Вид на здание МИД со смотровой площадки на Воробьевых горах

Россия ТИВ Оқ уйнинг нацизм ғолиблари ҳақида айтилган гапига эътироз билдирди

597
(Янгиланган 10:42 11.05.2020)
Бундай позиция совет ва америка аскарларининг 1945 йилда Эльбада учрашуви санасини нишонлаш вақтида қабул қилинган қўшма баёнотга зиддир, деб ҳисоблайди Россия ТИВ

ТОШКЕНТ, 10 май — Sputnik. Ғалабанинг 75 йиллиги байрам қилинаётган вақтда АҚШнинг Иккинчи жаҳон уруши якунларини ўзгартиришга уриниши ўта нафратланарли ҳолдир, дея баёнот қилди Россия ташқи ишлар вазирлиги.

Идора вакиллари таъкидига кўра, улар америка томони билан бу борада жиддий мулоқот ўтказишни режалаштиришмоқда.

Россия дипломатлари сўзларига кўра, фақат Буюк Британия ва АҚШ номини нацизм ғолиблари сифатида тилга олган Оқ уйда фашист Германиясини тор-мор қилишда Совет иттифоқининг инкор этиб бўлмас роли ва улкан йўқотишларга дуч келган Қизил армияни эслатиб ўтиш учун "жасорат ва хоҳиш" топилмаган.

Қўшма Штатлар расмий вакилларининг бу борадаги сўзлари ҳам "ўта қурумсоқлик" билан айтилган, деб қўшимча қилган Россия ТИВ. Бундай позиция совет ва америка аскарларининг 1945 йилда Эльбада учрашуви санасини нишонлаш вақтида қабул қилинган қўшма баёнотга зиддир. Ҳужжатда икки давлат етакчилари Москва ва Вашингтоннинг душманни мағлуб этишга қаратилган умумий уринишларини қайд этиб ўтганлар.

Россия ТИВ фикрича, тарихнинг бундай саҳифаларини инкор этиб бўлмайди. Идора, шунингдек, Оқ уйнинг инстаграмда эълон қилинган пости остида бутун дунёдан бўлган фойдаланувчилар қолдирган эътирозли изоҳларга эътибор қаратганлар.

"Эътиборга молик томони, уларнинг тўғри ва тарихий фактларга асосланган изоҳлари ўчирилиб борилмоқда" - дейилади хабарда.

Ўз навбатида Россия ТИВ расмий вакили Мария Захарова Дональд Трамп администрацияси томонидан айтилган бундай гапларга чидаб бўлмаслигини таъкидлади.

Қўшма Штатлар ўзларини бир неча маротаба "озод дунё етакчиси" деб атаган ва фейкларга қарши курашган, аммо эндиликда соғлом идрок устидан кулиб, тарихнинг сохталаштирилишига йўл қўйишмоқда.

Россиянинг АҚШдаги элчиси Анатолий Антонов Оқ уй томонидан эълон қилинган постга изоҳ берар экан, ҳатто "кимда-ким тарих сабоқларини қайта кўриб чиқишни истасада" Россия СССРнинг Иккинчи жаҳон урушидаги роли ҳақида унутиб қўйишларига йўл қўйиб бермаслигини маълум қилди.

Антонов Қўшма Штатларнинг дезинформацияга йўғрилган кампаниясини номаъқул ва таҳқирловчи, деб атади.

"Мен ўйлайманки, биз сукут сақлаб туришимиз ножоиз. Биз бу ҳақда гапиришимиз керак, аммо ҳотиржам, далиллар ёрдамида оддий америкалик, Европадаги оддий одамларга айнан совет аскари Европани озод этгани, совет аскари Европа ва Совет иттифоқининг мустақиллигининг ҳимоя қилганини етказишимиз керак", - деб хотима қилди дипломат.

Оқ уй эълон қилган пост

Куни кеча америка етакчисининг аккаунтида видео оммага эълон қилинди. Видеода Иккинчи жаҳон уруши даврида нацизм устидан фақатгина АҚШ ва Британия ғалаба қозонгани айтилган эди.

Шу билан бирга Совет иттифоқининг фашистларни тор-мор этишдаги роли умуман ёдга олинмаганди.

Ушбу пост нафақат россияликлар, балки чет давлат фуқароларининг ҳам кескин эътирозига сабаб бўлди. Улар Оқ уйнинг пости тагида совет жангчилари Рейхстаг устида Ғалаба Байроғини ўрнатаётгани акс этган фотосуратларни қолдира бошладилар.

597
Мавзу:
Ғалабанинг 75 йиллиги (59)
Шавкат Мирзиёев с участием советника Сумы Чакрабарти рассмотрел стратегические направления продолжения программы реформ на долгосрочную перспективу.

Шавкат Мирзиёев ва Сума Чакрабарти узоқ муддатли ислоҳотларни кўриб чиқди

204
Президент маслаҳатчи Сума Чакрабарти иштирокида мамлакатда ислоҳотлар дастурини узоқ муддатли истиқболда давом эттиришнинг стратегик йўналишларини кўриб чиқди.

ТОШКЕНТ, 19 окт — Sputnik. Ўзбекистон президенти Шавкат Мирзиёев маслаҳатчи Сума Чакрабарти иштирокида мамлакатда ислоҳотлар дастурини узоқ муддатли истиқболда давом эттиришнинг стратегик йўналишларини кўриб чиқди. Бу ҳақда давлат раҳбари матбуот хизмати хабар қилмоқда.

Таъкидланишича, чуқур ва ҳар томонлама таҳлил асосида, илғор халқаро амалиёт ва тажрибани ҳисобга олган ҳолда Ўзбекистонда янги ўсиш нуқталарини аниқлаш ва янгиланишларни самарали давом эттиришни таъминлашга алоҳида эътибор қаратилди.

Хусусан, мамлакат иқтисодиётининг муҳим тармоқларини модернизация қилиш ва рақобатдошлигини ошириш, давлат бошқаруви тизимини ислоҳ қилишни чуқурлаштириш ва бошқарув кадрлари сифатини тубдан ошириш масаласи кўриб чиқилди.

Шунингдек, республикада инвестиция ва ишбилармонлик муҳитини такомиллаштиришнинг устувор йўналишлари кўриб чиқилди.

Эслатиб ўтамиз, Европа тикланиш ва тараққиёт банкининг (ЕТТБ) собиқ раҳбари Сума Чакрабарти Мирзиёевнинг иқтисодий ривожланиш, самарали бошқарув ва халқаро ҳамкорлик масалалари бўйича маслаҳатчиси бўлишини маълум қилган эди.

204
Новоизбранный премьер-министр Садыр Жапаров (в центре)

Садир Жапаров президент в.б. сифатида мурожаат қилди: асосий фикрлар

1264
(Янгиланган 11:58 17.10.2020)
Қирғизистон президенти вазифасини бажарувчи бош вазир Садир Жапаров юртдошларга мурожаатнома билан чиқди

ТОШКЕНТ, 17 окт - Sputnik. Қирғизистон президенти вазифасини бажарувчи бош вазир Садир Жапаровнинг қирғиз халқига мурожаати қирғиз ва рус тилларида ҳукумат матбуот-хизмати томонидан ижтимоий тармоқларда тарқатилган.

Жапаров нутқидан асосий тезислар:

* ўткан кунлар мамлакат мустақиллиги, эркинлиги, бирдамлик ва демократия учун ниҳоятда оғир синов бўлди; ҳукумат халқ фарёдига қулоқ тутмади, 2005- ва 2010-йиллардаги халқ инқилоблари сабоқлари эса буткул унутилганлиги намоён бўлди; тарих ҳукуматга навбатдаги сабоқни ҳавола қилди - ҳукумат ҳамиша халққа хизмат қилиши ва унинг танлови билан ҳисоблашмоғи даркор;

* 4 октябр куни халқ, ёшлар ғалабаси ўғирланди ва бу кенг кўламли сиёсий инқирозга туртки бўлиб хизмат қилди; турли ёш, турли миллат ва сиёсий қарашларга эга одамлар ягона фронт бўлиб қонунсизлик, ўзбошимчалик, админресурслардан фойдаланишга қарши чиқдилар;

* Жапаровнинг мақсади — мамлакатда адллатни қарор топтириш, коррупцияга қарши ростдан курашиш, бу кураш эндиликда зинҳор сиёсий оппонентларни йўқ қилиш учун инструмент вазифасини бажармайди;

* сиёсий мотивлар бўйича суд қилинган сиёсатчилар очиқ жараёнларда ўзларининг айбсиз эканликларини исботлашлари мумкин (Жапаров сиёсий тутқунлик нима эканлигини ўз бошидан кечирганини айтди);

* ҳар қандай коррупционер, у қандай мақомга эга бўлишидан қатъий наўар, жиноий жавобгарликка тортилади, аммо коррупцияга қарши курашиш учун халқ кўмаги даркор;

* суд ислоҳоти президент аппарати томонидан эмас, балки жамоатчилик назорати остида ўтказилади;

* Қирғизистондан 700 миллион доллар олиб чиқилиши тўғрисидаги ишга нуқта қўйилади, бош гумондор Райым Матраимов ва бошқа коррупционерлар эса қонун бўйича қатъий жазоланади;

* криминалитет ўз шартларини илгари суришига энди йўл қўйилмайди, Жапаров кафолат беради; унинг айтишича, алоҳида ҳудудларда бизнес юритиш учун криминалитетдан рухсат сўраш керак бўлган даврлар тарихда қолади;

* ёшлар давлат сиёсатининг фаол амалга оширувчиларига айланишади, айнан улар яқин йилларда мамлакат сиёсатини амалга оширишади; кадрлар сиёсати ўзгартирилади, ёшлар сиёсий саҳнада рақобатбардошлигини исботлади ва келгуси сайловларда ўз позицияларини ҳимоялашлари лозим;

парламентга ўтиш учун турли сиёсий кучлар учун бир хил шарт-шароитлар янатилади, аммо ёшлар, миллий ва гендер квоталари албатта сақланиб қолинади;

келаётган ойлар осон кечмайди, биринчи навбатда иқтисодни стабиллаштириш лозим, инвесторлар ишончини, бизнесга ҳимоя ва хавфсизлик кафотларларини қайтариш шарт;

аввалги ҳукумат COVID-19 пандемиясига тайёрмаслигини кўрсатди, кредит ва грантларга таяниш мамлакат молиявий тизимини бошқаришда жиноий сиёсатга айланди, бу пуллар тақсимланишидаги шаффоф бўлмаган механизм эса - тизимли коррупция асосини ташкил этди; коронавирусга қарши кураш учун олинган кредитлар бўйича ревизия бошланади;

Жапаров барча имкониятлари, билимлари, касбий ва ҳаётий тажрибасини мамлакат равнақи ва гуллаб-яшнаши ва халқ фаровонлиги учун йўналтиришини, аммо инқироздан чиқиш учун халқ қўллаб-қувватлови кераклигини айтди.

1264

Россияда рекорд даражада COVID-19 билан касалланиш қайд этилди

0
Россияда бир кунда 16 319 кишида вирус аниқланди. Касалланганларнинг умумий сони 1,4 миллиондан ошиб кетди.

ТОШКЕНТ, 20 окт — Sputnik. Ўтган кун давомида Россияда 16 319 та коронавирус билан касалланиш ҳолати қайд этилди. Бу пандемия бошланган буён рекорд даражада касалланишдир.  

Энг кўп касалланиш Москва (4999), Санкт-Петербург (693) ва Москва вилоятида (426) қайд этилган.

Шу тариқа Россияда коронавирус билан касалланганларнинг умумий сони 1,4 миллиондан ошган. Шулардан 1 085 608 нафари тузалиб кетган. 24 635 киши вирус қурбонига айланган.

Worldometers маълумотларига кўра, дунё бўйлаб 40,7 миллиондан зиёд киши янги коронавирус билан касалланган. Қурбонлар сони 1,1 миллиондан ошган. Энг кўп касалланиш АҚШ (8,4 млн), Ҳиндистон (7,5 млн), Бразилия (5,2 млн), Россия (1,4 млн) ва Испания (1 млн) ва Аргентинада (1 млн) қайд этилган.

0
Теглар:
вакцина, Россия, коронавирус
Мавзу:
COVID-19 умумжаҳон пандемияси