Президент Боливии Эво Моралес

Дунёнинг қайси етакчилари вазият босими остида истеъфо беришга мажбур бўлган?

319
Куни кеча Бали пойтахти Бамако яқинидаги ҳарбий базада қўзғолон бошланиб, исёнчилар мамлакат президенти Иброҳим Бубакар Кейт ва бош вазирни ҳибсга олди. Шундан сўнг, етти йилдан буён давлатни бошқариб келаётган Мали президенти истеъфо беришга мажбур бўлди.

2019 йил 10-ноябр куни 2006 йилдан бери ҳокимият тепасида бўлиб келган Боливия президенти Эво Моралес истеъфога чиқишини эълон қилди. У президентлик сайловлари натижалари туфайли юзага келган норозиликлар ва мамлакат ҳарбийларининг барқарорликни таъминлаш учун уни лавозимни тарк этишга даъватидан сўнг шундай қарор қабул қилган.

2017 йилнинг 22 ноябрида 1987 йилнинг 31 декабридан шу лавозимни эгаллаб келган Зимбабве президенти Роберт Мугабе парламентнинг импичмент ҳақидаги қароридан кейин истеъфо бериш қарорини қабул қилгани ҳақида эълон қилди. 15 ноябрдан кейин ҳарбийлар Зимбабве пойтахти Харареда телемарказни ва мамлакат президенти қароргоҳини ўз назоратига олгач Мамлакатдаги вазият ўткир тус олган эди.

19 ноябр куни уй ҳибсида бўлган Мугабе "Зимбабве африка миллий иттифоқи — ватанпарварлик фронти" (ZANU-PF) партиясидаги барча раҳбарлик лавозимларидан маҳрум этилди. Шундан сўнг партия МҚ Мугабени давлат раҳбари ваколатини 20 ноябр куннинг ярмига қадар топширишга чақирди, акс ҳолда унга қарши импичмент ташкиллаштирилишини айтди. Аммо Мугабе бунга қулоқ солмади. 21 ноябр куни Зимбабве парламенти Мугабе импичменти ҳақида қарор қабул қилди ва унга ваколатларни ўзидан сокит қилиш учун бир сутка муҳлат берди.

2014 йилнинг 10 январида Марказий Африканинг муваққат президенти Мишел Жотодия ўз истеъфоси ҳақида эълон қилди. МАР мусулмон озчилик вакили бўлган Жотодия, 2013 йилнинг мартида МАР ва сиёсий оппозиция вакиллари ўртасида тинчлик ҳақида битим тузилганига қарамай, ўзини президент деб эълон қилган.

Ўшанда аксарияти мусулмонлардан иборат бўлган "Селека" уюшмаси жангарилари, МАР пойтахти Бангини қўлга олди. МАРнинг тўнтарилган раҳбари Франсуа Бозизе мамлакатдан қочишга мажбур бўлди. 2013 йил декабрида МАР пойтахтида "Селека" ва уларга қарши турган насроний-исёнчилар ўртасида тўқнашувлар юз берди.

2008 йилнинг 18 август санасида Покистон президенти Парвоз Мушарраф импичмент таҳдиди остида истеъфо беришга мажбур бўлди. 2008 йилда ғалаба қозонган Покистон халқ партияси ва Покистон мусулмон лигаси (Наваз фракцияси) август ойида 1999 йил ҳарбий тўнтариш натижасида мамлакатга раҳбарлик қилган президентнинг импичменти жараёнини ишга туширишга келишиб олдилар. Мушарраф демократик сайланган ҳукуматни тўнтариш, Олий суд судьяларини ноқонуний ишдан олиш, 2007 йилда фавқулодда ҳолат жорий этиш ва бошқа жиноятларда айбланган. 

Материал РИА Новости ва очиқ манбалардаги маълумотлар асосида тайёрланган.

319

COVID, қурол ва тинчлик. Путиннинг БМТдаги чиқиши

299
(Янгиланган 22:22 22.09.2020)
Иккинчи жаҳон уруши якунларининг ўзбошимчалик билан шарҳлаш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

ТОШКЕНТ, 22 сен - Sputnik. Россия президенти Владимир Путин БМТ Бош ассамблеясида нутқ сўзлади ва ташкилот низомининг аҳамияти ҳақида эслатиб ўтди.

БМТ ўз вазифасини муносиб бажармоқда, деди Путин

Путин 2020 йилда дунё Иккинчи жаҳон уруши якуни ва БМТ ташкил топганининг 75 йиллигини нишонлаётганини эслатиб ўтди.

"БМТ низоми халқаро ҳуқуқнинг бош манбаи бўлиб қолмоқда, ўтган йиллар эса Ташкилот "тинчликни сақлаш, халқлар ва минтақаларнинг барқарор ривожланиши ҳамда маҳаллий инқирозларни енгиб ўтишда ёрдам ёрдам бериш сингари ўзининг бош миссиясини муносиб амалга ошираётганини кўрсатди", - деди Путин.

Россия етакчиси БМТ бугунги кун реалликларига мослашиши зарурлигини қўшимча қилди.

Пандемия вақтида инсонпарварлик танқислиги

Пандемия вақтида давлатлараро даражада инсонпарварлик танқислиги ҳолатлари учради, БМТ ўз обрўйини ишлатиши керак, деб ҳисоблайди РФ етакчиси Владимир Путин.

"Кўплаб мамлакатлар ҳеч қандай манфаатсиз ва очиқчасига бир-бирига ердам беришди ва ёрдам бериб келишмоқда. Аммо, шундай ҳолатлар бўлдики, давлатлараро, расмий даражаларда инсонпарварлик, хоҳланг, яхшилик, деб айтинг, танқислиги ўзини кўрсатди. Фикримизча, БМТ обрўйи кўпёқлама ва иккиёқлама муносаббатларда инсонпарварлик, одамгарчилик ролини мустаҳкамлаш ва оширишга хизмат қила олар эди.Бу жамоатчилик ва ёшлар алмашинуви, маданий алоқалар, ижтимоий ва таълим дастурлари, спорт, илмий технологиялар, атроф-муҳит ва одамлар саломатлигини муҳоқаза қилиш соҳаларидаги кооперациялардир", - деди Путин.

Тарихни сохталаштиришга уриниш ҳақида

Иккинчи жаҳон уруши якунларининг ўзбошимчалик билан талқин қилиш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

"Тарих сабоқларини унутиш калтабинлик ва ўта масъулиятсизликдир, худди Иккинчи жаҳон уруши сабаби, бориши ва якунларини ўзбошимчалик билан, фактларга эмас, балки уйдирмаларга таянган ҳолда сиёсийлаштириб талқин қилишга уриниш сингари. Иттифоқдошлар анжумани ва Нюрнберг трибунали қарорларини бошқачалаштириш - бу шунчаки тубанлик ва нацизмга қарши курашганлар хотираси олдида жиноят. Бу урушдан кейинги дунё тартиботи асосларига тўғридан-тўғри ва қақшаткич зарба бериш билан тенг", - деди Путин.

Бу айниқса, глобал барқарорлик жиддий синовларга дуч келаётган бир шароитда жуда хавфли, дея қўшимча қилди РФ президенти.

Яшил йўлаклар ҳақида

Россия Федерациясининг савдо, шу жумладан, озиқ-овқат маҳсулотлари учун мўлжалланган ва савдо урушлари ва санкциялардан холи "яшил йўлаклар" ҳақидаги таклифи айниқса шу ниҳоятда долзарбдир, деб хабар қилди Владимир Путин.

"Россиянинг савдо урушлари ва санкцияларидан холи бўлган, биринчи навбатда пандемияга қарши курашишда зарур бўлган муҳим товарлар, озиқ-овқат, дори-дармон воситалари, шахсий ҳимоя воситалари учун зарур бўлган "яшил йўлаклар" дея номланувчи таклифига эътибор қаратишларингизни истардим. Ва умуман олганда, жаҳон савдосини тўсиқлар, таъқиқлар, чекловлар, ноқонуний санкциялардан тозалаш, озод қилиш глобал ўсишни тиклаш ва ишсизликни камайтириш учун яхши ёрдам бўлиши мумкин эди ", деди Путин БМТ Бош ассамблеясининг 75-сессиясидаги сўзлаган нутқи давомида.

Киберхавфсизлик муаммоси

Путин рақамли технологияларнинг экстремист ва террорчилар қўлига тушиши мумкинлиги, шу боис, киберхавфсизлик муаммоси эътиборга моликлиги хусусида огоҳлантирди.

"Ҳар қандай бошқа инновациялар сингари рақамли технологиялар бошқариб бўлмас тарқалиш хусусиятига эга. Худди оддий қурол сингари у нафақат минтақавий можаролар зонаси, балки ўзига тўқ фаровон мамлакатларда турли хил радикал ва экстремистлар қўлига тушиши ва бу орқали улкан хатарларни юзага келтириши мумкин", - деди Путин.

Путинга кўра, шу муносабат билан киберхавфсизлик масалалари, энг олд рақамли технологияларни қўллаш мавзулари БМТ майдонида энг жиддий мулоқот олиб боришга лойиқ. Янги даврда одамлар ҳуқуқлари ва шахсий ҳаётга бўлган ҳуқуқлари қай даражада ҳимояланган бўлади, бу борада одамларни эшитиш, улар хавфсираётган нарсаларни тушуниш муҳим", - деди Путин.

299

"Черкизон-давлатнинг хотимаси". Жириновский АҚШ қачон дунё харитасидан йўқолишини айтди

572
(Янгиланган 16:15 22.09.2020)
"Трамп, яратган ихтироларинг тарихига бир назар сол. Уларнинг барчасини яҳудийлар, немислар ва руслар яратган. Америкаликлар ҳеч нарсага қодир эмас. Улар - ковбой, пепси-кола, виски, тўппонча. Бўлди, шу", – дейди Владимир Жириновский.

ТОШКЕНТ, 22 сен - Sputnik. ЛДПР етакчиси Владимир Жириновский у юз йиллик юбилейини нишонлаган пайтида Америка Қўшма Штатлари давлат сифатида йўқ бўлади, дея фикр билдирди, деб хабар қилмоқда РИА Новости.

Парламентарий сал олдин АҚШ президенти Дональд Трамп Россия гипертовушли ракета ғоясини ўғирлагани ҳақида гапирганини эслади.

"Трамп, яратган ихтироларинг тарихига бир назар сол. Уларнинг барчасини яҳудийлар, немислар ва руслар яратган. Америкаликлар ҳеч нарсага қодир эмас. Улар - ковбой, пепси-кола, виски, тўппонча. Бўлди, шу", – дейди Владимир Жириновский.

Унинг фикрича, айнан АҚШ кўпдан-кўп ҳолларда "бутун дунёдан" ютуқларни ўғирлайди.

"Барахолка-давлат, черкизон-давлат. У яна кўпи билан 15-20 йил яшаши мумкин. Мен юз ёшни қаршилаган вақтимда у давлат мавжуд бўлмайди. Мексикаликлар, канадаликлар ва бошқа исталган давлат бўлиши мумкин, фақат АҚШ эмас. АҚШ давлати тарқатиб юборилгани, у энди йўқлиги ҳақида эълон қилинган кун - бу совға бўлади. АҚШни яқин ўн йилликда тугатиш керак, шуни вақти келди", - дейди ишонч билан Жириновский.

572