Путин ва Трамп телефон орқали суҳбатлашишди

290
Владимир Путин ва Дональд Трамп телефон суҳбатида Эрон ядровий дастурини ва икки томонлама муносабатларни муҳокама қилишди.

ТОШКЕНТ, 24 июл - Sputnik. Россия президенти Владимир Путин америкалик ҳамкасби Дональд Трамп билан телефон орқали суҳбатлашди. Суҳбат давомида икки томонлама муносабатлар ва Эрон ядровий дастури муҳокама қилинди, деб хабар беради Кремль матбуот хизмати.

“Россия ва АҚШнинг халқаро тинчлик ва хавфсизликни сақлашдаги алоҳида масъулиятини ҳисобга олган ҳолда стратегик барқарорлик ва қуроллар назорати масалалари чуқур кўриб чиқилди. Шу нуқтаи назардан, ушбу масалалар бўйича икки томонлама маслаҳатлашувлар, шу жумладан стратегик ҳужумкор қуролларни қисқартириш ва чеклаш тўғрисидаги Шартнома мавзуси бўйича, долзарблиги тасдиқланди”, - дейилади хабарда.

Томонлар илгари Путин томонидан таклиф этилган, халқаро хавфсизликнинг кенг кўламли муаммолари бўйича БМТ Хавфсизлик Кенгашининг доимий аъзо-мамлакатлари саммитини ўтказиш тўғрисидаги ташаббуснинг муҳимлигини таъкидладилар.

Икки давлат еткачилари Эроннинг ядровий дастурини муҳокама қилдилар, бунда минтақавий барқарорликни ва ядро қуролларини тарқатмасликнинг глобал режимини сақлаш учун жамоавий ҳаракатлар зарурлигини таъкидладилар.

Бундан ташқари, давлат раҳбарлари Россия-Америка савдо-иқтисодий ҳамкорлигини ривожлантиришга тайёрлигини билдиришди, коронавирус тарқалишига қарши курашда ҳамкорликка ижобий баҳо беришди ва “Союз-Аполлон” қўшма дастури доирасида орбитал парвознинг 45 йиллиги билан бир-бирларини қутладилар.

Кремльда суҳбат самарали ва мазмунли ўтганини таъкидладилар.

Sputnik  радиоси апрел ойи ўртасида Путин ва Трамп Эльба учрашувини нишонлаш тўғрисида баёнот берганларини хабар қилганди.

290

Беларусдаги норозиликлар Ғарб томонидан ташкиллаштирилган - РФ ФК

289
(Янгиланган 12:34 11.08.2020)
"Минск ва бошқа беларус шаҳарларида давом этаётган норозилик акциялари Беларусдаги вазиятни издан чиқариш учун ғарб давлатлари томонидан ташкиллаштирилган, деди РИА Новостига сенатор Олег Мельниченко.

ТОШКЕНТ, 11 авг - Sputnik. Федерация кенгашида Беларусдаги норозиликлар Ғарб томонидан ташкиллаштирилганлигини айтишди. РИА Новости хабари асосида.

"Минск ва бошқа беларус шаҳарларида давом этаётган норозилик акциялари Беларусдаги вазиятни издан чиқариш учун ғарб давлатлари томонидан ташкиллаштирилган, деди РИА Новостига сенатор Олег Мельниченко.

У душанба куни Минскдан қайтган, Мельниченко у ерда МДҲ ПАА гуруҳи координатори сифатида Беларусдаги президент сайловлари боришини кузатган эди.

"Минскдаги бу тартибсизликларнинг барчаси хорижий ҳамкасбларимиз томонидан Беларусдаги ички сиёсий ҳолатни издан чиқариш мақсадида фойдаланиладиган технологиялар туфайли юзага келган. Бу ерда, АҚШсиз ҳам кечмаган, албатта", - деди Мельниченко.

Якшанба куни Беларусда президент сайловлари бўлиб ўтди. МСК тақдим маълумотларга кўра, Лукашенко 80,08% овоз олган, иккинчи ўринда 10,09% овоз билан Светлана Тихановская келмоқда.

Якшанба ва душанба кунлари Беларуснинг қатор шаҳарларида оммавий санкцияланмаган норозилик акциялари бўлиб ўтди. Митинг қатнашчилари Минск марказида ахлат бакларидан баррикадалар ташкил қилдилар. Милиция уларга қарши кўз ёш келтирувчи газ, водомет ва ёруғлик гранаталарини қўллади.

289
Александр Лукашенко и Шавкат Мирзиёев

Мирзиёев Лукашенкога телефон қилди: етакчилар нимага келишди?

103
(Янгиланган 11:47 11.08.2020)
Икки томонлама муносабатлар кун тартибидаги ҳамда минтақавий ташкилотлар доирасидаги анъанавий яқин ҳамкорликка доир долзарб масалалар кўриб чиқилди

ТОШКЕНТ, 11 авг - Sputnik. Ўзбекистон президенти Шавкат Мирзиёев 10 август куни Беларусь президенти Александр Лукашенко билан телефон орқали мулоқот қилди, деб хабар бермоқда президент матбуот-хизмати.

Суҳбат аввалида Мирзиёев Александр Лукашенкони бўлиб ўтган Президент сайловидаги ишончли ғалабаси билан табриклаб, унга Беларуснинг барқарор тараққиёти ва равнақини таъминлаш йўлида янги зафарлар тилади.

Икки томонлама муносабатлар кун тартибидаги ҳамда минтақавий ташкилотлар доирасидаги анъанавий яқин ҳамкорликка доир долзарб масалалар кўриб чиқилди.

Кейинги йилларда Ўзбекистон ва Беларусь ўртасидаги кўп қиррали алоқалар, аввало савдо-иқтисодий соҳадаги амалий ҳамкорлик жадал ривожланиб бораётгани мамнуният билан қайд этилди.

Олий даражадаги келишувларни ўз вақтида амалга ошириш, икки мамлакат етакчи корхоналарининг кооперацияси бўйича истиқболли лойиҳаларни илгари суриш ва маданий-гуманитар алмашинув дастурларини кенгайтириш мақсадида ўзаро мулоқотни, шу жумладан қўшма Ҳукуматлараро комиссия доирасида фаоллаштиришга келишиб олинди.

103

Баррикада ва шовқинли гранаталар: сайловдан сўнг Минскда тартибсизликлар авж олди

0
(Янгиланган 15:12 11.08.2020)
Президент сайловидан сўнг икки кундан бери Беларусда норозилик намойишлари ўтказилмоқда. Энг катта намойиш Минскда бўлиб ўтди.

Душанба, кунинг иккинчи ярмида беларуслар яна пойтахт кўчаларига чиқишди. Норозилик намойишлари республиканинг барча вилоят марказларида ўтказилди.

Пойтахтнинг Пушкин майдонида намойишчилар ахлат қутилардан баррикаларни қуриб олишди. Намойишчилардан бири полиция томон портловчи қурилмани улоқтиришга ҳаракат қилади, бироқ қурилма унинг қўлида портлаб кетди. Олган жароҳатлардан эркак вафот этди.

Милиция намойишчиларни тарқатиш учун ёруғлик-шовқин гранаталар қўллади. Кўплаб намойишчилар қўлга олинди.

Милиция ички қўшин ва “Альфа” бўлинмаси ёрдами билан намойишчиларни тарқатиб юборди. Айни вақтда коммунал хизматлар кўчаларни тозаламоқда.

Эслатиб ўтамиз, 9 август куни мамлакатда президентлик сайлови бўлиб ўтди. Дастлабки маълумотларга кўра, президент Александр Лукашенко 80,08 фоиз овоз тўплаган. Унинг асосий рақиби Светлана Тихановская 10,09 фоиз овозга эга бўлди.

0
  • © REUTERS / Vasily Fedosenko

    Президент сайловидан сўнг норозилик намойишлари.

  • © AP Photo / Sergei Grits

    Президент сайловидан сўнг норозилик намойишлари.

  • © AFP 2018 / Sergei Gapon

    Жароҳатланган намойишчи

  • © REUTERS / Vasily Fedosenko

    Минск полицияси намойиш вақтида.

  • © AFP 2018 / Sergei Gapon

    Минск кўчаларидаги тартибсизликлар.

  • © Sputnik / Viktor Tolochko

    Минск кўчаларидан бирида намойишчилар

  • © AP Photo / Sergei Grits

    Президент сайловидан сўнг намойишлар.

  • © REUTERS / Vasily Fedosenko

    Президент сайловидан сўнг намойишлар.

  • © Sputnik / Viktor Tolochko

    Минскда ҳуқуқ тартибот орган ходимлари.

  • © Sputnik / Viktor Tolochko

    Минскда намойишчи.

  • © REUTERS / Vasily Fedosenko

    Президент сайловидан сўнг Минскда норозилик намойишлари ўтказилмоқда.

  • © REUTERS / Vasily Fedosenko

    Минскда ўтган тунда намойиш ва тартибсизликлар давом этди.

  • © REUTERS / Vasily Fedosenko

    Намойишга чиққан аёл