Ўзбекистон муваффақиятлари сиз билан боғлиқ Мишустин Мирзиёевни табриклади

213
Бугун Ўзбекистон президенти Шавкат Мирзиёев 63 ёшга тўлди. Ушбу муносабат билан Марказий Осиё, МДҲ ва хорижий давлат раҳбарларидан табрикномалар келиб тушмоқда.

ТОШКЕНТ, 24 июл – Sputnik. Россия бош вазири Михаил Мишустин Шавкат Мирзиёевни туғилган куни билан табриклади.

“Сизни туғилган кунингиз билан чин юракдан табриклайман.

Қардош Ўзбекистоннинг иқтисодий ва ижтимоий ривожланиши, халқаро майдонда обрўси ошиши Сизнинг номингиз билан бевосита боғлиқ.  

Россия Федерацияси ва Ўзбекистон Республикасини бирлаштирувчи стратегик ҳамкорлик ва дўстлик муносабатларининг мустаҳкамланишида Сизнинг катта шахсий улушингиз бор. Сизнинг доимий эътиборингиз туфайли савдо-иқтисодий ва инвестицион ҳамкорликка янги  даражага кўтарилди, энергетика, саноат, транспорт инфратузилмасиб таълим, фан, маданият ва бошқа соҳаларда муҳим қўшма лойиҳалар ҳаётган татбиқ этилмоқда.

Сизнинг Ўзбекистонга ЕОИИда кузатувчи мақоми берилиши ҳақидаги мурожаатингиз келажакда Россия ва Ўзбекистон орасида икки томонлама ҳамкорликнинг барча жабҳаларини қамраб олиши ва интеграцион жараёнларни чуқурлаштиришга хизмат қилишига ишонаман.

Ҳурматли Шавкат Миромонович, Сизга мустаҳкам соғлиқ, фаравонлик ва маъсулиятли давлатчилик фаолиятингизда янги муваффақиятлар тилайман”, - дейилган Россия бош вазири табрик сўзида.

Эслатиб ўтамиз, бугун Ўзбекистон президенти Шавкат Мирзиёев 63 ёшга тўлди. Ушбу муносабат билан Марказий Осиё, МДҲ ва хорижий давлат раҳбарларидан табрикномалар келиб тушмоқда.

213
Министр иностранных дел Узбекистана Абдулазиз Камилов

Камилов Осиё давлатларини туризмни рағбатлантиришга чақирди

31
Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди.

ТОШКЕНТ, 21 янв - Sputnik. Ўзбекистон Ташқи ишлар вазири Aбдулазиз Камилов "Янги хавфсиз ва соғлом туризм" мавзусида видеоконференция шаклида бўлиб ўтган Осиё ҳамкорлик мулоқоти (ОҲМ)га аъзо давлатлар Ташқи ишлар вазирлари кенгашининг XVII йиғилишида иштирок этди.

Тадбирда тузилма бош котиби Порнчаи Данвиватан(Pornchai Danvivatanning ) ҳисоботи тингланди, ОҲМнинг бошқа ташкилотлар ва халқаро муносабатларнинг субйектлар билан алоқалари бўйича меъёрий қоидалар тасдиқланди ҳамда ташкилий масалалар кўриб чиқилди.

Делегациялар раҳбарлари туризм соҳасидаги ҳамкорликнинг бугунги ҳолати ва келгусидаги ривожланиш истиқболларини муҳокама қилдилар. Хусусан, коронавирус пандемияси шароитида хорижий сайёҳларнинг хавфсизлиги ва соғлиғини таъминлашга қаратилган янгича ёндашувларни ишлаб чиқишнинг муҳим жиҳатлари, уларни ҳаётга татбиқ этиш механизмлари ҳақида сўз юритилди.

Ташқи ишлар вазири Камилов ўз нутқида COVID-19га қарши курашишдан жаҳон иқтисодиётини қайта тиклаш, жумладан туризм соҳасини рағбатлантиришга фаол тайёргарлик кўриш босқичига ўтиш учун қатъий чоралар қабул қилиш ва саъй-ҳаракатларни бирлаштириш зарурлигини таъкидлади.

Ўзбекистон ТИВ раҳбари тадбир қатнашчиларига Ўзбекистонда туризм соҳасини ҳар томонлама қўллаб-қувватлаш борасида амалга оширилаётган комплекс чора-тадбирлар ҳақида маълумот берди. Хусусан, сайёҳлик қайта йўлга қўйилганидан кейин республикага келган хорижий сайёҳлар "туризмни янги шаклда" – янада хавфсиз, янада ранг-баранг ва янада индивидуал ҳолда кўришлари мумкин бўлади.

Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди. Шу нуқтайи назардан, Марказий ва Жанубий Осиё ўртасида ўзаро боғлиқликни мустаҳкамлашнинг муҳимлиги қайд етилди.

Тадбир якунида Осиёда ҳамкорлик мулоқоти бўйича ташқи ишлар вазирлар кенгаши XVII йиғилишининг Aнқара декларацияси қабул қилинди.

31
Президент США Джо Байден во время 59-й инаугурации президента в Вашингтоне

Шавкат Мирзиёев АҚШнинг янги президентини табриклади

99
(Янгиланган 15:08 21.01.2021)
Ўзбекистон президенти Шавкат Мирзиёев АҚШнинг янги сайланган президенти Жозеф Байденга табрик йўллади.

ТОШКЕНТ, 21 янв — Sputnik. Шавкат Мирзиёев АҚШнинг янги сайланган президенти Жозеф Байденга табрик йўллади.

“Ўзбекистон Республикаси Президенти Шавкат Мирзиёев Америка Қўшма Штатлари Президенти Жозеф Байденга унинг давлат раҳбари лавозимига киришгани муносабати билан табрик йўллади”, - дейилган давлат раҳбари хабарида.

Конгресс Жо Байденнинг АҚШ президенти этиб сайланганлигини тасдиқлади

2020 йил ноябрида бўлиб ўтган АҚШ президенти сайловларида Жо Байден ғалаба қозонган эди. 2021 йил 20 январь куни у қасамёд қилди ва АҚШ президенти лавозимини бажаришга киришди. 78 ёшда бўлган демократ Байден АҚШнинг қирқ олтинчи ва сайланган энг ёши катта президент бўлди.

99
Теглар:
табрик, Жо Байден, Шавкат Мирзиёев