Боевики движения Талибан

АҚШ ва "Толибон" ўртасида тинчлик битими имзоланди

966
(Янгиланган 19:20 29.02.2020)
Илгарироқ Вашингтон ва "Толибон" радикал ҳаракати ўт очишни тўхтатиш тўғрисидаги битимни февраль ойи охирида имзолаши мумкинлиги ҳақида хабар қилинган эди.

ТОШКЕНТ, 29 феврал - Sputnik. АҚШ ва "Толибон" радикал ҳаракати 29 феврал куни Қатарда  Афғонистондан америка қўшинлари чиқарилишини ҳамда афғонлараро мулоқот бошланганлигини назарда тутувчи тинчлик битимини имзолади, деб хабар бермоқда РИА Новости.

Тантанали тадбирда, 30га яқин давлатлар вакиллари гувоҳлигида: АҚШнинг Афғонистон бўйича махсус вакили, музокараларда делегация раҳбари Залмай Халилзод ва толибларнинг сиёсий етакчиси Абдул Ғани Бародар ўз имзоларини қўйдилар.

"Бу битим узоқ давом этган уринишлар натижаси бўлди, бу билан биз Афғонистон ҳеч қачон террорчилар учун база бўлмаслигини тасдиқлаймиз", - деб баёнот қилди АҚШ давлат котиби Майк Помпео.

Эслатиб ўтамиз, илгарироқ АҚШ Давлат департаменти Давлат котиби Майк Помпео номидан тарқатилган баёнотда, АҚШ "Толибон" ҳаракати билан 29-феврал куни битим имзолашга тайёргарлик кўраётгани ҳақида хабар берган эди. "Толибон"нинг Дохадаги сиёсий офиси вакили Сухайль Шахин имзолаш маросими 29 февраль куни Қатарда, кузатувчи сифатида қатнашадиган бошқа мамлакатлар ва ташкилотлар гувоҳлигида ўтказилишини маълум қилган эди.

Ҳужжатга мувофиқ, АҚШ Афғонистондаги қўшинлари сонини 135 кун давомида 12 мингдан 8,6 минг кишигача қисқартириш мажбуриятини олади. "Толибон" келгусида зўравонликдан ўзини тийса, америкаликлар 14 ой давомида ўз кучларини ва НАТО кучларини чиқаришни давом эттирадилар. "Толибон" ушбу ҳаракатларга жавобан афғон ҳудудидан АҚШ ва бошқа давлатларга ҳужум қилиш учун фойдаланишдан воз кечмоғи лозим.

Битим "доимий ва кенгқамровли сулҳни" назарда тутади.

Хусусан, "толибон" ва Афғонистон ҳукумати ўртасидаги тўғридан-тўғри музкаралар афғонлараро мулоқоти доирасида олиб борилади.

Афғонлараро мулоқот бошлангач, "Толибон" ўзининг санкциялар рўйхатидан чиқарилиши учун БМТ ХК билан ҳамкорликни бошлайди. Бу иш 2020 йилнинг май ойи охирига келиб амалга оширилиши кутилмоқда.

966
Президент Шавкат Мирзиёев разговаривает по телефону

Ўзбекистон раҳбари Назарбоев ва Тоқаевни Биринчи президент куни билан қутлади

34
Ўзбекистон раҳбари Назарбоев ва Тоқаевни Қозоғистоннинг кўп миллатли халқини давлат байрами – Биринчи президент куни билан самимий қутлаб, тинчлик, фаровонлик ва равнақ тилади.

ТОШКЕНТ, 1 дек — Sputnik. Шавкат Мирзиёев Қозоғистон биринчи президенти – Элбоши Нурсултон Назарбоев ҳамда мамлакат президенти Қасим-Жомарт Тоқаев билан телефон орқали мулоқот қилди.

Ўзбекистон раҳбари Назарбоев ва Тоқаевни Қозоғистоннинг кўп миллатли халқини давлат байрами – Биринчи президент куни билан самимий қутлаб, тинчлик, фаровонлик ва равнақ тилади.

© Пресс-служба президента Узбекистана

Суҳбат чоғида Ўзбекистон ва Қозоғистон ўртасидаги дўстлик, яхши қўшничилик ва стратегик шериклик муносабатларини мустаҳкамлашнинг долзарб масалалари кўриб чиқилди. Амалий ҳамкорликка оид қўшма лойиҳа ва дастурларни, аввало, савдо-иқтисодий, инвестициявий ва гуманитар соҳаларда илгари суришга алоҳида эътибор қаратилди.

Элбошининг замонавий Қозоғистонни барпо этиш ва изчил ривожлантириш, мамлакатнинг халқаро майдондаги нуфузини оширишдаги тарихий роли, шунингдек, Марказий Осиё минтақасида дўстлик ва яхши қўшничилик муносабатларини мустаҳкамлашга қўшган катта ҳиссаси алоҳида қайд этилди.

Мирзиёев ва Тоқаев халқаро кун тартибини, жумладан, шу ойда Ўзбекистон раислигида бўлиб ўтадиган МДҲ саммитига тайёргарлик кўриш масалаларини ҳам муҳокама қилдилар. Ҳамдўстлик ва бошқа минтақавий ҳамда глобал тузилмалар доирасидаги яқин мулоқотни давом эттиришга тайёр эканликларини таъкидладилар.

Суҳбат сўнгида қардош мамлакатлар ўртасидаги кенг кўламли ҳамкорликни ривожлантиришга икки томоннинг ҳам интилиши қатъий экани тасдиқланди.

34
Теглар:
телефон мулоқоти, табрик, Қасим-Жомарт Тоқаев, Нурсултон Назабоев, Шавкат Мирзиёев, Қозоғистон, Ўзбекистон

Мирзиёев ва Путин МДҲ саммитини муҳокама қилишди

116
(Янгиланган 10:51 01.12.2020)
Ўзбекистон ва Россия президентлари телефон орқали коронавирус оқибатлари ҳамда МДҲ саммитини муҳокама қилишди.

ТОШКЕНТ, 1 дек - Sputnik. Ўзбекистон президенти Шавкат Мирзиёев Россия президенти Владимир Путин билан 30 ноябр куни телефон орқали мулоқот қилишди.

Суҳбатда, жумладан яқин кунларда видеоанжуман шаклида ўтказилиши режалаштирилган МДҲ саммитига тайёргарлик кўриш масаласи ҳам муҳокама қилинди. Бу йил ушбу мажлисда Ўзбекистон раислик қилади. 

Шунингдек президентлар коронавирус пандемиясининг тарқалиши оқибатида келиб чиққан глобал инқироз шароитида икки томонлама савдо-иқтисодий алоқалар барқарор ривожланиб бораётганини мамнуният билан қайд этдилар.

Бу борада ўзаро ташрифлар, ҳукуматлараро ҳамкорлик механизмлари унумли ишлаётгани, ўзаро савдо ҳажмлари ортиб бораётгани ҳамда иқтисодиётнинг турли тармоқларида саноат кооперацияси дастурлари давом этаётгани қайд этилди. 

Ундан ташқари Ўзбекистон ва Россия раҳбарлари халқаро аҳамиятга молик масалалар, бўлажак олий даражадаги тадбирларни ҳам муҳокама қилишди. "Суҳбат ҳар доимгидек самимий, дўстона ва конструктив руҳда ўтди", - дейилган хабарда.

116
Флаги стран ЕАЭС. Архивное фото

Декабрда Ўзбекистон ЕОИИда кузатувчи-давлат мақомини олади - РФ Саноат ва савдо вазирлиги

26
(Янгиланган 20:04 01.12.2020)
Россия Саноат ва савдо вазирлиги департамент директори Михаил Ўзбекистон декабрь ойида Евроосиё иқтисодий иттифоқида (ЕОИИ) кузатувчи мақомини олишини маълум қилди.

ТОШКЕНТ, 1 дек — Sputnik. Россия Саноат ва савдо вазирлиги департамент директори Михаил Анисимов РИА Новости билан суҳбатда Ўзбекистон декабрь ойида Евроосиё иқтисодий иттифоқида (ЕОИИ) кузатувчи мақомини олишини маълум қилди.

Шу йил январ ойида Ўзбекистон президенти Шавкат Мирзиёев республиканинг иттифоқда иштирок этиш масаласи парламентда ҳар томонлама ўрганиб чиқиш кераклиги ҳақида айтганди.

Март ойи бошида Вазирлар Маҳкамаси парламентнинг иккала палатасига мамлакатнинг ЕОИИдаги кузатувчи-давлат сифатида иштирок этиши тўғрисидаги таклиф киритишга қарор қилди. Апрел ойи охирида парламентнинг қонун чиқарувчи палатаси, май ойининг бошида - Сенат кўпчилик овоз билан Ўзбекистоннинг иттифоқдаги кузатувчи-давлат сифатида қатнашишини маъқуллаганди.

"Декабр ойида Ўзбекистонга Евроосиё иқтисодий иттифоқида расман кузатувчи мақоми берилади", - деди Анисимов "Россия-Ўзбекистон саноат мулоқоти: янги лойиҳалар ва шерикчилик" онлайн-конференциясида.

Анисимовнинг фикрига кўра, Ўзбекистоннинг ва ЕОИИ давлатлари билан ҳамкорлик янги форматда импульс ва ривожланиш олади.

ЕОИИ – 2015 йил 1 январдан бошлаш фаолият кўрсатувчи халқаро иқтисодий интеграция бирлашмаси. Россия, Арманистон, Беларусь, Қозоғистон ва Қирғизистон - иттифоқ аъзолари.

26
Теглар:
Ўзбекистон, ЕОИИ
Мавзу:
Ўзбекистон ва ЕОИИ – интеграция истиқболлари