Зилзила натижасида вайрон бўлган бино. Архив сурат

Ўзбекистонда ҳар бир бино зилзилабардошликка текширилади

205
(Янгиланган 19:54 22.04.2016)
Ўзбекистонда бино ва иншоотларнинг сейсмик жиҳатдан хавфсизлигини таъминловчи кенг кўламдаги ишлар амалга оширилиши режалаштирилмоқда. Бундан ташқари, "Сейсмикхавфсизлик тўғрисида" янги қонун ишлаб чиқилиши кутилмоқда.

ТОШКЕНТ, 22 апр — Sputnik. Ўзбекистонда аҳолини, шунингдек, саноат-фуқаро иморатларини, турар жой бинолари ҳамда ижтимоий-маиший объектларни зилзилалардан ҳимоя қилиш бўйича бир қатор чора-тадбирлар ишлаб чиқилмоқда, деб хабар қилди жума куни Фавқулодда ҳолатлар вазирлиги раҳбарининг биринчи ўринбосари, полковник Комилжон Орипов.

Ориповнинг сўзларига кўра, Ҳиндиқуши ҳудудида рўй берган бир қатор зилзилалар ва кейинги пайтларда кузатилаётган юқори сейсмик фаоллик туфайли аҳоли ўртасида кучайган ҳавотирдан сўнг, Ўзбекистон ҳукумати аҳоли ва бино-иншоотлар хавфсизлигини таъминлаш бўйича бир қатор қўшимча чора-тадбирларни ишлаб-чиқиш ҳақида қарор чиқарди.

"Турли вазирлик ва муассасаларнинг 40 нафар вакилларидан иборат махсус ишчи гуруҳи ташкил этилиб, улар томонидан синчковлик билан олиб борилган ишлардан сўнг, аҳолини зилзила вақтида юзага келган фавқулодда вазиятларда ҳаракат қилиш комплекс дастури ишлаб чиқилди. Ушбу ҳужжатда, шунингдек, “Сейсмик хавфсизлик тўғрисида” янги қонунни ишлаб чиқиш кўзда тутилган”, — деб таъкидлади ФҲВ вакили.

Айни пайтда дастур келишув босқичида, Дастур тадбирларини амалга ошириш учун сарф-харажатлар давлат бюджети маблағи ҳисобидан молиялаштирилади.
Тайёрланаётган ҳужжатнинг энг муҳим жиҳатларидан бири шуки у Ўзбекистондаги барча биноларнинг зилзилабардошликка текширилиши ва паспортлаштирилиши механизмини ишлаб чиқилишини назарда тутади. Натижада, мутахассислар объектларнинг шу кундаги  ҳолати ҳамда уларнинг турли сейсмик фаолликларга бардошлилиги ҳақида аниқ маълумотга эга бўладилар.
Худди шундай амалиёт Ўзбекистонда умумтаълим мактабларига нисбатан 2010-2015 йилларда амалга оширилган эди. Тадқиқотлар натижасида, ўша вақтда мактабларнинг 4,3% бузиб, бошқатдан қурилишга, 24,2% капитал таъмирга, 29,3% капитал таъмирланишга ва 42,2% шу йилги таъмирга муҳтожлиги аниқланган эди.

205
Аллея на Ганге

Оқилов болалар орасида ҳам коронавирус билан касалланиш кўпаётганини маълум қилди

71
Коронавирусга қарши кураш штаби аъзосининг сўзларига кўра, ҳозирда педиатрик койкалар захираси тайёрланмоқда.

ТОШКЕНТ, 20 сен — Sputnik. Коронавирусга қарши кураш штаби аъзоси Ҳабибулла Оқилов Ўзбекистонда ҳам болалар орасида коронавирус билан касалланиш ортаётганини маълум қилди.

“Мана, мактаблар ишлашни бошлади. Табиийки, касалланиш сони бугунга келиб ошиб бормоқда. Минг афсус, Ўзбекистонда олдин болалар деярли касал бўлмаётганди, ҳозир болалар контингентининг ичида ҳам касалланиш бор. Шунинг учун биз педиатрик койкалар захирасини ҳам тайёрлаяпмиз ва педиатр кадрларни ҳам тайёрлаш режалаштирилган”, - деди у “Ўзбекистон 24” телеканалига берган интервьюсида.

Аввалроқ 17 сентябрь куни Ўзбекистонда коронавирус пандемияси бошланган буён биринчи марта 11 ёшли бола вафот этгани маълум бўлганди.

Бўстонлиқ тумани Ғазалкент шаҳрида истиқомат қилган 11 ёшли фуқаро 5 сентябрь куни туман тиббиёт бирлашмаси қабул бўлимига тез тиббий ёрдам машинасида олиб келинган. Болада ўша вақтда бурундан қон кетиши, тана ҳароратининг 38 даражага кўтарилиши, нафас сиқиши кузатилган. Кўкрак қафаси ренгени қилинганда 50 фоиз зарарланиш аниқланган.

Бола 2012 йилдан буён сурункали гломерулонефрит, нефротик шакли, сурункали буйрак етишмовчилиги, камқонлик ва семизликнинг учинчи даражаси ташхиси билан диспансер назоратида турган ва ногиронлик нафақаси олиб келган.

Кўрилган даво чораларига қарамасдан, бемор сурункалн гломерулонефрит, буйрак етишмовчилининг терминал босқичи, семизлик ва анемиянинг учинчи даражаси,  икки томонлама пневмониянинг оғир шакли натижасида вафот этган.

71
Теглар:
Ўзбекистон, коронавирус
Мавзу:
COVID-19 умумжаҳон пандемияси
Скончался ветеран узбекского футбола Наримон Джалолов

Ўзбек футболи фахрийси Наримон Жалолов вафот этди

53
(Янгиланган 12:14 20.09.2020)
Наримон Жалолов ўзбек футболи ривожига қўшган ҳиссаси учун “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

ТОШКЕНТ, 20 сен — Sputnik. Бугун, 20 сентябрь ЎФА Фахрийлар кенгаши раиси Наримов Жалолов 88 ёшида оламдан кўз юмди. Бу ҳақда Ўзбекистон Миллий олимпия қўмитаси матбуот хизмати хабар қилмоқда.

Наримон Жалолов 1931 йил 23 сентябрь куни туғилган. Унинг ташаббуси билан Тошкент шаҳри ва вилоятларида кўплаб стадионлар қад ростлаган.

1968 йилда “Пахтакор” клуби раҳбари сифатида ишлаган ва ўша даврда жамоа Собиқ Иттифоқ кубогининг финалига қадар етиб борган эди. Мустақилликнинг илк йилларида ЎФФ вице-президенти лавозимида ишлаган.

Наримон Жалолов ўзбек футболи ривожига қўшган ҳиссаси учун ҳукумат томонидан “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

53
Бомбардировщик-ракетоносец Ту-160 Владимир Судец Военно-космических сил России

Россия Ту-160 самолётлари янги жаҳон рекордини ўрнатди

53
Ту-160 бомбардимончи самолётлари парвози йўналиши Шимолий Муз океани, Тинч океани, Карск денгизи, Лаптевлар, Шарий-Сибирь, Чукотка, Баренцево денгизларининг нейтрал ҳудудлари бўйлаб ўтган.

ТОШКЕНТ, 20 сен — Sputnik. Россиянинг Ту-160 стратегик бомбардимончи самолётлари 19 сентябрь куни янги жаҳон рекордини ўрнатди. Бу ҳақда РИА Новости хабар қилди.

“Бугун узоқ парвозлар икки экипажи Ту-160 стратегик ракета ташувчиларида узоққа парвоз қилиш ва парвоз давомийлиги бўйича янги рекорд ўрнатишди. Россия ҲКК учувчилари 25 соатдан кўпроқ вақт ҳавода бўлиб, 20 минг километрдан ортиқ масофани учиб ўтишди”, - Россия Ҳаво-космик кучлари узоқ парвозлар қўмондони, генерал-лейтенант Сергей Кобилаш.  

Кобилаш ушбу тоифа самолётларда ҳали ҳеч ким бундан узоққа учмаганлигини қўшимча қилди.

2010 йилдаги аввалги рекордни ҳам Ту-160 ўрнатган. Ўшанда парвоз 24 соату 24 дақиқа давом этган.

Ту-160 бомбардимончи самолётлари парвози  йўналиши Шимолий Муз океани, Тинч океани, Карск денгизи, Лаптевлар, Шарий-Сибирь, Чукотка, Баренцево денгизларининг нейтрал ҳудудлари бўйлаб ўтган.

Америка журнали Россиянинг энг хавфли жанговар самолётини айтди

Парвоз ва қўниш Саратов вилоятидаги Энгельс аэродромида содир бўлди. Тўхтовсиз парвоз пайтида Ту-160 самолёти олти ва Ил-78 самолёти уч маротаба ҳавода ёнилғи қуйишни амалга оширди. Маршрутнинг айрим босқичларида ракета ташувчиларга Су-35 қирувчилари, шунингдек, хорижий давлатларнинг самолётлари ҳамроҳлик қилди. Россия бомбардимончиларининг парвози ҳаво ҳудудидан фойдаланиш бўйича халқаро қоидаларга қатъий риоя қилинган ҳолда амалга оширилган.

53