Жиноятда гумон қилинганлар. Архив сурат

Жиззахда “GTA бандаси” бошлиғи 12 йил қамоқ жазосига маҳкум қилинди

382
(Янгиланган 14:09 20.02.2016)
Россиянинг М4 “Дон” автотрассасида қатор қотилликларни содир этган “ГТА бандаси”га ҳавас қилган Фурқат Жўраев, Ўзбекистонга қайтгач, Жиззахда шундай жиноий гуруҳни ташкил этди. Бугун банда бошлиғи Фурқат Жўраев - 12 йилга, унинг шериклари эса – 5,5 йилдан 7 йилгача қамоқ жазосига маҳкум қилинди.

ТОШКЕНТ, 20 фев — Sputnik. Жиноий ишлар бўйича Жиззах вилояти суди жума куни мамлакатнинг беш фуқаросини турли муддатга озодликдан маҳрум этди. Қамоқ жазосига маҳкум қилинганлар эсктремистик гуруҳ ташкил қилиб, Ўзбекистон ҳудудида киссавурлик ва талончилик ишлари билан шуғулланишган, ҳамда, қўпорувчилик ҳаракатларини амалга оширмоқчи бўлган, деб хабар қилди суд вакили.

"Гуруҳ бошлиғи, ўттиз беш яшар Фурқат Жўраев — 12 йилга, унинг тўрт шериги эса – 5,5 йилдан 7 йилгача қамоқ жазосига маҳкум этилди. Айбланувчиларнинг ҳаммаси ўз айбларига иқрор бўлдилар”, — деб аниқлик киритди суҳбатдош. Суд вакилининг сўзларига қараганда, Жўраев бунга қадар талончилик, номусга тегиш, наркотик моддаларни тайёрлаш ва сотишда айбланиб, Россияда беш йилга қамалиб, 2014-йилда Ўзбекистонга қайтиб келган.

"Ўз айбига иқрор бўлган Жўраев, Россияда юрган вақтида “ГТА бандаси”нинг айрим аъзолари билан танишганини тан олди. Шу танишувдан сўнг, унинг миясида “жиҳод ғояси” асосида, Ўзбекистонда ҳам шундай жиноий гуруҳ ташкил қилиш фикри пайдо бўлган", — хабар қилди агентликка ҳуқуқни муҳофаза қилиш вакили.

Ўзбекча талқиндаги “ГТА банда”сининг қолган уч аъзоси – Арамис Авакян, Муродулла Қаюмов ҳамда Элмир Бекмамбетовлар ҳам 2013 йилда Россиядан қайтиб келишган. Улар ҳам чет элда юрган чоғларида, Марказий Осиёдан чиққан диний экстремистлар билан мулоқотда бўлишгани ва террорчилик тарғиботи билан шуғулланишганини тан олдилар, деб таъкидлади суд вакили.

Эслатиб ўтамиз, 2014-йилда Россиянинг М4 “Дон” автотрассасида номаълум жиноий гуруҳ томонидан бир қатор қотилликлар содир этилди. Маҳаллий ОАВлар жиноий гуруҳга “ГТА бандаси”, деб ном берди. 2014-йилнинг ноябр ойида ҳуқуқни муҳофаза қилиш органлари томонидан ўтказилган тезкор-суриштирув тадбирлар давомида, банда раҳбари Ибайдулло Субханов яширинган жой аниқланди ва ўтказилган операция давомида, у йўқ қилинди. Гуруҳнинг тўққиз нафар аъзоси ҳам тез орада ҳибсга олинди, яна тўрт нафари эса халқаро қидирувга берилди. 2015-йилнинг октябр ойида тергов ишлари тугатилди.

“ГТА бандаси” аъзолари, гуруҳ фаолияти даврида Москва шаҳри, Москва ҳамда Калуга вилоятлари ҳудудида 16та ҳужумни амалга оширганлар. Бу жиноий ишлар давомида 17 киши ўлдирилган, икки киши жароҳатланган.

382
Выпускники медицинских вузов

ОТМ битирувчилари магистратурага имтиҳонсиз қабул қилиниши мумкин шартлар

17
Ўзбекистонда кимё ва биология бўйича аъло баҳога ўқиган талабалар магистратурага имтиҳонсиз қабул қилинади.

ТОШКЕНТ, 13 авг — Sputnik. Кимё ва биология бўйича аъло баҳога ўқиган талабалар магистратурага имтиҳонсиз қабул қилинади. Бу Шавкат Мирзиёев имзолаган “Кимё ва биология йўналишларида узлуксиз таълим сифатини ва илм-фан натижадорлигини ошириш чора-тадбирлари тўғрисида”ги қарорда кўзда тутилган.

ОТМларнинг кимё ва биология таълим йўналишлари талабалари ўртасида ўтказиладиган республика фан олимпиадаси ғолиблари ҳамда кимё ва биология фанлари бўйича нуфузли халқаро олимпиадалар совриндорлари магистратурага тегишли мутахассисликлар бўйича ўқишга ажратилган квота доирасида давлат грантлари асосида имтиҳонсиз қабул қилинади.

2021/2022 ўқув йилидан бошлаб кимё ва биология йўналишларида кадрлар тайёрлаётган барча ОТМлар мактаб битирувчи синф ўқувчилари ўртасида кўп босқичли (туман (шаҳар) – вилоят – ОТМ) кимё ва биология фани бўйича ўзининг олимпиадасини ўтказади ва 1-3 ўринларни эгаллаган ўқувчиларни ОТМнинг маблағлари ҳисобидан имтиҳонсиз ўқишга қабул қилади.

ОТМларнинг кимё ва биология таълим йўналишлари бўйича имтиёзли дипломга эга бўлган битирувчилари мазкур ОТМнинг магистратурасига қўшимча имтиҳонларсиз тўлов-контракт асосида қабул қилинади.

ОТМларнинг кимё ва биология мутахассислигини аъло баҳолар билан тамомлаган магистрларни таянч докторантурага ОТМнинг кенгаши қарори асосида имтиҳонларсиз тўғридан-тўғри квота доирасида қабул қилиш тартиби жорий қилинади.

Давлат тест маркази 2021 йил 1 февралга қадар Кимё ва биология фанларидан билимларни баҳолаш бўйича миллий сертификатлаш тизимини жорий қилади.

Имтиёз бериладиган даражадаги миллий сертификатга эга мактаб, лицей ва касб-ҳунар мактаби ўқувчилари давлат ОТМга киришда кимё ёки биология фанидан тест синови топширишдан озод этилади ҳамда унга максимал балл берилади.

17
Подготовка команды Танкового биатлона узбекских военнослужащих  к соревнованиям АрМИ в подмосковном Алабино

АрМИ 2020: ўзбекистонлик танкчилар мусобақага қандай тайёргарлик кўрмоқда

34
Ўзбекистонлик танкчилар Москва вилоятидаги “Алабино” полигонида бўлажак мусобақаларга тайёргарлик кўрмоқда.

ТОШКЕНТ, 13 авг — Sputnik. Ўзбекистон Мудофаа вазирлигининг “Танк биатлони” жамоаси бўлажак мусобақаларга тайёргарликни бошлаб юборди. Бу ҳақда вазирлик матбуот хизмати хабар қилмоқда.

Подготовка команды Танкового биатлона узбекских военнослужащих  к соревнованиям АрМИ в подмосковном Алабино
Министерство обороны Узбекистана
Подготовка команды "Танкового биатлона" узбекских военнослужащих к соревнованиям АрМИ в подмосковном Алабино

Ўзбекистонлик танкчилар Москва вилоятидаги “Алабино” полигонида қизғин тайёргарлик кўрмоқда.

Подготовка команды Танкового биатлона узбекских военнослужащих  к соревнованиям АрМИ в подмосковном Алабино
Министерство обороны Узбекистана
Подготовка команды "Танкового биатлона" узбекских военнослужащих к соревнованиям АрМИ в подмосковном Алабино

Ҳарбийлар танк ҳайдаш ва ўқ отиш машқларида йўллар ва нишонларнинг ўзига хослигини ўрганмоқда. Шунингдек, йўлни босиб ўтиш ва аниқ нишонга олиш кўникмаларини яхшилашмоқда.

Подготовка команды Танкового биатлона узбекских военнослужащих  к соревнованиям АрМИ в подмосковном Алабино
Министерство обороны Узбекистана
Подготовка команды "Танкового биатлона" узбекских военнослужащих к соревнованиям АрМИ в подмосковном Алабино

Эслатиб ўтамиз, аввалроқ Ўзбекистон жамоаси “Халқаро армия ўйинлари – 2020”да иштирок этиш учун Москва шаҳрига етиб келгани хабар қилинган эди. Улар 23 августдан 5 сентябрга қадар бўлиб ўтадиган 12 та мусобақаларда иштирок этишади.

34