Мирзиёевнинг алоҳида топшириғи билан Хайрулло Бозоров Сўхга борди - фото

953
(Янгиланган 00:12 14.02.2021)
Аэродром қурилаётган ҳудудда Хайрулло Бозоров туман фаоллари, маҳалла раислари билан учрашиб, жорий йил амалга оширилиши керак бўлган ишлар хусусида тўхталди.

ТОШКЕНТ, 13 фев - Sputnik, Дилшода Раҳматова. Фарғона вилояти ҳокими Хайрулло Бозоров Ўзбекистоннинг анклав ҳудуди - Сўх туманига ташриф буюриб, аэродром қурилиши жараёнини кўздан кечирди.

© Sputnik / Дильшода Рахматова
План аэродрома

Эслатиб ўтамиз, Ўзбекистон президентининг "Сўх туманини комплекс ижтимоий-иқтисодий ривожлантириш чора-тадбирлари тўғрисида"ги қарори билан туманда Фарғона вилояти ҳокимлиги Сўх тумани "Новобод" маҳалла фуқаролар йиғини ҳудудида салкам 10 гектар ерда аэродром барпо этилиши: вертолёт ва самолёт учиш-қўниш майдончаси қурилиши белгиланган бўлиб, бу ҳақда расман 8 феврал куни эълон қилинган эди.

Айни дамда туман марказига туташ ҳудудда аэродром қурилиши бошлаб юборилган. Бунинг учун давлат бюджетидан 6,5 млрд сўмдан ортиқ маблағ ажратилган.

Фарғона вилояти ҳокими Хайрулло Бозоров мазкур ҳудудга келиб, қурилиш ишлари лойиҳаси билан шахсан танишди, деб хабар бермоқда Sputnik Ўзбекистон мухбири.

Аэродром қурилаётган ҳудудда Бозоров туман фаоллари, маҳалла раислари билан учрашиб, жорий йил амалга оширилиши керак бўлган ишлар хусусида тўхталди.

© Sputnik / Дильшода Рахматова
Встреча главы Ферганской долины Хайрулло Бозорова с жителями Сохского района

Вилоят ҳокими, асосий ва ягона мақсад, Сўхда тадбиркорликни ривожлантириб, бу орқали туман иқтисодиётини янада бойитиш, аҳоли бандлигини таъминлашдир, энди ортга йўл йўқ эканлигини алоҳида қайд этди.

"Президентимиз алоҳида топшириқ бердилар, мени номимдан сўхликларга салом айтасан, юрагим тўридаги тилакларимни етказасан дедилар", дея бошлади ўз гапини Сўх халқи билан учрашувда Хайрулло Бозоров. Ҳокимнинг ушбу гаплари тўпланганлар томонидан "раҳмат" ва қарсаклар билан кутиб олди.

"Бу ҳали бошланиши. Ҳали кўрасизлар, яқинда вертолётлар, кичик самолётлар Фарғона, Қўқон томонларга қатнашни бошлайди. Мана, қурилишни бошлаймиз ва худо хоҳласа, олти ойда битказамиз", - дея ваъда берди сўхликларга ҳоким.

Олти ой ичида қуриб битказиладиган аэропорт орқали Ан-2 самолётлари ҳамда МИ-8 вертолётларини жалб этган ҳолда Сўхдан Фарғона ҳамда Қўқон йўналишларида авиақатновлар йўлга қўйилади.

Бозоров, шунингдек, Сўхга тадбиркорликни ривожлантириш, саноатни, ишлаб чиқаришни олиб кириб ривожлантириш учун давлат раҳбари мутасадди раҳбарларга Сўхда алоҳида солиқдан имтиёзга эга зонани ташкил қилиш топшириғини берганини айтиб ўтди. Бунда барча солиқлар 1 фоизга келтирилиши кўзда тутилган.

953
Открытие филиала МГИМО в Ташкенте

ТИВ Камиловнинг Россияга ташрифи тафсилотларини очиқлади

627
(Янгиланган 10:40 28.02.2021)
Ўзбекистон ташқи ишлар вазири 1-2 март кунлари расмий ташриф билан Россияда бўлади. Музокаралар чоғида Ўзбекистон – Россия муносабатларининг ҳозирги ҳолати ва ривожланиш истиқболлари муҳокама қилиниши режалаштирилган.

ТОШКЕНТ, 28 фев — Sputnik. 2021 йилнинг 1-2 март кунлари Ўзбекистон ташқи ишлар вазири Абдулазиз Камилов Россияга амалий ташриф билан боради. Бу ҳақда ТИВ матбуот хизмати хабар қилмоқда.

Таъкидланишича, музокаралар чоғида сиёсий-дипломатик, савдо-иқтисодий, маданий-гуманитар ва бошқа соҳалардаги Ўзбекистон – Россия муносабатларининг ҳозирги ҳолати ва ривожланиш истиқболлари муҳокама қилинади.

Шунингдек, халқаро ҳамда минтақавий ташкилотлар доирасидаги ўзаро ҳамкорлик масалаларини муҳокама қилиш режалаштирилган.

Томонлар жорий йилда ўтказилиши режалаштирилган олий ва юқори даражадаги қўшма тадбирлар жадвалини ҳам кўриб чиқадилар.

Эслатиб ўтамиз, аввалроқ Россия ТИВ расмий вакили Мария Захарова Ўзбекистон ТИВ раҳбари Россияга келиши ва россиялик ҳамкасби Сергей Лавров билан учрашишини маълум қилган эди.

627
Министр иностранных дел Узбекистана Абдулазиз Камилов

Камилов Қирғизистон президенти билан учрашди

268
(Янгиланган 14:00 27.02.2021)
Бўлиб ўтган суҳбат чоғида томонлар сиёсий, савдо-иқтисодий, маданий-гуманитар ва бошқа соҳалардаги икки томонлама муносабатларнинг ривожи ҳақида фикр алмашдилар.

ТОШКЕНТ, 27 фев - Sputnik. Бугун, 27-феврал куни Бишкек шаҳрига амалий ташриф билан келган Ўзбекистон Ташқи ишлар вазири Абдулазиз Камилов Қирғиз Республикаси президенти Садир Жапаров томонидан қабул қилинди. Бу ҳақда ТИВ матбуот-хизмати хабар бермоқда.

Вазир Ўзбекистон президенти Шавкат Мирзиёевнинг Қирғиз Республикаси президенти Садир Жапаровга йўллаган мактубини топширди.

Бўлиб ўтган суҳбат чоғида томонлар сиёсий, савдо-иқтисодий, маданий-гуманитар ва бошқа соҳалардаги икки томонлама муносабатларнинг ривожи ҳақида фикр алмашдилар.

Марказий Осиёда сўнгги йилларда шаклланган хавфсизлик, барқарорлик ва яхши қўшничилик муҳитини янада мустаҳкамлаш масалалари кўриб чиқилди.

Қайд этилганидек, бугун денгиз портларига ва янги ташқи бозорларга энг қисқа йўл очадиган транспорт йўлаклари тизимини шакллантириш учун кенг имкониятлар яратилмоқдаки, бу, ўз навбатида, минтақалараро савдо-сотиқнинг жадаллашуви, транзит юк ташувларини орттириш, хом-ашё, асбоб-ускуналар ва тайёр маҳсулотларни ташиш нархининг пасайишига хизмат қилади.

Учрашувда томонларни қизиқтирган бошқа масалалар ҳам муҳокама қилинди.

268
Ситуация в Сырдарьинской области, где произошел прорыв дамбы на Сардобском водохранилище

Россиялик мутахассислар Сардоба сув омборини тиклашда ёрдам беради

14
(Янгиланган 15:41 01.03.2021)
Сув омборини тиклаш ишлари юзасидан “Гидролойиҳа” АЖ лойиҳачилари москвалик мутахассислар билан келишилган ҳолда лойиҳа ишлаб чиқишган.

ТОШКЕНТ, 1 мар — Sputnik. Ўзбекистон ҳукумати Сардоба сув омборини қайта тиклаш лойиҳасига Москва давлат қурилиш универститети мутахассисларини жалб қилди.

Маълум қилинишича, ҳозирги кунда Сардоба сув омборини қайта тиклаш бўйича жуда катта ҳажмдаги муҳандислик-қидирув ишлари амалга оширилмоқда, хусусан, лаборатория таҳлиллари олиниб, илмий-техник асослаш мақсадида изланишлар давом этяпти.

Объектнинг амалдаги ҳолати дастлабки лойиҳа ечимларига қанчалик мувофиқлиги ҳам текширилмоқда. Бу ўрганишлар эртага шундай нохуш ҳолат яна такрорланмаслиги ва шу каби фалокатларнинг олдини олиш учун қилинмоқда.

Сув хўжалиги вазири Шавкат Ҳамроевнинг сўзларига кўра, ҳозирги кунда сув омборида 230 млн м3 сув тўпланган. У тез орада 350 млн м3 га етказилади ва шу билан ўтган йилги тўпланган сув ҳажмига етади.

“Жумладан, сув омборининг ҳолати ҳамда юзага келган техноген офатнинг сабабларини ўрганиш юзасидан, унинг келиб чиқиш ҳолатлари қайта такрорланишининг олдини олиш мақсадида хорижий мутахассислар (Москва давлат Қурилиш универститети) жалб қилиниб, техник ечимлар тўлиқ ўрганиб чиқилмоқда”, - дейилган Қурилиш вазирлиги хабарида.

Муҳандислик-қидирув ишлари бўйича эса “ЎзГАШКЛИТИ” ДУК ташкилоти томонидан Россиянинг мутахассислари билан бирга ўрганиш ишлари олиб борилмоқда.

Юқоридаги тиклаш ишлари юзасидан “Гидролойиҳа” АЖ лойиҳачилари москвалик мутахассислар билан келишилган ҳолда лойиҳа ишлаб чиқишган. Бу лойиҳа юзасидан давлат экспертизаси томонидан 12 февраль 2021 йил 4-Э-сонли эксперт хулосаси берилган.

Эслатиб ўтамиз, Сирдарё вилоятидаги Сардоба сув омборида содир бўлган фавқулодда вазият туфайли Сардоба, Оқолтин, Мирзаобод туманларидаги 24 та маҳалладан 90 мингга яқин фуқаро зудлик билан хавфсиз ҳудудга эвакуация қилинган эди. Ҳодиса оқибатида камида 56 киши турли даражада тан жароҳати олган, тошқин зонасида қолиб кетган юзлаб одамлар қутқарилган. Шунингдек, 4 нафар фуқаро табиий офат оқибатида ҳалок бўлган, 1 нафари бедарак йўқолган эди.

14
Теглар:
Сардоба
Мавзу:
“Сардоба” тўғони ёрилиши