Бош штаб ядровий қуролдан фойдаланиш шартини очиқлади

318
Материалда қайд этилишича, гап ракетанинг ядровий-ядровий эмаслигини аниқлаш имкони йўқлиги сабабли, ҳар қандай ракета ядровий сифатида қабул қилинади.

ТОШКЕНТ, 7 авг - Sputnik. Россия ўз ҳудуди бўйлаб содир этиладиган ҳар қандай ракета ҳужумига қарши ядровий потенциални ишга солади. Бу ҳақда Қуролли кучлар Бош штабининг "Красная звезда" газетасида чоп этилган "Россия Федерациясининг ядровий тўсиқлари соҳасидаги давлат сиёсатининг асослари тўғрисида" мақоласи айтилган.

Материалда қайд этилишича, гап ракетанинг ядровий-ядровий эмаслигини аниқлаш имкони йўқлиги сабабли, ҳар қандай ракета ядровий сифатида қабул қилинади. Россия ҳарбий раҳбарияти ракета учирилганлиги ҳақида шу онда маълумотга эга бўлади ва жавоб чоралари кўламини белгилайди.

Бош штаб вакилларининг таъкидлашича, бундай вазиятда душман нишони – Россияни йўқ қилиш, дея қабул қилинади.

Мудофаа вазирлиги тушунтиришича душманнинг ядровий ва бошқа оммавий қирғин қуролларидан фойдаланиш шартлари, Россиянинг ўта муҳим иншоатларига таъсир қилиши, шунингдек, одатий қуроллардан фойдаланган ҳолда тажовузи экспертларнинг шубҳаларига сабаб бўлмаслиги керак. Мақола муаллифлари таъкидлашича, Россия ҳеч ким кесиб ўтиши мумкин бўлмаган "қизил чизиқларни" белгилаб қўйди. Агар эҳтимолий душман буни амалга оширишга қарор қилса, "жавоб ҳаддан ташқари ҳалокатли бўлади".

Мақолада, шунингдек, Стратегик ҳужум қуролларни қисқартириш ва чеклаш тўғрисидаги шартноманинг бекор қилиниши (СНВ-3) дунёни ядровий фалокатга олиб келиши мумкинлиги айтилган.

2 июн куни Россия президенти Владимир Путин "Ядровий ҳимоя соҳасидаги давлат сиёсати асосларини" тасдиқлади, унда "Россия Федерацияси ядро қуролини фақат тўхтатувчи восита сифатида кўриши, ундан фойдаланиш эса фавқулодда мажбурий чора эканлиги" таъкидлаган. Хужжатда таъкидланишича, бундай ҳимоя, эҳтимолий душман тажовуз учун қасос муқаррарлиги тўғрисида хабардор бўлишига қаратилган.

2010 йилда имзоланган Стратегик ҳужум қилувчи қуролларни қисқартириш тўғрисидаги шартнома (СНВ-3) Россия ва АҚШ ўртасида қуролларни чеклаш бўйича ягона фаол шартнома бўлиб қолмоқда. СНВ-3 муддати 2021 йил февралда тугайди, Вашингтон уни узайтириш нияти борлигини ҳамон эълон қилмади. АҚШ маъмурияти турли даражаларда янги уч томонлама ядровий битимни ишлаб чиқиш учун Хитойни ҳам музокараларга киритиш зарурлигини таъкидламоқда. Пекинда бу фикр рад этилмоқда. Россия ташқи ишлар вазири Сергей Лавров Москва шартномани ҳеч қандай шартларсиз узайтириш тарафдори эканлигини таъкидлаган.

318

COVID, қурол ва тинчлик. Путиннинг БМТдаги чиқиши

306
(Янгиланган 22:22 22.09.2020)
Иккинчи жаҳон уруши якунларининг ўзбошимчалик билан шарҳлаш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

ТОШКЕНТ, 22 сен - Sputnik. Россия президенти Владимир Путин БМТ Бош ассамблеясида нутқ сўзлади ва ташкилот низомининг аҳамияти ҳақида эслатиб ўтди.

БМТ ўз вазифасини муносиб бажармоқда, деди Путин

Путин 2020 йилда дунё Иккинчи жаҳон уруши якуни ва БМТ ташкил топганининг 75 йиллигини нишонлаётганини эслатиб ўтди.

"БМТ низоми халқаро ҳуқуқнинг бош манбаи бўлиб қолмоқда, ўтган йиллар эса Ташкилот "тинчликни сақлаш, халқлар ва минтақаларнинг барқарор ривожланиши ҳамда маҳаллий инқирозларни енгиб ўтишда ёрдам ёрдам бериш сингари ўзининг бош миссиясини муносиб амалга ошираётганини кўрсатди", - деди Путин.

Россия етакчиси БМТ бугунги кун реалликларига мослашиши зарурлигини қўшимча қилди.

Пандемия вақтида инсонпарварлик танқислиги

Пандемия вақтида давлатлараро даражада инсонпарварлик танқислиги ҳолатлари учради, БМТ ўз обрўйини ишлатиши керак, деб ҳисоблайди РФ етакчиси Владимир Путин.

"Кўплаб мамлакатлар ҳеч қандай манфаатсиз ва очиқчасига бир-бирига ердам беришди ва ёрдам бериб келишмоқда. Аммо, шундай ҳолатлар бўлдики, давлатлараро, расмий даражаларда инсонпарварлик, хоҳланг, яхшилик, деб айтинг, танқислиги ўзини кўрсатди. Фикримизча, БМТ обрўйи кўпёқлама ва иккиёқлама муносаббатларда инсонпарварлик, одамгарчилик ролини мустаҳкамлаш ва оширишга хизмат қила олар эди.Бу жамоатчилик ва ёшлар алмашинуви, маданий алоқалар, ижтимоий ва таълим дастурлари, спорт, илмий технологиялар, атроф-муҳит ва одамлар саломатлигини муҳоқаза қилиш соҳаларидаги кооперациялардир", - деди Путин.

Тарихни сохталаштиришга уриниш ҳақида

Иккинчи жаҳон уруши якунларининг ўзбошимчалик билан талқин қилиш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

"Тарих сабоқларини унутиш калтабинлик ва ўта масъулиятсизликдир, худди Иккинчи жаҳон уруши сабаби, бориши ва якунларини ўзбошимчалик билан, фактларга эмас, балки уйдирмаларга таянган ҳолда сиёсийлаштириб талқин қилишга уриниш сингари. Иттифоқдошлар анжумани ва Нюрнберг трибунали қарорларини бошқачалаштириш - бу шунчаки тубанлик ва нацизмга қарши курашганлар хотираси олдида жиноят. Бу урушдан кейинги дунё тартиботи асосларига тўғридан-тўғри ва қақшаткич зарба бериш билан тенг", - деди Путин.

Бу айниқса, глобал барқарорлик жиддий синовларга дуч келаётган бир шароитда жуда хавфли, дея қўшимча қилди РФ президенти.

Яшил йўлаклар ҳақида

Россия Федерациясининг савдо, шу жумладан, озиқ-овқат маҳсулотлари учун мўлжалланган ва савдо урушлари ва санкциялардан холи "яшил йўлаклар" ҳақидаги таклифи айниқса шу ниҳоятда долзарбдир, деб хабар қилди Владимир Путин.

"Россиянинг савдо урушлари ва санкцияларидан холи бўлган, биринчи навбатда пандемияга қарши курашишда зарур бўлган муҳим товарлар, озиқ-овқат, дори-дармон воситалари, шахсий ҳимоя воситалари учун зарур бўлган "яшил йўлаклар" дея номланувчи таклифига эътибор қаратишларингизни истардим. Ва умуман олганда, жаҳон савдосини тўсиқлар, таъқиқлар, чекловлар, ноқонуний санкциялардан тозалаш, озод қилиш глобал ўсишни тиклаш ва ишсизликни камайтириш учун яхши ёрдам бўлиши мумкин эди ", деди Путин БМТ Бош ассамблеясининг 75-сессиясидаги сўзлаган нутқи давомида.

Киберхавфсизлик муаммоси

Путин рақамли технологияларнинг экстремист ва террорчилар қўлига тушиши мумкинлиги, шу боис, киберхавфсизлик муаммоси эътиборга моликлиги хусусида огоҳлантирди.

"Ҳар қандай бошқа инновациялар сингари рақамли технологиялар бошқариб бўлмас тарқалиш хусусиятига эга. Худди оддий қурол сингари у нафақат минтақавий можаролар зонаси, балки ўзига тўқ фаровон мамлакатларда турли хил радикал ва экстремистлар қўлига тушиши ва бу орқали улкан хатарларни юзага келтириши мумкин", - деди Путин.

Путинга кўра, шу муносабат билан киберхавфсизлик масалалари, энг олд рақамли технологияларни қўллаш мавзулари БМТ майдонида энг жиддий мулоқот олиб боришга лойиқ. Янги даврда одамлар ҳуқуқлари ва шахсий ҳаётга бўлган ҳуқуқлари қай даражада ҳимояланган бўлади, бу борада одамларни эшитиш, улар хавфсираётган нарсаларни тушуниш муҳим", - деди Путин.

306

"Черкизон-давлатнинг хотимаси". Жириновский АҚШ қачон дунё харитасидан йўқолишини айтди

574
(Янгиланган 16:15 22.09.2020)
"Трамп, яратган ихтироларинг тарихига бир назар сол. Уларнинг барчасини яҳудийлар, немислар ва руслар яратган. Америкаликлар ҳеч нарсага қодир эмас. Улар - ковбой, пепси-кола, виски, тўппонча. Бўлди, шу", – дейди Владимир Жириновский.

ТОШКЕНТ, 22 сен - Sputnik. ЛДПР етакчиси Владимир Жириновский у юз йиллик юбилейини нишонлаган пайтида Америка Қўшма Штатлари давлат сифатида йўқ бўлади, дея фикр билдирди, деб хабар қилмоқда РИА Новости.

Парламентарий сал олдин АҚШ президенти Дональд Трамп Россия гипертовушли ракета ғоясини ўғирлагани ҳақида гапирганини эслади.

"Трамп, яратган ихтироларинг тарихига бир назар сол. Уларнинг барчасини яҳудийлар, немислар ва руслар яратган. Америкаликлар ҳеч нарсага қодир эмас. Улар - ковбой, пепси-кола, виски, тўппонча. Бўлди, шу", – дейди Владимир Жириновский.

Унинг фикрича, айнан АҚШ кўпдан-кўп ҳолларда "бутун дунёдан" ютуқларни ўғирлайди.

"Барахолка-давлат, черкизон-давлат. У яна кўпи билан 15-20 йил яшаши мумкин. Мен юз ёшни қаршилаган вақтимда у давлат мавжуд бўлмайди. Мексикаликлар, канадаликлар ва бошқа исталган давлат бўлиши мумкин, фақат АҚШ эмас. АҚШ давлати тарқатиб юборилгани, у энди йўқлиги ҳақида эълон қилинган кун - бу совға бўлади. АҚШни яқин ўн йилликда тугатиш керак, шуни вақти келди", - дейди ишонч билан Жириновский.

574