Вид на телебашню Бордж-е Милад в Тегеране

Эрон ТИВ Британия элчисини мамлакат ишларига аралашишда айблади

94
(Янгиланган 17:29 14.01.2020)
Эрон Ташқи ишлар вазирлиги Британия элчисининг Теҳрондаги норозилик намойишларда қатнашишини қоралади ва буни мамлакат ишларига қўпол аралашиш деб атади.

ТОШКЕНТ, 14 янв — Sputnik. Эрон Ташқи ишлар вазирлиги Британия элчисининг Теҳрондаги норозилик намойишларда қатнашишини қоралади. Эрон буни мамлакатнинг ички ишларига қўпол аралашиш деб ҳисоблайди.

“Буюк Британия элчисининг Теҳрондаги ички намойишларда қатнашиши Эроннинг ички ишларига қўпол аралашиш сифатида кўрилади ва дипломатик муносабатлар тамойилларига зиддир”, - дейилади Эрон ТИВ баёнотида.

Эрон Буюк Британияни “ҳар қандай аралашишлар ва иғвогарлик хатти-ҳаракатлар”дан тийилишга чақирган. Вазирлик агар бу каби ҳаракатлар такрорланса, ТИВ элчини фақат идорага чақириш билан чекланиб қолмаслиги ҳақида огоҳлантирган.

“Буюк Британиянинг ҳар қандай хатоси Эрон томонидан кескин ва мувофиқ жавоб билан қабул қилинади. Британия ҳукумати бунинг учун тўлиқ жавобгар бўлади”, - дейилади хабарда.

Аввалроқ Буюк Британия ТИВ Эрон элчисига Британия элчиси Роберт Макэйрнинг Теҳронда қўлга олишини муносабати билан кескин норозилик билдирган эди.

Макэйр 11 январь куни Теҳронда университет олдидаги норозилик намойиши ўтказилаётган жойда қўлга олинган эди. Унинг сўзларига кўра, дипломат 8 январь куни Эрон ҳарбийлари томонидан хатолик туфайли уриб туширилган Украина йўловчи самолёти қурбонларини хотирлаш маросимига келган.

Эрон ТИВ Британия элчиси ноқонуний намойишдаги номаълум хорижлик сифатида қўлга олингани ва унинг мақоми расман тасдиқланганда 15 дақиқадан сўнг озод қилинганини билдирган эди.

94
Теглар:
элчи, Буюк Британия, Эрон
Шавкат Мирзиёев поздравил Узбекистан с Днем конституции

Мирзиёев бир гуруҳ аёлларни байрам муносабати билан тақдирлади

48
(Янгиланган 20:25 04.03.2021)
Президент 8 март байрами арафасида бир гуруҳ аёлларни фахрий унвон, орден ва медаллар билан мукофотлади. Улар орасида актрисалар Гавҳар Зокирова ва Лола Элтоева ҳам бор.

ТОШКЕНТ, 4 мар — Sputnik. Ўзбекистон президенти Шавкат Мирзиёев 8 март – Халқаро хотин-қизлар куни муносабати билан бир гуруҳ аёлларни фахрий унвон, орден ва медаллар билан мукофотлади.

Улар мамлакатда олиб борилаётган туб ислоҳотларда фаол қатнашиб, янги Ўзбекистонни барпо этиш, халқ фаровонлигини юксалтириш йўлида ташаббус ва ибрат кўрсатиб келаётганлари учун ушбу мукофотларга лойиқ кўрилган.

“Ўзбекистонда хизмат кўрсатган ёшлар мураббийси” фахрий унвони билан Ўзбекистон Вазирлар Маҳкамаси ҳузуридаги Дин ишлари бўйича қўмитанинг хотин-қизлар билан ишлаш бўлими бошлиғи Фарида Абдураҳимова, Қорақалпоғистон тиббиёт институти ректори, Олий Мажлис Сенати аъзоси  Орал Атаниязова тақдирланган.

"Саодат" журнали бош муҳаррири Мунаввархон Усмонова "Ўзбекистонда хизмат кўрсатган маданият ходими" фахрий унвони билан мукофотланган.

Тўрт киши "Фидокорона хизматлари учун" ордени билан тақдирланган. Улар орасида Ўзбек Миллий академик драма театри актрисаси Гавҳар Зокирова ҳам бор.

24 киши "Меҳнат шуҳрати" орденига лойиқ кўрилган. Улар орасида Тўрақўрғон тумани ҳокими Зулайҳо Маҳкамова ҳам бор.

"Дўстлик" орденига 31 киши муносиб кўрилган. Тақдирланганлар орасида Ўзбек Миллий академик драма театри актрисаси Лола Элтаева ҳам бор.

7 киши II даражали "Соғлом авлод учун" ордени, яна 7 киши II даражали "Саломатлик" ордени, 4 киши "Соғлом турмуш" медали, 4 киши "Содиқ хизматлари учун" медали, 9 киши "Келажак бунёдкори" медали билан, 33 киши "Шуҳрат" медали билан тақдирланган.

Қуйида тақдирланганларнинг тўлиқ рўйхати билан танишиш мумкин.

48

Путиннинг яна бир саройи: Россия президенти ўз кўчмас мулки ҳақида ҳазил қилди

218
Россия президенти Владимир Путин унинг Геленжикдаги "қасри" ҳақида суратга олинган шов-шувли фильм мавзусида ҳазил қилди

ТОШКЕНТ, 4 мар — Sputnik. Россия президенти Владимир Путин волонтёрлар билан видеоалоқа орқали мулоқот давомида Геленжикда қурилиши олиб борилаётган "сарой" мавзусида ҳазил қилди.

Сал аввал блогер Алексей Навальный ўзининг Youtube-каналида суриштирув эълон қилган ва унда қаср давлат раҳбарининг шахсий мулки сифатида тақдим этилган эди.

Ўз навбатида, президент матбуот-котиби Дмитрий Песков "сарой" бир ёки бир неча тадбиркорларга тегишлилигини қайд этиб, Кремль уларнинг исмини ошкор қила олмаслигини айтганди.

Хусусан, волонтерлик фаолияти билан шуғулланувчи ва айни вақтда Ленинград вилоятида, Стрельнада икки километр масофада бўлиб турган қиз билан мулоқот давомида Путин ўз номи билан боғланаётган қаср ҳақида ҳазил қилди.

Давлат раҳбари волонтёр қиз кичикроқ икки қаватли уй фонида турганини кўриб, иншоотнинг "сарой" билан ўхшашлигини қайд этди.

"Худди яна бир қасрдек кўриняпти, шундай экан, келаман. Фақат уни менинг номим билан боғламанг, келишдикми?", - дея ҳазиллашди Путин.

Сал аввал Россия президенти Геленжикда қурилаётган сарой ҳақидаги фильмни вақти зиқлиги туфайли кўрмаганини айтган эди. Аммо ёрдамчилари кадрларни унга кўрсатишганини қўшимча қилди.

Ўз навбатида, "сарой"ни қураётган фирма у меҳмонхона сифатида қурилаётганини маълум қилган.

Унинг айтишича, шу жойда "жуда бадавлат одамлар учун отель" барпо этилади, иншоот Сочидаги "Родина" бутик-отели кўринишида бўлади.

Қурилиш ишлари олиб борилаётганига ўн йил бўлган, объект бир неча марта қайта сотилган.

218