"Фойдали мулоқот". Путин ва Меркель 3,5 соат ичида қандай мавзуларни муҳокама қилишди

1128
Россия давлати раҳбарининг фикрига кўра, Германия канцлери билан учрашув фойдали ва мазмунли бўлган.

ТОШКЕНТ, 11 янв - Sputnik. Россия президенти Владимир Путин шанба куни ГФР канцлери Ангела Меркель билан бўлиб ўтган музокаралардан сўнг учрашув мазмунли ўтганлигини эълон қилди. Давлат раҳбари муҳокама қилинган иқтисодий, сиёсий ва маданий мавзуларнинг муҳимлигини алоҳида қайд этди, деб хабар қилмоқда РИА Новости.

Путиннинг айтишича, Россия газини Украина орқали транзити Меркель билан муҳокама қилинган муҳим масалалардан бири бўлган.

"Музокаралар давомида биз Россия газининг Украина ҳудуди орқали транзитини давом эттириш билан боғлиқ масалаларни кўтардик. 1 декабрь куни "Газпром" ва украиналик шериклар билан эришилган келишувларнинг муҳим аҳамияти қайд этилди. Бу ўлароқ кейинги беш йил давомида транзит ишлари амалга оширилади", - деди Россия етакчиси.

Путин бу келишувлар Россия учун ҳам, Украина учун ҳам ўзаро манфаатли ва балансланган характерга эгалигини эслатиб ўтди.

Ўз навбатида, Меркель Россия газининг Украина орқали транзити бўйича эришилган келишувлар ўзаро уйғун ва ҳамоҳанг ҳамкорлик намунаси эканлигига ишонч билдирди.

Россия давлати раҳбарининг фикрига кўра, канцлер билан учрашув фойдали ва мазмунли бўлган.

"Бугун бўлиб ўтган мазмунли ва фойдали музокаралар давомида иккиёқлама муносабатларнинг сиёсий, иқтисодий, маданий-гуманитар соҳаларидаги асосий масалалар кўриб чиқилди", - деди Путин.

Бундан ташқари, Россия ва ГФР ҳамкорликдаги кенгқамровли ҳаракатлар режаси (СВПД) амалга ошишини қўллаб-қувватлайди, дея аниқлик киритди.

"Россия ва Германия СВПДнинг келажакда амалга ошишини қатъий олқишлайди. Эронликлар Европа давлатлари қўллаб-қувватловига таянишга ҳақли. Европа давлатлари Эрон билан савдо-сотиқ учун доллардан мустақил бўлган молиявий механизмни яратиш ваъдасини берган эдилар. Савдо алмашинуви учун мўлжалланган институт – INSTEX – охир-оқибат барибир ишлаши керак", - дея тушунтирди РФ президенти.

Немис канцлери Россия етакчиси билан мулоқот якунига кўра, ўз навбатида, "Шимолий оқим - 2" лойиҳасини охиригача етказиш муҳимлигини қайд этди.

"Германия ва европанинг бошқа давлатлари "Шимолий оқим"дан фойда кўришмоқда. Барча ўз газини етказиб беришни диверсификациялашдан манфаатдор, лекин бу жуда муҳим лойиҳа", – деб қўшимча қилди Меркель.

Россия президенти ГФР канцлерига у лойиҳага масъулиятли ва объектив баҳо бергани учун миннатдорлик билдирди.

"Россия ва Германия активида энергетика соҳасида бир қатор ҳамкорликдаги йирик лойиҳалар бор", - дея тушунтирди Путин.

Встреча президента РФ В. Путина с канцлером Германии А. Меркель
© Sputnik / Михаил Климентьев
Встреча президента РФ В. Путина с канцлером Германии А. Меркель

У шунингдек, "Шимолий оқим - 2" газўтказгичини қуриш ва ишга тушириш бўйича ишлар 2020 йилнинг охирига қадар ёки келгуси йилнинг биринчи кварталигача якунига етказилиши кераклигини қўшимча қилди.

Газўтказгич қурилишини Россиянинг "Академик Черский" кемаси якунлаши мумкин. У Дания сувларида ишлаш учун зарур бўлган технологиялар билан жиҳозланган ва лойиҳа бўйича қолган ўша кичик ҳудуддаги ишларни охирига етказа олади.

Россия президенти билан учрашув якунларига кўра, Меркель РФ ва Туркиянинг ҳамкорликдаги Ливиядаги можарони тартибга солиш бўйича уринишлари муваффақиятли бўлишига умид билдирди. Меркельнинг сўзларига кўра, Берлинда тез орада ливия анжумани ўтказилишига умид боғлашмоқда.

"Ўйлашимча, Туркия президенти Эрдоған ва Россия президенти Владимир Путин ўртасида Истамбулда сермаҳсул учрашув бўлиб ўтди. Ушбу учрашув доирасида ўт очишни тўхтатиш бўйича ишлар олиб борилмоқда. Бу БМТ ХКда вето ҳуқуқига эга бўлган мамлакатлар ўртасида Берлин жараёни доирасида қўйилган қадам бўлиши мумкин. Бошқа давлатлар билан ҳам олий даражада муайян ҳужжат ишлаб чиқилишига имкон беради", - дея тушунтирди ГФР канцлери.

Меркель Берлинда ўтказиладиган анжуманга ГФР ҳозирда БМТ шафелигида иштирокчиларни таклиф қилиши мумкинлигига ишонтирди.

"Биз суверенитетга аралашмоқчи эмасмиз, ва шу боис Ливиядаги можаро томонлари - жаноб Сараж ва жаноб Хафтар - улар ҳам ушбу масалалар ечимига жалб этилади. Умид қиламизки, Россия томони ва Туркия томони сайи-ҳаракатлари муваффақиятли кечади, ва биз тез орада иштирокчиларни Берлиндаги анжуманга таклиф эта бошлаймиз", - деди Меркель.

Путин Ливиядаги қуролланган қарама-қаршиликка нуқта қўйиш кераклигини ва сулх режимини ўрнатиш зарурлигини эълон қилди.

"Маршал (Халиф) Хафтар бошчилигидаги Ливия миллий армияси ва жаноб (Файез) Сарраж бошчилигидаги миллий келишув ҳукумати ўртасидаги қуролланган қарама-қаршиликка нуқта қўйиш ўта муҳим, сулх режимини қарор топтириш керак, якуний мақсади мамлакат ичидаги вайронагарчиликни енгиб ўтишга ва ягона давлат институтларини шакллантиришга қаратилган сиёсий жараённи ишга тушириш керак", - деди Путин.

Россия президенти шу кунларда Туркия президенти Тойиб Эрдоған билан ўзаро курашувчи томонларга 12 январь 0.00дан бошлаб ҳарбий ҳаракатларни тўхтатишга қаратилган чақириқни ўз ичига олган ҳамкорликда баёнот айнан шу мақсадларга эришишга қаратилганини қўшимча қилди.

1128
Боевики движения Талибан*

Толиблар АҚШга қарши Россия билан тил бириктирилганини рад этди

237
Толибон ҳаракати сиёсий офиси расмий вакили Сухайл Шахин сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

ТОШКЕНТ, 8 авг - Sputnik. Россия толибларни ўз томонига "оғдириб олгани" ҳақидаги хабарларда биронта рост сўз йўқ, бу Афғонистонда тинчлик жараёни ўрнатилишига қарши бўлганлар томонидан йўлга қўйилган кампаниянинг бир қисмидир, деди РИА Новостига берган интервьюсида "Толибон" радикал ҳаракати сиёсий офисининг расмий вакили Сухайл Шахин.

"Улар (тинчлик жараёни душманлари - таҳр.) унга зиён етказмоқчи, халал беряпти", - деди Шахин телефон орқали олинган интервью давомида.

Унинг сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан "тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

"Бу хабарларда ҳақиқатга тўғри келадиган ҳеч вақо йўқ, бу шунчаки тинчлик жараёнига қарши кампания. Ва биз бундай баёнотларни тўлалигича рад этамиз", - деди толиблар сиёсий офиси вакили.

Илгарироқ New York Times газетаси бир мақола чоп этган бўлиб, унда аллақандай россия ҳарбий разведкаси бўлинмаси толибларни пул эвазига Афғонистондаги халқаро коалиция ҳарбий хизматчиларига ҳужум уюштиришга даъват қилгани ҳақида айтилган эди.

New York Timesдаги мақоладан сўнг Россиянинг Вашингтондаги элчихонаси ушбу ёлғон мақола туфайли ижтимоий тармоқларда "руслар билан ҳисоб-китоб қилиш"га доир чақириқлар пайдо бўлгани ҳақида хабар берди. Таҳдидлар ҳақидаги маълумотни дипломатлар АҚШ ва Давлат департаменти ҳуқуқ-тартибот органларига топширдилар.

ТИВда ушбу мақола ёлғон, дея баҳоланди, ташқи сиёсий маҳкама раҳбари Сергей Лавров ушбу айбловларни Қўшма Штатларда бўлиб ўтадиган сайловлар олдидаги ички сиёсий кураш билан боғлади.

АҚШ президенти Дональд Трамп ўз навбатида ушбу мақолани "буюртма" деб атади ва америка разведкаси New York Times хабарини ишончга сазовор, деб топмаганини хабар қилди. Пентагон ҳам "тил бириктирув"ни тасдиқловчи далилларга эга эмаслигини маълум қилди.

237
Мавзу:
Афғонистон: 30 йил тинчлик илинжида
Подготовка труб на борту судна Solitaire, для последующей укладки газопровода «Северный поток-2» в Финском заливе

Германия ТИВ АҚШнинг "Шимолий оқим-2"га қарши таҳдидларига жавоб берди

459
Аннен шунингдек, Германия "Европа суверенитетини мустаҳкамлаш учун" Европа Иттифоқи Кенгаши раислигидан фойдаланишини маълум қилди ҳамда Европа бундай шантажга ён бермаслиги кераклигини қўшимча қилди.

ТОШКЕНТ, 7 авг - Sputnik. ГФР ТИВ давлат вазири Нильс Аннен Handelsblatt газетасига берган интервьюсида "Шимолий оқим-2" туфайли Германиянинг Засниц шаҳридаги порт раҳбариятига санкциялар билан таҳдид қилган америкалик сенаторларни қаттиқ танқид қилди, деб хабар бермоқда РИА Новости.

Аввалроқ, АҚШ уч сенатори томонидан Sassnitz GmbH порти оператори номига юборган мактуби РИА Новости тасарруфига келиб тушган эди. Унда АҚШ ҳукумати томонидан қувур қурилишида иштирок этаётган компанияларга қарши тайёрланаётган санкциялар ҳақида гап боради. Хусусан мурожаатда, агар иш давом эттирилса, Засниц портини "молиявий ҳалокат" кутаётгани айтилган.

"АҚШнинг яқин шериклар ва иттифоқчиларга нисбатан экстерриториал (ўз ҳудудидан ташқарида қўлланиладиган-таҳр.) санкциялари сиёсати миллий суверенитетимизга жиддий тажовуздир", - дейди Аннен.

Унинг сўзларига кўра, хатнинг немис компанияларига таҳдид солувчи мазмуни ва оҳанги мутлақо ноўриндир.

"Биз америкалик ҳамкорларимизга компанияларимизга тазйиқ ўтказишига йўл қўймаслигимизни етказдик", - деди давлат вазири. У Германия ва Европанинг энергетика сиёсати "Вашингтонда эмас, балки Берлин ва Брюссельда" белгиланишини таъкидлади.

Аннен шунингдек, Германия "Европа суверенитетини мустаҳкамлаш учун" Европа Иттифоқи Кенгаши раислигидан фойдаланишини маълум қилди ҳамда Европа бундай шантажга ён бермаслиги кераклигини қўшимча қилди.

"Шимолий оқим-2"

"Шимолий оқим-2" лойиҳаси Россиядан Германияга Балтика денгизининг туби бўйлаб иккита газ қувури ётқизилишини кўзда тутади.

Берлин ва Вена Россия лойиҳасини қўллаб-қувватламоқда, чунки улар ёқилғининг барқарор етказиб берилишидан манфаатдор. Шунингдек, Норвегия ҳам қувурни ётқизиш тарафдоридир, унинг ҳукумати қурилиш пудратчиларидан бири бўлган Kvaerner компаниясининг 30 фоиз акцияларига эгалик қилади.

Аммо шу билан бирга, ўз манфаатларини кўзлаб Литва, Латвия, Польша ва Украина “Шимолий оқим-2”-га қарши чиқишмоқда. Лойиҳани, шунингдек, Европага ўз суюлтирилган газини етказиб беришни режалаштираётган АҚШ ҳам танқид қилмоқда.

Ўтган йил охирида АҚШ мудофаа бюджетини қабул қилди, унга “Шимолий оқим-2” қурилишида иштирок этган компанияларга қарши санкциялар киритилган. Натижада, лойиҳа тўхтаб қолди: Швейцариянинг қувурларни ётқизиш билан шуғулланган Allseas компанияси дарҳол ишини тўхтатди. Газпромда қурилишни мустақил равишда якунлаш мумкинлиги билдирилди.

459
Съемка достопримечательностей Бухары с высоты птичьего полета

Бухородаги 7та маданий объект ЮНЕСКО умумжаҳон мероси рўйхатини тўлдириши кутилмоқда

43
ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида

ТОШКЕНТ, 8 авг - Sputnik. Бухоро вилоятидаги яна 7 та маданий мерос объектларини ЮНЕСКОнинг Умумжаҳон мероси рўйхатига киритиш бўйича номзодлик ҳужжатлари тайёрланди, деб хабар бермоқда Маданият вазирлиги матбуот-хизмати.

"Маданият вазирлиги, ЮНЕСКО ишлари бўйича миллий комиссия, Ўзбекистон Фанлар Академияси билан биргаликда Марказий Осиё халқаро тадқиқотлар институтини жалб қилган ҳолда "Ипак йўли: Зарафшон дарёси ва Қайроқум йўналиши" (Ўзбекистон, Тожикистон ва Туркманистон) чегералараро обидалари қаторида Бухоро вилоятида жойлашган Чор-Бакр ва Баҳоуддин Нақшбанд мажмуалари, Вобкент минораси ва Чашмаи Аюб мақбараси архитектура объектлари ҳамда қадимги Пойкент, Варахша ва Вардонзе шаҳар қолдиқларини ЮНЕСКОнинг Умумжахон мероси рўйхатига киритиш бўйича, халқаро мезонларга асосида номзодлик ҳужжатлари тайёрланмоқда", - дейилади хабарда. 

ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида.

Ўзбекистон БМТнинг таълим, фан ва маданият масалалари бўйича ихтисослашган ташкилоти ЮНЕСКОга 1993 йилда аъзо бўлиб, Умумжаҳон маданий ва табиий меросни муҳофаза қилиш тўғрисидаги конвенция 1995 йилнинг 22 декабрида Ўзбекистон томонидан ратификация қилинган.

Конвенция доирасида Хива шаҳридаги "Ичан-қалъа", "Самарқанд – маданиятлар чорраҳаси" объекти, Бухоро ва Шаҳрисабз тарихий марказлари ҳамда Чотқол биосфераси (табиий мерос) Умумжаҳон мероси рўйхатига киритилган.

43