Ҳиндистон вакили норозилик рамзи сифатида ШҲТ учрашувини тарк этди

407
Покистон вакили Ҳиндистоннинг бир қисми ўз ҳудудига киритилгани акс этган харитани кўрсатганидан сўнг Ҳиндистон вакили ШҲТ учрашувини тарк этди. 

ТОШКЕНТ, 16 сен - Sputnik. ШҲТ аъзоларининг миллий хавфсизлик вакиллари учрашуви вақтида Ҳиндистон вакили норозилик рамзи сифатида мажлислар залини тарк этди. Ушбу ҳодиса Покистон делегацияси ўз мамлакатининг янги харитасини намойиш этганидан сўнг содир бўлди, деб хабар қилмоқда РИА Новости. 

"Ушбу намойиш мажлик ўтказиш нормаларини бузиш ва учрашув ташкилотчиси томонидан берилган маслаҳатни мутлақ менсимасликни намойиш этди.Қабул қилувчи томон билан ўтказилган маслаҳатлардан сўшнг Ҳиндистон томони норозилик намойиши сифатида учрашувни ушбу босқичда тарк этди", - дейилган Ҳиндистон ташқи ишлар вазирлиги баёнотида. 

Эслатиб ўтамиз, август ойида Покистон янги бош взаири Имран Хан мамлакатнинг янги харитасини тақдим этган эди. Унда Ҳиндистоннинг Жамма ва Кашмир штатлари ҳамда Жунагад шаҳри Покистон таркибига қўшилган ҳолда акс эттирилган. Ҳиндистон ушбу намойишни ҳеч қандай юридик куч ва халқро обрўга эга бўлмаган "сиёсий бемаънилик намойиши" деб атаган эди.  

2019 йилнинг 5 августида Ҳиндистон ҳукумати Жамма ва Кашмир штатларини конституция томонидан белгиланган махсус мақомини ўзгартиришга қарор қилган эди. Ушбу қарор Покистон ҳукуматининг кескин эътирозига сабаб бўлди. 

Маълумот учун, Ҳиндистоннинг Кашмир штати аҳолисининг аксарияти мусулмонлар ташкил қилади. У ерда сепаратистлар ҳаракати фаоллигида Дью Дели  Покистон ҳукуматини айбламоқда. Исламабад эса айбловларни инкор этиб келмоқда. 

 

407

АҚШ Лукашенкони президент сифатида тан олмади, Туркманистон эса табрик йўллади

297
(Янгиланган 09:49 24.09.2020)
Александр Лукашенко кеча олтинчи маротаба Беларус президенти вазифаларини расман бажаришга киришди. Шу муносабат билан ЕИ давлатлари Лукашенкони тан олмасликлари хусусида расмий баёнот билан чиқиш қилдилар

ТОШКЕНТ, 24 сн - Sputnik. Куни кеча, чоршанба куни Минскда президент Александр Лукашенконинг инаугурацияси бўлиб ўтди. Тадбир деярли махфий ўтди деса ҳам бўлади, негаки ҳукумат ҳеч кимни олдиндан хабардор қилмаган эди.

Давлат телевидениеси ҳам инаугурация жараёнидан тўғридан-тўғри эфир олиб бермади.

Эслатиб ўтамиз, МСК маълумотларига кўра, Лукашенко бўлиб ўтган президент сайловларида 80,1 % фоиз овоз олган.

Инаугурация маросимидан сўнг 27та европа давлатлари Лукашенкони Беларуснинг қонуний президенти сифатида тан олишдан бош тортдилар. Словакия ЕИ давлатларидан биринчи бўлиб Лукашенкони президент сифатида тан олмаслиги тўғрисида баёнот билан чиқди. Сўнгра Чехия, Литва, Польша, Латвия, Эстония, , Буюк Британия, Канада, Дания ҳам худди шундай позицияни билдирди. 

Орадан сал ўтиб, ГФР вазирлар маҳкамаси расмий вакили Штеффен Зайберт канцлер Ангела Меркель томонидан ҳам Лукашенко номига табрик телеграммаси юборилишига умид қилиш керак эмаслигини айтди. Берлиннинг расмий позициясига кўра, Беларусда бўлиб ўтган сайловлар "демократик сайловларнинг минимал талабларига мутлақо мос равишда ўтмаган". Бундан ташқари, Германия Лукашенко ва унинг аппарати тинч намойишчиларга қарши зўравонликни қўллашни бас қилишлари лозимлигини қайд этганди.

ЕИ давлатлари Беларусга нисбатан санкциялар киритишга келишдилар.

Туркманистон президенти Гурбангули Бердимуҳаммедов Европа давлатларига қарши чиқди ва МДҲ мамлакатлари орасида биринчи бўлиб Лукашенкога табрик йўллади. Лукашенкони президент сифатида, шунингдек, Россия, Хитой, Туркия, Сурия, Қозоғистон ва Қирғизистон тан олган.

Россия "махфий инаугурацияга" бу Беларуснинг ички иши, дея изоҳ берган.

Сал кейин Украина ва АҚШ ҳам Беларусда бўлиб ўтган президент сайловлари натижаларини тан олмасликлари ҳақида баёнот билан чиқишди.

Ўз навбатида, президентликка собиқ номзод Светлана Тихановская ҳозирда ўзини Беларус халқи томонидан сайланган "ягона етакчи" дея атамоқда.

Беларусда Лукашенконинг инаугурациясидан кейин янги норозилик акциялари бошланган. Мамлакат полициячилари норозилик намойишчилари иштирокчиларини водометлар ёрдамида тарқатмоқда.

Беларусда оммавий норозилик акциялари 9 августдан кейин, бўлиб ўтган президент сайловларида амалдаги етакчи Александр Лукашенко ғолиб чиққанидан сўнг бошланган эди. МСК маълумотларига кўра Лукашенко 80,1 % овоз олган. Биринчи кунларда акциялар куч тузилмалари томонидан бостирилди, норозичиларга нисбатан кўз ёш келтирувчи газ, шовқин гранаталари, водометлар, резинали ўқлар қўлланилди. Расмий маълумотларга кўра, биринчи кунларда 6,7 минг киши қўлга олинган. Республика ИИВ маълумотларига кўра, тартибсизликлар давомида юзлаб инсонлар жабрланган, шу жумладан, 130 нафар ҳуқуқ-тартибот ходимлари ҳам. Сайловлар якунлангач бир ой давмида акциялар ҳам иш ҳам дам олиш кунлари ўтказилди. Лукашенконинг тарафдорлари ҳам уни қўллаб-қувватлаб тадбирлар ўтказиб келмоқдалар.

297
Выступление президента Узбекистана Шавката Мирзиёева на 75-й сессии Генассамблеи ООН

Шавкат Мирзиёевнинг БМТ Бош Ассамблеясидаги чиқиши: асосий фикрлар

491
(Янгиланган 19:38 23.09.2020)
Ўзбекистон президенти БМТ Бош Ассамблеяси 75-юбилей сессиясининг юқори даражадаги умумсиёсий мунозараларида иштирок этди ва қатор таклифларни илгари сурди.

ТОШКЕНТ, 23 сен — Sputnik. Ўзбекистон президенти Шавкат Мирзиёев БМТ Бош Ассамблеясининг 75-сессиясида нутқ сўзлади.

Қуйида Ўзбекистон етакчисининг асосий фикрлари ва таклифларини келтирамиз.

Дунёни ўзгартирган коронавирус

Мирзиёев ўз чиқишида коронавирус пандемиясига алоҳида тўхталиб ўтди ва бундай глобал фалокат сайёрамизда сўнгги юз йилда кузатилмаганини таъкидлади.

У Барча ҳукуматлар, парламентлар ва фуқаролик жамиятларининг ўзаро саъй-ҳаракатларини бирлаштириш, умумий масъулият тамойилларини мустаҳкамлаш, халқаро шерикликни мувофиқ ҳолда  ривожлантириш, Жаҳон соғлиқни сақлаш ташкилотининг мақоми ва салоҳиятини ошириш, ваколатларини кенгайтириш лозимлигини чуқур англаганини қайд этди.

“Мақсадимиз – ҳар бир инсоннинг асосий ҳуқуқ ва эркинликларини,  саломатлиги ва фаровонлигини таъминлайдиган адолатли глобал тизимни биргаликда яратишдир”, - деди Мирзиёев.

Президент Пандемиялар даврида давлатларнинг ихтиёрий мажбуриятлари тўғрисидаги халқаро кодексни ишлаб чиқишни таклиф этди.

Гендер тенглик, инсон ҳуқуқлари ва диний эркинлик

Мирзиёев бугунги кунда мамлакатдаги демократик ўзгаришлар ортга қайтмайдиган тус олганини баён қилди ва ўтган йили Парламентга ўтказилган сайловлар аҳоли ва партияларнинг сиёсий фаоллиги, фуқаролик жамияти институтларининг роли, оммавий ахборот воситаларининг таъсири ошганини намойиш этганини таъкидлади.

Мирзиёевнинг сўзларига кўра, мамлакат учун гендер тенглик сиёсати устувор масалага айланди. Хотин-қизларнинг давлат бошқарувидаги ўрни тобора кучаймоқда. Янги Парламентда аёл депутатлар сони икки баробарга кўпайди.

Шунингдек, инсон ҳуқуқлари соҳасидаги ҳолат ҳам бутунлай ўзгарди. Мажбурий  ва болалар меҳнати тўлиқ тугатилди. Инсон ҳуқуқлари бўйича Миллий стратегия қабул қилинди.

Президент БМТнинг фуқаролиги бўлмаган инсонлар сонини камайтиришга қаратилган чақириғига жавобан шу йилнинг ўзида 50 минг кишига Ўзбекистон фуқаролиги берилганини эслатиб ўтди.

“Мамлакатимизда диний эркинлик борасида ҳам вазият кескин яхшиланди. Миллатлараро тотувлик ва динлараро бағрикенгликни янада мустаҳкамлаш биз учун доимий муҳим вазифадир”, - деди у.

Коррупцияга қарши курашиш, ёшлар келажаги

Мирзиёев мамлакатда коррупцияга қарши муросасиз кураш янги босқичга кўтарилганини таъкидлади ва коррупцияга қарши курашиш агентлиги ташкил этилганини маълум қилди.

Давлат раҳбарининг сўзларига кўра, мамлакат аҳолисининг ярмидан кўпини ёшлар ташкил этади. Республикада ҳар бир йигит-қизнинг жамиятда муносиб ўрин эгаллаши ва ўз салоҳиятини намоён этиши учун улкан ишлар амалга оширилмоқда. Ўзбекистонда Ёшлар парламентлари, Ёшлар ишлари агентлиги фаолият кўрсатмоқда.

Август ойида БМТ шафелигида ёшлар ҳуқуқларига бағишланган Самарқанд халқаро форуми муваффақиятли ўтказилди.

У Ёшлар ҳуқуқлари тўғрисидаги БМТ конвенциясини қабул қилиш бўйича Ўзбекистон ташаббусини қўллаб-қувватлашга чақирди.

Бундан ташқари, Барқарор тараққиёт мақсадларига эришиш ва инсон ҳуқуқларини таъминлашда парламентлар ролини ошириш тўғрисидаги Бирлашган Миллатлар Ташкилоти Бош Ассамблеясининг махсус резолюциясини қабул қилишни таклиф этди.

Марказий Осиё, транспорт йўлаги, форум

Мирзиёев ҳозирги вақтда Марказий Осиё минтақасида туб ўзгаришлар юз бераётганини қайд этди. Минтақа давлатлари ўртасида яхши қўшничилик ва ўзаро ишонч, дўстлик ва ҳурмат муҳитини яратишга эришилди.

Унинг фикрига кўра, бугун Марказий Осиё давлатлари олдида муҳим стратегик вазифа турибди. У ҳам бўлса, минтақанинг глобал иқтисодий, транспорт ва транзит йўлакларига чуқур интеграциясини таъминлашдир.

Президент Транспорт-коммуникация алоқаларини ривожлантириш минтақавий марказини очишни таклиф этди.

Ўзбекистон БМТнинг Глобал антитеррор стратегияси доирасидаги Минтақавий қўшма режанинг 10 йиллик натижалари ва келгуси истиқболларига бағишланган халқаро конференцияни ўтказиш тарафдори.

Мирзиёев 2021 йилда  ЮНЕСКО билан ҳамкорликда қадимий Хива шаҳрида “Марказий Осиё жаҳон цивилизациялари чорраҳасида” деган мавзуда халқаро форумни ўтказишга тайёрлигини билдирди.

Афғонистон масаласи

Мирзиёев мамлакат Афғонистонни Марказий Осиёнинг ажралмас қисми сифатида қабул қилишини таъкидлади ва жорий йилнинг сентябрь ойида Доҳа шаҳрида афғон сиёсий кучлари ўртасида бошланган тинчлик музокаралари жафокаш афғон заминида тинчлик ва барқарорлик ўрнатишига умид билдирди.

Ўзбекистон етакчиси БМТ ҳузурида афғон халқининг дарду ташвишини тинглайдиган, доимий фаолият кўрсатадиган қўмита ташкил этишни таклиф қилди. Ушбу қўмитанинг асосий вазифаси Афғонистоннинг иқтисодий ва ижтимоий ривожланишига кўмак беришдан иборат бўлиши зарурлигини қайд этди.

Орол фожиаси

Мирзиёев глобал иқлим ўзгаришлари Марказий Осиё тараққиётига ҳам  катта хавф туғдираётганини таъкидлади ва дунё ҳамжамияти эътиборини яна бир бор Орол денгизи қуришининг ҳалокатли оқибатларига қаратди.

Президент Оролбўйи минтақасини экологик инновация ва технологиялар ҳудуди, деб эълон қилиш ҳақида БМТ Бош Ассамблеясининг махсус резолюциясини қабул қилишни таклиф этди.

Унинг фикрига кўра, ушбу муҳим ҳужжат тасдиқланган санани эса Халқаро экологик тизимларни ҳимоя қилиш ва тиклаш куни сифатида нишонлаш мақсадга мувофиқ бўларди.

Қашшоқликка қарши биргаликда курашиш

Давлат раҳбари ўз чиқишида жаҳоннинг турли нуқталарида нотинчлик сақланиб қолаётгани, зиддият ва зўравонликлар ортиб бораётгани, экологик офатлар ва бошқа замонавий хатарлар қашшоқлик ва камбағалликнинг глобал муаммоларини кучайтираётганига эътибор қаратди.

Бу муаммолар айниқса пандемия шароитида кескин тус олмоқда. Тобора ташвишли оҳанг касб этаётган қашшоқликнинг овози бутун дунё ҳамжамиятини, барчани безовта қилиши зарур.

Мирзиёев қашшоқликни тугатиш ва камбағалликка қарши курашишни БМТ Бош Ассамблеяси навбатдаги сессиясининг асосий мавзуларидан бири сифатида белгилаш ҳамда ушбу масалаларга бағишланган глобал саммит ўтказишни таклиф этди.

491
Национальная валюта Узбекистана — сум

Ёрдам ва ижара пули: олис ҳудудларда ишлаш учун борадиган ходимлар рағбатлантирилади

12
(Янгиланган 16:39 24.09.2020)
Олис ҳудудларда бюджет ташкилотларида бошқа ҳудудлардан келиб фаолият юритаётган мутахассисларни рағбатлантириш бўйича механизм жорий қилинади.

ТОШКЕНТ, 24 сен — Sputnik. “Олис ҳудудларда жойлашган бюджет ташкилотларига ишга борадиган олий таълим муассасалари битирувчиларининг меҳнатини янада рағбатлантириш тўғрисида” ҳукумат қарори лойиҳаси умумий муҳокамага қўйилди.

Олис ҳудудларда жойлашган бюджет ташкилотларида бошқа ҳудудлардан келиб фаолият юритаётган олий маълумотли мутахассисларга (кейинги ўринларда олий маълумотли мутахассис деб аталади) бир марталик бошланғич ёрдам пули ва уй-жойларни ижарага олганлик (ижарада турганлик) учун ҳар ойлик пул компенсацияси бериш ҳамда уларни уй-жой билан таъминлаш тизимини жорий қилиш тўғрисидаги таклифига розилик бериш назарда тутилмоқда.

“Олис ҳудудларда жойлашган бюджет ташкилотларида бошқа ҳудудлардан келиб фаолият юритаётган олий маълумотли мутахассисларни рағбатлантириш бўйича янги механизм 2021 йил 1 январдан бошлаб жорий қилинади,” – дейилган ҳужжатда.

Шунингдек, олис ҳудудларда жойлашган бюджет ташкилотларида бошқа ҳудудлардан келиб фаолият юритаётган олий маълумотли мутахассисларга бериладиган бир марталик бошланғич ёрдам пули (кейинги ўринларда бошланғич ёрдам пули деб аталади) базавий ҳисоблаш миқдорининг 50 бараварига ҳамда уй-жойларни ижарага олганлик (ижарада турганлик) учун ҳар ойлик пул компенсацияси (кейинги ўринларда ҳар ойлик пул компенсацияси деб аталади) базавий ҳисоблаш миқдорининг 2 бараварига тенглаштирилади.

Бир марталик бошланғич ёрдам пули ва ҳар ойлик пул компенсацияси ҳамда уй-жой шароитини яхшилаш бўйича имтиёзлардан олий таълим муассасасининг бакалавриати ва магистратурасини (таълим шаклидан қатъий назар – кундузги, сиртқи, кечки, шунингдек иккинчи мутахассислик)
тамомлаганидан кейин уч йил мобайнида олис ҳудудларда жойлашган бюджет ташкилотларига ишга кирган битирувчилар фойдаланиш ҳуқуқига эга.

Ҳар ойлик пул компенсацияси олий маълумотли мутахассис ишга қабул қилинган ойдан бошлаб 36 ой мобайнида тўланиши, бунда хизмат уй-жой майдони берилган тақдирда ёки у уй-жой сотиб олганда, унинг ваколатлари тўхтатилганда ва тугаганда пул компенсацияси тўлаш тўхтатилади.

12