Узбекский плов

Ўзбекистон - МДҲнинг энг олийҳиммат ва саховатли мамлакати

828
(Янгиланган 10:32 26.10.2016)
World Giving Index 2016 – Жаҳон сахийлик индексида Ўзбекистон шарафли 11 ўринни эгаллади.

ТОШКЕНТ, 26 окт — Sputnik. Жаҳон рейтингида биринчи ўринни Мьянма эгаллади, деб хабар қилмоқда Nuz.uz саҳифаси Charities Aid Foundation маълумотларига асосланиб.

Иккинчи ўринда – АҚШ, учинчи ўринда – Австралия. Тўртинчи ва бешинчи ўринларда Янги Зеландия ва Шри Ланка. Улардан кейинги ўринларда: Канада, Индонезия, Буюк Британия, Ирландия, БАА. 11 ўринда – Ўзбекистон, МДҲ мамалкатлари орасида биринчи. 15 ўринда – Туркманистон.

Рейтингда кўрсатилишича, Ўзбекистонликларнинг 67% — муҳтож бўлган нотаниш одамга ёрдам кўрсатишга таёр, 62% — доимий равишда хайрия фондларига пул ўтказиб туришади, 27% эса – кўнгилли равишда хайрия ишлари билан шуғулланишади.

Ўзбекистонга қўшни бўлган бошқа мамалктлар эса анча орқада қолиб кетишган. Масалан, Қирғизистон – 34, Афғонистон – 78, Тожикистон – 87, Қозоғистон – 96,  Арманистон ва Озарбайжонлар – 130, 131 ўринларда.

Белоруссия – 100 ўринда, Украина – 106, Россия эса — 126 ўринга жойлаштирилган. Энг охирги 140 ўринда – Хитой жойлашган.

Эслатиб ўтамиз, CAF фондининг ушбу сўрови Gallup компаниясининг бутун дунё аҳолиси орасида ўтказилган сўровлари натижаларига кўра белгиланган. Сўровда дунёнинг 140 мамлакатидан 148 минг киши иштирок этган.  

Мамлакатнинг рейтингдаги ўрни уч кўрсаткичнинг ўртача қиймати билан белгиланади:

  • Хайрия фондларида тўпланган маблағлар ҳажми
  • Фуқароларнинг хайрия тадбирларида қатнашиши
  • Нотаниш одамларга ёрдам кўрсатиш 

Шуни тан олиш керакки, хайрия ишлари яхши ривожланган мамлакатларнинг кўпи – оғир иқтисодий аҳволда. Ушбу рейтингнинг энг юқори 20та ўринида — фақат 5 та ривожланган мамлакат ўрин олган. Шундан хулоса қилиб айтиш мумкин-ки, саховать ва мурувват даражаси табий офат ва бошқа фалокатлар билан боғлиқ.

Масалан, Ироқ ва Ливияда ҳарбий можаролар давом этаётганига қарамасдан – олийҳимматлик ва саховат даражаси жуда юқори ўринда сақланиб қолган. 2015 йилда кучли ер қимирлаш содир бўлган Непалда ҳам вазият шундай.

Рейтинг шуни кўрсатадики — фуқаро урушлари, табиий офатлар юз берган мамлакатларда саховат  ва олийҳимматлилик даражаси кескин кўтарилар экан. Фақат қийинчилкни ўз бошдан кечирган одам – ушбу хайрия ва мурувват ишларининг қанчалик муҳим эканини тушунади.  

828

Ўзбекистонда коронавирус: 29 сентябрь асосий хабарлари

27
Сутка давомида 374 кишида коронавирус аниқланди, Ўзбекистонда коронавирус инфекцияси қайд этилганлар сони 56 252 нафарни ташкил қилмоқда.

ТОШКЕНТ, 29 сен — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 374 кишида коронавирус аниқланди, Ўзбекистонда коронавирус инфекцияси қайд этилганлар сони 56 252  нафарни ташкил қилмоқда.

Янги касалланиш ҳолатларининг 176 нафари Тошкент шаҳрида, 8 нафари Тошкент вилоятида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 393 нафар бемор тузалди. Республика бўйлаб жами соғайганлар сони 52 859 нафарга етди. Соғайиш кўрсаткичи 94 фоиз.

Айни пайтда 2 928 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 4 нафар бемор вафот этди.

Ўзбекистонда жами 465 киши пандемия қурбони бўлди.

Ўзбекистонга Қозоғистон орқали қайтишни ҳозирча режалаштирманг – ТИВ

Ўзбекистон ТИВ сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси 1 октябридан очилиши ҳақида тарқатилаётган хабарларга ишонмасликка чақирмоқда. Ҳозирда ватанга қайтишни истагидаги Ўзбекистон фуқаролари учун авиа, темир йўл ва автобус чартер қатновлари ташкил этилмоқда. Ушбу рейсларга чипталар онлайн тарзда сотилмоқда.

Чартер

Uzbekistan Airways Москва ва Санкт-Петербург шаҳарларидан Ўзбекистон фуқароларини олиб чиқиш мақсадида амалга оширилаётган чартер парвозлар янги жадвалини эълон қилди.

Шунингдек, Қозон шаҳридан Ўзбекистон фуқароларини ўз ватанига қайтариш бўйича чартер парвозларга билетлар сотиш бошланди.

Дунё саломатлиги

Дунё бўйлаб инфекцияни юқтириб олган кишиларнинг сони 33,6 миллиондан ошди, 1 миллиондан ортиқ  киши вафот этди, 24,9 миллион киши тузалди. Энг кўп ҳолатлар АҚШда (7,4 млн), Ҳиндистонда (6,1 млн), Бразилияда (4,7 млн).

27
Мавзу:
COVID-19 умумжаҳон пандемияси

“Юксалиш” масъулларни коронавирусга оид кунлик батафсил ҳисобот эълон қилишга чақирди

19
(Янгиланган 17:29 29.09.2020)
Ташкилот ёпиқлик, айрим масалалар юзасидан сукут сақлаш ва ноаниқлик ваҳима, миш-мишлар тарқалишининг, ахборот маконида фейклар кўпайишининг омиллари бўлиб, пировардида фуқароларда ҳукуматга нисбатан ишончсизлик ортишига олиб келади деб ҳисоблайди.

ТОШКЕНТ, 29 сен — Sputnik. “Юксалиш” умуммиллий ҳаракати фуқароларни мамлакатдаги вазият ҳақида ишончли статистика ва холис ахборот билан таъминлаш муҳимлигини маълум қилди.

Ташкилот COVID-19 инфекцияси билан касалланиш ва ўлим ҳолати статистикаси қанчалик ишончлилиги, таҳлил натижаларини қанчалик тез олиш имкони борлиги, коронавирусга қарши кураш бўйича махсус штаб таркибига қайси шахслар киритилгани борасида қатор саволлар билан тегишли идораларга мурожаат қилган.

“Юксалиш” умуммиллий ҳаракати масъул идоралар раҳбарларини қуйидагиларга чақиради: 

  • Республика махсус комиссияси ва Соғлиқни сақлаш вазирлиги мамлакатда COVID-19 тарқалиши билан боғлиқ вазият тўғрисида фуқароларни тўлиқ ва холис ахборот билан таъминлаб бориш, хусусан, коронавирус инфекцияси тарқалишининг аниқ кўрсаткичлари ва ўчоқлари, уйда даволанаётган одамлар, вафот этганлар сони кўрсатилган кунлик батафсил ҳисоботларни эълон қилиб бориш;
  • COVID-19 юқиши натижасида келиб чиққан пневмония ҳолатларини ва коронавирус инфекциясини яхлит статистик маълумотлар кўринишида бирлаштириш, шу жумладан пневмонияни юқтирган ва унинг оқибатида вафот этганлар сонини тақдим этиш;
  • Коронавирусга қарши кураш бўйича штаб аъзоларининг тўлиқ рўйхатини жамоатчиликка тақдим этиш;
  • Фуқароларни эпидемиологик вазият ҳақида хабардор қилишга қаратилган брифинг ва матбуот анжуманларида вазирлик ва идоралар раҳбарияти даражасидаги ваколатли шахслар, Республика махсус комиссияси аъзоларининг иштирок этишини таъминлаш.

Ташкилот ёпиқлик, айрим масалалар юзасидан сукут сақлаш ва ноаниқлик ваҳима, миш-мишлар тарқалишининг, ахборот маконида фейклар кўпайишининг омиллари бўлиб, пировардида фуқароларда ҳукуматга нисбатан ишончсизлик ортишига олиб келади деб ҳисоблайди. Давлат раҳбари коронавирус инфекцияси билан зарарланишнинг ҳақиқий ҳолати бўйича рақамларни яширишга мутлақо йўл қўймаслик тўғрисида барча ҳоким ва раҳбарларни огоҳлантирган. Бунга уриниш жиноий жавобгарликкача бўлган қатъий чораларга олиб келиши мумкинлигини таъкидлаган.

Таъкидланишича, ишончли, холис, ўз вақтида берилган маълумотлар фуқароларга асосли қарорлар қабул қилишга, ўзлари ва бошқаларнинг соғлиғини ҳимоя қилиш учун масъулият билан ёндашишга имкон беради.  

“Пандемия бутун дунёда тўлиқ бартараф этилмас экан, хотиржамликка берилиб бўлмайди. Барча юртдошларимизни хушёрликка, жуда эҳтиёткорлик билан карантин ва санитария-гигиена қоидаларига қатъий амал қилишга чақириб қоламиз”, - дейилган мурожаат сўнгида.

Сўнгги маълумотларга қараганда, Ўзбекистонда жами 56 252 коронавирус билан касалланган. Шулардан 52 859 нафари тузалиб кетган. 465 киши эса вирус қурбонига айланган.

19
Мавзу:
COVID-19 умумжаҳон пандемияси

Озарбайжон ва Арманистон ўқ отишни тўхтатиш ҳақида келишувга эриша оладими?

0
(Янгиланган 18:31 29.09.2020)
Тоғли Қорабоғда вазият янги куч билан кескинлашди. 27 сентябрда тан олинмаган республикада қуролли тўқнашувлар бошланди. Қарама-қарши кучлар - Озарбайжон ва Арманистон бир-бирини провокацияда айбламоқда.

Иккала мамлакат душман ҳужуми ва мажбурий қаршилик операциясини эълон қилади. Тўқнашувлар ҳарбийлар ва тинч аҳоли орасида қурбонларга олиб келади.

1994 йилдан бери Қорабоғда бундай кескин вазият бўлмаганди - очиқ тўқнашувлар сусайганди. Аммо қарама-қаршилик давом этди. Ҳуқуқий жиҳатдан Тоғли Қорабоғ Озарбайжон ери, гарчи 1991 йилда, референдум натижасида республика ўз мустақиллигини эълон қилди.

ДунёдаТоғли Қорабоғнинг мустақиллиги ҳануз дунёда тан олинмаган. Тарихан эса Тоғли Қорабоғда асосан арманлар яшайди. Ҳозирги баҳсли ҳудуддаги вазият ҳақида батафсил видеомизда.

0