Россия, Эрон ва Туркия Сурия нефтининг ноқонуний босиб олинишини маъқулламайди

662
Россия, Эрон ва Туркия президентлари Владимир Путин, Ҳасан Руҳоний ва Тойиб Эрдўғон Сурия бўйича мувофиқлаштиришни кучайтиришга келишиб олдилар.

ТОШКЕНТ, 1 июл - Sputnik. Россия, Эрон ва Туркия президентлари чоршанба куни Сурияга тегишли бўлиши керак бўлган нефт даромадларининг ноқонуний эгаллаб олиниши ва топширилишини маъқулламасликларини билдирдилар.

Россия президенти Владимир Путин, Эрон президенти Ҳасан Руҳоний ва Туркия президенти Тойиб Эрдоғоннинг тегишли баёноти Кремль сайтида эълон қилинган.

Эслатиб ўтамиз, бугун уч давлат президентлари видео-саммит ўтказдилар. Учрашув Теҳронда бўлиб ўтиши керак эди, аммо пандемия сабабли қолдирилди.

"Бизнинг учлигимиз можародан кейинги даврда Сурияда иқтисодиёт ва ижтимоий соҳани тиклаш, қочқинлар ва мажбурий кўчирилганларнинг қайтиши учун кўп иш қилиши мумкин. Коронавирус инфекциясининг тарқалиши шароитида бизнинг гуманитар йўлда саъй-ҳаракатларимизни мувофиқлаштириш янада долзарб бўлиб қолмоқда", - деди Россия президенти.

"Мен Сурияда тинчлик, тартиб ва ​​хавфсизликнинг имкон қадар тезроқ ўрнатилишини истардим. Биз Суриянинг ҳудудий яхлитлигини сақлаб қолиш ва можарони узоқ муддатга ҳал қилиш учун барча имкониятларни ишга соламиз", -деди Эрдўғон.

Россия, Эрон ва Туркия президентлари Владимир Путин, Ҳасан Руҳоний ва Тоййиб Эрдўғон Сурия бўйича мувофиқлаштиришни кучайтиришга келишиб олдилар.

“(Президентлар) ўзаро келишувлар асосида уч томонли мувофиқлаштиришни кучайтириш тарафдори эканликларини яна бир бор тасдиқладилар", - дейилади чоршанба кунги уч мамлакат президентларининг видеоконференция якуний баёнотида.

662

АҚШ МДҲ давлатларидан очиқ ва рақобатбардош сайловларни ўрганса бўлади - Володин

176
Бугунги кунда ОДКБ ва МДҲга кирувчи собиқ Совет Иттифоқи давлатларида сайловлар стандартлари ўта юқори, деб ҳисоблайди РФ Давлат думаси спикери.

ТОШКЕНТ, 15 янв — Sputnik. РФ Давлат думаси раиси Вячеслав Володин МДҲ давлаларида сайловларни ўтказиш тажрибасини АҚШ билан бўлишишни таклиф этди.

"Россия 24" телеканалига берган интервьюсида Давлат демаси спикери Қозоғистон ва Қирғизистонда сайловлар ўта юқори даражада ўтказилганини қайд этди. Володиннинг айтишича, КХШТ (ОДКБ) ва МДҲ Парламент ассамблеяси доирасида бу давлатларда кузатувчи сифатида бўлган Давлат думаси депутатлари шундай хулосани берганлар.

Шу билан бирга, АҚШдаги сайлов кампаниясига доир саволлар кўплаб йиғилиб қолган, дейди Володин.

"Шу боис, бошқа мамлакатлардаги сайловлар ҳақида гапирганимизда, ҳозир маълум бир тажрибани ёки қандайдир таклифларни таҳлил қилиб, умумлаштириб, сўнгра Америка Қўшма Штатларидаги ҳамкасбларимизга йўлласак, тўғри бўлар эди", - деди РФ Давлат думаси раиси.

"Биз тавсияларни йўллаймиз. Бундан ташқари, бу сингари масалалар чиндан ҳам анча самаралироқ ҳал этилаётган кўплаб мамлакатлар тажрибаси билан танишиб чиқишни тавсия этамиз. Лекин, бунда энг асосийси, бу ҳақда олдин ҳам айтганмиз, яна такрорлаб ўтамиз, суверен давлатлар ишларига аралашманг, ўз муаммоларингизни ҳал этинг, биз эса ўзимизни муаммоларимизни ўзимиз ҳал этиб оламиз. Агар ёрдам керак бўлса, марҳамат", - дея хотима қилди сиёсатчи.

РФ Федерация кенгаши халқаро қўмитаси раҳбари Константин Косачев илгарироқ, АҚШ ўз сайлов тизимида рўй берган "сбой"дан сўнг бошқа давлатлардаги сайловларга "баҳо" қўйиш имкониятидан маҳрум бўлганини айтган эди.

176
Теглар:
сайлов, сайловлар, Россия, АҚШнинг янги президенти, АҚШ президенти, АҚШ

Мирзиёев янги уй-жой коммунал хизмат кўрсатиш вазирини тайинлади

272
(Янгиланган 16:41 14.01.2021)
Вазирликнинг аввалги раҳбари Музаффар Солиев “ишда йўл қўйган камчиликлари, қайта-қайта огоҳлантиришларга қарамай тегишли хулоса чиқармагани учун” ишдан бўшатилган эди.

ТОШКЕНТ, 14 янв — Sputnik. Шерзод Ҳидоятов Ўзбекистон уй-жой коммунал хизмат кўрсатиш вазири лавозимига тайинланди. Президент Шавкат Мирзиёев тегишли фармонга имзо чекди.

Аввалроқ депутатлар шу вақтгача қурилиш вазири биринчи ўринбосари лавозимида ишлаб келган Ҳидоятов номзодини ушбу лавозимга маъқуллашган эди.

Уй-жой коммунал хизмат кўрсатиш вазирлигининг аввалги раҳбари Музаффар Солиев “ишда йўл қўйган камчиликлари, қайта-қайта огоҳлантиришларга қарамай тегишли хулоса чиқармагани учун” 5 январь куни лавозимидан озод этилган эди.

Шерзод Ҳидоятов 1980 йил 20 августда Тошкент шаҳрида туғилган. 2006 йилда Тошкент давлат техника университетини тугатган.

Меҳнат фаолиятини 1998 йилда Ўзбекистон Олий хўжалик судининг Ташкилий-назорат бошқармаси умумий бўлимида нусха кўчириш бўйича нозирликдан бошлаган. Турли йилларда бир қатор корхона ва ташкилотларда меҳнат қилган. Хусусан, Ўзбекистон Республикаси Олий хўжалик судининг Ташкилий-назорат бошқармасида турли вазифаларда, "NORDLINK ALIMINIUM BUILDING MATERIALS" МЧЖ хориж корхонаси директорининг ўринбосари, "DREAM PRODUCTION" МЧЖ шаклидаги қўшма корхонаси директори, "Toshkent transformator zavodi" акциядорлик жамияти бош директори, "DURABEL BETON" масъулияти чекланган жамияти директори лавозимларида фаолият юритган.

Шунингдек, 2018 йилдан Ўзбекистон Республикаси Вазирлар Маҳкамаси ҳузуридаги "Tashkent city" халқаро ишбилармонлик маркази ҳудудида объектларни қуриш ва улардан фойдаланиш дирекцияси давлат унитар корхонаси директори вазифасида иш юритаётган.

Шерзод Ҳидоятов 2019 йил сентябридан буён қурилиш вазирининг биринчи ўринбосари вазифасида ишлаб келаётган эди.

272

Пандемия йилида Россияда автомобил савдоси қандай бўлди?

61
(Янгиланган 18:35 15.01.2021)
Россия автомобил бозори икки йилдан буён камайиб келмоқда. Мутахассислар хулосасига кўра 2021 йилда ҳам тикланиш сезиларли даражада бўлмайди.

ТОШКЕНТ, 15 янв — Sputnik. Ўтган 2020 йил нафақат соғлиқни сақлаш, туризм, ошхона ва бошқа хизматлар соҳаси, балким автомобил савдоси учун ҳам мураккаб йил бўлди.

Пандемия туфайли Хитой ва бошқа давлатлардан эҳтиёт қисмлар етказиб беришда муаммолар туғилди, кўплаб автомобил ишлаб чиқарувчи корхоналар, дилерлик марказлари ўз фаолиятини тўхтатиб туришга мажбур бўлишди.

2020 йилнинг иккинчи ярмишга келиб Россия автомобил бозори секин-аста тиклана бошлади, лекин йил охирига қадар  ўтган йилги ҳажмини тиклай олмади.

Европа Автомобил ишлаб чиқарувчилари бизнеси Ассоциацияси маълумотига кўра, Россияда янги енгил ва тижорат автомобиллари савдоси 2019 йилга нисбатан 9,1%га қисқарган. Сотилган жами автомобиллар сони – 1,59 млн донани ташкил қилган. 2019 йилда жами 1,76 млн дона автомобил сотилган эди.

Россияда 2020 йилда энг кўп автомобил сотган компаниялар:  

  • Lada - 343 минг дона (2019 йилга нисбатан камайиш - 5%)
  • Kia –   201 минг (-11%),
  • Hyundai – 163 минг  (-9%),
  • Renault –  128 минг (-11%),
  • Volkswagen – 105 минг (-5%)
  • Skoda – 94 минг (+7%)
  • Toyota – 91 минг (-12%)
  • Nissan – 56 минг (-13%)
  • ГАЗ – 51 минг (-20%)
  • BMW – 42 минг (+3%)
  • Mercedes-Benz – 40 минг (-7%)

Шу ўринда пандемияга қарамасдан савдо миқдорини оширишга муваффақ бўлган компанияларни алоҳида қайд этиш керак.

Булар Skoda (+7%), BMW (+3%), Suzuki (+3%),Isuzu (+16%). Хитой брендлари ҳам бу йил яхши ўсиш қайд этишди Haval (+41%), Geely (+61%), Chery (+80%), Changan (+153%) ва FAW (+77%).

Қолган аксарият маркалар ўткан йилда савдо камайишини намойиш қилишди. Йирик брендлардан савдо ҳажми энг сезиларли даражада камайган компания Mitsubishi бўлди (- 30%).

АвтоВАЗ представил универсалы Lada Vesta SW и Lada Vesta SW Cross
Пресс-служба ПАО "АВТОВАЗ"

Энг кўп сотилган автомобил моделлари эса Лада Гранта (126 минг). Иккинчи ўринда Лада Веста (107 минг), Kia Rio (88 минг).  Кроссоверлар орасида Hyundai Creta - 73 минг, Toyota RAV4 – 36 минг, Volkswagen Tiguan – 32 минг, Renault Duster – 31 минг.

Европа ва жаҳон автомобил бозори билан солиштирганда Россия автомобил бозори пандемиядан унча катта зарар кўрмаганини тушуниш мумкин. Хусусан 2020 йилда Европа автомобил бозори қисқариши ўртача 33%ни ташкил қилган. Шимолий Америкада эса ушбу кўрсатгич 26 %ни ташкил қилган.

Европа автомобил бизнеси Ассоциацияси Россияда автомобил савдоси яқин вақт ичида қайта тикланишига умид билдирмаяпти. Уларнинг прогнозига кўра Россияда 2021 йилда автосаноат 2,1 %га тикланади холос.

61