Амир Темур ҳайкали, Тошкент, архив сурат

Алишер Навоий ва Ислом Каримов ҳайкалини қуриш кимга топширилади?

3165
(Янгиланган 12:05 01.12.2016)
Шавкат Мирзиёев Тошкент шаҳри сайловчилари билан ўтказган учрашуви чоғида атоқли ҳайкалтарош Илҳом Жабборов номини тилга олиб, "бу инсоннинг ижодидан ҳар қанча фахрланиб гапирсак арзийди", деб таъкидлаган эди. Ана шундан сўнг ижтимоий тармоқларда "Ислом Каримов ҳайкалини Жабборов яратармиш" деган тахминлар болалаб кетди

ТОШКЕНТ, 1 дек — Sputnik, Танҳо Саттарова. Ўзбекистон Республикаси Президентлигига номзод Шавкат Мирзиёев 24 ноябр куни Тошкент шаҳри сайловчилари билан ўтказган учрашуви чоғида ўзбек санъатига ҳисса қўшаётган истеъдод соҳибларини бирма-бир санаб ўтган эди.

Буюк санъаткорлар – Мулла Тўйчи Тошмуҳаммедов, Юнус Ражабий, Маннон Уйғур, Аброр Ҳидоятов, Шукур Бурҳонов, Карим Зокиров, Қудрат Хўжаев, Ғани Аъзамов, Зикир Муҳаммаджонов, Ботир Зокиров, Эргаш Каримов каби ўнлаб, юзлаб истеъдод соҳиблари маданиятимиз тарихида ёрқин из қолдирганини барчамиз яхши биламиз", деб айтган Мирзиёев, "атоқли рассом ва ҳайкалтарошларимиз Жавлон Умарбеков, Баҳодир Жалолов, Владимир Бурмакин, Илҳом Жабборов, Акмал Икромжонов, машҳур халқ устаси Ортиқ Файзуллаевларнинг ижоди ҳақида ҳар қанча фахрланиб гапирсак, арзийди", — деб қўшимча қилган эди.

Ана шундан сўнг ижтимоий тармоқ фойдаланувчилари орасида Ўзбекистоннинг Биринчи президенти Ислом Каримов хотирасига бунёд этиладиган ҳамда марҳум президент қарори билан ташкил қилинган Алишер Навоий номидаги Тошкент давлат Тил ва адабиёт университети олдига қўйиладиган Алишер Навоий ҳайкаллари Мустақил Ўзбекистон рамзларига айланган учта монумент муаллифи, Ўзбекистоннинг энг олд ҳайкалтарошларидан бири Илҳом Жабборов томонидан яратилармиш деган гап-сўзлар болалаб кетди.

Ильхом Жабборов
фото из архива Академии художеств Узбекистана
Илҳом Жабборов, Ўзбекистон Бадиий академиясининг академиги, ҳайкалтарош, Ўзбекистонда хизмат кўрсатган санъат арбоби

Бу гап-сўзлар қанчалик ҳақиқатга яқинлигини аниқлаш мақсадида Ўзбекистон Бадиий академияси билан боғландик.

"Айни пайтда ҳужжатлаштириш ишлари олиб борилаётгани сабабли, ҳайкалларни ким қуриши борасида аниқ маълумот бера олмаймиз", — дея жавоб қайтарди академия вакили.

Ҳайкалтарош Илҳом Жабборовни эса топишнинг иложи бўлмади. Спутник Ўзбекистоннинг ишончли манбаси маълумотларига кўра, "Ҳайкалтарош ўз ишини ташлаб, тоққа узлатга чиқиб кетган".

Эслатиб ўтамиз, Илҳом Жабборов Тошкентдаги Фурқат (бронза, гранит, 1982; меъмори С. Сутягин), Ургутдаги Навоий (мис, 1985), Намангандаги Машраб (мис, 1988), Тошкент (1992), Самарканд (1997) ва Шаҳрисабз (1997)даги Амир Темур ҳайкаллари (бронза; меъмори Ф. Ашрафий), Фарғонадаги Ал Фарғоний (бронза, 1998), Тошкентдаги "Она" (бронза, 1999), Урганчдаги Жалолиддин Мангуберди (2000) ҳайкаллари муаллифидир. "Меҳнат Шуҳрати" ордени билан мукофотланган (2001).

Памятник Амир Тимуру
Амир Темур ҳайкали
3165
Теглар:
хиёбон, ҳайкал, Алишер Навоий, университет, тил ва адабиёт, Ислом Каримов, Илҳом Жабборов, Шавкат Мирзиёев, Ўзбекистон
узбекский региональный аэропорт

Эрон авиакомпанияси Самарқанд ва Бухорога парвозларни йўлга қўймоқчи

104
Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

ТОШКЕНТ, 22 янв — Sputnik. Zagros Airlines Самарқанд ва Бухорога авиақатновларни йўлга қўймоқчи.

Бугун Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

Транспорт вазири ўринбосари Жасурбек Чориев ва “Zagros Airlines” авиакомпаниясининг Ўзбекистондаги бош вакили Мортеза Шейхассани билан бўлиб ўтган мулоқотда икки давлат ўртасида мунтазам ҳаво қатновларини қайта тиклаш масаласи муҳокама қилинди.

Шунингдек, авиакомпания вакиллари йўналишлар географиясини кенгайтириш, транзит салоҳиятини ривожлантириш ва парвозлар сонини ошириш бўйича қатор таклифларни билдирди. Хусусан, “Zagros Airlines” авиакомпанияси Эроннинг турли шаҳарларидан Самарқанд ва Бухорога авиарейслар қўйиш истагида эканлигини маълум қилди. 

104
Разметка выделенной полосы для движения общественного транспорта

Тошкент кўчаларида “А” махсус ажратилган йўлаклар ташкил этилади - рўйхат

106
Автобус, йўналишли такси, тез тиббий ёрдам, ўт ўчирувчи машиналар ҳаракати учун Тошкент шаҳридаги 10 та кўчаларда алоҳида ажратилган йўлаклар ташкил этиш режалаштирилмоқда.

ТОШКЕНТ, 22 янв — Sputnik. Автобус, йўналишли такси, тез тиббий ёрдам, ўт ўчирувчи машиналар ҳаракати учун Тошкент шаҳридаги 10 та кўчаларда алоҳида ажратилган йўлаклар ташкил этиш режалаштирилмоқда.

Тошкент шаҳридаги 10та кўча:

1. Бобур кўчаси (Халқаро аэропорт бекатидан Сеул кўчаси кесишмаси);

2. Фурқат кўчаси (Сеул кўчасидан Ислом Каримов кўчаси кесишмаси);

3. Кичик ҳалқа айланма йўли (Шота Руставели кўчасидан Фарход кўчаси кесишмаси);

4. Фарход кўчаси (Кичик ҳалқа айланма йўлидан Лутфий кўчаси кесишмаси);

5. Лутфий кўчаси (Фарход кўчасидан Муқимий кўчаси кесишмаси);

6. Муқимий кўчаси (Лутфий кўчасидан Шота Руставели кўчаси кесишмаси);

7. Фарғона йўли кўчаси (Қўшкўприк кўчасидан Қўйлиқ ота кўчаси кесишмаси);

8. Истиқбол кўчаси (Нукус кўчасидан Шаҳрисабз кўчаси кесишмаси);

9. Ахмад Дониш кўчаси (Тошкент ҳалқа айланма йўлидан Нурафшон кўчаси кесишмаси);

10. Себзор кўчаси (Нурафшон кўчасидан Абдулла Қодирий кўчаси кесишмаси)га қадар алоҳида йўлаклар ажратиш кўзда тутилмоқда.

106
Теглар:
ИИВ, Тошкент, Ўзбекистон
Шавкат Абдукамилов, начальник управления науки, инновации и подготовки кадров агенства УзАтом

Абдукамилов: битирувчи-атомчилар дарҳол ўзбек АЭСи пультига яқинлаштирилмайди

79
"Ўзатом" агентлигининг Илм-фан, инновациялар ва кадрлар тайёрлаш бўлими бошлиғи Шавкат Aбдукамилов атом энергетикаси бошқаруви тизимига тўлиқ кириш имкониятига эга бўлишидан олдин атом соҳасидаги ёш мутахассисларни нималар кутиши ҳақида гапирди

Ўзбекистонда 2028 йилга қадар Марказий Осиёда биринчи атом электр станциясини барпо этиш режалаштирилган. Бироқ, кадрларни тайёрлаш жараёни анча олдин бошлаб юборилган. Хусусан, кадрлар нафақат Тошкентдаги НИЯУ МИФИ томонидан, балки республика олийгоҳларидаги алоҳида мухсус факультетлар томонидан ҳам тайёрланмоқда.

Шавкат Абдукамиловнинг сўзларига кўра, атом энергетикаси сингари энг муҳим соҳада мутахассисларни тайёрлаш олий таълим муассасасида олинган таълим билан чегараланмайди - бу тайёргарликнинг биринчи пиллапоясидир, холос.

"Бу, зинҳор, атомчи-битирувчилар дипломларини олганларидан сўнг дарҳол AЭС энергия блокларини бошқариш имкониятига эга бўлишларини англатмайди. Кадрларни тайёрлаш - узлуксиз жараёндир. Шу тарзда, ёш мутахассислар қурилиш жараёнида ва ишга тушириш босқичларида фаол иштирок этишади ва иш моҳиятини ўрганадилар. Бундан ташқари, Россиядаги шунга ўхшаш АЭСларда, хусусан, Нововоронеждаги АЭСда мажбурий стажировкалар режалаштирилган. Булардан ташқари, биринчи блок ишга туширилгандан сўнг, қурилаётган иккинчи блокнинг мутахассислари ўқув машғулотлари мақсадида ишлаётган реакторда ҳамкасблари билан биргаликда барча ҳаракатларни машқ қиладилар", - дея изоҳ берди "Ўзатом" вакили.

Aйтганча, Ўзбекистондаги бўлажак АЭСнинг биринчи объекти бошқарув панелининг тўлиқ ўлчамдаги моделига эга ўқув мажмуаси бўлади. Aйнан ушбу тренажерда станциянинг бўлажак операторлари тажрибали ҳамкасблари ва муҳандислар раҳбарлигида ҳар қандай фавқулодда вазиятларда ўз ҳаракатларини машқ қилиб, маҳоратларини оширишади.

Мамлакат атом саноати фаолияти учун кадрлар тайёрлаш методикаси ҳақида Sputnik Ўзбекистон радиоподкастида рус тилида тингланг.

Абдукамилов: выпускников-атомщиков никто сразу не допустит к пульту АЭС
79
Теглар:
АЭС