олиш ва назорат қилишнинг автоматлаштирилган тизимига уланиши режалаштирилган.

Айни кунгача Жамиятнинг ўз маблағлари ҳамда қатор халқаро ташкилотлар инвестициялари ҳисобидан 4,6 миллиондан ортиқ замонавий ҳисоблагич ўрнатиб бўлинган.

181