Здание МИД Узбекистана

ТИВ Озарбайжон-Арманистон чегарасидаги вазиятдан жиддий ташвишда эканлигини билдирди

292
Ўзбекистон томонларнинг ўта сабр-тоқатли бўлиши тарафдори ва ҳолатни барқарорлаштириш ҳамда мазкур вазиятдан чиқиш учун сиёсий-дипломатик музокараларга чақиради.

ТОШКЕНТ, 15 июл — Sputnik. Ўзбекистон Озарбайжон-Арманистон чегарасида инсонларнинг қурбон бўлишига олиб келган вазиятдан жиддий ташвишда эканлигини билдирди.

Ўзбекистон Ташқи ишлар вазирлиги баёнотида қайд этилишича, мазкур ҳудуддаги ҳолатнинг янада кескинлашиши тинч аҳоли орасида қурбонлар бўлишига олиб келиши, МДҲ ҳудудидаги муҳим иқтисодий алоқалар ва коммуникацияларни бузиши, минтақавий хавфсизликка зарар етказиши мумкин.

“Ўзбекистон томонларнинг ўта сабр-тоқатли бўлиши тарафдори ва ҳолатни барқарорлаштириш ҳамда мазкур вазиятдан чиқиш учун сиёсий-дипломатик музокараларга чақиради”, - дейилган хабарда.

Шунингдек, ҳалок бўлганларнинг оила аъзолари ва яқинларига таъзия билдирилган.

Эслатиб ўтамиз, БМТ бош котиби Антониу Гутерриш Арманистон-Озарбайжон чегарасида ҳарбий ҳаракатларни зудлик билан тўхтатишга ва вазиятни барқарорлаштиришга чақиргани хабар қилинган эди. Шунингдек, Коллектив хавфсизлик шартномаси ташкилоти (КХШТ) томонларни зудлик билан чегарада ўт очишни бас қилишга чақирган.

292
Подпись документов

Президент Марказий банк раисига янги ўринбосар тайинлади

132
Аброрхўжа Турдалиев Марказий банки раисининг ўринбосари этиб тайинланди. У Марказий банкнинг Кредит ташкилотлари пруденциал назорати департаменти директори бўлиб ишлаб келаётганди.

ТОШКЕНТ, 26 янв — Sputnik. Ўзбекистон президенти Шавкат Мирзиёевнинг фармони билан Аброрхўжа Турдалиев Марказий банки раисининг ўринбосари этиб тайинланди. Бу ҳақда банк матбуот хизмати хабар қилмоқда.

Турдалиев зиммасига кредит ташкилотлари пруденциал назорати, кредит ташкилотларида молиявий мониторингни мувофиқлаштириш ва валюта назорати, кредит ташкилотларини инспекция қилиш йўналишларини мувофиқлаштириб бориш вазифаси юклатилди.

У 1979 йил Тошкент вилоятида туғилган. 2000 йили Тошкент молия институтини, 2013 йили Банк-молия академиясини тамомлаган.

Меҳнат фаолиятини 2000 йилда мамлакат Марказий банкида етакчи иқтисодчиликдан бошлаб, бош иқтисодчи, бўлим бошлиғи, бошқарма бошлиғи, департамент директори ўринбосари каби лавозимларда фаолият юритган.

Лавозимга тайинлангунга қадар эса, у Марказий банкнинг Кредит ташкилотлари пруденциал назорати департаменти директори бўлиб ишлаб келаётганди.

132
Теглар:
Аброрхўжа Турдалиев, янги тайинлов, Марказий банк
Государственные флаги стран ЕАЭС

Ўзбекистон илк бор ЕОИИ ҳукуматлараро кенгаши йиғилишида иштирок этади

554
(Янгиланган 18:42 25.01.2021)
Ўзбекистон ва Куба илк бор Евроосиё иқтисодий иттифоқи ҳукуматлараро кенгашининг мажлисида иштирок этади.

ТОШКЕНТ, 25 янв — Sputnik. Евроосиё иқтисодий иттифоқи (ЕОИИ) ҳукуматлараро кенгашининг навбатдаги йиғилиши 2021 йил 5 февралда Олмаотада бўлиб ўтади, деб хабар қилди Sputnik Қозоғистон мамлакат ташқи ишлар вазирлигига асосан.

Йиғилишда Арманистон, Беларусь, Қозоғистон, Қирғизистон, Россия ҳукумат раҳбарлари ва Евроосиё иқтисодий комиссияси Ҳайъати раиси иштирок этади.

Бундан ташқари, тадбирда ЕОИИда кузатувчи-давлатлар - Молдова, Ўзбекистон ва Куба иштирок этиши кутилмоқда.

Йиғилишлар тор ва кенгайтирилган таркибда бўлиб ўтади. Савдо-иқтисодий ҳамкорликни кенгайтириш, ички бозор фаолиятидаги тўсиқларни бартараф этиш, шунингдек иқтисодиётнинг айрим тармоқларида интеграцион салоҳиятни ривожлантириш масалалари муҳокама қилинади.

Эслатиб ўтамиз, бугун Олий Мажлис Қонунчилик палатасининг Ўзбекистоннинг ЕОИИ билан ҳамкорлигини йўлга қўйиш масаласини ўрганишни ташкил этиш бўйича ишчи гуруҳининг йиғилиши бўлиб ўтди.

Дастлаб йиғилишда Ўзбекистон Республикаси президенти Шавкат Мирзиёев томонидан 2020 йил 29 декабрь куни Олий Мажлисга йўлланган Мурожаатномадан келиб чиқиб, 2021 йилда ЕОИИ билан ҳамкорликни йўлга қўйиш масаласини ўрганишни ташкил этиш, Ўзбекистоннинг ЕОИИга кузатувчи мақомида ушбу миинтақавий тузилманинг кенг имкониятларидан ҳар томонлама фойдаланиш йўлларини қидириш Қонунчилик палатасида тузилган мазкур ишчи гуруҳнинг асосий вазифаларидан бири эканлиги таъкидланди.

Йиғилиш иштирокчилари Ўзбекистон ЕОИИда кузатувчи мақомини олганлиги ҳамда ушбу ташкилотга аъзо бўлган давлатлар бозорларида тўлақонли иштирок этиши учун ҳамкорликнинг ҳуқуқий тартибга солиш механизмларини чуқур ўрганиш, миллий техник тартибга солиш меъёрларини ЕОИИ талабларига мослаштириш бўйича ишларни жадаллаштириш зарурлигини таъкидлашди. ЕОИИ билан Ўзбекистон ўртасида ҳамкорлик ишларини самарали ташкил этиш мақсадида 2021 йилга мўлжалланган “Йўл харитаси” лойиҳаси атрофлича муҳокама қилиниб, тасдиқланди.

554
Теглар:
Олма-Ота, Тошкент, Молдова, Куба, Арманистон, Қирғизистон, Беларусь, Қозоғистон, ЕОИИ, Ўзбекистон
Мавзу:
Ўзбекистон ва ЕОИИ – интеграция истиқболлари
Мавзу бўйича
Оверчук: ЕОИИ Ўзбекистоннинг иттифоққа қўшилишига умид қилмоқда
2025 йилда ЕОИИ интеграциясининг биринчи босқичи якунланади – Путин
ЕОИИ ичида транспорт қатнови қачон тўлақонли тикланади - Малкина изоҳи
ЕОИИ-Ўзбекистон ҳамкорлик “Йўл харитаси” тасдиқланди
Ўзбекистон ЕОИИга қўшилса, Тожикистонда танлов қолмайди – Мигранян
Вакцинация от коронавируса

Ўзбекистонда 4617 киши Хитой вакцинаси билан эмланди

9
(Янгиланган 16:14 27.01.2021)
Ўзбекистонда Хитой вакцинаси кўнгиллиларда синовдан ўтмоқда. 1 февралдан тиббиёт ходимларини оммавий эмлаш жараёнларига тайёрлаш бошланади.

ТОШКЕНТ, 27 янв - Sputnik. Ўзбекистонда 4617 киши коронавирусга қарши эмланди, деб хабар қилди Коронавирусга қарши кураш штаби аъзоси Ботир Қурбонов АОКАда.

Маълум бўлишича, Ўзбекистонда тиббиёт ходимларини махсус “Хавфсиз иммунизация” шартлари бўйича тайёргарликдан ўтказиш бўйича вакцинаторлар рўйхати шакллантирилган ва 1 февралидан тиббиёт ходимларини оммавий эмлаш жараёнларига тайёрлаш бўйича бўйича тренинг ва семинарлар бошланади.

Хитойнинг "Ayhui Zhifei Longcom Biopharmaceutical” компанияси томонидан ишлаб чиқилган, янги коронавирус рекомбинант вакцинасининг III фаза клиник синовларини ўтказиш доирасида Ўзбекистонга 5000 дона вакцина олиб келинган. 

2020 йилнинг 12 декабридан бошлаб 2021 йил 27 январига қадар 9583 нафар кўнгиллилар тиббий кўрик ва суҳбатдан ўтказилган ва 4617 нафар кўнгилли вакцинация амалга оширилди, дейилган хабарда.

Маълумот учун, Ўзбекистонда коронавирус инфекцияси қайд этилганлар сони 78 510 нафар. Уларнинг 98,0 физи (76 997 нафар) бутунлай тузалди.

Айни пайтда тиббиёт муассасаларида даволанаётган 892 нафар бўлиб,  бемордан 158 нафари оғир, 32 нафари эса ўта оғир ва 702 нафари енгил шаклда даволанмоқда. Коронавирусдан соғайиш кўрсаткичи — 86 %. 

9