Флаг Пакистана

Мирзиёев Покистон президентига таъзия мактубини йўллади

345
Покистонда Карачи аэропорти яқинида юз берган авиаҳалокат оқибатида 97 киши қурбон бўлди. Самолёт уйларнинг устига қулаган, жабрларганлар бор.

ТОШКЕНТ, 23 май - Sputnik. Ўзбекистон президенти Шавкат Мирзиёев Карачи шаҳрида рўй берган авиаҳалокат муносабати билан Покистон Ислом Республикаси президенти Ориф Алви ва бош вазири Имрон Хонга таъзия мактубини йўллади.

Бу ҳақда президент матбуот-хизмати хабар бермоқда

Мирзиёев Покистон халқига, марҳумларнинг оила аъзолари ва яқинларига чуқур ҳамдардлик билдирган.

Эслатиб ўтамиз, Покистонда Карачи аэропорти яқинида Airbus A-320 самолётининг қулаши оқибатида 90 дан ортиқ одамлар қурбон бўлди.

РИА Новости ахборот агентлигининг Покистон Соғлиқни сақлаш вазирлигига таяниб берган хабарига кўра, бортда жами 99 киши бўлган. 91 нафар йўловчи ва саккиз нафар экипаж аъзолари. Шулардан 97 нафари ҳалок бўлган, икки киши омон қолган. Айни вақтгача 19 киши жасади идентификация қилинган.

Самолёт уйларнинг устига қулаган, жабрларганлар бор. Дастлабки маълумотларга кўра, 30 киши касалхоналарга олиб борилган.

Покистон бош вазири Имрон Хон самолёт қулаши бўйича тергов ишлари бошлаб юборилганини маълум қилган. Фуқаролик авиацияси бошқармаси маълумотларига кўра, борт ўзиёзар асбоблари топилган, улар расшифровка учун самолёт ишлаб чиқарувчиларига топширилиши айтилган.

345
Шавкат Мирзиёев с участием советника Сумы Чакрабарти рассмотрел стратегические направления продолжения программы реформ на долгосрочную перспективу.

Шавкат Мирзиёев ва Сума Чакрабарти узоқ муддатли ислоҳотларни кўриб чиқди

204
Президент маслаҳатчи Сума Чакрабарти иштирокида мамлакатда ислоҳотлар дастурини узоқ муддатли истиқболда давом эттиришнинг стратегик йўналишларини кўриб чиқди.

ТОШКЕНТ, 19 окт — Sputnik. Ўзбекистон президенти Шавкат Мирзиёев маслаҳатчи Сума Чакрабарти иштирокида мамлакатда ислоҳотлар дастурини узоқ муддатли истиқболда давом эттиришнинг стратегик йўналишларини кўриб чиқди. Бу ҳақда давлат раҳбари матбуот хизмати хабар қилмоқда.

Таъкидланишича, чуқур ва ҳар томонлама таҳлил асосида, илғор халқаро амалиёт ва тажрибани ҳисобга олган ҳолда Ўзбекистонда янги ўсиш нуқталарини аниқлаш ва янгиланишларни самарали давом эттиришни таъминлашга алоҳида эътибор қаратилди.

Хусусан, мамлакат иқтисодиётининг муҳим тармоқларини модернизация қилиш ва рақобатдошлигини ошириш, давлат бошқаруви тизимини ислоҳ қилишни чуқурлаштириш ва бошқарув кадрлари сифатини тубдан ошириш масаласи кўриб чиқилди.

Шунингдек, республикада инвестиция ва ишбилармонлик муҳитини такомиллаштиришнинг устувор йўналишлари кўриб чиқилди.

Эслатиб ўтамиз, Европа тикланиш ва тараққиёт банкининг (ЕТТБ) собиқ раҳбари Сума Чакрабарти Мирзиёевнинг иқтисодий ривожланиш, самарали бошқарув ва халқаро ҳамкорлик масалалари бўйича маслаҳатчиси бўлишини маълум қилган эди.

204
Новоизбранный премьер-министр Садыр Жапаров (в центре)

Садир Жапаров президент в.б. сифатида мурожаат қилди: асосий фикрлар

1264
(Янгиланган 11:58 17.10.2020)
Қирғизистон президенти вазифасини бажарувчи бош вазир Садир Жапаров юртдошларга мурожаатнома билан чиқди

ТОШКЕНТ, 17 окт - Sputnik. Қирғизистон президенти вазифасини бажарувчи бош вазир Садир Жапаровнинг қирғиз халқига мурожаати қирғиз ва рус тилларида ҳукумат матбуот-хизмати томонидан ижтимоий тармоқларда тарқатилган.

Жапаров нутқидан асосий тезислар:

* ўткан кунлар мамлакат мустақиллиги, эркинлиги, бирдамлик ва демократия учун ниҳоятда оғир синов бўлди; ҳукумат халқ фарёдига қулоқ тутмади, 2005- ва 2010-йиллардаги халқ инқилоблари сабоқлари эса буткул унутилганлиги намоён бўлди; тарих ҳукуматга навбатдаги сабоқни ҳавола қилди - ҳукумат ҳамиша халққа хизмат қилиши ва унинг танлови билан ҳисоблашмоғи даркор;

* 4 октябр куни халқ, ёшлар ғалабаси ўғирланди ва бу кенг кўламли сиёсий инқирозга туртки бўлиб хизмат қилди; турли ёш, турли миллат ва сиёсий қарашларга эга одамлар ягона фронт бўлиб қонунсизлик, ўзбошимчалик, админресурслардан фойдаланишга қарши чиқдилар;

* Жапаровнинг мақсади — мамлакатда адллатни қарор топтириш, коррупцияга қарши ростдан курашиш, бу кураш эндиликда зинҳор сиёсий оппонентларни йўқ қилиш учун инструмент вазифасини бажармайди;

* сиёсий мотивлар бўйича суд қилинган сиёсатчилар очиқ жараёнларда ўзларининг айбсиз эканликларини исботлашлари мумкин (Жапаров сиёсий тутқунлик нима эканлигини ўз бошидан кечирганини айтди);

* ҳар қандай коррупционер, у қандай мақомга эга бўлишидан қатъий наўар, жиноий жавобгарликка тортилади, аммо коррупцияга қарши курашиш учун халқ кўмаги даркор;

* суд ислоҳоти президент аппарати томонидан эмас, балки жамоатчилик назорати остида ўтказилади;

* Қирғизистондан 700 миллион доллар олиб чиқилиши тўғрисидаги ишга нуқта қўйилади, бош гумондор Райым Матраимов ва бошқа коррупционерлар эса қонун бўйича қатъий жазоланади;

* криминалитет ўз шартларини илгари суришига энди йўл қўйилмайди, Жапаров кафолат беради; унинг айтишича, алоҳида ҳудудларда бизнес юритиш учун криминалитетдан рухсат сўраш керак бўлган даврлар тарихда қолади;

* ёшлар давлат сиёсатининг фаол амалга оширувчиларига айланишади, айнан улар яқин йилларда мамлакат сиёсатини амалга оширишади; кадрлар сиёсати ўзгартирилади, ёшлар сиёсий саҳнада рақобатбардошлигини исботлади ва келгуси сайловларда ўз позицияларини ҳимоялашлари лозим;

парламентга ўтиш учун турли сиёсий кучлар учун бир хил шарт-шароитлар янатилади, аммо ёшлар, миллий ва гендер квоталари албатта сақланиб қолинади;

келаётган ойлар осон кечмайди, биринчи навбатда иқтисодни стабиллаштириш лозим, инвесторлар ишончини, бизнесга ҳимоя ва хавфсизлик кафотларларини қайтариш шарт;

аввалги ҳукумат COVID-19 пандемиясига тайёрмаслигини кўрсатди, кредит ва грантларга таяниш мамлакат молиявий тизимини бошқаришда жиноий сиёсатга айланди, бу пуллар тақсимланишидаги шаффоф бўлмаган механизм эса - тизимли коррупция асосини ташкил этди; коронавирусга қарши кураш учун олинган кредитлар бўйича ревизия бошланади;

Жапаров барча имкониятлари, билимлари, касбий ва ҳаётий тажрибасини мамлакат равнақи ва гуллаб-яшнаши ва халқ фаровонлиги учун йўналтиришини, аммо инқироздан чиқиш учун халқ қўллаб-қувватлови кераклигини айтди.

1264
Посольство РФ в США

Россия элчихонаси АҚШда олти россияликка қўйилган айбловга муносабат билдирди

19
(Янгиланган 15:31 20.10.2020)
Россиянинг Вашингтондаги элчихонаси вакили мамлакатнинг бутун дунё бўйлаб “беқарорлаштириш операциялар” билан шуғулланиш нияти йўқлиги ва бўлмаганини таъкидлади.

ТОШКЕНТ, 20 окт — Sputnik. Россиянинг Вашингтондаги элчихонаси АҚШнинг Россия фуқароларига нисбатан бутун дунё бўйлаб хакер ҳужум уюштиришдаги айбловларини рад этади. Бу ҳақда элчихона вакили РИА Новостига маълум қилди.

Унинг сўзларига кўра, кўриниб турибдики, шунга ўхшаш ахборот важлари воқеликка тўғри келмайди ва Америка жамиятида русофоб кайфиятини авж олдиришга қаратилган. Шунингдек, элчихона вакили шунга ўхшаш хатти-ҳаракатлар мана бир неча йилдирки Вашингтоннинг сиёсий ҳаётининг ўзига хос фарқли томони бўлиб келаётганини қўшимча қилди.

Хакер
© Sputnik / Владимир Трефилов

У Россиянинг бутун дунё бўйлаб “беқарорлаштириш операциялар” билан шуғулланиш нияти йўқлиги ва бўлмаганини таъкидлади.

“Бу ташқи сиёсатимиз, миллий манфаатларимиз ҳамда давлатлар ўртасида муносабатлар қандай йўлга қўйилиши борасидаги тушунчамизга жавоб бермайди. Россия бошқа мамлакатлар суверенитетини ҳурмат қилади ва уларнинг ишига аралашмайди”, - деди дипломатик муассаси вакили.

Аввалроқ Америка Адлия вазирлиги ва Федерал қидирув бюроси гўёки бошқа мамлакатлар инфратузилмаларига ҳужум қилиш мақсадида қатор хакер ҳужумларини уюштирган ва зарарли вирус дастурларини тарқатишда алоқадор бўлган олти нафар россияликка нисбатан айблов эълон қилган эди. Америка томони версиясига кўра, улар ГРУ ходимларидир. Хусусан, улар 2019 йилда NotPetya вирусини тарқатишда, Жанубий Кореядаги Олимпиадага киберҳужум уюштиришда айбланишмоқда.

19