Лавров раскритиковал попытки Запада рассорить исламские страны

Беларус мухолифати "Венесуэла сценарийсини" хоҳлайди - Сергей Лавров

937
(Янгиланган 19:15 23.08.2020)
Мухолифат қон тўкилишини, ҳозир ҳеч кимга тегмаётган куч ишлатар тизимлари ва намойишчилар орасида фитна уюштиришни истайди, деди Лавров.

ТОШКЕНТ, 23 авг - Sputnik. Беларус мухолифати президент Александр Лукашенко кетишини "Венесуэла сценарийси" бўйича амалга оширишни истайди, деди Россия ташқи ишлар вазири Сергей Лавров, "Территория смыслов" ёшлар форумида. 

"Мухолифат фақат битта мақсад йўлида - Белоруссия президентини кетишини талаб қилиш учун музокаралар таклиф қилмоқда. Ундан сўнг улар ўз дастурларини таклиф қила бошлайдилар. Бу худди Венесуэлага ўхшайди. У ерда ҳам амалдаги президентни бир зумда ҳукуматдан ташқарида деб эълон қилинган эди", - деди Лавров. 

Лавров айтишига қараганда, беларус мухолифатининг айрим таклифлари - умуман ноқонуний. Масалан, уларнинг куч ишлатиш тизимларига қилинган "халқ томонига ўтиш" таклифи. Бу ушбу тизимлар қилган қасамёдни бузишга ундаш билан тенг.

"Ушбу ишларни бошқараётган кишилар ўз жиддий хатоларини тезда тушунишди ва бу ғоялар "сояга" тортилди, лекин улар бир карра жаранглаб бўлган эди", - дейди вазир. 

Ҳозир қўшни республикада вазият барқарорлашмоқда, лекин бу нарса ҳаммага ҳам маъқул эмас. Ғарбда яшаётган айрим белоруссиялик мухолифатчилар вазиятга ташқаридан аралашмоқчи бўлишмоқда. Улар қон тўкилишини, ҳозир тинч намойиш ўтказаётган мухолифатчилар ва уларга тегмаётган Беларус куч ишлатар тизимлари орасида фитна уюштиришни истайди, деди Сергей Лавров.

Лавров Украинада мухолифат ва ҳукумат орасида олиб борилган музокараларда Ғарб давлатлари (Германия, Польша) ҳамда ЕҲХТ ўртакашлигининг аянчли оқибатларини ҳам эсга олди. Ўшанда барча томонлар гувоҳлигида эришилган битимнинг эртасига, мухолифт - биз бошқача бўлишини хоҳламаймиз, деб барча келишувларга зид йўл тутган эди. 

Эслатиб ўтамиз, Беларусда 9 август куни бўлиб ўтган президенти сайловида Александр Лукашенко 80 %, мухолифатчи Тихановская 10 % овоз тўплаган эди. Сайлов натижаларидан норози бўлган мухолифатчилар янги сайловлар ўтказишни талаб қилиб, мамлакатда норозилик намойишлари ўтказа бошлади.  Александр Лукашенко янги сайловлар фақат янги конституция қабул қилинганидан сўнг ўтказилишини ваъда берди.

937

COVID, қурол ва тинчлик. Путиннинг БМТдаги чиқиши

314
(Янгиланган 22:22 22.09.2020)
Иккинчи жаҳон уруши якунларининг ўзбошимчалик билан шарҳлаш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

ТОШКЕНТ, 22 сен - Sputnik. Россия президенти Владимир Путин БМТ Бош ассамблеясида нутқ сўзлади ва ташкилот низомининг аҳамияти ҳақида эслатиб ўтди.

БМТ ўз вазифасини муносиб бажармоқда, деди Путин

Путин 2020 йилда дунё Иккинчи жаҳон уруши якуни ва БМТ ташкил топганининг 75 йиллигини нишонлаётганини эслатиб ўтди.

"БМТ низоми халқаро ҳуқуқнинг бош манбаи бўлиб қолмоқда, ўтган йиллар эса Ташкилот "тинчликни сақлаш, халқлар ва минтақаларнинг барқарор ривожланиши ҳамда маҳаллий инқирозларни енгиб ўтишда ёрдам ёрдам бериш сингари ўзининг бош миссиясини муносиб амалга ошираётганини кўрсатди", - деди Путин.

Россия етакчиси БМТ бугунги кун реалликларига мослашиши зарурлигини қўшимча қилди.

Пандемия вақтида инсонпарварлик танқислиги

Пандемия вақтида давлатлараро даражада инсонпарварлик танқислиги ҳолатлари учради, БМТ ўз обрўйини ишлатиши керак, деб ҳисоблайди РФ етакчиси Владимир Путин.

"Кўплаб мамлакатлар ҳеч қандай манфаатсиз ва очиқчасига бир-бирига ердам беришди ва ёрдам бериб келишмоқда. Аммо, шундай ҳолатлар бўлдики, давлатлараро, расмий даражаларда инсонпарварлик, хоҳланг, яхшилик, деб айтинг, танқислиги ўзини кўрсатди. Фикримизча, БМТ обрўйи кўпёқлама ва иккиёқлама муносаббатларда инсонпарварлик, одамгарчилик ролини мустаҳкамлаш ва оширишга хизмат қила олар эди.Бу жамоатчилик ва ёшлар алмашинуви, маданий алоқалар, ижтимоий ва таълим дастурлари, спорт, илмий технологиялар, атроф-муҳит ва одамлар саломатлигини муҳоқаза қилиш соҳаларидаги кооперациялардир", - деди Путин.

Тарихни сохталаштиришга уриниш ҳақида

Иккинчи жаҳон уруши якунларининг ўзбошимчалик билан талқин қилиш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

"Тарих сабоқларини унутиш калтабинлик ва ўта масъулиятсизликдир, худди Иккинчи жаҳон уруши сабаби, бориши ва якунларини ўзбошимчалик билан, фактларга эмас, балки уйдирмаларга таянган ҳолда сиёсийлаштириб талқин қилишга уриниш сингари. Иттифоқдошлар анжумани ва Нюрнберг трибунали қарорларини бошқачалаштириш - бу шунчаки тубанлик ва нацизмга қарши курашганлар хотираси олдида жиноят. Бу урушдан кейинги дунё тартиботи асосларига тўғридан-тўғри ва қақшаткич зарба бериш билан тенг", - деди Путин.

Бу айниқса, глобал барқарорлик жиддий синовларга дуч келаётган бир шароитда жуда хавфли, дея қўшимча қилди РФ президенти.

Яшил йўлаклар ҳақида

Россия Федерациясининг савдо, шу жумладан, озиқ-овқат маҳсулотлари учун мўлжалланган ва савдо урушлари ва санкциялардан холи "яшил йўлаклар" ҳақидаги таклифи айниқса шу ниҳоятда долзарбдир, деб хабар қилди Владимир Путин.

"Россиянинг савдо урушлари ва санкцияларидан холи бўлган, биринчи навбатда пандемияга қарши курашишда зарур бўлган муҳим товарлар, озиқ-овқат, дори-дармон воситалари, шахсий ҳимоя воситалари учун зарур бўлган "яшил йўлаклар" дея номланувчи таклифига эътибор қаратишларингизни истардим. Ва умуман олганда, жаҳон савдосини тўсиқлар, таъқиқлар, чекловлар, ноқонуний санкциялардан тозалаш, озод қилиш глобал ўсишни тиклаш ва ишсизликни камайтириш учун яхши ёрдам бўлиши мумкин эди ", деди Путин БМТ Бош ассамблеясининг 75-сессиясидаги сўзлаган нутқи давомида.

Киберхавфсизлик муаммоси

Путин рақамли технологияларнинг экстремист ва террорчилар қўлига тушиши мумкинлиги, шу боис, киберхавфсизлик муаммоси эътиборга моликлиги хусусида огоҳлантирди.

"Ҳар қандай бошқа инновациялар сингари рақамли технологиялар бошқариб бўлмас тарқалиш хусусиятига эга. Худди оддий қурол сингари у нафақат минтақавий можаролар зонаси, балки ўзига тўқ фаровон мамлакатларда турли хил радикал ва экстремистлар қўлига тушиши ва бу орқали улкан хатарларни юзага келтириши мумкин", - деди Путин.

Путинга кўра, шу муносабат билан киберхавфсизлик масалалари, энг олд рақамли технологияларни қўллаш мавзулари БМТ майдонида энг жиддий мулоқот олиб боришга лойиқ. Янги даврда одамлар ҳуқуқлари ва шахсий ҳаётга бўлган ҳуқуқлари қай даражада ҳимояланган бўлади, бу борада одамларни эшитиш, улар хавфсираётган нарсаларни тушуниш муҳим", - деди Путин.

314

"Черкизон-давлатнинг хотимаси". Жириновский АҚШ қачон дунё харитасидан йўқолишини айтди

578
(Янгиланган 16:15 22.09.2020)
"Трамп, яратган ихтироларинг тарихига бир назар сол. Уларнинг барчасини яҳудийлар, немислар ва руслар яратган. Америкаликлар ҳеч нарсага қодир эмас. Улар - ковбой, пепси-кола, виски, тўппонча. Бўлди, шу", – дейди Владимир Жириновский.

ТОШКЕНТ, 22 сен - Sputnik. ЛДПР етакчиси Владимир Жириновский у юз йиллик юбилейини нишонлаган пайтида Америка Қўшма Штатлари давлат сифатида йўқ бўлади, дея фикр билдирди, деб хабар қилмоқда РИА Новости.

Парламентарий сал олдин АҚШ президенти Дональд Трамп Россия гипертовушли ракета ғоясини ўғирлагани ҳақида гапирганини эслади.

"Трамп, яратган ихтироларинг тарихига бир назар сол. Уларнинг барчасини яҳудийлар, немислар ва руслар яратган. Америкаликлар ҳеч нарсага қодир эмас. Улар - ковбой, пепси-кола, виски, тўппонча. Бўлди, шу", – дейди Владимир Жириновский.

Унинг фикрича, айнан АҚШ кўпдан-кўп ҳолларда "бутун дунёдан" ютуқларни ўғирлайди.

"Барахолка-давлат, черкизон-давлат. У яна кўпи билан 15-20 йил яшаши мумкин. Мен юз ёшни қаршилаган вақтимда у давлат мавжуд бўлмайди. Мексикаликлар, канадаликлар ва бошқа исталган давлат бўлиши мумкин, фақат АҚШ эмас. АҚШ давлати тарқатиб юборилгани, у энди йўқлиги ҳақида эълон қилинган кун - бу совға бўлади. АҚШни яқин ўн йилликда тугатиш керак, шуни вақти келди", - дейди ишонч билан Жириновский.

578