Тошкент Олимпия жамоасини кутиб олмоқда. Архив сурат

Ислом Каримов турли соҳа илғорларини мукофотлаш ҳақида қарор имзолади

632
(Янгиланган 02:10 25.08.2016)
Ўзбекистон Мустақиллигининг 25 йиллиги мунособати билан бир гуруҳ маданият, санъат, тиббиёт, ва ОАВ вакиллари мукофотланди.

ТОШКЕНТ, 24 авг – Sputnik. Ўзбекистон Республикаси президенти Ислом Каримов Мустақилликнинг 25 йиллиги мунособати билан бир гуруҳ маданият, санъат, тиббиёт, ОАВ ва ижтимоий соҳа вакилларини мукофотлаш ҳақида қарор имзолади, матбуот хизмати хабари асосида.

“Ватанимиз мустақиллигини мустаҳкамлаш, миллий ғояни ривожлантириш, маънавиятимизни тиклаш, ўзлигимизни англаш йўлида катта ҳисса қўшган, ёрқин истеъдоди ва ижоди, илмий фаолияти, ҳалол хизмати, ёшларни она юртга муҳаббат, истиқлол ғояларига садоқат руҳида соғлом ва баркамол этиб тарбиялаш ҳамда жамоат ишларидаги фаол иштироки учун қуйидагилар фахрий унвонлар ва орденлар билан тақдирлансин”, — дейилган қарор матнида.

“Ўзбекистон Республикаси санъат арбоби” унвони Миллий рассомлик ва дизайн институти доценти, рангтасвирчи рассоми – Фахриддинов Зайниддин Рамзиевич ва Алишер Навоий номидаги Ўзбекистон давлат академик катта театри саҳналаштирувчи режиссёри Слоним Андрей Евсеевичлар тақдирланган.  

“Ўзбекистон Республикаси фан арбоби” унвонига Ўзбекистон Миллий университетининг “Фотоника” кафедраси профессори Валиев Уйғун Воҳидович тақдирланган.

“Ўзбекистон ифтихори” унвонига, яқиндагина Риодаги олимпиада муваффақиятли иштирок этиб келган Ўзбекистонлик боксчилар, беш нафар олтин ва кумуш медал соҳиблари сазовор бўлган. Уларнинг исми шарифи бугун Республикада ҳаммага яхши таниш:   Ғоибназаров Фазлиддин, Ғиёсов Шахрам, Дўсматов Ҳасанбой, Зоиров Шаҳобиддин ва Мелиқўзиев Бектемир.  

Ундан ташқари Олимпиадада бронза медали олган спортчиларга “Ўзбекистон Республикасида хизмат кўрсатган спортчи” ва “Меҳнат шуҳрати” орденлари берилди.

“Ўзбекистон Республикаси халқ артисти” унвони Ўзбек Миллий академик драма театри актёрлари — Ашурова Зуҳра Жўраевна, Зокирова Гавҳар Акмаловна ва Қорақалпоқ давлат мусиқали театри бош балетмейстери Шарипов Абибулла Нагметовичларга тақдим қилинган.

“Ўзбекистон Республикаси халқ бахшиси” унвони Сурхондарё вилояти Шеробод тумани маданият ва аҳоли дам олиш маркази мутахассиси, бахши — Хўжамбердиев Шодмон Эгамбердиевичга берилган.

“Ўзбекистон Республикаси халқ ёзувчиси” унвони “Тафаккур” журнали бош муҳаррири — Аъзамов Эркин Нормаматовичга берилган.

“Ўзбекистон Республикаси халқ шоири” унвони Ўзбекистон Ёзувчилар уюшмасининг Фарғона вилояти бўлими раҳбари Сиддиқова Энахон Абдураҳимовнага берилган.

“Ўзбекистон Республикаси халқ устаси” унвонига Бухоро махсус илмий-таъмирлаш ишлаб чиқариш бошқармаси реставратори — Абдиев Олим Жабборович, "Устазода" халқ санъати усталари корхонаси ёғоч ўймакор устаси — Ғаниев Зокир Ваҳобович ва  “Ҳунарманд” уюшмасининг Самарқанд вилояти бошқармаси аъзоси, уста-кулол — Исматиллаев Холмаҳаматлар сазовор бўлишди.

“Ўзбекистон Республикаси халқ ўқитувчиси” унвонига Тошкент вилояти Ўрта Чирчиқ туманидаги 16-умумий ўрта таълим мактабининг бошланғич синф ўқитувчиси — Солиева Ҳури Мелихўжаевна  сазавор бўлди.

Шунингдек “Ўзбекистон Республикасида хизмат кўрсатган артист” унвони билан 13 киши, “Ўзбекистон Республикасида хизмат кўрсатган ёшлар мураббийи”унвони билан 5 киши “Ўзбекистон Республикасида хизмат кўрсатган журналист” унвони билан 3 киши, “Ўзбекистон Республикасида хизмат кўрсатган маданият ходими” унвони билан 14 киши,  “Ўзбекистон Республикасида хизмат кўрсатган соғлиқни сақлаш ходими” унвони билан 6 киши, “Ўзбекистон Республикасида хизмат кўрсатган спорт устози” унвони билан — 8 киши, “Ўзбекистон Республикасида хизмат кўрсатган спортчи” унвони билан 8 нафар спортчилар тақдирланди.

“Эл-юрт ҳурмати” ва “Фидокорона хизматлари учун” ордега 2 нафардан, “Меҳнат шуҳрати” орденига – 22 нафар ва  “Дўстлик” орденига 18 фуқаро сазавор бўлди.

Ундан ташқари “маънавий-маърифий ва ижтимоий ислоҳотлардаги фаол иштироки, самарали меҳнати, ёш авлодни Ватанга муҳаббат, миллий ва умуминсоний қадриятларга ҳурмат руҳида тарбиялаш ишига қўшган ҳиссаси учун” 62 нафар турли соҳа вакиллари “Шуҳрат” медали билан тақдирланди.

632
Открытие могилы Амира Темура в мавзолее Гури Амира в Самарканде

“Ўзархив” илк бор Амир Темур қабри очилиши суратларини оммага кўрсатди

18
(Янгиланган 17:50 26.10.2020)
Самарқанд шаҳрида жойлашган Гўри Амир мақбарасидаги Амир Темур қабри очилиши акс этган суратлар омма эътиборига ҳавола этилди.

ТОШКЕНТ, 26 окт — Sputnik. “Ўзархив” агентлиги Самарқанд шаҳрида жойлашган Гўри Амир мақбарасидаги Амир Темур қабри очилиши акс этган суратларни омма эътиборига ҳавола этди.

1941 йил Амир Темур қабрини очилиши экспедициясига академик Т.Н.Қори-Ниёзий ва антрополог М.М.Герасимовлар бошчилик қилган.

Открытие могилы Амира Темура в мавзолее Гури Амира в Самарканде
Агентство "Узархив"
Открытие могилы Амира Темура в мавзолее Гури Амира в Самарканде

Таъкидланишича, ушбу фото ҳужжат Самарқанд вилоят давлат архивида сақланмоқда. 

Открытие могилы Амира Темура в мавзолее Гури Амира в Самарканде
Агентство "Узархив"
Открытие могилы Амира Темура в мавзолее Гури Амира в Самарканде

1941 йилнинг апрель ойида Самарқанддаги Амир Темур, Улуғбек, Қозизода Румий даҳмаларини очишга рухсат бериш тўғрисида қарор қабул қилинган эди

18
Медицинский работник производит экспресс-анализ крови

Қайси қон гуруҳи COVIDга кўпроқ чалиниши маълум бўлди - вирусолог

82
(Янгиланган 16:54 26.10.2020)
Жамланган статистик маълумотларга кўра коронавирус билан касалланганлар орасида энг кўп учрайдигани - II гуруҳ ва энг кам учрайдигани бу - I гуруҳ.

ТОШКЕНТ, 26 окт – Sputnik. Қайси қон гуруҳига мансуб кишилар COVIDга чалиниши аниқланди, деди Sputnik мухбирига тиббиёт фанлари доктори, шифокор- вирусолог, профессор Анатолий Альтштейн.

“Дарҳақиқат иккинчи қон гуруҳи – юқори рискли гуруҳ ҳисобланади: касалликка чалинганларнинг катта қисми – иккинчи қон гуруҳига мансуб кишилардир”, - деди профессор.  

Ўтказилган статистик изланишларга кўра, зараланганлар энг кам учрайдиган қон гуруҳи, бу - биринчи гуруҳ.

Шифокор айтишига кўра, ушбу статистик маълумотлар фақат коронавирусга чалиниш билан боғлиқ ва қон гуруҳларининг бошқа хусусиятларини акс эттирмайди.

Эслатиб ўтамиз, дунёда биринчи ва иккинчи қон гуруҳлари энг кенг тарқалган қон гурҳлари ҳисобланади 35% ва 45 %,  учинчи гуруҳ – 15 %, 4 гуруҳ – 5%.

Шифокор- вирусолог Анатолий Альтштейн билан тўлиқ суҳбатни қуйида тинглаш мумкин.

Пациенты с какой группой крови чаще всего заболевают COVID — ответ вирусолога

82