Конституция Российской Федерации.

РФ фуқаролари конституцияга ўзгартиришлар учун Тошкентда қандай овоз беришлари мумкин

51
Овоз беришда Россия Федерациясининг овоз бериш кунига 18 ёшга тўлган фуқаролари қатнашиш ҳуқуқига эгадирлар.

ТОШКЕНТ, 30 июн - Sputnik. 30 июн куни Россия Федерациясининг Ўзбекистондаги элчихонасида Россия Федерацияси Конституциясига ўзгартиришлар киритиш бўйича сайлов участкаси очилди, у 1 июл куни ҳам ишлайди.

“Ҳурматли Россия фуқаролари! 30 июн куни соат 14.00 дан 20.00 гача ва 1 июл куни соат 8.00 дан 20.00 гача Россия Федерациясининг Конституциясига ўзгартиришлар киритиш учун элчихонада (Тошкент, Нукус кўчаси, 83) умумроссия овоз бериши ўтказилади”, - деб ҳабар берилади РФ Ўзбекистон Республикасидаги элчихонасининг Консуллик бўлими телеграм-каналида.

Дипломатик ваколатхонада айтилишича, иштирок этиш учун олдиндан рўйхатдан ўтиш талаб этилмайди. Шаҳс ёнида амалдаги хорижий ёки Россия ички паспортига эга бўлиши кифоя.

Шунингдек, консуллик бўлими фуқароларнинг илтимосига биноан, 1 июль умумроссия овоз бериш кунида сайлов участкасининг ўзида тайёр чет эл паспортларини олиш имконияти пайдо бўлганини маълум қилди.

Чет эл паспорти берилишга тайёрлигини текшириш ва уни олиш учун зарур бўлган ҳужжатлар рўйхати билан шу ерда танишиш мумкин.

Таклиф этилаётган ўзгартиришларнинг мазмуни билан шу ерда танишиш мумкин.

Эслатиб ўтамиз, дастлаб Асосий қонунга ўзгартиришлар киритиш бўйича овоз бериш 22 апрелга белгиланган эди, бироқ март ойининг охирида коронавирус инфекциясининг тарқалиши сабабли Владимир Путин унинг кўчирилишини эълон қилди. Унда давлат раҳбари янги сана шифокорларнинг тавсиялари асосида белгиланишини таъкидлаган эди.

51
Глава МИД РФ Сергей Лавров

Лавров ОДКБ номидан БМТ Бош Ассамблеясида чиқиш қилди

10
РФ ТИВ раҳбарининг таъкидлашича ҳозирда, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш ҳолатлари кўриниш бермоқда.

ТОШКЕНТ, 22 сен - Sputnik. Дунё ажратувчи чизиқлардан толиқди, қуролли можаролар, халқаро жиноятчилик ва янги чақириқлар ҳар томонлама кўмак ва ҳамкорликни кучайтиришни талаб қилмоқда, деб баёнот қилди Россия ТИВ раҳбари Сергей Лавров БМТ Бош Ассамблеяси олий ҳафталигида КХШТ (ОДКБ) номидан қилган видеомурожаатида.

"Бугун, таассуфки, дунёнинг турли минтақаларида қуролли можаролар авж олишда давом этмоқда. Унга: халқаро терроризм, нарко- ва кибержиноятчилик, иқлим ўзгариши каби замонамизнинг ўткир таҳдидлари келиб қўшилмоқда. Жорий йилда бу рўйхат ижтимоий-иқтисодий ва бошқа соҳаларда жиддий инқироз ҳолатларини келтириб чиқарган яна бир хавфли чақириқ: коронавирус пандемияси билан тўлдирилди", - деди Лавров.

Унинг сўзларига кўра, глобал муаммоларга жавоб қайтариш йилдан йилга, айниқса, ҳозирги, дунё ҳамжамиятининг бир-бирига нисбатан адовати ўсиб бораётган бир шароитда тобора мураккаблашиб бормоқда. Бундай ҳолатлар айрим давлатларнинг бошқа давлатлар қонуний манфаатлари билан ҳисоблашишни истамаслиги билан боғлиқдир, деб қайд этди Лавров.

Ташқи ишлар вазири таъкидлаганидек, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш, БМТ Хавфсизлик Кенгаши ҳуқуқларига зид равишда бир томонлама санкциялар қўллаш, муросасизлик ва нафрат кўриниш бермоқда.

"Аммо тарихнинг табиий боришини синдириб бўлмайди. Бугунги кунда халқаро майдонда иқтисодий тараққиётнинг янги марказлари кучаймоқда, қуролли можароларни фақатгина тинчлик воситалари билан бартараф этишга зарурат кучаймоқда, ўзаро боғлиқлик ўсиб бормоқда. Дунё ажратувчи чизиқлардан, давлатларни "ўзимизники" ва "бегоналарга" бўлишлардан чарчади, дунё ҳартомонлама ўзаро ёрдам ва ҳамкорликни оширишни талаб қилмоқда. Бошқача қилиб айтганда, БМТ ташкил топган вақтда, 75 йил олдин ўртага ташланган мақсадлар тобора аҳамиятлироқ бўлиб бормоқда2, - деб қайд этди вазир.

Лавров, шунингдек, тарихни қайта кўриб чиқиб, фашизм устидан қозонилган ғалабала ҳал этувчи ҳиссани қўшган халқлар ролини пасайтиришга бўлаётган уринишларни бемаънилик, дея атади. У тарих сабоқларини ёдда сақлашга, халоскор-жангчилар жасоратига ҳурмат кўрсатишга, уларнинг шарафига қад ростланган ёдгорликларнинг бутлигини таъминлашга чақирди.

Россия Ташқи ишлар вазирлиги раҳбари сўзларига кўра, замонавий шароитларда БМТ ўз уставига қатъий мувофиқ равишда иш олиб борадиган самарали тузилма бўлиб қолиши керак, БМТ тизими асосий органлари мандатларини хиралаштириб, улар ваколатларини такрорлашларига йўл қўймаслик керак, бу фақат керакли мақсадларга эришишни кечиктиради.

Жаҳон ҳамжамиятининг асосий вазифаларидан бири: можароларни халқаро миқёсда тан олинган музокаралар форматлари доирасида, халқаро ҳуқуқ нормалари асосида фақат тинчлик, сиёсий ва дипломатик воситалар билан ҳал этиш бўлиб қолиши керак, бунда терроризмга ва халқаро уюшган жиноятчиликка қарши курашда ҳамкорликни кенгайтириш сўзсиз устуворликни касб этиши лозим, дея таъкидлайди Лавров.

Шунингдек, глобал барқарорликни сақлаб қолиш учун қурол-яроғ, қуролсизланиш ва қуролни тарқатмаслик назорати тизимини заифлаштиришга уринишларни чеклаш деди вазир.

10
Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям

Президент Ўктам Барноев оиласига ҳамдардлик билдирди

407
“Ўктамжон олижаноб, забардаст, фидойи, ватанпарвар, ўрнак олишга арзигулик инсон эди”, – деди Шавкат Мирзиёев.

ТОШКЕНТ, 21 сен — Sputnik. Ўзбекистон бош вазирининг аграр ва озиқ-овқат соҳаларини ривожлантириш масалалари бўйича ўринбосари, Олий Мажлис Сенати аъзоси Ўктам Барноев 20 сентябрь куни оғир хасталик туфайли вафот этган эди.

Член Сената Олий Мажлиса Уктам Барноев
Пресс-служба президента Узбекистана
Член Сената Олий Мажлиса Уктам Барноев

Президент Шавкат Мирзиёев 21 сентябрь куни таъзияли хонадонга ташриф буюрди. Қуръон тиловат қилинди.

Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям
Пресс-служба президента Узбекистана
Президент Шавкат Мирзиёев посетил дом покойного Уктама Барноева и выразил соболезнования его матери, супруге и детям

Давлат раҳбари бугун марҳумнинг онаси, рафиқаси ва фарзандларига ҳамдардлик билдириб, сабр-тоқат тилади.

Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям
Пресс-служба президента Узбекистана
Президент Шавкат Мирзиёев посетил дом покойного Уктама Барноева и выразил соболезнования его матери, супруге и детям

“Ўктамжон олижаноб, забардаст, фидойи, ватанпарвар, ўрнак олишга арзигулик инсон эди, – деди Шавкат Мирзиёев. – Бош вазир пайтларимда ҳам бирга ишладик. Гапирмасам ҳам мени тушунарди. Бир инсоннинг тарбияланиб, шундай кадр бўлиб етишиши осон эмас. Айниқса, охирги пайтлар оғир соҳани бериб, кўнглим тинчиб, кўп ишларни бошлаган эдик. Бу офат бутун дунёга келди. Қўлимиздан келган ҳамма нарсани қилдик. Лекин ўлим ҳақ. Аллоҳнинг иродаси экан. Бу ҳаммамизга мусибат. Жойи жаннатда бўлсин!”

Президент марҳумнинг оиласи, фарзандлари доимий эътиборда бўлишини таъкидлади.

407