Хоким Ташкента Джахонгир Артыкходжаев

Корона-стратегия: Тошкент ҳокими президент танқидига қандай жавоб қайтарди?

2862
(Янгиланган 16:01 18.07.2020)
Президент Шавкат Мирзиёев 15 июль куни ўтказган видеоселектор йиғилишида Ўзбекистон пойтахтида коронавирусга қарши курашиш чораларидан кескин норози бўлиб, шаҳар ҳокими Жаҳонгир Артикходжаевга ҳайфсан эълон қилган эди

ТОШКЕНТ, 18 июл - Sputnik. Ўзбекистон президенти Шавкат Мирзиёев пойтахтда коронавирусга қарши олиб борилган чора-тадбирлардан кескин норозилигини билдиргач, бугун, 18 июл шанба куни пойтаҳт ҳокимлиги матбуот-хизмати раҳбари Фурқат Маҳмудхўжаев Тошкент шаҳрида шу қисқа вақт ичида амалга оширилган ишлар юзасидан баёнот берди.

Матбуот-хизмати раҳбарининг маълум қилишича, бунда Соғлиқни сақлаш тизимининг бўғинлари бирма-бир ўрганилган. Биринчи навбатда бўғинлардаги турли заиф нуқталар белгилаб олинган ва уларни бартараф этиш бўйича амалий чоралар кўрила бошланган.

Биринчидан: фуқароларни безовта қилаётган ҳар бир ҳолат юзасидан тиббиёт муассасаларининг қисқа рақамлари: "103" орқали тез ёрдамга мурожаат қилишларида бандлик ҳолатлари бўлмаслиги чоралари кўрилган.

Қўнғироқлар интенсивлиги ўрганилганида, "103" рақамига соат 18.00дан 24.00га қадар кўп мурожаатлар бўлиши аниқланган. Шу муносабат билан иш режими қайта кўриб чиқилиб, шу вақт оралиғида энг тажрибали операторлар ишлашлари учун танлаб олиш ишлари амалга оширилган. Шу тариқа қўнғироқ қилиш ва уланиш вақтларини қисқартиришга эришилган.

Бундан ташқари, яхши ишлаган ва ўз вазифасига сидқидилдан ёндашаётган операторларни рағбатлантириш тизими ҳам йўлга қўйилган. (ҳар бир қабул қилинган ва сифатли қайта ишланган қўнғироқ учун 1500 сўм, яна 500 сўм - аъло муомала учун).

"Тез ёрдам" бригадаси 15 дақиқадан кўп бўлмаган вақтда етиб бориши чоралари кўрилган.

"Яхши ишлаган бригадалар учун ҳам рағбатлантириш тизими қўлланилиши назарда тутилмоқда", - деди Маҳмудхўжаев.

Шу кунни ичида 25та "Дамас" русумли автомобиллар жойларга етқазиб берилган.

Иккинчидан: Тошкент шаҳар Соғлиқни сақлаш бошқармаси тасарруфидаги тиббиёт муассасаларида жами 423та бўш иш ўринлари малакали мутахассис билан зудлик билан таъминлаш чоралари кўрилмоқда.

Учинчидан: Тошкент шаҳридаги 42та касалхоналарда шахсий ҳимоя воситалари бўйича эҳтиёжлар ўрганилган. Унга кўра, 70 минг дона тиббий ниқоблар, 70 мингта тиббий комбинезонлар, 150 мингта тиббий қўлқоплар, 3 мингта тиббий кўзойнаклар, 5 мингта тиббий бош кийим, 200 минг бахила уларнинг 1 ҳафталик эҳтиёжи учун олдиндан етказиб берилган.

Бундан ташқари, тиббиёт анжомларидан 40та ИВЛ, 120та болалар ва 80та катталар учун сипап аппаратлари касалхоналарга тарқатилган.

Тўртинчидан: туманлар санэпид осойишталиги марказларига 2тадан (жами 22та), шаҳар марказига 1та, руҳий касалликлар шифохоналарига 2та, жами 25та "Дамас" русумли автомобиллар етқазиб берилган.

Юқоридаги ҳаражатлар учун пойтахт бюджетидан жами 22,2 млрд сўм маблағ ажратилган.

Бешинчидан: уч ойлик энг зарур дори-дармон воситалари захирасини шакллантириш учун талаб этиладиган 30 миллиард сўмдан дастлабки 15 миллиард сўми "Дори-дармон" ташкилоти ҳисоб рақамига ўтказилган.

Олтинчидан: Тошкент шаҳрида жойлашган тиббиёт олий таълим муассасалари ва марказлари раҳбарлари билан суҳбат ўтказилиб, уларда фаолият юритаётган 284 нафар ходимларни уй шароитида даволанаётган беморларни ҳолатидан хабар олишга жалб этиш бўйича келишилган.

Еттинчидан: шаҳардаги дори-воситаларини ишлаб-чиқарувчилари ва етказиб берувчилари билан учрашиб, уларнинг лицензиялаш, божхона, кредит ва бошқа муаммолари ҳал этилмоқда.

Саккизинчидан: эҳтиёжманд оилалардан 1197 қисқа рақамига келиб тушган мурожаатлар бўйича бугунга қадар 5802та оилага маҳсулот етказиб берилган.

Тўққизинчидан: Тошкент шаҳар ҳокими 16 июль куни коронавирус билан касалланганлар даволанаётган Шайҳонтоҳур туманидаги Ибн-Сино номидаги 1-сон шаҳар касалхонасига бориб, ҳолат билан танишганидан сўнг, беморларни овқатлантириш тизимини қайта кўриб чиқиш бўйича таклифлар киритилган. Бундан буёғига, Тошкентдаги коронавирусга қарши даволанаётган фуқароларнинг хонадонларидан касалхоналарга овқат олиб келишни чеклаш, овқат сифатини ошириш мақсадида ҳар бир касалхонада Юқоричирчиқдаги карантин зонасида амалга оширилаётган тизимни йўлга қўйишга масалалари кўриб чиқилмоқда.

Тошкент шаҳри бўйича жами касалхоналарда 2358та койка-захираси шакллантирилган.

2862

БМТ 75 йиллиги: эски муаммолар, янги чақириқлар ва глобал ечимлар - Медведев

219
(Янгиланган 14:33 24.10.2020)
РФ Хавфсизлик кенгаши раиси ўринбосари Дмитрий Медведев БМТнинг 75 йиллигига бағишланган мақоласи эълон қилинди.

ТОШКЕНТ, 24 окт — Sputnik. Бугун, 24 октябрь куни дунёдаги энг нуфузли ташкилот – Бирлашган Миллатлар Ташкилоти 75 йиллик юбилейини нишонламоқда.

РФ Хавфсизлик кенгаши раиси ўринбосари Дмитрий Медведев БМТнинг 75 йиллигига бағишланган мақоласи эълон қилинди.

Унда келтирилган асосий фикрлар:

- "Инсониятнинг энг долзарб муаммоларини муҳокама қилиш мақсадида БМТ Хавфсизлик Кенгашида Россия таклиф қилган "ядро бешлиги" давлатларининг юзма-юз саммити бўлиб ўтади деб умид қиламиз";

- «Нафақат мавжуд қуролларнинг қисқаришини таъминлаш, балки янги таҳдидлар хавфини минималлаштириш ҳам зарур. Шу нуқтаи назардан, Россия Европада ва бошқа ҳудудларда янги ракета тизимларини жойлаштиришга мораторий эълон қилди. Биз ғарбий шерикларимизнинг жавоб қадамларига умид қиламиз";

- "Шунингдек, барча космик державаларнинг фазони милитаризациялашни ҳар томонлама тақиқлаш тўғрисидаги қонуний мажбурий битимини тузилишини қўллаб-қувватлаймиз";

- "Афсуски, тинчликни сақлаш бўйича олиб борилаётган саъй-ҳаракатларга қарамай, биз ҳали ҳам бир томонлама тажовузкор ҳаракатлар, хусусан, АҚШ ва унинг НАТО блокига кирувчи уларнинг иттифоқчилари томонидан суверен давлатларнинг ички ишларига аралашиш бўйича қўпол уринишларнинг гувоҳи бўляпмиз";

- “Глобал ахборот маконида хавфсизликни таъминлаш принципиал аҳамиятга эга. Халқаро киберхавфсизлик архитектураси нафақат замонавий талабларга жавоб бериши, балки технологик тараққиёт истиқболларини ҳам ҳисобга олиши зарур”;

- “COVID-19 эпидемияси фақат сиёсий эркинликлар ўз-ўзидан инсонлар ҳаётини сақлаб қололмаслигини аниқ кўрсатиб берди. Бунинг учун тиббий ёрдам ва ижтимоий муҳофаза қилишнинг самарали ва қулай тизими, санитария хавфсизлигини таъминлаш бўйича умумдавлат дастурлар, ҳукумат давлат органларининг барча даражаларида ҳаракатларни ниҳоятда мувофиқлаштириш талаб этади".

219
Президент РФ В. Путин принял участие в заседании дискуссионного клуба Валдай

Путин Россия душманларига: "Дафн маросимингизда шамоллаб қолмасак гўргайди"

1318
(Янгиланган 22:45 23.10.2020)
Россия президенти Владимир Путин "Валдай" мунозаралар клубида чиқиш қилиб, Россия душманлари, президентликда қолиши имконияти, пандемия, иқтисод, санкциялар ҳақида фикр билдирди. Президент чиқишидан асосий фикрлар

ТОШКЕНТ, 23 окт — Sputnik. Владимир Путин "Валдай" мунозаралар клуби йиғилишида иштирок этди, президент видео-алоқа орқали чиқиш қилди. Жорий йил мавзуси — "Пандемия сабоқлари ва янги кун тартиби: жаҳон инқирозини дунё учун қандай қилиб имкониятга айлантириш мумкин".

Давлат раҳбарининг муҳим баёнотлари - РИА Новости материалида.

"Россияни сўниши"ни кутиш ҳақида

Ўз чиқишида Путин айрим давлатларнинг Россияни ҳолдан тойишига умид қилишлари бўйича фикр билдирди.

"Давлатимизни мустаҳкамлар эканман, дунёда ва бошқа давлатларда нималар рўй бераётганини кўриб, Россиянинг секин-аста сўнишини кутаётганларга шуни айтмоқчиман: бизни ҳозирги ҳолатда бир нарса ташвишга солмоқда: дафн маросимингизда шамоллаб қолмасак гўргайди".

Президент Россия ўзининг ақлий, ҳудудий, иқтисодий ва ҳарбий имкониятлари ва салоҳиятини адекват баҳолашини таъкидлаб ўтди.

Пандемия ҳақида

COVID-19  ҳақида гапирар экан, Путин, коронавирус чекинмаганини, дунё барча соҳаларда "тектоник силжишлар" бўсағасида турганини айтди.

"Коронавирус эпидемияси жамоат, бизнес, халқаро ҳаётни жиддий ўзгартирди. Ҳар бир инсоннинг одатий ҳаёт тарзини буткул ўзгартириб юборди".

Путин Россия фуқаролари билан, айниқса, шифокорлар ва уларнинг бир-бирига ёрдамга келиш хусусжиҳатлари билан фахрланишини таъкидлади.

"Пандемия инсон ҳаётининг ўта мўртлигини эслатди. Биз яшаётган ва технологик жиҳатдан илғорлаб кетган XXI асрда ҳатто энг фаровон ўзига тўқ давлатларда ҳам инсон бир қарашда унчалик хавфли бўлмаган, унчалик қўрқинчли бўлмаган таҳдид олдида ҳимоясиз қолишини тасаввур қилиш қийин кечди".

Президентнинг сўзларига кўра, коронавирусга қарши курашда халқаро ҳамжамият барча ишларни ҳам амалга ошира олмади, бой берилган имкониятлар бўлди.

Янги чекловлар киритилиши мумкинлиги ҳақида

Путиннинг сўзларига кўра, бугун, пандемия туфайли баҳорда бўлгани сингари, чеклов чораларига қайтиш зарурати йўқ, шу жумладан, "тиббиёт самарали иш бергани" учун ҳам. РФ президентининг қайд этишича, касалхоналарда захира ўринлар шакллантирилган, дорилар пайдо бўлган, "тиббиёт ходимлари ҳам нима қилиш кераклигини тушунишмоқда, билишмоқда".

Давлат раҳбари, Швеция коронавирус туфайли чеклов чораларини киритмагани, аммо бунинг натижасида, уларда иқтисодда пастлаш рўй берганини эслатиб ўтди.

Ҳозирда Россияда макроиқтисодий кўрсаткичлар мақбул, иқтисод тикланмоқда, деб қўшимча қилди президент.

Дунёдаги алмашаётган роллар ҳақида

Президент АҚШ бугун устунликка даъвогарлик қила олмаслигини таъкидлаб, ўзи бу Америкага керакми, деган саволни берди.

"Ўзининг иқтисодий салмоғи ва сиёсий таъсирига кўра супердержава позициясига Хитой тобора фаол яқинлашмоқда. Германия ҳам шу йўналишда бормоқда".

Шу билан бир қаторда, Буюк Британия ва Франциянинг дунё масалаларидаги роли сезиларли трансформация бўлди, Бразилия ва ЖАР сингари державалар ҳам жиддий кучайганликлари сезилмоқда, деди у.

Президент коронавирус пандемияси шароитида мамлакатларни давлатларо муносабатларда ростгўйроқ бўлишга ва иккиталик стандартлардан воз кечишга чақирди.

"Коронавирус инфекциясидан азият чеккан ва азият чекаётган кўплаб бошқа мамлакатлар четдан келадиган ёрдамга эмас, шунчаки, чекловлар олиб ташланиши, ҳеч бўлмаганда, инсонпарварлик соҳасидаги чекловлар йўқотилишига, медикаментлар, кредит ресурслари, ускуналар, технологиялар билан ўзаро алмашинувга муҳтождирлар. Бу тўғри ва соф маънодаги инсонпарварлик ёрдамларидир. Йўқ, инсонпарварликка ҳеч қандай алоқаси бўлмаган ўй-фикрлар ниқоби остида бу чекловларни бекор қилишмади. Шу билан бир вақтда ҳамма инсонийлик тўғрисида гапиради".

Қурол-аслаҳалар устидан назорат

Путин қурол устидан назорат ва қуролни тарқатмаслик режимларига чақириқ ташланган бир шароитда стратегик барқарорлик масалалари кучлироқ эътиборни талаб қилади, дея фикр билдирди. Бу соҳада чеклов бўлмас экан, дунёнинг келажаги бўлмайди, деди у. Вашингтон эса босқичма-босқич бу сингари битимлардан чиқаётганини эслатди.

Президент Москва СНВ шартномасига Хитойни ҳам қўшишга қарши эмаслигини, аммо Пекин билан мулоқотни Вашингтоннинг ўзи олиб бориши кераклигини, бу масалани Россия зиммасига ташламаслиги кераклигини қўшимча қилди.

Путин шунингдек, барча ядровий дердаваларни бу битимга қўшиш тарафдори эканлигини маълум қилди.

"Европаликлар бизга шартномадан улар (АҚШ - таҳр.) чиқишсин, сиз чиқманг, дейишди. Мен, ассалому алайкум, яхши кино бошландику, дедим. Ахир сизлар барчаларингиз НАТО аъзолари бўлсангиз, демак, сизлар учасизлар, америкаликларга маълумотни етказиб турасизлар, биз эса шартномада қолганимиз туфайли бундай қила олмаймиз, дедим. Шунинг учун, келинг, ўзимизни аҳмоққа солмаймизда, бир-биримиз билан тўғрисизлик билан гаплашайлик. <...> Аслида эса, мени тушунишимча, АҚШнинг европалик шериклари ҳам АҚШ бу шартномада қолишини ва ҳеч нарса барбод бўлмаслигини исташмоқда".

Қорабоғдаги ҳолат ҳақида

Мунозаралар давомида, иштирокчилар Тоғли Қорабоғ атрофидаги вазиятнинг зиддийлашуви мавзусини тилга олдилар.

Путин эскалация бошланганидан буён можаро зонасида барча томондан икки мингдан зиёд одам ўлганини ҳалок бўлишди, қурбонларнинг умумий сони беш мингга яқинлашмоқда.

Путиннинг таъкидлашича, кўплаб йиллар давомида Россия вазиятни узоқ тарихий истиқболга стабиллаштириш мақсадида ушбу инқирозни бартараф этишнинг турли вариантларини таклиф этган. Президент сўзларига кўра, бу позицияларни  яқинлаштириш бўйича жуда оғир иш бўлган эди.

"Яна оз-моз ва биз ечим топа оламиз, дея ўйлаган эдик. Афсуски, бу рўй бермади, ва биз бугун ўзининг энг ёмон кўринишидаги можарога гувоҳ бўлиб турибмиз", — деди Путин.

У Россия учун Арманистон ва Озарбайжон - тенг ҳамкорлар эканлигини, Москва улар билан тўлақонли муносабатларни ўрнатишни исташини қайд этди.

Sputnik/RUPTLY/МИД РФ/Минобороны Азербайджана, Минобороны Армении

Давлат раҳбари Тоғли Қорабоғ бўйича муроса топишни жуда хоҳлашини таъкидлади. Путиннинг сўзларига кўра, у Озарбайжон президенти Ильхом Алиев ва Арманистон бош вазири Никол Пашинян билан бир кунда бир неча маротаба телефон орқали суҳбатлашиб туради.

Навальний ҳақида

Мунозара иштирокчиларининг бирининг Алексей Навальний билан боғлиқ ҳолат ҳақидаги саволига жавоб берар экан, Путин, Россия рўй берган воқеа бўйича суриштирув ўтказишга тайёрлигини, аммо бунинг учун мамлакат Навальний ҳақиқатдан ҳам заҳарлангани тўғрисидаги тасдиққа эга бўлиши кераклиги, бундай маълумот эса тақдим этилмаётгани ҳақида гапирди.

Президент Навальнийнинг рафиқаси мурожаатидан сўнг дарҳол Бош прокуратурага беморнинг чет элга чиқиши имкониятини (жиноят иши бўйича чекловларни назарда тутган ҳолда) текшириб кўриш кераклиги ҳақида топшириқ берганини айтди.

"Бундан ташқари, европалик етакчилардан бири билан суҳбат давомида мен, бизнинг мутахассисларимиз француз, немис, швед мутахассислари билан биргаликда Германияга боришлари ва жойида бирга ишлаб, қандайдир бўлса ҳам материалларга эга бўлишларини таклиф қилган эдим. Ва бу материалларни жиноят иши қўзғатилиши учун асос сифатида киритиш мумкин эди, агар бу чиндан криминал ҳодиса бўлган бўлса, уни ўрганишарди. Аммо ҳеч вақо тақдим этишмаяпти-ку".

Путин шунингдек, Навальний организмида "Новичок" излари аниқлангани ҳақидаги хабарлар ҳам шубҳалилигини қўшимча қилди.

"Унда "Новичок" изларини топишгани ҳақида айтишди. Кейин бу маълумотлар гўёки ОЗХОга топширилди <…>, ва тўсатдан бизга: бу "Новичок" эмас, бошқа нарса дейишди. <...> Хўш, "Новичок"миди у ёки "Новичок" эмас? Бошида айтишган ҳолат бўйича гумонлар пайдо бўла бошлади", - деб қўшимча қилди президент.

Президентлиги ҳақида

Владимир Путин давлат раҳбари сифатида ваколатлари қачондир ўз ниҳоясига етишини тўлиқ англашини айтди.

Конституцияга киритилган ўзгартиришлар амалдаги президентга ушбу лавозимга қайта сайланиш ҳуқуқини беради. Йиғилиш давомида Путин 2024 йилдан кейин давлат раҳбари лавозимида қолиш қарори ҳақидаги сўзлари турли фитналар ва ворис излашга қарши кафолат бўлишини таъкидлади.

"Йўқ, бу, сўзсизки, қачондир ниҳоясига етади, мен бу борада ўзимга ҳисоб бераман", - деди президент.

Путин шунингдек, тарихдаги ролини қандай кўришини ва дунё етакчиси сифатида ўз меросини нимада кўриши ҳақидаги саволга ҳам жавоб қайтарди. Унинг сўзларига кўра, у ҳеч қачон бундай тоифада фикрламайди.

"Бу ҳақда шу нарсага қизиқувчи одамлар ўйлашсин, мен эса ўзим ҳақимда бирорта китобни ҳатто ўқимаганман. Мен шунчаки меҳнат қиламан, кундан-кун жорий масалаларни ечиб, ўз нигоҳимни келажакка тикаман, токи жорий масалалар стратегик мақсадларга эришишга тўсқинлик қилишмасин", – деди Путин.

1318
Кошелек с деньгами

Ўқитувчиларнинг ойлик маоши 10 миллионгача оширилади - Шерматов

113
Халқ таълими вазирининг таъкидлашича, синф раҳбарларининг ойлик маошлари 1,5 бараварга оширилади. 2024 йилга қадар эса юқори натижаларга эришган педагогларнинг ойлик маоши 15 бараваргача оширилади.

ТОШКЕНТ, 24 окт — Sputnik. Халқ таълими вазири Шерзот Шерматовнинг маълум қилишича, синф раҳбарлиги учун тўловлар 1,5 бараварга оширилади. Бу ҳақда вазир 24 октябр куни АОКАда ўтказилган матбуот анжуманида маълум қилди. 

Қайд этилишича, яқин кунларда мамлакатдаги таълим-тарбия тизимини янада такомиллаштириш, илм-фан соҳасини ривожлантириш масаласида Ўзбекистон президенти Фармони лойиҳаси қабул қилинади. Унга кўра,  методистларнинг иш ҳақи миқдори олий тоифали ўқитувчининг базавий таъриф ставкаси миқдорига тенглаштирилади.

2024 йилга қадар эса юқори натижаларга эришган педагоглар ойлик маоши меҳнатга ҳақ тўлашнинг энг кам миқдори 15 бараваригача босқичма-босқич ошириб борилади.  

Бундан ташқари битирувчиларнинг олий таълим муассасаларига ўқишга кириш кўрсаткичлари юқори бўлган умумтаълим муассасаларининг раҳбарлари рағбатлантирилиб, Халқаро фан олимпиадалари ғолибларининг ўқитувчиларига тўғридан-тўғри олий малака тоифаси берилади.

113