БМТ Бош котиби 1945 йил сабоқларини унутмасликка чақирди

161
Унинг сўзларига кўра, халқаро бирдамлик ва умуминсоний қадриятларнинг аҳамиятини англаш тушунчаси БМТнинг яратилишига олиб келди ва унинг бош вазифаси келажак авлодни уруш фалокатларидан асрашдир.

ТОШКЕНТ, 9 май – Sputnik. БМТ Бош котиби Антониу Гутерреш 1945 йил сабоқларини унутмасликка чақирди. Бу ҳақда РИА Новости хабар бермоқда.

"Хотира ва муроса кунида биз Иккинчи жаҳон уруши давомида ҳалок бўлган миллионлаб инсонлар хотирасига ҳурмат бажо келтирамиз ва улар чекка уқубатлар ҳақида унутмаймиз. Биз нацистлар томонидан амалга оширилган холокост ва бошқа оғир ва ўта мудҳиш жиноятлар ҳақида унутмаслигимиз керак", - деди Гутерреш Иккинчи жаҳон урушида ҳалок бўлганлар хотирасига бағишлаб йўллаган мурожаатида.

Унинг сўзларига кўра, халқаро бирдамлик ва умуминсоний қадриятларнинг аҳамиятини англаш тушунчаси БМТнинг яратилишига олиб келди ва унинг бош вазифаси келажак авлодни уруш фалокатларидан асрашдир.

"Бизнинг дунёимиз можаролар оқибатидан жабр чекишда давом этмоқда. Ҳатто ҳозирги COVID-19 инқирози пайтида биз одамлар орасида нифоқ уруғини ёймоқчи ва нафратни тарқатишга бўлаётган уринишларга гувоҳ бўлмоқдамиз", - деди Гутерреш.

"Ушбу 75 йиллик санани нишонлар эканмиз, 1945 йил сабоғини ёдга олайлик ва пандемияга барҳам бериш мақсадида ҳамда тинчлик, хавфсизлик ва инсон қадр-қиммати гуллаб-яшнайдиган келажакни бунёд этишда уринишларимизни бирлаштирайлик", - деди у.

161
Мавзу:
Ғалабанинг 75 йиллиги (59)

Британия ва Канада Лукашенкога қарши санкция киритди

79
Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади

ТОШКЕНТ, 29 сен — Sputnik, Мария Табак. Буюк Британия ва Канада Беларус президенти Александр Лукашенко, унинг ўғли Виктор ва мамлакатнинг бир нечта юқори мартабали ҳукумат аъзоларига қарши санкцияларни киритдилар, деб хабар бермоқда британия ТИВ.

Чеклов чоралари Бирлашган Қиролликка кириш ва саккиз кишига нисбатан, хусусан, Лукашенконинг ўзи, унинг ўғли, миллий хавфсизлик бўйича маслаҳатчи Виктор Лукашенкога, президент арминистрацияси раҳбари Игорь Сергеенконинг, ички ишлар вазири Юрий Караев, ички ишлар вазири ўринбосарлари Александр Барсуков ва Юрий Назаренко, ИИВ ички қўшинлари қўмондони ўринбосари Хазалбек Атабеков ва Махсус полиция минск бўлинмаси раҳбари Дмитрий Балабиларнинг активларини музлатишни кўзда тутади. 

Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади.

"Дунё ҳамжамиятининг кўплаб даъватларига қарамай, Александр Лукашенко шафқатсиз репрессияларни кучайтирган оппозиция билан мулоқотга киришишдан бош тортди", — дейилади Буюк Британиянинг Россиядаги элчихонаси хабарида.

Лондон чекловларни жорий йил июль ойида кучга кирган "инсон ҳуқуқларини поймол этганлиги учун санкцияларнинг британ режими" (Global Human Rights Sanctions Regime) доирасида қўллаган.

"Буюк Британия мустақил санкциялар режими инсон ҳуқуқларини жиддий равишда бузадиганларга Буюк Британияга саёҳат қилишни, британ банклари орқали пул ўтказишни ёки Буюк Британия иқтисодиётидан бирон бир фойда олишни тақиқлашга имкон беради", - дея аниқлик киритган дипломатик ваколатхона.

Беларусдаги воқеалар

Беларусдаги оммавий норозиликлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 % овоз олган. Оппозиция сайловларда Светлана Тихановская ғалаба қозонди деб ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомёт, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Лукашенко АҚШни Беларусдаги норозиликларни ташкил этганликда айблади. Президентнинг айтишича, европа мамлакатлари Вашингтонга ён босмоқда ва ҳаммасини "айтилганидек бажаришмоқда". Беларус етакчисининг сўзига кўра, Ғарб Минскни Москвага қарши қайрамоқчи.

23 сентябр куни Лукашенконинг инаугурацияси бўлиб ўтгач, бу янги норозилик акцияларини юзага келтирди, акциялар иштирокчилари куч методлари ва водомётлар ёрдамида тарқатилди.

79
Пленарное заседание Госдумы РФ

Жириновский: Кавказдан сўнг Марказий Осиё ўт ичида қолади

903
(Янгиланган 19:43 29.09.2020)
ЛДПР етакчиси Владимир Жириновский РФ Давлат Думасидаги чиқишида Тоғли Қорабоғдаги вазият Россия чегараларидаги сиёсий ҳолатга улкан таъсирга эгалигига эътибор қаратди

ТОШКЕНТ, 29 сен — Sputnik. Тоғли Қорабоғда Абхазия ва Озарбайжон ўртасидаги можарога доир вазият Россия чегараларидаги муаммоларга айланиб кетиши мумкин, дея баёнот қилди Либерал-демократик партия раҳбари Владимир Жириновский РФ Давлат Думасидаги чиқиши вақтида.

ЛДПР етакчисининг қайд этишича, Кавказдаги можаролар - СССР сиёсий хатолари натижаси, минтақаларга мустақиллик бериш ваъдасининг бузилганлиги натижасидир.

"Натижада барча миллий чегаралари(Россия чегаралари - таҳр.)да бардак юзага келди. Ҳали шошмай туринг, Ўрта Осиё олов ичида қолади! Ҳозир гуллари бўлса, у ерда ҳосилини кўрамиз", - деган кучли ҳис-туйғуда сиёсатчи.

Шунингдек, депутат Марказий Осиёнинг Афғонистон билан геосиёсий яқинлигига ўз эътиборини қаратган.

Жириновскийнинг айтишича, ноўнғай вазият шунга олиб келиши мумкинки, Россия жанубий сарҳадлари қочоқлар оқими ва қуролланган уюшмалар ҳужумлари хавфи остида қолиши мумкин.

Шунингдек, сиёсатчи Туркиянинг минтақавий сиёсатда фаоллигига эътибор қаратган.

Жириновскийнинг таъкидига кўра, собиқ МДҲ давлатлари, айниқса Марказий Осиё мамлакатларида рус тилидан узоқлашиш сиёсати олиб борилмоқда.

903