Лукашенко чет эл журналистларини мамлакатдан қувиш билан қўрқитди

302
(Янгиланган 18:22 23.07.2020)
Лукашенко амалдорлардан чет эл ОАВлари фаолиятига муносабат билдиришни талаб қилди. Мамлакат ТИВ раҳбари Макей шу ўринда яхшигина танбеҳ эшитди.

ТОШКЕНТ, 23 июл – Sputnik. Беларус президенти Александр Лукашенко амалдорлардан ОАВдаги вазиятни ностабиллаштирувчи хабарларга муносабат билдиришни талаб қилди. Шунингдек, бундай ҳолатларда ушбу электорал кампания якунини кутиб ўтирмасдан, чет эл журналистларини мамлакатдан чиқариб юбориши мумкинлигини истисно қилмади.

"Ҳа, ҳукуматимизда ҳам, ташқи ишлар вазирлигида ҳам, ҳамма қўл қовуштириб ўтирибди, президентдан буйруқ келишини кутиб. Мамлакатга бундай муносабатни қандай тушуниш мумкин? BBC, "Озодлик", "Озод Европа" ва ҳоказолар, ахборот оқимлари... Мен ҳали тарафкашликни айтганим йўқ, улар ахир оммавий тартибсизликларга даъват қилмоқда. Нега сиз буларга тоқат қиляпсиз? Сиз-ку уларни бу ерда аккредитация қилган", - иқтибос келтирган Лукашенко сўзларидан Sputnik Беларусь.

Президент ОАВда деструктив (зарарли) маълумот берилган вақтда чоралар кўриш заруратига эътибор қаратди.

"Ушбу электорал кампаниянинг якунини кутиб ўтиришнинг ҳожати йўқ (9 август санасига мамлакатда президент сайловлари белгиланган – таҳр.). Агар улар бизнинг қонунларимизга амал қилмаса ва одамларни майдонларга чақирса, уларни бу ердан қувиб солинг", - дея топшириқ берди Лукашенко.

Беларусь мамлакати раҳбари ОАВдаги бузғунчиликка қатъият билан муносабат билдиришни талаб қилди, масъул шахслар, хусусан, президент администрацияси ахборот майдонига янада синчковлик билан эътибор қаратишлари лозимлигига эътибор қаратди.

"Албатта, охирги вақтларда президент администрацияси, матбуот-котиби иши мени жуда ҳайратлантирмоқда, ҳа, фикримча, Наталья Ивановна ҳам (Беларус парламенти юқори палатаси раиси Наталья Кочанова - таҳр.) бу ҳолатга синчковлик билан қараши мумкин эди", - деди Лукашенко.

Лукашенкога кўра, гап фақатгина интернет устида эмас, балки анъанавий ОАВ, мисол учун, газеталар хусусида ҳам бормоқда.

Беларус етакчиси ҳосилни йиғиштириш кампанияси ҳақида репортаж тайёрлашни маслаҳат берди.

"Комбайнерни суратга олинг, у ҳақда ҳикоя қилинг. Шу оддий одамлар ҳаётидан сўзланг - ахир улар бутун мамлакатни боқаётган меҳнаткашлар-ку. Ахир эртага ҳамма, биринчи навбатда шу бадхат одамлар ҳам ўзига, яқинларига, фарзандларига бир бурда нон олиш учун дўконга қараб югуради", - давом этди Беларус етакчиси.

Лукашенко масъул шахслардан у ёки бу кўрсатмаларни кутиб ўтирмасдан ўз мажбуриятларини бажаришни талаб қилди. "Мени диққат билан эшитинг, биз бу давлатда хўжайинмиз. Ўз мажбуриятингизни бажаринг. Агар уддалай олмасангиз - бу иш қўлимдан келмайди, деб айтинг. Бошқалар шуғулланади", - деди Беларус президенти. У мамлакатда сайлов кампанияси кетаётганига қарамай, муносабат билдирилиши шартлигини таъкидлади.

"Биз бу мураккаб электорал даврга кирганимизга қарамай, бошқа такрорлаб ўтирмайман. Ҳақорат ортидан ҳақорат - бундай бўлмайдида ахир. Мени ҳар томондан чаплаб бўлишди. Энди эса ҳеч қандай айби бўлмаган участка комиссиялари раисларига ҳам ташланишяпти. Уларнинг оиласи, фарзандлари бор ахир", - деб қўшимча қилди Лукашенко.

302
Подготовка труб на борту судна Solitaire, для последующей укладки газопровода «Северный поток-2» в Финском заливе

Германия ТИВ АҚШнинг "Шимолий оқим-2"га қарши таҳдидларига жавоб берди

275
Аннен шунингдек, Германия "Европа суверенитетини мустаҳкамлаш учун" Европа Иттифоқи Кенгаши раислигидан фойдаланишини маълум қилди ҳамда Европа бундай шантажга ён бермаслиги кераклигини қўшимча қилди.

ТОШКЕНТ, 7 авг - Sputnik. ГФР ТИВ давлат вазири Нильс Аннен Handelsblatt газетасига берган интервьюсида "Шимолий оқим-2" туфайли Германиянинг Засниц шаҳридаги порт раҳбариятига санкциялар билан таҳдид қилган америкалик сенаторларни қаттиқ танқид қилди, деб хабар бермоқда РИА Новости.

Аввалроқ, АҚШ уч сенатори томонидан Sassnitz GmbH порти оператори номига юборган мактуби РИА Новости тасарруфига келиб тушган эди. Унда АҚШ ҳукумати томонидан қувур қурилишида иштирок этаётган компанияларга қарши тайёрланаётган санкциялар ҳақида гап боради. Хусусан мурожаатда, агар иш давом эттирилса, Засниц портини "молиявий ҳалокат" кутаётгани айтилган.

"АҚШнинг яқин шериклар ва иттифоқчиларга нисбатан экстерриториал (ўз ҳудудидан ташқарида қўлланиладиган-таҳр.) санкциялари сиёсати миллий суверенитетимизга жиддий тажовуздир", - дейди Аннен.

Унинг сўзларига кўра, хатнинг немис компанияларига таҳдид солувчи мазмуни ва оҳанги мутлақо ноўриндир.

"Биз америкалик ҳамкорларимизга компанияларимизга тазйиқ ўтказишига йўл қўймаслигимизни етказдик", - деди давлат вазири. У Германия ва Европанинг энергетика сиёсати "Вашингтонда эмас, балки Берлин ва Брюссельда" белгиланишини таъкидлади.

Аннен шунингдек, Германия "Европа суверенитетини мустаҳкамлаш учун" Европа Иттифоқи Кенгаши раислигидан фойдаланишини маълум қилди ҳамда Европа бундай шантажга ён бермаслиги кераклигини қўшимча қилди.

"Шимолий оқим-2"

"Шимолий оқим-2" лойиҳаси Россиядан Германияга Балтика денгизининг туби бўйлаб иккита газ қувури ётқизилишини кўзда тутади.

Берлин ва Вена Россия лойиҳасини қўллаб-қувватламоқда, чунки улар ёқилғининг барқарор етказиб берилишидан манфаатдор. Шунингдек, Норвегия ҳам қувурни ётқизиш тарафдоридир, унинг ҳукумати қурилиш пудратчиларидан бири бўлган Kvaerner компаниясининг 30 фоиз акцияларига эгалик қилади.

Аммо шу билан бирга, ўз манфаатларини кўзлаб Литва, Латвия, Польша ва Украина “Шимолий оқим-2”-га қарши чиқишмоқда. Лойиҳани, шунингдек, Европага ўз суюлтирилган газини етказиб беришни режалаштираётган АҚШ ҳам танқид қилмоқда.

Ўтган йил охирида АҚШ мудофаа бюджетини қабул қилди, унга “Шимолий оқим-2” қурилишида иштирок этган компанияларга қарши санкциялар киритилган. Натижада, лойиҳа тўхтаб қолди: Швейцариянинг қувурларни ётқизиш билан шуғулланган Allseas компанияси дарҳол ишини тўхтатди. Газпромда қурилишни мустақил равишда якунлаш мумкинлиги билдирилди.

275
Трактор Беларусь 3522

Тошкентда Беларус миллий маҳсулотлари кўргазмаси ўтказилади

170
Ўзбекистон ташқи ишлар вазири ўринбосари Илҳомжон Неъматов Беларус элчиси билан учрашув ўтказди. Мулоқот чоғида икки давлат муносабатларини ривожлантириш истиқболлари юзасидан фикр алмашилди

ТОШКЕНТ, 7 авг - Sputnik. Ўзбекистон Ташқи ишлар вазири ўринбосари Илҳом Неъматов 6-август куни Беларуснинг Фавқулодда ва Мухтор Элчиси Леонид Маринич билан учрашди, деб хабар бермоқда Ўзбекистон ТИВ матбуот-хизмати.

Учрашув чоғида Ўзбекистон-Беларус муносабатларини ривожлантириш истиқболлари юзасидан фикр алмашилди, ўзаро манфаатли барча соҳаларда икки томонлама ҳамкорликнинг изчил ривожланиб бораётгани таъкидланди.

Бўлажак қўшма тадбирлар жадвали, жумладан Икки томонлама ҳамкорлик бўйича ҳукуматлараро комиссиянинг навбатдаги мажлисини, шунингдек, "Беларусда ишлаб чиқарилган" миллий маҳсулотлар кўргазмасини 2020-йил кузида Тошкент шаҳрида ўтказиш масаласи кўриб чиқилди.

170
Сотрудник лаборатории

Ўзбекистонда коронавирус: 7 август асосий хабарлари

43
(Янгиланган 20:08 07.08.2020)
Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

ТОШКЕНТ, 7 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

Янги касалланиш ҳолатларининг 197 нафари Тошкент шаҳрида, 23 нафари Тошкент вилоятида, 15 нафари Хоразм вилоятида ҳамда 13 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 472 нафар бемор тузалиб, ўз уйларига кузатилди. Республика бўйлаб жами соғайганлар сони 20 059 нафарга етди.

Айни пайтда 8 817 нафар беморга белгиланган стандартлар бўйича даво чоралари кўрилмоқда. Улардан 728 нафари оғир, 217 нафари эса ўта оғир аҳволда.

Ўлим ҳолатлари

Кун давомида коронавирусга чалинган 4 нафар бемор – Тошкент шаҳар  Олмазор туманида яшаган 39 ёшли Б.С. (эркак) ҳамда Учтепа туманида яшаган 68 ёшли Л.К. (аёл), Мирзо Улуғбек туманида яшаган 71 ёшли Н.И. (аёл), Қибрай туманида яшаган 69 ёшли С.Б. (эркак) вафот этди.

Ўзбекистонда жами 181 киши пандемия қурбони бўлди.

Фуқароларни олиб келиш

Россия-Қозоғистон чегарасида тўпланган 1850 нафар фуқаро қайтарилади.

6 август куни Оренбург вилоятининг “Бузулук” станциясидан 920 нафар фуқаро биринчи поезд Ўзбекистонга жўнаб кетди. Иккинчиси 7-август куни Самара вилоятининг “Кинел” станциясидан 930 нафар фуқаро билан жўнайди. Россия-Қозоғистон чегарасида тўпланган жами 1850 нафар Ўзбекистон фуқаролари қайтарилади.

7 август ҳолатига кўра Оренбург ва Самара вилоятларида Россия-Қозоғистон давлатлараро чегараси яқинида Ўзбекистон фуқароларининг тўпланиши кузатилмаяпти.

Кенияга саёҳат

Кения ҳукумати 5 августдан бошлаб ўзбекистонлик туристларга ўз ҳудудига мажбурий карантинсиз киришга рухсат берди. Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

Кенияга борадиган туристлар коронавирус йўқлиги қайд этилган инглиз тилидаги маълумотномага эга бўлишлари лозим. Бундай маълумотнома парвоздан 96 соат олдин олиниши лозим.

Тест синовлари

ОТМларга кириш имтиҳонлари 2 сентябрдан бошлаб, 2 ҳафта давомида ўтказилади. Тест синовлари очиқ стадионларда, кунига 2 сменада ташкил этилади. Натижаларни эълон қилишда ўзгариш бўлмайди. Худди ҳар йилгидек тест синовлари ўтказилган кунининг эртасига абитуриентнинг шахсий саҳифасида эълон қилинади.

Тест синовлари учун 155 стадиондан 40 га яқин стадион жалб этилиши режалаштирилган. Стадионнинг соялик даражалари ва бошқа шароитларга эътибор қаратилган. Соябонлар қўйилиши маласига ҳам эътибор қаратилади. Ота-оналар учун кутиш жойлари, шифокорларга шароит яратиш каби ташкилий масалалар ҳал қилинмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 19,1 миллиондан ошди, 715 минг киши вафот этди, 11,6 киши тузалди. Энг кўп ҳолатлар АҚШда (4,9 млн), Бразилияда (2,9 млн), Ҳиндистонда (2,0 млн).

 

43
Мавзу:
COVID-19 умумжаҳон пандемияси