Америкалик сиёсатшунос Владимир Путинни Жорж Вашингтонга қиёслади

996
(Янгиланган 11:20 16.01.2020)
Чоршанба куни Дмитрий Медведев ҳукумати истеъфога чиқди, Путин Давлат думасига Федерал солиқ хизмати раҳбари Михаил Мишустин номзодини бош вазир лавозимига кўриб чиқиши учун киритди.

ТОШКЕНТ, 16 янв - Sputnik. Россия президенти Владимир Путин президентлик ваколати тугагач, АҚШнинг биринчи президенти Жорж Вашингтон сингари таътилга кетмайди, балки давлат раҳбари лавозимидан кетгач ҳам норасмий тарзда мамлакат етакчиси бўлишда давом этади, деб ҳисоблайди америкалик сиёсатшунос Уильям Померанц.

"Охир натижада Путин ёки расмий лавозим орқали ёхуд норасмий тарзда етакчи бўлиб қолади. Мен у Жорж Вашингтон сингари, 2024 йилда ўз турар-жойига кетади, деб ўйламайман", - деди РИА Новостига Россия бўйича мутахассис ва Америка пойтахтида Кеннан экспертлар институти директори ўринбосари бўлган Померанц.

Жордж Вашингтон 1789-1797 йилларда АҚШ президенти бўлган.

"Аммо бунга ҳали анча бор, ўртага воқеалар аралашиб, Путин стратегиясини ўзгартириб юбориши мумкин", - деди сиёсатшунос.

Унинг сўзларига кўра, Путиннинг Хавфсизлик Кенгаши мақомини ошириш бўйича таклифи келажакда Қозоғистон сценарийси ҳукуматни топширишни назарда тутади. Эслатиб ўтамиз, Қозоғистоннинг биринчи президенти Нурсултон Назарбоев президентликдан кегач Хавфсизлик Кенгаши раҳбари лавозимини сақлаб қолган эди.

Путин Дмитрий Медведев истеъфога чиққач бош вазир лавозимига номзодини кўрсатган Михаил Мишустин ҳақида гапирар экан, Померанц бунда 2004 йилда Михаил Фрадков ҳукуматига ўхшашликка эътибор қаратди. Унинг сўзларига кўра, технократ-бош вазир юзага келган вазиятда президент ваколатларини зимдан оширади.

"У (Мишустин) Путиннинг вориси, деб ўйламайман. Албатта, ўз вақтида Путиннинг ўзи ҳақида ҳам ҳеч ким у президент бўлади, деб ўйламаган. Лекин 1999 йилда қисқа вақт ичида у ўзини пухта билимга эга бош вазир сифатида кўрсата олди", - деди Померанц.

Померанц сўзларига кўра, Путиннинг вориси бўла олиш учун Мишустинга ҳокимият базаси ва қўллаб-қувватлов етишмайди.

"Ўйлашимча, ушбу ўзгаришларда битта ғолиб бор — бу (Давлат думаси спикери Вячеслав) Володин. Ҳеч бўлмаганда унинг Дума спикери сифатидаги ваколатлари кучайтирилади", - деб қўшимча қилди Померанц.

Унинг сўзларига кўра, Путиннинг Федерал Кенгашга йўллаган анъанавий мурожаатномасидаги таклифлари "катта конституциявий ислоҳот" бораётганини тасдиқлади.

"У тилга олган гапларнинг аксарияти аллақачон Путин томонидан ёки ОАВда муҳокама қилинган, шу жумладан, давлат ҳокимиятининг бирлашган тизими, ҳукумат тармоқлари бўлинишидаги янги мувозанат масаласи ҳам. У ушбу қонунчилик ислоҳотларини қай тарзда амалга оширишини томоша қилиш жуда қизиқ бўлади", - деди Померанц.

Чоршанба куни Дмитрий Медведев ҳукумати истеъфога чиқди, Путин Давлат думасига Федерал солиқ хизмати раҳбари Михаил Мишустин номзодини бош вазир лавозимига кўриб чиқиши учун киритди.

996
Боевики движения Талибан*

Толиблар АҚШга қарши Россия билан тил бириктирилганини рад этди

239
Толибон ҳаракати сиёсий офиси расмий вакили Сухайл Шахин сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

ТОШКЕНТ, 8 авг - Sputnik. Россия толибларни ўз томонига "оғдириб олгани" ҳақидаги хабарларда биронта рост сўз йўқ, бу Афғонистонда тинчлик жараёни ўрнатилишига қарши бўлганлар томонидан йўлга қўйилган кампаниянинг бир қисмидир, деди РИА Новостига берган интервьюсида "Толибон" радикал ҳаракати сиёсий офисининг расмий вакили Сухайл Шахин.

"Улар (тинчлик жараёни душманлари - таҳр.) унга зиён етказмоқчи, халал беряпти", - деди Шахин телефон орқали олинган интервью давомида.

Унинг сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан "тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

"Бу хабарларда ҳақиқатга тўғри келадиган ҳеч вақо йўқ, бу шунчаки тинчлик жараёнига қарши кампания. Ва биз бундай баёнотларни тўлалигича рад этамиз", - деди толиблар сиёсий офиси вакили.

Илгарироқ New York Times газетаси бир мақола чоп этган бўлиб, унда аллақандай россия ҳарбий разведкаси бўлинмаси толибларни пул эвазига Афғонистондаги халқаро коалиция ҳарбий хизматчиларига ҳужум уюштиришга даъват қилгани ҳақида айтилган эди.

New York Timesдаги мақоладан сўнг Россиянинг Вашингтондаги элчихонаси ушбу ёлғон мақола туфайли ижтимоий тармоқларда "руслар билан ҳисоб-китоб қилиш"га доир чақириқлар пайдо бўлгани ҳақида хабар берди. Таҳдидлар ҳақидаги маълумотни дипломатлар АҚШ ва Давлат департаменти ҳуқуқ-тартибот органларига топширдилар.

ТИВда ушбу мақола ёлғон, дея баҳоланди, ташқи сиёсий маҳкама раҳбари Сергей Лавров ушбу айбловларни Қўшма Штатларда бўлиб ўтадиган сайловлар олдидаги ички сиёсий кураш билан боғлади.

АҚШ президенти Дональд Трамп ўз навбатида ушбу мақолани "буюртма" деб атади ва америка разведкаси New York Times хабарини ишончга сазовор, деб топмаганини хабар қилди. Пентагон ҳам "тил бириктирув"ни тасдиқловчи далилларга эга эмаслигини маълум қилди.

239
Мавзу:
Афғонистон: 30 йил тинчлик илинжида
Подготовка труб на борту судна Solitaire, для последующей укладки газопровода «Северный поток-2» в Финском заливе

Германия ТИВ АҚШнинг "Шимолий оқим-2"га қарши таҳдидларига жавоб берди

459
Аннен шунингдек, Германия "Европа суверенитетини мустаҳкамлаш учун" Европа Иттифоқи Кенгаши раислигидан фойдаланишини маълум қилди ҳамда Европа бундай шантажга ён бермаслиги кераклигини қўшимча қилди.

ТОШКЕНТ, 7 авг - Sputnik. ГФР ТИВ давлат вазири Нильс Аннен Handelsblatt газетасига берган интервьюсида "Шимолий оқим-2" туфайли Германиянинг Засниц шаҳридаги порт раҳбариятига санкциялар билан таҳдид қилган америкалик сенаторларни қаттиқ танқид қилди, деб хабар бермоқда РИА Новости.

Аввалроқ, АҚШ уч сенатори томонидан Sassnitz GmbH порти оператори номига юборган мактуби РИА Новости тасарруфига келиб тушган эди. Унда АҚШ ҳукумати томонидан қувур қурилишида иштирок этаётган компанияларга қарши тайёрланаётган санкциялар ҳақида гап боради. Хусусан мурожаатда, агар иш давом эттирилса, Засниц портини "молиявий ҳалокат" кутаётгани айтилган.

"АҚШнинг яқин шериклар ва иттифоқчиларга нисбатан экстерриториал (ўз ҳудудидан ташқарида қўлланиладиган-таҳр.) санкциялари сиёсати миллий суверенитетимизга жиддий тажовуздир", - дейди Аннен.

Унинг сўзларига кўра, хатнинг немис компанияларига таҳдид солувчи мазмуни ва оҳанги мутлақо ноўриндир.

"Биз америкалик ҳамкорларимизга компанияларимизга тазйиқ ўтказишига йўл қўймаслигимизни етказдик", - деди давлат вазири. У Германия ва Европанинг энергетика сиёсати "Вашингтонда эмас, балки Берлин ва Брюссельда" белгиланишини таъкидлади.

Аннен шунингдек, Германия "Европа суверенитетини мустаҳкамлаш учун" Европа Иттифоқи Кенгаши раислигидан фойдаланишини маълум қилди ҳамда Европа бундай шантажга ён бермаслиги кераклигини қўшимча қилди.

"Шимолий оқим-2"

"Шимолий оқим-2" лойиҳаси Россиядан Германияга Балтика денгизининг туби бўйлаб иккита газ қувури ётқизилишини кўзда тутади.

Берлин ва Вена Россия лойиҳасини қўллаб-қувватламоқда, чунки улар ёқилғининг барқарор етказиб берилишидан манфаатдор. Шунингдек, Норвегия ҳам қувурни ётқизиш тарафдоридир, унинг ҳукумати қурилиш пудратчиларидан бири бўлган Kvaerner компаниясининг 30 фоиз акцияларига эгалик қилади.

Аммо шу билан бирга, ўз манфаатларини кўзлаб Литва, Латвия, Польша ва Украина “Шимолий оқим-2”-га қарши чиқишмоқда. Лойиҳани, шунингдек, Европага ўз суюлтирилган газини етказиб беришни режалаштираётган АҚШ ҳам танқид қилмоқда.

Ўтган йил охирида АҚШ мудофаа бюджетини қабул қилди, унга “Шимолий оқим-2” қурилишида иштирок этган компанияларга қарши санкциялар киритилган. Натижада, лойиҳа тўхтаб қолди: Швейцариянинг қувурларни ётқизиш билан шуғулланган Allseas компанияси дарҳол ишини тўхтатди. Газпромда қурилишни мустақил равишда якунлаш мумкинлиги билдирилди.

459
Съемка достопримечательностей Бухары с высоты птичьего полета

Бухородаги 7та маданий объект ЮНЕСКО умумжаҳон мероси рўйхатини тўлдириши кутилмоқда

60
ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида

ТОШКЕНТ, 8 авг - Sputnik. Бухоро вилоятидаги яна 7 та маданий мерос объектларини ЮНЕСКОнинг Умумжаҳон мероси рўйхатига киритиш бўйича номзодлик ҳужжатлари тайёрланди, деб хабар бермоқда Маданият вазирлиги матбуот-хизмати.

"Маданият вазирлиги, ЮНЕСКО ишлари бўйича миллий комиссия, Ўзбекистон Фанлар Академияси билан биргаликда Марказий Осиё халқаро тадқиқотлар институтини жалб қилган ҳолда "Ипак йўли: Зарафшон дарёси ва Қайроқум йўналиши" (Ўзбекистон, Тожикистон ва Туркманистон) чегералараро обидалари қаторида Бухоро вилоятида жойлашган Чор-Бакр ва Баҳоуддин Нақшбанд мажмуалари, Вобкент минораси ва Чашмаи Аюб мақбараси архитектура объектлари ҳамда қадимги Пойкент, Варахша ва Вардонзе шаҳар қолдиқларини ЮНЕСКОнинг Умумжахон мероси рўйхатига киритиш бўйича, халқаро мезонларга асосида номзодлик ҳужжатлари тайёрланмоқда", - дейилади хабарда. 

ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида.

Ўзбекистон БМТнинг таълим, фан ва маданият масалалари бўйича ихтисослашган ташкилоти ЮНЕСКОга 1993 йилда аъзо бўлиб, Умумжаҳон маданий ва табиий меросни муҳофаза қилиш тўғрисидаги конвенция 1995 йилнинг 22 декабрида Ўзбекистон томонидан ратификация қилинган.

Конвенция доирасида Хива шаҳридаги "Ичан-қалъа", "Самарқанд – маданиятлар чорраҳаси" объекти, Бухоро ва Шаҳрисабз тарихий марказлари ҳамда Чотқол биосфераси (табиий мерос) Умумжаҳон мероси рўйхатига киритилган.

60