Лавров АҚШнинг ДСНВга Хитойни ҳам киритиш талабларини танқид қилди

460
(Янгиланган 10:23 24.08.2020)
АҚШ, аслида ўзига ҳам керакли бўлган, Стратегик қуроллар ҳақидаги шартномани узайтириш учун, Россияни Хитойни ҳам ушбу шартномага жалб қилишга ундамоқда, лекин биз Хитой позициясини ҳурмат қиламиз ва бу йўлдан бормаймиз, деди Лавров.

ТОШКЕНТ, 24 авг - Sputnik. АҚШ ДСНВни сақлаб қолиш бўйича ҳақиқатдан йироқ шартларни қўймоқда, хусусан, Америка томони бу шартномага Хитой қўшилишини талаб қилмоқда, деди РФ ТИВ раҳбари Сергей Лавров.

17-18 август кунлари Вена шаҳрида РФ ва АҚШ ўртасида стратегик барқарорлик ва қуроллар назорати бўйича навбатдаги маслаҳатлашувлар бўлиб ўтди. Музокараларда Россия томонидан ташқи ишлар вазирининг ўринбосари Сергей Рябков, АҚШ томонидан - АҚШ президентининг қуролларни назорат қилиш бўйича махсус вакили Маршалл Биллингсли иштирок этди.

Лавровнинг таъкидлашича, АҚШ музокараларни қийин олиб бормоқда. РФ ташқи ишлар вазири Россия томони Стратегик ҳужумкор қуроллар шартномасини (ДСНВ), ҳужжатда кўзда тутилганидек, ҳеч қандай шартларсиз беш йилга узайтиришни таклиф қилганини айтди.

"Ўтган ҳафтада муовиним Сергей Рябков Вена шаҳрида АҚШнинг махсус вакили жаноб (Маршалл - таҳр.) Биллингсли билан олиб борган музокараларда америкаликлар, ростини айтсам, шунчаки ҳақиқатдан йироқ шартларни, шу жумладан ушбу ҳужжатга ёки бирон бир бўлажак ҳужжатга Хитой қушилишини талаб қилмоқдалар", - деди Лавров "Территория смыслов" форуми доирасида.

Шу билан бирга, Лавров Россия АҚШ талабларини, жумладан, Хитойнинг иштироки масаласини ҳам қондирмоқчи эмаслигини таъкидлади.

"(ДСНВ музокаралари бўйича) якуний натижа қандай бўлишини билмайман, лекин биз америкаликларга очиқчасига айтдик, февралда муддати тугайдиган Стратегик ҳужумкор қуроллари шартномаси бизга керак, ва биз уни ҳеч қандай дастлабки шартларсиз узайтириш тарафдоримиз, ва у бизга ҳам америкаликларга керак бўлганича керак", - деди Лавров.

Унинг сўзларига кўра, агар америкаликлар Хитойнинг иштирокини талаб қилсалар ва шу билан бирга уни Россия ишонтириши шарт бўлса, унда Москва буни қилмайди.

"Биз Хитой позициясини ҳурмат қиламиз, бу шартноманинг муддати тугаса тугаверсин дегани", - деди Лавров.

Россия ва АҚШ ўртасидаги СНВ шартномаси 2011 йил 5 февралда кучга кирди. Унга кўра, уни имзолаган давлатлар ўзларининг ядровий арсеналларини шу тарзда қисқартирадики, етти йил ва ундан кейин ҳам қуролларнинг умумий сони 700 дона қитъалараро баллистик, сув ости кемаларидаги ва оғир бомбардимончиларидаги баллистик ракеталар, ва шунингдек 1550 та жанговар каллача ва 800 та жойлаштирилган ва жойлаштирилмаган учирувчи ускуналардан ошмаслиги керак.

Шартнома Москва ва Вашингтонга йилига икки марта жанговар каллачалар ва ташувчилар сони тўғрисида маълумот алмашиш мажбуриятини юклайди. 2018 йил 5 феврал куни Россия ва АҚШнинг СНВ-3 бўйича назорат кўрсаткичларига эришиш учун охирги муддат бўлган. Ҳозирча Америка томони шартномани узайтириш бўйича расмий истак билдиргани йўқ. Шу билан бирга, унга Хитойни киритиш бўйича музокаралар бўлиб ўтди.

Эслатиб ўтамиз, олдинроқ Sputnik радиоси АҚШ СНВ шартномасини узайтириш бўйича шартлар қўйганини хабар қилган эди.

460

Байден ўз президентлигининг биринчи 100 куни ҳақида гапирди

193
Охирги сутка давомида АҚШнинг бир йўла учта муҳим аҳамиятга эга штатлари - Пенсильвания (20 сайловчи), Мичиган (16) ва Невада (6) - Байденнинг ғалаба қозонганини тасдиқлади

ТОШКЕНТ, 25 ноя - Sputnik. АҚШ президентлигида ўзининг ғалабаси ҳақида эълон қилган Жо Байден, ўз президентлигининг биринчи юз кунини миграцияга оид ислоҳотлар ва коронавирусга қарши курашга бағишлашини маълум қилди. Бу ҳақда РИА Новости хабар бермоқда.

"Мен сенатга иммигрантлар ҳақидаги қонунни йўллайман, бу ҳужжат 11 миллион нафар рўйхатдан ўтказилмаган инсонларга фуқароликни олишга йўл очади", - деб айтган Байден NBC телеканалига берган интервьюсида.

Сиёсатчи, шунингдек, амалдаги президент Дональд Трампнинг айрим қарорларини бекор қилиш ниятида эканлигини қўшимча қилган. Байденнинг фикрича, ушбу қарорлар иқлим ва инсонлар саломатлигига зиён етказган.

Байден, шунингдек, Трампга нисбатан суриштирув ўтказиш ташаббусини илгари сурмаслигини, ва жамики ҳаракатларини америка жамиятига ўзига нисбатан ишончни қайтаришга йўналтиришини маълум қилган.

Шу билан бирга, сиёсатчи, у ҳукмронлик қиладиган йиллар Барак Обаманинг "учинчи муддатига" айланмаслигини айтган. Байден Обама даврида саккиз йил давомида вице-президент лавозимини эгаллаган.

"Биз мутлақо бошқа дунёга рўбаро бўлдик. Президент Трамп ландшафтни ўзгартириб юборди. Энди бу "Ёлғиз Америка", - деб қўшимча қилган Байден.

АҚШ президентлигига сайловлар 3 ноябр куни бўлиб ўтган, аммо унинг якунлари ҳозирча эълон қилингани йўқ. Америка ОАВ маълумотларига кўра, демократлар партиясидан бўлган номзод ғалаба учун сайловчиларнинг етарлича овозига эга бўлган. Дунёнинг айрим етакчилари Байденни давлат раҳбари лавозимига сайлангани билан муборакбод этишга улгурдилар.

Охирги сутка давомида АҚШнинг бир йўла учта муҳим аҳамиятга эга штатлари - Пенсильвания (20 сайловчи), Мичиган (16) ва Невада (6) - Байден ғалаба қозонганини тасдиқлади.

Трамп ўз рақибларини "сайловни ўғирлаш"га ҳаракат қилганликда айбламоқда. Президент адвокати Руди Жулиани сайловлар давомида бўлган қонунбузарликлар тизимли характерга эга бўлганини тасдиқлади. Шу билан бирга Оқ уйнинг амалдаги хўжайини Байденга ҳукуматни топширишга тайёргарлик кўриш буйруғини берган.

АҚШнинг навбатдаги раҳбари 2021 йилнинг 20 январида қасамёд қилиши кутилмоқда.

193
Здание МИД Узбекистана

Ўзбекистон - Афғонистон - АҚШ форматидаги мулоқот кучайтирилиши кутилмоқда

180
Ўзбекистон делегацияси АҚШ Халқаро тараққиётни молиялаштириш корпорациясида музокаралар ўтказди. Тафсилотлар хабаримизда

ТОШКЕНТ, 20 ноя - Sputnik. Ўзбекистон Ташқи ишлар вазири Абдулазиз Камилов бошчилигидаги делегация Вашингтон шаҳрида АҚШ Халқаро тараққиётни молиялаштириш корпорацияси (ДФC) бош ижрочи директори Адам Болер билан учрашди, деб хабар бермоқда ТИВ матбуот-хизмати.

Учрашувда томонлар Болернинг 29-июн – 1-июл кунлари Ўзбекистонга ташрифи доирасида эришилган келишувларни амалга ошириш жараёнини муҳокама қилганлар.

Шунингдек, учрашувда саноат, хизмат кўрсатиш ва инфратузилмани ривожлантиришга тўғридан-тўғри хорижий инвестициялар ва янги технологияларни жалб қилишда икки томонлама шерикликни янада чуқурлаштириш истиқболлари белгилаб олинган.

Ўзбекистон томони DFC иштирокида Ўзбекистонда нефт-газ, энергетика, кимё, транспорт, қурилиш, банк, фармацевтика ва бошқа иқтисодиёт тармоқларини ривожлантириш бўйича лойиҳаларни амалга оширишдан манфаатдор эканлигини қайд этган. Шу нуқтайи назардан, Америка корпорацияси раҳбари йирик инфратузилма лойиҳаларини илгари суришга йўналтириладиган Марказий Осиё инвестиция жамғармасини ташкил этишга қизиқишини тасдиқлаган.

Афғонистон инфратузилмасини яхшилаш ва мамалакатни ижтимоий-иқтисодий тиклаш Ўзбекистон билан DFC ўртасидаги ҳамкорликнинг муҳим истиқболли йўналиши ҳисобланади. Шу нуқтайи назардан, томонлар жорий йилнинг май ойида бошланган "Ўзбекистон-Афғонистон-АҚШ" уч томонлама ҳамкорлик шакли доирасида мулоқотни кучайтириш зарурлигини таъкидладилар.

Музокараларда томонларни қизиқтирган бошқа масалалар ҳам муҳокама қилинган.

180

Польшадан Ўзбекистонга гуманитар ёрдам олиб келинди

37
(Янгиланган 12:17 26.11.2020)
Польша Ўзбекистонга пандемияга қарши курашиш учун 214 минг долларлик миқдорида бўлган гуманитар ёрдам юборди.

ТОШКЕНТ, 26 ноя — Sputnik. Польша коронавирусга қарши курашиш учун Ўзбекистонга гуманитар ёрдам юборди. Махсус самолёт республикага шахсий ҳимоя воситалари, дезинфекция воситалари, термометрлар ва дори-дармонларни етказиб берди, деб хабар қилди Польша ҳукумати.

1 / 4
Польша передала Узбекистану гуманитарную помощь для борьбы с COVID-19
Юкнинг умумий қиймати тахминан 214 минг долларни ташкил этади.

Қўшни Қозоғистон ҳам ёрдам етказилди - 53,4 минг доллар миқдорида дезинфекцияловчи воситалар ва дорилар юборилди.

Польша ташқи ишлар вазири ўринбосари Павел Яблонскийнинг сўзларига кўра, Ўзбекистон ва Қозоғистон Польшанинг Марказий Осиёдаги энг муҳим шериклар ҳисобланади, тақдим этилган гуманитар ёрдам  - бу мамлакат ҳукуматлари ўртасида халқаро бирдамлик белгисидир.

Шунингдек, Яблонский бу ташаббус Марказий Осиё мамлакатлари билан дўстликни янада мустаҳкамлаш йўлидаги қадам бўлишига умид билдирди.

37