Бывший президент Кыргызстана Алмазбек Атамбаев и его сторонники присутствуют на встрече с журналистами в селе Кой-Таш близ Бишкека.

Суд Атамбаевни 11 йилга озодликдан маҳрум этди

380
(Янгиланган 15:37 23.06.2020)
Қирғизистоннинг собиқ президенти эшитувда иштирок этишдан ва сўнгсўз айтишдан бош тортди, судья қарори билан у жараён якунига қадар суд залидан чиқариб юборилди

ТОШКЕНТ, 23 июн - Sputnik. Бишкек Первомай туман суди Қирғизистоннинг собиқ президенти Алмазбек Атамбаевни криминал авторитет Азиз Батукаевни озод этиш бўйича иш юзасидан 11 йилу 2 ойга озодликдан маҳрум этди. Бу ҳақда Sputnik Қирғизистон шари хабар қилди.

"Суд Атамбаевни айбдор деб топди ва уни давлат мукофотлари ва мулкини мусодара қилиб, 11 йил 2 ойга озодликдан маҳрум қилиш тўғрисида қарор чиқарди", - дея ўз қарорини ўқиб эшиттирди судья.

Атамбаев айбланувчилардан бири бўлган - Батукаевни ноқонуний равишда озод қилиш тўғрисидаги жиноий ишни кўриб чиқиш судда 2019 йил ноябр ойининг ўрталарида бошланган. Жараён ёпиқ тарзда ўтказилди.

Собиқ президент суд эшитувида иштирок этишдан ва сўнгсўз айтишдан воз кечди ва судья қарори билан жараён якунига қадар мажлис залидае чиқариб юборилди.

Эслатиб ўтамиз, 2019 йил август ойи бошларида Қирғизистонда собиқ президент Атамбаевни Кой-Тош қишлоғидаги қароргоҳида қўлга олиш бўйича операция ўтказилган эди. Собиқ етакчининг тарафдорларига қарши махсус воситалар қўлланилди, бунга жавобан Атамбаев тарафдорлари ҳам ўт очган эди. Собиқ президентнинг ўзи куч тузилмаларига эртаси куни таслим бўлди.

Соғлиқни сақлаш вазирлиги маълумотларига кўра, махсус операция оқибатида 136 киши жароҳатланган. Бир нафар спецназ ходими ҳалок бўлган.

2017 йилда ўтказилган президент сайловлари якунига кўра Алмазбек Атамбаев ҳокимиятни ўз вориси ва яқин сафдоши Сооронбай Жээнбековга топширган эди. Аммо шу ишдан кўп ўтмай собиқ президент командаси аъзоларига қарши жиноий ишлар қўзғатилди. Атамбаев собиқ-президент мақомидан маҳрум этилди ва ўта хавфли ва оғир жиноятларни содир этишда айбланди. Собиқ давлат раҳбари ўзининг ва сафдошларининг номига ёғдирилаётган айбловлар сиёсий тусга эгалигини кўп бор такрорлаган.

380
Мавзу:
Қирғизистон собиқ президенти Алмазбек Атамбаев қўлга олиниши (48)
Президент Узбекистана Шавкат Мирзиёев и президент Афганистана Мухаммад Ашраф Гани.

Мирзиёев Ашраф Ғани билан қўнғироқлашди: етакчилар нималарни муҳокама қилди

369
(Янгиланган 15:04 02.08.2020)
Ўзбекистон президенти Шавкат Мирзиёев Афғонистон президенти Ашраф Ғани билан телефон орқали мулоқот қилди.

ТОШКЕНТ, 2 авг — Sputnik. Шавкат Мирзиёев Афғонистон Ислом Республикаси президенти Ашраф Ғани билан телефон орқали мулоқот қилди.

Президент матбуот хизмати хабарига кўра, суҳбат аввалида давлат раҳбарлари муқаддас Қурбон ҳайит айёми муносабати билан бир-бирларини самимий табриклаб, биродар халқларга тинчлик-осойишталик ва фаровонлик тиладилар.

Мулоқот чоғида икки томонлама ҳамкорлик, аввало, иқтисодиёт, энергетика ва транспорт-коммуникация соҳаларидаги амалий шерикликни кенгайтиришнинг долзарб масалалари кўриб чиқилди. Минтақавий аҳамиятга молик энг муҳим масалалар юзасидан ҳам батафсил фикр алмашилди.

Давлат раҳбарлари иккала мамлакатда коронавирус инфекцияси тарқалишига қарши курашиш ва эпидемиологик вазиятни назорат қилиш борасида кўрилаётган қатъий чора-тадбирларни тўлиқ қўллаб-қувватлашларини билдирдилар.

Пандемиянинг салбий оқибатларини камайтириш ҳамда мамлакатлар ўртасидаги савдо-иқтисодий алоқалар суръатини сақлаб қолиш муҳимлиги қайд этилди.

Президентлар Афғонистоннинг барқарор тараққиётига, минтақавий иқтисодий жараёнларда фаол иштирок этишига хизмат қиладиган устувор инфратузилма ва инвестиция лойиҳаларини илгари суриш борасидаги саъй-ҳаракатларни фаоллаштиришга муҳим эътибор қаратдилар.

Булар чегараолди ҳудудларда замонавий савдо-логистика инфратузилмасини яратиш, “Сурхон – Пули Хумри” электр узатиш линиясини барпо этишдек йирик лойиҳаларни амалга ошириш ва Афғонистон ҳудудида самарали транспорт йўлакларини ташкил этиш, жумладан, халқаро молиявий институтлар ва донор мамлакатлар имкониятларини фаол жалб қилишни назарда тутади.

Таълим ва маданий-гуманитар алмашинув бўйича қўшма дастурларни амалга ошириш давом эттирилади. Ўзбекистон ва Афғонистон раҳбарлари афғон муаммосини тинч йўл билан ечиш масалаларини кўриб чиқдилар ҳамда афғонлар ўртасида ўзаро музокараларни тез фурсатда бошлаш бўйича олиб борилаётган ҳаракатларни тўлиқ қўллаб-қувватладилар.

Ашраф Ғани 2018 йил март ойида бўлиб ўтган ҳамда натижалари афғон инқирозини сиёсий йўл билан ҳал этишда салмоқли силжишга эришиш имконини берган Афғонистон бўйича Тошкент халқаро конференциясининг тарихий ролини алоҳида қайд этди.

Мулоқот якунида давлат раҳбарлари икки мамлакат ва бутун Марказий Осиё минтақаси манфаатлари йўлида кўп қиррали шерикликни янада кенгайтириш борасида қатъий эканликларини таъкидладилар.

369

Мирзиёев Ерниязов ҳақида: кишига жуда ишонардим, Қорақалпоғистондан кўнглим тўқ эди"

751
(Янгиланган 16:46 01.08.2020)
Мирзиёев Ерниязов дафн этилган қабристон Қорақалпоғистонга келганлар эҳтиром билан зиёрат қиладиган масканга айлантирилишини таъкидлади. "Шундай ватанпарвар инсонларнинг ҳурматини жойига қўйсак, халқимизга, ёшларимизга намуна бўлади", - деди президент.

ТОШКЕНТ, 1 авг - Sputnik. Ўзбекистон президенти Шавкат Мирзиёев 1 август куни Нукусга ташриф буюриб, Муса Ерниязов қабрини зиёрат қилди. Марҳум ҳақига Қуръон тиловат қилинди.

Эслатиб ўтамиз, куни кеча Ўзбекистон халқи оғир жудоликка учради. Қорақалпоғистон Жўқорғи Кенгеси раиси – Ўзбекистон Республикаси Сенати Раисининг ўринбосари, Ўзбекистон Қаҳрамони Муса Ерниязов 2020 йил 31 июль куни вафот этди. Марҳум Нукус шаҳридаги "Шорша баба" қабристонига дафн этилди.

"Раҳматли Муса оға элни яхши кўрган, ҳалол, пок, ор-номусли инсон эди. У кишига жуда ишонардим, Қорақалпоғистондан кўнглим тўқ эди. Тили, дини, тақдири, ташвишлари бир бўлган ўзбек ва қорақалпоқ халқларининг оғзибирчилигини қадрларди. Қорақалпоғистонни ривожлантириш, одамларнинг бирини икки қилиш бўйича кўп ишларни бошлаган эдик. Энди бу ишларни, режаларимизни дўстлари билан бирга албатта давом эттирамиз", - деди давлат раҳбари.

Пресс-служба президента РУз
Президент Узбекистана Шавкат Мирзиёев посетил могилу Мусы Ерниязова

Шавкат Мирзиёев Муса Ерниязов дафн этилган қабристон обод қилинишини таъкидлади.

Пресс-служба президента РУз
Президент Узбекистана Шавкат Мирзиёев посетил могилу Мусы Ерниязова

"Бу ерни Қорақалпоғистонга келганлар эҳтиром билан зиёрат қиладиган масканга айлантирамиз. Шундай ватанпарвар инсонларнинг ҳурматини жойига қўйсак, халқимизга, ёшларимизга намуна бўлади", - деди президент.

Пресс-служба президента РУз
Президент Узбекистана Шавкат Мирзиёев посетил могилу Мусы Ерниязова
751
Купюры американских долларов

ОТБ Ўзбекистонга коронавирусга қарши кураш учун яна 100 млн $ ажратди

17
Осиё тараққиёт банки Ўзбекистоннинг соғлиқни сақлаш соҳасидаги фавқулодда вазиятларга барқарорлигини ошириш учун 100 миллион доллар миқдорда қарз маблағларини ажратишни маъқуллади.

ТОШКЕНТ, 3 авг — Sputnik. Осиё тараққиёт банки (ОТБ) Ўзбекистоннинг соғлиқни сақлаш соҳасидаги фавқулодда вазиятларга, жумладан, коронавирус пандемиясига барқарорлигини ошириш учун 100 миллион доллар миқдорда қарз маблағларини ажратишни маъқуллади. Бу ҳақда банк сайтида маълум қилинди.

Лойиҳа доирасида COVID-19 га тест олиш, ташхис қўйиш тизимини яхшилаш режалаштирилмоқда. 

“Мамлакат соғлиқни сақлаш тизими сифати, хавфсизлик стандарти, протоколлари ва  хизматини яхшилаб, бу лойиҳа Ўзбекистон аҳолисини COVID-19дан ҳимоя қилиш ва саломатлигини келажакдаги таҳдидлардан асрашга ёрдам беради”, - деди ОТБ вице-президенти Шисинь Чен.

Таъкидланишича, лойиҳа мамлакатга тақдим этиладиган ОТБнинг кенг қамровли қўллаб-қувватлаш пакетининг бир қисмидир. Шунингдек, у инқирозга қарши ҳукумат чораларини ва жорий техник ёрдамни молиялаштириш учун 500 миллион долларлик кредит ҳам ўз ичига олади.

Бундан ташқари, Осиё инфратузилмавий инвестициялар банкининг (ОИИБ) ушбу лойиҳа учун 100 млн доллар миқдорида кредит ажратиш устида иш олиб бормоқда.

Лойиҳани амалга ошириш соғлиқни сақлаш ходимлари учун хавфсиз меҳнат шароитларини таъминлаш ва уларни шахсий ҳимоя воситалари билан таъминлаш учун мамлакат бўйлаб 38 лабораторияларини таъмирлашни назарда тутади.

Лойиҳани амалга ошириш дарҳол бошланади ва 2022 йилнинг июль ойига қадар якунланиши керак. Ижро этувчи органлар Соғлиқни сақлаш вазирлиги ва санитария-эпидемиологик осойишталик агентлиги ҳисобланади.

17