Алексей Навальный

Алексей Навальный "Новичок" билан заҳарланган - немис шифокорлари

281
Россия томони Берлин томонидан билдирилаётган бундай баёнотлардан бехабарлигини, Россия бу сингари маълумотларга эга эмаслигини маълум қилган.

ТОШКЕНТ, 2 сен —  Sputnik. Германия канцлери Ангела Меркель ўзи "жиноят қурбони" ҳисобловчи Алексей Навальныйнинг заҳарланиши ҳақидаги хабарни "ташвишли", дея изоҳлади, деб хабар бермоқда РИА Новости.

Сал олдин Бундесвер лабораторияси мутахассислари Алексея Навальный нерв-фалаж таъсирига эга "Новичок" ҳарбий моддаси билан заҳарлангани ҳақида баёнот беришган эди. ГФР Вазирлар маҳкамаси ЕИ ва НАТОдаги шерикларни тергов натижалари ҳақида хабардор этиш ва қўшма муносабат билдириш ваъдасини берган эди.

"Алексей Навальный "Новичок" гуруҳига мансуб нерв-фалаж ҳарбий моддаси ёрдамида уюштирилган ҳужум қурбонига айланди. Ушбу оғу ҳеч қандай шак-шубҳасиз анализларда аниқланди. Шу тариқа, Алексей Навальный жиноят қурбони бўлгани тасдиқланди. У жим бўлиши керак эди. Мен ГФР ҳукумати номидан буни кескин қоралайман", - деган Меркель.

Канцлернинг айтишича, Берлиндаги Россия элчисига кўрик натижалари ҳақида хабар беришган ва ГФР Россия ҳукуматидан тушунтириш кутаётганини таъкидлашган.

"Жуда кўп мураккаб саволлар пайдо бўлди, уларга фақат Россия ҳукумати жавоб бера олади ва бериши зарур. Дунё жавобларни кутмоқда", – деган Меркель.

Россия томони Алексея Навальный атрофидаги воқеаларда Германия билан ҳар томонлама ҳамкорликка тайёрлигини билдирган, Кремльнинг таъкидлашича, олдинроқ юборилган расмий сўровларни Берлин жавобсиз қолдирган.

РАН Европа институтлари герман тадқиқотлари маркази етакчи илмий ходими Александр Камкинга кўра, ГФРнинг Навальный "заҳарланиши ҳақидаги баёноти - бу россия ҳукуматига босим ўтказиш мақсадида амалга оширилаётган буюртма дермаршдир. Берлин бу воқеада бажарувчи ролини бажараётган бўлиши мумкин, аммо шунга қарамай, айрим сиёсий кучлар Германиядан "Шимолий оқим2" борасида қарашларни қайта кўриб чиқишга ундаши мумкин.

"Новичок" ишлаб чиқарилишида бевосита иштирок этган россиялик олим Леонид Ринкка кўра, Навальныйдаги аломатлар ушбу модда билан заҳарланишга мутлақо ўхшамайди. Унинг фикрича, Навальныйнинг "заҳарланиши" воқеасини "Новичок" билан боғлашга уриниш аслида сиёсий бемаънигарчиликдан бошқасимас, "заҳарланишни" далилловчи пробалар эса Россияга ҳеч қачон тақдим этилмайди.

Навальныйнинг заҳарланиши

20 август куни Томксдан Москвага қараб учаётган ва ичида Навальный бўлган самолёт Омскда шошилинч қўнади. Жамоатчилик вакили самолёт ичида ўзини ёмон ҳис қилган эди. Уни 1-тез тиббий ёрдам касалхонасига етказишади, Соғлиқни сақлаш вазирлиги минтақавий бўлинмасида бемор реанимацияда эканлиги тасдиқланди.

Навальний Омск шифохонасига ётқизилганидан сўнг шифокорлар унинг қон ва сийдик анализларини синчиковлик билан ўрганишган. Хабарда айтилишига кўра 2 кун ичида Омск шифокорлари 59та анализ ўтказишиб ҳеч қандай заҳар ёки заҳар изларини топишмаган эди.

Кейинчалик Навальний хусусий самолётда Германиянинг Charite клиникасига олиб кетилган эди. У ерда шифокорлар дастлабки хулосасига кўра, мухолифатчи “холинэстераза ингибитори туркумидаги модда билан заҳарланган бўлиши мумкин” деган дастлабки хулосага келишган эди.

Москвадаги 1-сонли Миллий кимё-тиббиёт маркази Жонлантириш бўлими бошлиғи Борис Теплых айтишига қараганда немис шифокорлари айтаётган версия Россиялик шифокорлар томонидан биринчи кундаёқ текширилган, лекин ўз тасдиғини топмаган. Германиялия шифокорлар ҳозирча заҳарланишнинг клиник хусусиятлари ҳақида гапиришмоқда, лекин заҳарловчи модданинг ўзини топишгани йўқ.

Россия Ташқи ишлар вазирлиги Навальний заҳарланиши версиясини ЕИ ва АҚШ томонидан шошилинч олға сурилишини шубҳали, деб аташди. Россия томони бўлиб ўтган воқеаларни синчковлик билан текшириш тарафдори.

281
Глава МИД РФ Сергей Лавров

Лавров ОДКБ номидан БМТ Бош Ассамблеясида чиқиш қилди

16
РФ ТИВ раҳбарининг таъкидлашича ҳозирда, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш ҳолатлари кўриниш бермоқда.

ТОШКЕНТ, 22 сен - Sputnik. Дунё ажратувчи чизиқлардан толиқди, қуролли можаролар, халқаро жиноятчилик ва янги чақириқлар ҳар томонлама кўмак ва ҳамкорликни кучайтиришни талаб қилмоқда, деб баёнот қилди Россия ТИВ раҳбари Сергей Лавров БМТ Бош Ассамблеяси олий ҳафталигида КХШТ (ОДКБ) номидан қилган видеомурожаатида.

"Бугун, таассуфки, дунёнинг турли минтақаларида қуролли можаролар авж олишда давом этмоқда. Унга: халқаро терроризм, нарко- ва кибержиноятчилик, иқлим ўзгариши каби замонамизнинг ўткир таҳдидлари келиб қўшилмоқда. Жорий йилда бу рўйхат ижтимоий-иқтисодий ва бошқа соҳаларда жиддий инқироз ҳолатларини келтириб чиқарган яна бир хавфли чақириқ: коронавирус пандемияси билан тўлдирилди", - деди Лавров.

Унинг сўзларига кўра, глобал муаммоларга жавоб қайтариш йилдан йилга, айниқса, ҳозирги, дунё ҳамжамиятининг бир-бирига нисбатан адовати ўсиб бораётган бир шароитда тобора мураккаблашиб бормоқда. Бундай ҳолатлар айрим давлатларнинг бошқа давлатлар қонуний манфаатлари билан ҳисоблашишни истамаслиги билан боғлиқдир, деб қайд этди Лавров.

Ташқи ишлар вазири таъкидлаганидек, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш, БМТ Хавфсизлик Кенгаши ҳуқуқларига зид равишда бир томонлама санкциялар қўллаш, муросасизлик ва нафрат кўриниш бермоқда.

"Аммо тарихнинг табиий боришини синдириб бўлмайди. Бугунги кунда халқаро майдонда иқтисодий тараққиётнинг янги марказлари кучаймоқда, қуролли можароларни фақатгина тинчлик воситалари билан бартараф этишга зарурат кучаймоқда, ўзаро боғлиқлик ўсиб бормоқда. Дунё ажратувчи чизиқлардан, давлатларни "ўзимизники" ва "бегоналарга" бўлишлардан чарчади, дунё ҳартомонлама ўзаро ёрдам ва ҳамкорликни оширишни талаб қилмоқда. Бошқача қилиб айтганда, БМТ ташкил топган вақтда, 75 йил олдин ўртага ташланган мақсадлар тобора аҳамиятлироқ бўлиб бормоқда2, - деб қайд этди вазир.

Лавров, шунингдек, тарихни қайта кўриб чиқиб, фашизм устидан қозонилган ғалабала ҳал этувчи ҳиссани қўшган халқлар ролини пасайтиришга бўлаётган уринишларни бемаънилик, дея атади. У тарих сабоқларини ёдда сақлашга, халоскор-жангчилар жасоратига ҳурмат кўрсатишга, уларнинг шарафига қад ростланган ёдгорликларнинг бутлигини таъминлашга чақирди.

Россия Ташқи ишлар вазирлиги раҳбари сўзларига кўра, замонавий шароитларда БМТ ўз уставига қатъий мувофиқ равишда иш олиб борадиган самарали тузилма бўлиб қолиши керак, БМТ тизими асосий органлари мандатларини хиралаштириб, улар ваколатларини такрорлашларига йўл қўймаслик керак, бу фақат керакли мақсадларга эришишни кечиктиради.

Жаҳон ҳамжамиятининг асосий вазифаларидан бири: можароларни халқаро миқёсда тан олинган музокаралар форматлари доирасида, халқаро ҳуқуқ нормалари асосида фақат тинчлик, сиёсий ва дипломатик воситалар билан ҳал этиш бўлиб қолиши керак, бунда терроризмга ва халқаро уюшган жиноятчиликка қарши курашда ҳамкорликни кенгайтириш сўзсиз устуворликни касб этиши лозим, дея таъкидлайди Лавров.

Шунингдек, глобал барқарорликни сақлаб қолиш учун қурол-яроғ, қуролсизланиш ва қуролни тарқатмаслик назорати тизимини заифлаштиришга уринишларни чеклаш деди вазир.

16
Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям

Президент Ўктам Барноев оиласига ҳамдардлик билдирди

408
“Ўктамжон олижаноб, забардаст, фидойи, ватанпарвар, ўрнак олишга арзигулик инсон эди”, – деди Шавкат Мирзиёев.

ТОШКЕНТ, 21 сен — Sputnik. Ўзбекистон бош вазирининг аграр ва озиқ-овқат соҳаларини ривожлантириш масалалари бўйича ўринбосари, Олий Мажлис Сенати аъзоси Ўктам Барноев 20 сентябрь куни оғир хасталик туфайли вафот этган эди.

Член Сената Олий Мажлиса Уктам Барноев
Пресс-служба президента Узбекистана
Член Сената Олий Мажлиса Уктам Барноев

Президент Шавкат Мирзиёев 21 сентябрь куни таъзияли хонадонга ташриф буюрди. Қуръон тиловат қилинди.

Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям
Пресс-служба президента Узбекистана
Президент Шавкат Мирзиёев посетил дом покойного Уктама Барноева и выразил соболезнования его матери, супруге и детям

Давлат раҳбари бугун марҳумнинг онаси, рафиқаси ва фарзандларига ҳамдардлик билдириб, сабр-тоқат тилади.

Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям
Пресс-служба президента Узбекистана
Президент Шавкат Мирзиёев посетил дом покойного Уктама Барноева и выразил соболезнования его матери, супруге и детям

“Ўктамжон олижаноб, забардаст, фидойи, ватанпарвар, ўрнак олишга арзигулик инсон эди, – деди Шавкат Мирзиёев. – Бош вазир пайтларимда ҳам бирга ишладик. Гапирмасам ҳам мени тушунарди. Бир инсоннинг тарбияланиб, шундай кадр бўлиб етишиши осон эмас. Айниқса, охирги пайтлар оғир соҳани бериб, кўнглим тинчиб, кўп ишларни бошлаган эдик. Бу офат бутун дунёга келди. Қўлимиздан келган ҳамма нарсани қилдик. Лекин ўлим ҳақ. Аллоҳнинг иродаси экан. Бу ҳаммамизга мусибат. Жойи жаннатда бўлсин!”

Президент марҳумнинг оиласи, фарзандлари доимий эътиборда бўлишини таъкидлади.

408