Министр иностранных дел РФ Сергей Лавров

Пандемиядан геосиёсий ҳисоб-китоблар учун фойдаланиш керак эмас - Лавров

297
Россия ТИВ раҳбари сўзларига кўра, коронавирусдан геосиёсий ҳисоб-китоблар учун фойдаланиш керак эмас, пандемияга қарши коллектив сайи-ҳаракатлар билан курашиш лозим.

Россия ташқи ишлар вазири Сергей Лавров бу ҳақда Ҳамдўстлик давлатлари ТИВ раҳбарлари учрашуви якунида ўтказилган матбуот-анжуманида маълум қилди.

Лавровнинг сўзларига кўра - МДҲ иштирокчилари ушбу позицияни қўллаб-қувватлайдилар.

"Пандемия халқаро ҳаётга етказган оқибатларини комплекс баҳолашимиз талаб этилади. Аммо ҳозирдан хулоса қилиш мумкинки - инқироз навбатдаги бор - биз барчамиз ўзаро боғлиқ эканлигимизни, бир-биримизга муҳтожлигимизни, миллий даражада қандай чора-тадбирлар кўрилишидан қатъий назар бутун дунё бўйлаб тарқалаётган трансчегаравий хатарлар борлигини айтиш мумкин.

Шу боис, ҳақиқатан чегара билмайдиган ушбу таҳдидларга қарши курашда сайи-ҳаракатларимизни бирлаштиришимиз, халқаро муносабатларни қуриш учун коллектив ёндошувларни излашимиз даркор", - деди ташқи сиёсий маҳкама раҳбари.

Бугунги кунда дунё бўйича янги турдаги COVID-19 коронавирусини юқтирганлар сони 4 миллион кишидан ошди, улардан 280 мингдан зиёди вафот этди.

297

Путин Суриядаги Россия ҳарбий базасини кенгайтириш бўйича топшириқ берди

433
Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

ТОШКЕНТ, 29 май - Sputnik. Россия президенти Владимир Путин РФ Мудофаа вазирлиги ва Ташқи ишлар вазирлигига Сурия томони билан ҳарбий базани кенгайтириш борасида музокаралар ўтказиш бўйича топшириқ берди. Бу ҳақда давлат раҳбари фармойишида айтилган.

"Россия Федерацияси ҳукуматининг Россия Федерацияси ва Сурия Араб Республикаси ўртасида Россия Федерацияси Қуролли Кучларининг авиация гуруҳини 2015 йил 26 августда Сурия Араб Республикаси ҳудудида қўшимча кўчмас мулк ва акваторияни топшириш тўғрисидаги Битимга 1-сонли Баённомани имзолаш бўйича таклифи қабул қилинсин", - дейилган ҳуқуқий-ахборот интернет-порталида эълон қилинган ҳужжатда.

Қонунчилик лойиҳасига принципиал характерга эга бўлмаган тузатишлар киритилиши мумкин.

Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

Сурияда Россия ҳарбийлари Хмеймим авиабазасида ва Тартус портидаги ҳарбий-денгиз базасида жойлашган.

433
Флаги стран участниц СНГ

МДҲ ҳукумат раҳбарлари кенгашининг навбатдаги мажлиси Тошкентда бўлиб ўтади

174
Бугунги учрашувда ҳукумат раҳбарлари транспорт, қурилиш, энергетика, шунингдек, таълим, туризм, спорт, маданият ва бошқа соҳалардаги ҳамкорликни кенгайтириш ва чуқурлаштиришга қаратилган қатор ҳужжатларни имзоладилар.

ТОШКЕНТ, 29 май - Sputnik. МДҲга аъзо давлатлар ҳукумат раҳбарлари Кенгашининг (ҲРК) навбатдаги йиғилиши 6 ноябр куни Ўзбекистонда бўлиб ўтади, дея хабар беради РИА Новости Беларусь Вазирлар Кенгаши матбуот хизматига таяниб.

"МДҲ ҲРКнинг навбатдаги йиғилиши 6-ноябр куни Тошкентда бўлиб ўтади", - деди матбуот ҳизмати вакили.

Бу Ҳамдўстлик мамлакатлари ҳукумат раҳбарларининг видео-конференция тарзида ўтказилган навбатдаги учрашувида маълум бўлди. Муҳокама иштирокчилари МДҲнинг 2030 йилгача бўлган даврда иқтисодий ривожланиш Стратегияси лойиҳасини қабул қилдилар. Ҳужжатда Ҳамдўстлик мамлакатларининг иқтисодий соҳадаги давлатлараро ҳамкорлик механизмларнинг мақсадлари, асосий вазифалари, ҳамкорлик йўналишларига нисбатан келишилган ёндашувлари акс эттирилган.

Бундан ташқари, ҳукумат раҳбарлари транспорт, қурилиш, энергетика, шунингдек, таълим, сайёҳлик, спорт, маданият, ёшлар ҳамкорлиги ва хавфсизлик соҳаларидаги ҳамкорликни кенгайтириш ва чуқурлаштиришга қаратилган қатор ҳужжатларга имзо чекдилар.

Бугун Россия ва Ўзбекистон бош вазирлари Михаил Мишустин ва Абдулла Арипов ўртасида телефон орқали мулоқоти бўлиб ўтди. Томонлар савдо-иқтисодий ва илмий-техникавий соҳалардаги Россия-Ўзбекистон ҳамкорлигининг бир қатор долзарб масалаларини муҳокама қилдилар.

Бундан ташқари, бош вазирлар икки ва кўп томонлама мулоқотлар жадвали ҳақида ҳам фикр алмашди.

174