Шавкат Мирзиёев принял делегацию Российской Федерации

Дмитрий Козак нима учун Тошкент ва Нур-Султонга келган эди

868
(Янгиланган 17:55 04.12.2020)
Владимир Путин топшириғига асосан Россия президенти администрацияси раҳбари ўринбосари Дмитрий Козак Ўзбекистон ва Қозоғистонга ташриф буюрди.

Россиянинг юқори мартабали амалдори икки мамлакат олий раҳбарияти, жумладан, президентлар Шавкат Мирзиёев ва Қосим-Жомарт Токаев билан учрашувлар ўтказди.

Музокараларнинг асосий мавзуси - Москванинг Нур-Султон ва Тошкент билан муносабатларини мустаҳкамлаш, икки томонлама ва кўп томонлама форматдаги саммитларга тайёргарлик кўриш. Хусусан, 11 декабрь куни Олий Евроосиё Кенгашининг йиғилиши онлайн форматда бўлиб ўтади.

“Шавкат Мирзиёев Ўзбекистон-Россия кўп қиррали ҳамкорлиги кейинги йилларда жадал суръат билан ривожланаётгани, стратегик шериклик ва иттифоқчилик муносабатлари мустаҳкамланиб бораётганини катта мамнуният билан қайд этди” деб хабар қилди Ўзбекистон президенти матбуот хизмати.

Таъкидланишича, Дмитрий Козак Ўзбекистон президентига самимий қабул учун миннатдорлик билдириб, Владимир Путиннинг саломи ва энг эзгу тилакларини етказди ва Владимир Путин билан режалаштирилаётган учрашув кун тартибини муҳокама қилди. Томонлар халқаро сиёсатнинг айрим жиҳатлари юзасидан ҳам фикр алмашишди.

Бўлажак олий даражадаги мулоқотларнинг музокаралар кун тартибининг мазмунига алоҳида эътибор қаратилди: гап МДҲ давлатлари раҳбарларининг жорий йил октябридан қолдирилган саммити ҳақида кетмоқда.

Нур-Султонда Қозоғистон президенти Қосим-Жомарт Токаев Дмитрий Козакни қабул қилди. Учрашув давомида Қозоғистон-Россия шериклиги ва иттифоқчиликнинг долзарб масалалари муҳокама қилинди. Қозоғистон раҳбари матбуот хизматининг хабар беришича, суҳбатнинг муҳим қисми сиёсий, савдо-иқтисодий ва гуманитар ҳамкорликни ривожлантириш, шунингдек яқинда бўлиб ўтадиган Олий Евроосиё иқтисодий кенгашининг йиғилишида Евроосиё интеграцияси масалаларини муҳокама қилишдан иборат бўлди.

Встреча президента Казахстана Касым-Жомарта Токаева с Дмитрием Козаком
Официальный сайт Президента РК / AMAN
Встреча президента Казахстана Касым-Жомарта Токаева с Дмитрием Козаком

Қосим-Жомарт Токаев кун тартибидаги барча масалалар бўйича Россия Федерацияси билан иттифоқчилик муносабатларини мустаҳкамлаш устувор аҳамиятини таъкидлади. Бундан ташқари, икки давлат президентлари администрация ўртасидаги алоқалар ва ҳамкорликни ривожлантириш ҳақида келишувга эришилди.

Қозоғистон пойтахтида РФ президенти администрацияси раҳбарининг ўринбосари Қозоғистон Республикаси бош вазири Асқар Мамин, Қозоғистон президенти администрацияси раҳбари Ерлан Кошанов билан мулоқот қилди.

"Музокаралар чоғида Россия-Қозоғистон иттифоқчилик муносабатларининг ҳозирги ҳолати, икки томонлама ҳамкорликни ривожлантириш истиқболлари ва КХШТ, ЕОИИ, МДҲ, ШҲТ доирасидаги интеграция алоқаларни мустаҳкамлаш бўйича мазмунли фикр алмашилди", - деб маълум қилди Россиянинг Қозоғистондаги элчихонаси матбуот хизмати.

Стратегик шерикларнинг муносабатлари

Россия ва Ўзбекистон ўртасида дипломатик муносабатлар 1992 йил 20 мартда ўрнатилган.

Асосий давлатлараро ҳужжатлар - икки томонлама ҳамкорликни ривожлантиришнинг устувор йўналишларини белгилаб берган Давлатлараро муносабатларнинг асослари, дўстлик ва ҳамкорлик тўғрисида шартнома (1992), Стратегик шериклик тўғрисидаги шартнома (2004) ва Иттифоқчилик муносабатлари тўғрисидаги шартнома (2005).

Икки томонлама муносабатлар - олий ва юқори даражадаги мунтазам учрашувлар ўтказилмоқда.

Икки томонлама муносабатлар 2016 йил декабрда Ўзбекистон президенти Шавкат Мирзиёев сайлангандан сўнг, янги сифат даражасига кўтарилди. Тўрт йил давомида савдо ва инвестициялар ҳажми икки бараварга ошди. Турли даражалардаги икки томонлама алоқалар жадаллашди - давлат раҳбарларининг мунтазам учрашувлари, Ўзбекистон ва Россия вилоят вакилларининг кўплаб ташрифлари.

2017 йил апрел ойида Шавкат Мирзиёев Москвага давлат ташрифи билан келди, унинг якунида қиймати 16 миллиард доллардан зиёд 50 тадан ортиқ ҳамкорлик ҳужжатлари имзоланди. 2018 йил кузида Владимир Путин Ўзбекистонга ташриф буюрди. Республикада минтақавий ва таълим форумлари ўтказилди. Бундан ташқари, икки давлат раҳбари тантанали тарзда кенг кўламли лойиҳа - Ўзбекистон ҳудудида Марказий Осиёда биринчи атом электр станциясини қурилишига старт беришди.

Бундан ташқари, яқинда Ўзбекистон президентининг Россияга навбатдаги ташрифи кутилмоқда. Коронавирус пандемияси сабабли ташриф санаси бир неча марта қолдирилди.

Шунингдек, Ўзбекистон интеграция лойиҳаларидан четда қолмаяпти: МДҲ ва ШҲТ фаолиятида фаол иштирок этишдан ташқари, Тошкент Евроосиё иқтисодий иттифоқига аъзо бўлиш имкониятларини кўриб чиқмоқда. Республиканинг кузатувчи-давлат мақомини олиш тўғрисидаги аризаси иттифоқнинг барча аъзо-давлатлари томонидан маъқулланди. Якуний қарор 11-декабрь куни ЕОИИ Олий Кенгашининг йиғилишида қабул қилинади.

868
Теглар:
Шавкат Мирзиёев, Қозоғистон, Ўзбекистон, Россия, ЕОИИ
Мавзу:
Ўзбекистон ва ЕОИИ – интеграция истиқболлари (65)

Россия ТИВ АҚШнинг ноқонуний митинглар ҳақидаги баёнотига кескин жавоб берди

231
РФ ТИВ Вашингтонда 6 январ куни манифестациялар ва Капитолий штурми рўй берганида Москвадаги АҚШ элчихонаси ҳеч қандай баёнот эълон қилмаганига эътибор қаратар экан, элчихона ўшанда "ўз фуқароларини тинч норозиликларга" мотивация қилмаганини қайд этиб ўтган.

ТОШКЕНТ, 23 янв - Sputnik. Россия Ташқи ишлар вазирлиги АҚШнинг Россиядаги ноқонуний акциялар ҳақидаги баёнотига кескин жавоб қайтарди.

Россия ТИВ АҚШ элчихонасининг РФдаги келишилмаган акциялар бўйича баёнотига изоҳ берар экан, америкалик ҳамкасбларни бошқа давлатларнинг ички ишларига аралашмай, шахсий муаммолари билан шуғулланишга чақирди.

Сал аввал америка дипмиссияси Россиядаги ноқонуний акциялар ҳақидаги хабарлар фонида, "Россиянинг 38 шаҳридаги норозилик акциялари ҳақидаги хабарларни кузатиб бораётгани" ҳақида баёнот қилган эди. АҚШ элчихонаси шунингдек, "одамларнинг тинч норозиликлар, фикрни эркин билдириш ҳуқуқларини қўллаб-қувватлашини", Россия ҳукумати кўрган чоралар эса "ушбу ҳуқуқларни бостиришга қаратилганини" қўшимча қилган.

Сал аввал Вашингтонда оммавий тартибсизликлар рўй берган, у ерда полиция АҚШ президентлигига сайловлар натижаларидан норози бўлганларни ҳибсга олган эди.

Аммо бу воқеаларга АҚШ элчихонаси томонидан ҳеч қандай изоҳ бўлмаган.

"Ўз муаммоларингиз билан андармон бўлинг ва бошқа давлатларнинг ички ишларига аралашишни бас қилинг", - дейилади Россия ташқи сиёсий маҳкамасининг Facebookдаги хабарида.

РФ ТИВ 6 январ куни Вашингтонда манифестациялар ва Капитолий штурми рўй берганида Москвадаги АҚШ элчихонаси ҳеч қандай баёнот эълон қилмаганини, "ўз фуқароларини тинч норозиликларга" мотивация қилмаганини, тартибсизликлар вақтида юз берган қотилликлар ва юздан ортиқ инсонларнинг ҳибсга олинганини қораламаганини қайд этиб ўтган. Аксинча, Россия ТИВ хабарига кўра, сал ўтиб, АҚШнинг Россиядаги элчиси юз берган воқеаларни "жиноий босқинчилик", деб атаган.

"Полиция намойишчиларга ўқ узишни бошлаб, ҳукуматингиз туфайли тинч норозиликлар нотинч норозиликларга айланиб кетганини бутун сайёра кўриб турди. Сўнгра эса, АҚШ ҳукумати американинг тинч норозичилари ҳаракатларини "демократияга тажовуз", дея атади. Иккиюзламачилик - америка дипломатиясининг инструменти, у айниқса ковид-эпидемия вақтида ўта хавфли тус олди", - дейилади РФ ТИВ баёнотида.

Россия ИИВ ва Бош прокуратураси Москва ва бошқа шаҳарларда 23 январ куни режалаштирилган санкцияланмаган акйияларнинг ташкилотчилари билан бир қаторда оддий иштирокчиларини ҳам жавобгарлик ҳақида бир неча маротаба огоҳлантирган эди. Ноқонуний акциялар провокация, жамоат тартибига таҳдид сифатида баҳоланади ва "шу пайтнинг ўзида бостирилади".

Параллел равишда Бош прокуратура интернетда тарқатилаётган шу хилдаги тадбирларга келиш ҳақидаги чақириқларни блоклашни талаб қилди, бундай даъватлар қонунда таъқиқланган. Президент матбуот-котиби Дмитрий Песковнинг сўзларига кўра, бундай акцияларга "маълум фитначилар" даъват қилмоқда, ва уларнинг ҳаракатлари мақсади Кремльга "яхши аён".

Мактаб ўқувчиларига алоҳида эътибор қаратилмоқда – ота-оналардан болаларни бу сингари акциялардан четлатиш сўралмоқда. Талабаларга ҳам худди шундай мурожаатлар билан мурожаат қилинган, бу сингари тадбирларда талабаларнинг иштирокига "таълим муассасаси раҳбарияти томонидан турлича баҳо берилиши мумкин".

РИА Новости билан суҳбатда Москвадаги болалар ҳуқуқлари бўйича вакил Ольга Ярославская ҳам "болаларнинг сиёсий ўйинларга жалб этилиши"га кескин қарши чиққан. Аёл сўзларига кўра, болалар сал улғайгач, у ёки бу ҳаракатлар замирида нима ётганини тушуниб оладилар.

Россия шаҳарлари ҳукуматлари сал олдин оммавий тадбирларга рухсат берилмасликни коронавирус туфайли юзага келган мураккаб эпидемиологик вазият билан тушунтирган эдилар.

231
Утвержден хоким Бухарской области - Ботир Комилович Зарипов

Бухоро вилоятига ҳоким тасдиқланди

216
Ўзбекистон президенти Шавкат Мирзиёев Ботир Зарипов номзодини вилоят ҳокими лавозимига тавсия этди.

ТОШКЕНТ, 22 янв — Sputnik. Бухоро шаҳрида Халқ депутатлари вилоят кенгашининг навбатдан ташқари сессиясида Ўзбекистон президенти Шавкат Мирзиёев 2020 йил ноябрь ойидан буён Бухоро вилояти ҳокими вазифасини вақтинча бажариб келаётган Ботир Комилович Зарипов номзодини вилоят ҳокими лавозимига тавсия этди.

“Вилоятни бошқариш, одамларни сафарбар қилиш осон иш эмас. Буни Зариповнинг ўзиям тушуняпти. Мен уни турли лавозимларда синаганман, охирги уч ойда ҳоким вазифасини бажарувчи сифатида сизлар ҳам синадингиз. Бухоронинг сувини ичиб, чангини ютиб улғайган йигит вилоят шароитини яхши билади. Энг муҳими, бухороликларни яхши кўради,” - деди Шавкат Мирзиёев.

Б.Зарипов 1969 йилда Ғиждувон туманида туғилган. Банк соҳасида турли лавозимларда ишлаган. 2016-2020 йилларда республика қурилиш материаллари саноатини бошқарган.

Халқ депутатлари, оқсоқоллар сўзга чиқиб, номзодни қўллаб-қувватлади. Овозга қўйиш натижаларига кўра, Ботир Зарипов Бухоро вилоятининг ҳокими этиб тасдиқланди.

“Бухорои шарифдек жойга, унинг буюк халқига раҳбар бўлиш ҳаммага ҳам насиб этмайди. Ана шу ишонч доим қулоғингиз остида турсин. Кунлар, йиллар шиддат билан ўтади. Агар бухороликлар “вилоятимизга тўғри кадр келган экан”, деб рози бўлса, мен ҳам ўзимни бахтиёр сезаман,” – деди президент.

Шунингдек, вилоят ҳокимининг биринчи ўринбосари лавозимига Инвестициялар ва ташқи савдо вазири ўринбосари лавозимида ишлаб келган Нозимжон Холмуродов, Бухоро вилоятининг прокурори вазифасига Марказий сайлов комиссияси раиси ўринбосари бўлган Маҳмуд Истамов ҳамда Вобкент тумани ҳокими лавозимига Фарҳод Умаров тайинлангани маълум қилинди.

216