Путин мактабда қандай бўлган РФ етакчиси таваллуд кунига синфдошлар хотираси

637
(Янгиланган 11:09 07.10.2020)
Владимир Путиннинг синфдошлари келажакда Россия президенти бўлган инсон билан ўқиш қандай бўлганини эсга олишди

ТОШКЕНТ, 7 окт – Sputnik. Россия президенти Владимир Путин чоршанба, 7 октябр куни ўз таваллуд айёмини нишонламоқда. Бугун у 68 ёшни қарши олди.

"Комсомольская правда" мухбири ҳозирги Россия етакчиси билан мактабда ва олийгоҳда бирга таҳсил олган инсонлардан интервью олди. Улар Путин қандай бўлганини ва бу йиллар оралиғида қандай ўзгаргани ҳақида сўзлашди.

Владимир Путиннинг синфдоши Светлана Потапчукнинг хотирлашича, уни ҳамиша ташқи кўриниши ажратиб турган.

"Ҳамиша озода кийинган, дазмолланган мовий ранг кўйлак, қора костюм ва бўйинбоғда бўларди", - дейди Светлана.

Аёлнинг сўзларига кўра, Путин ўқиш даврида тарих, немис тили ва адабиёт дарсларини яхши кўрган. Иншоларни зўр ёзган - улардан бирини ўқитувчи ҳатто радиога юборган. Шунингдек, у немис тилини ҳам яхши билган.

"Мен уни жуда меҳрибон инсон сифатида яхши эслайман. Аммо у ҳамиша банд эди - бўш вақтининг ҳаммасини машғулотларга, кураш бўйича мусобақаларга сарфларди, - дея ҳикоя қилади президентнинг синфдошларидан яна бири Анна Киселло (қизлик фамилияси Михайлова).

Аммо Владимир Путин мактаб вақтида ҳеч кимга кўчиришга бермаган.

"Қизлар уни ақллилиги учун жуда ардоқлашарди. Аммо унинг ўзи ҳеч кимга алоҳида такаллуф кўрсатмас эди", - дейди Светлана Потапчук.

Путин мактабда чоғидаёқ разведкачи бўлишни орзу қилган.

"У ўша вақтдаёқ бизда сиёсат бўйича дарс ўтарди. Путин буни жуда яхши уддалар эди. Ҳозир ҳам у халқ тушунадиган содда тилда қандай гапиришини кўраман - бунинг ҳаммаси мактаб давридан", - деб таъкидлайди синфдош аёл.

Владимир Путин ҳаётида дзюдо бўйича тренери Анатолий Рахлин муҳим роль ўйнаган. У инсон ўз ўқувчиларидан фақат курашда эмас, балки мактаб дастури бўйича ҳам яхши муваффақиятларга эришишларини талаб қилган - баҳоларни шахсан текширган.

Биринчи президентлик муддати олдидан Анатолий Рахлин Владимиру Владимировичга шундай насиҳат қилади: "Ҳужум қилаётиб - ҳимоялан, ҳимояланаётиб - ҳужум қил".

Россия етакчисининг курсдошлари Путин ўша вақтда ҳам "худди ҳозиргидек ҳазиллар қилганини" таъкидлашади.

637
Заседание начальников штабов ВС стран СНГ

МДҲ штаб қўмондонлари Самарқандда йиғилишди

131
(Янгиланган 12:01 30.10.2020)
Самарқандда МДҲ штаб қўмондонлари ҳамдўстлик чегералари доирасида юзага келаётган ҳарбий-сиёсий вазиятни муҳокама қилишади.

ТОШКЕНТ, 30 окт - Sputnik. МДҲ давлатлари Қуролли кучлари штаб бошлиқлари бугун 30 октябр куни Самарқандда тўпланиб, Ҳамдўстлик чегералари яқинидаги ҳарбий-сиёсий вазиятни муҳокама қилишади, деб хабар қилмоқда РИА Новости Россия Мудофаа вазирлигига асосан.

“2020 йилнинг 30 октябр куни Ўзбекистон Республикаси Самарқанд шаҳрида Россия Федерацияси Қуролли кучлари Бош штаби бошлиғи армия генерали Валерий Герасимов бошчилигида МДҲ давлатлари Қуролли кучлари штаб бошлиқларининг навбатдаги мажлиси бўлиб ўтади”, - дейилган хабарда.  

Мажлисда Озарбайжон, Арманистон, Беларус, Қозоғистон, Қирғизистон, Россия,  Тожикистон ва Ўзбекистон армиялари штаб бошлиқлари иштирок этади. Ундан ташқари йиғилишда МДҲ Ижроия қўмитаси  делегациялари ҳамда МДҲ Мудофаа вазирлари Кенгаши Котибияти делегацияси иштирок этади.  

Хабарда айтилишига кўра, “делегация раҳбарлари хавфсизлик ва мудофаа борасида ўзаро қизиқарли аҳамиятга эга бўлган масалаларини муҳокама қилишади, ҳамда МДҲ чегералари доирасида юзага келаётган ҳарбий-сиёсий вазиятни муҳокама қилишади”.

131
Президент Республики Корея Мун Чжэ Ин 18 апреля прибыл в Узбекистан с государственным визитом

Мирзиёев Шимолий иқтисодий ҳамкорлик халқаро форумида иштирок этади

116
(Янгиланган 17:19 29.10.2020)
Шавкат Мирзиёев Корея президентининг таклифига биноан Сеул шаҳрида видеоанжуман шаклида бўлиб ўтадиган Шимолий иқтисодий ҳамкорлик иккинчи халқаро форумида иштирок этади.

ТОШКЕНТ, 29 окт — Sputnik. Ўзбекистон президенти Шавкат Мирзиёев 30 октябрь куни Сеул шаҳрида видеоанжуман шаклида бўлиб ўтадиган Шимолий иқтисодий ҳамкорлик иккинчи халқаро форумида иштирок этади. Бу ҳақда давлат раҳбари матбуот хизмати хабар қилмоқда

Иштирок этиш таклифи Корея президенти Мун Чже Ин томонидан билдирилган. Тадбир кун тартибидан коронавирус пандемияси оқибатларини биргаликда енгиб ўтиш ва халқаро шерикликни кенгайтириш масалалари ўрин олган.

Таъкидланишича, давлат раҳбари ўз нутқида минтақавий сиёсатнинг энг долзарб масалалари ва ўзаро манфаатли ҳамкорликни янада ривожлантириш истиқболларига тўхталиб ўтади.

Форум ишида Ўзбекистон ва Жанубий Корея етакчилари билан бир қаторда Россия, Қозоғистон, Туркманистон, Мўғулистон президентлари ва бошқалар иштирок этади.

116
Теглар:
форум, Мун Чже Ин, Шавкат Мирзиёев, Жанубий Корея, Ўзбекистон
Стенд Узбекистана на продовольственной выставке Продэкспо-2020

Алкогол истеъмол ёшини янада ошириш таклиф қилинди - янги қонун

48
(Янгиланган 14:16 30.10.2020)
Узумчилик ва виночилик агентлиги табиий винолардан бошқа алкогол рекламасини таъқиқловчи қонун лойиҳасини таклиф қилди.

ТОШКЕНТ, 30 окт - Sputnik. Ўзбекистонда алкогол ва тамаки маҳсулотларини сотишда, реклама қилишда қўшимча чековлар киритилиши мумкин. Бу ҳақида янги қонун лойиҳақида айтиб ўтилган. 

Ушбу қонун лойиҳасида айтилишига кўра, алкогол ва тамаки маҳсулотларини сотиш тартибига қўйидаги чекловларни киритиш керак: 

1. Алкогол ва тамаки маҳсулотларини фақат 21 ёшда катта бўлган фуқароларга (ҳозир 20) 

2. Алкогол (кўпикланадиган ва табиий винодан ташқари) ва тамаки маҳсулотларини реклама қилишнинг ҳар қандай турлари, сотувини рағбатлантириш ва ҳомийлик қилиш тақиқланади

3. Кўпикланадиган ва табиий вино учун реклама телевидениеда маҳаллий вақт билан соат 23:00 дан соат 07:00 гача намойиш қилиниши мумкин.

4. Алкогол маҳсулотини иш жойларида, кўчалар, стадионлар, хиёбонлар, истироҳат боғларида, жамоат транспортининг барча турларида ва бошқа жамоат жойларида истеъмол қилишга йўл қўйилмайди.

5. Тамаки маҳсулотларин жамоат жойларида ва транспортда фақат махсус ажратилган жойларда истеъмол қилиш мумкин; 

6. Шахсий автотранспорт воситаларида 18 ёшга тўлмаган ёки хомиладор аёллар бўлган тақдирда, тамаки маҳсулоти ва чилимни истеъмол қилиш тақиқланади.

Узумчилик ва виночиликни ривожлантириш агентлиги томонидан таклиф этилган ушбу қонун лойиҳаси 13 ноябрга қадар муҳокамада бўлади. 

 

 

 

 

48